Populiarios Biblijos eilutės iš Wepélisiananu 6

Dalintis

Gakelebale bli kyɛ dɔ yé a bli nɔla mi kɛlɛle ma tɛrɛ la.

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Naa, Noé kɛlɛ mi zin nya Gakelebale yuɛ gi.

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

Yé Gakelebale léé: Mɛmalé maa mi kɛlɛ tɛrɛ laa? Mi lé maa kɛlɛ bɛ, maa dan a si lɛ tɛrɛ la tata; yee koo, winu koo, tawoplɛlawinu koo, lagi mianénu koo, maa dan wo faa si lɛ tɛrɛ la tata.

Mi kɛlɛle di pélisia aan wo tɛrɛ la, wo nélomu yaa, yé Bale benu munu lunu ye, léé, wa nɔnɔmi, yé wo wo si ’wo nanu nya, é sɔ wo lɛ fɛan zo, a zo. Yé Gakelebale léma: An léli ’ka dan vo lɛ mi gi yifaama lo. Munu a wimi nya é pla, yé wolé tɛrɛlalɛɛ é dan kɛlɛ lɛ sin yɔ suiɛdo. ’Bɛ bléyi va, ’té gɔné glaliglalinu a tɛrɛ la. Yé ’bɛ zuo é ziin, dé Bale benu go munu lunu zuo, yé ’bɛnu né yaa wo lɛ, wolé nénu kɛlɛ nyanazannu nya, yé wo ɛ tɔ ye é li.

Yee lé Noé a kɛlɛ; we faa lé Bale a fe a lɛ, é a kɛlɛ.

Yé Gakelebale lé Noé lɛ léé: Mi faa lé we nyaa; maa ɛ fe; naa, wo glawe kɛlɛle sɔɔla tɛrɛ faa la, amalé maa dan wo guru zana lɛ a gi, tɛrɛ boen koo é ziin.

’Izé ’yitagoro kɛlɛ goféyili nya. ’I ’yitagoro gi bɔi kɔnnénu nya, yé ’i wele gié a gi valé a lala.

Gakelebale tɛrɛ nagini yé é a ye léé, é sɛrɛ; mi faa ébo lé tawobɛ sɛrɛ tɛrɛ la.

Fɛ faa lé ke é yuɛma, ’i wo si fié fié gɔnɔ do do gi; ’i wo wɔra ’yitagoro gi yé wo vo é yuɛma i va. A gɔné ’é kɛlɛ do, yé a da ’é kɛlɛ do.