Populiarios Biblijos eilutės iš Lukas 10

Dalintis

Sabap diri do soromono mujuno do noonuanKuno ikovu do kuasa mamasok do vulanut om kalajangking, om kuasa do lumavan diri musu, om ausono dii pokoruol dikovu.

Nga jawapno dii i Tuhan, “Adii dika Marta! Oguuno dii marong kosuraannu. Ombo bala iti kountungan nopo marong nga isooi, irino mongorongou di ponudukan mantad di Kinoringan, om irino nopili di Moria do au osolod di tulun vokon,” kadi Yisus.

Om jawapno dii isido do ka, “ ‘Misti do ovi-oviono ino ginavonu, om ovi-oviono ino kovijaannu, om ovi-oviono ino kogiratannu, om ovi-oviono ino sinoromonu do auko kojuu di Tuhan i Kinoringannu,’ ka. Om, ‘Misti do auko kojuu di tulun vokon irad dino kojuvannu kondiri,’ kadi nokotulis siri Kitab,” kadi guru do Undang-undang Ugama do Joudi.

Om diri aupo mampanau iolo om minaganu Isido do iso poiradan do oguu tulun do sirongou di Abar do Aandai irad do parai naansak, do kaDisido, “Agajo daa iti tomoton nga okuyak tokou do mongomot. Sabap diri do pokianu kouno do Tuhan, i sanganu do tomoton, supaya monuu Isido di tongotulun vokon do mongoi mongomot siri dumoJo.

Nga pongoduatno dii i Yisus di guru do Undang-undang Ugama do Joudi do ka, “Isaino dii naku diolo tolu tulun do au kojuu di tulun inavangan di tongoparampuk?” kadi Yisus. Nga jawapno dii i guru do Undang-undang Ugama, do, “Iri minonulung di tulun kinuvo di parampuk,” ka. Om kadii di Yisus, “Pampanauno pogi om sugutno di gaagaya di tulun Somoria,” kaDisido.

Pampanau kouno! SuuonKu ikovu irad di tanak do kambing biri-biri mongoi siri pantok do tulun taraat irad di kaakaa.