Populiarios Biblijos eilutės iš ยอห์น 4

Dalintis

จอแปแหร่ หม่า หม่าแหย่โยบูโพ๊ แบ่เจ่, เร๊อ แกแย เด๊อ อา จ๊อเบแถ่ อา เต๊เห่เนอ, อา โตเบ่ จ๊อเบแถ่ อา เด๊อ ซิปล่อกี่กู เร๊อ เตหมะเตจ๊อ อากู.”

หม่าแน๊เรอ แกแย เด๊อ อา จ๊อเบ ชาเผร่แหน่ เจ๊อ เพ จอแปแหร่ เต๊เห่เนอ, ม๊อเนอม๊อเซ เด๊อ เหย่ซี เก่ จ๊อเบ เด๊อ แหย่โยตากยา เร๊อ เตอาจ๊ออาเต เนอ, อา เก่ แฮโต่ ปา. อา แฮโต่ เจ๊อ เฮ๊อ กู๊แหน่ เฮ๊อ. เมเตเฮ๊เรอ เพ จอแปแหร่ แม๊ปู แกแย เด๊อ อา จ๊อเบแถ่ ลู ฮู๊เนอ เต๊เห่ เฮ๊อ.

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

เพรเหมาะ เนอเตเพร เฮ๊ฉื่อ ลู เน๊อ, “ซ๊าร๋า เน จว๊า แด๊แถ่ แจ่ เทอ เด๊อ อา เด๊อะ อู ซิปล่อเซอเพร เออเนอ เบ๊อะปา? เน เทอเหล่ดื่อ เร๊อ อา โอ่ โต่โต่, เทอกลื่อ เออต๊ออ่อเนอ อา แย แหน่เจ๊อเรอ.

อา เฮ๊ฉื่อ เหย่ซู่ เน๊อ, “แว ซิเง เร๊อ เมสิยาห์ หม่า เฮ๊อ (เพรเมแลเปล๊กา) เออเนอ เก่ แฮ ปา, เร๊อ เบ๊อะอา แฮโต่ ปา เบ๊อะเนอ, อา เก่ แฮแด๊โฉ่ เป่ เป เตล๋อ ปลี ปา อา เฮ๊ ฮู๊เนอ.” เหย่ซู่ เฮ๊ฉื่อ อา เน๊อ, “แกแย เด๊อ อา เฮ๊เบ่ เร๊อ เน กู๊แหน่เออ เตเพร เนอหม่า หม่า เนอเตเพร เฮ๊อ.”

“แฮ แม๊เกอ แลแค มอ แว แกแย เตเพร เล๊! อา เฮ๊โพร ลอปลี เจ๊อ ล๊อ แว เมกาโทเฮ๊อ เนอเต๊เห่ เจ๊อ. อา หม่า ครี๊ เจ๊อ แอ?”