Populiarios Biblijos eilutės iš Матвей 6

Dalintis

Мекевланк – весемеде пек вешнеде Пазонь Инязорксчинть ды Сонзэ мелензэ топавтоманть, ды сестэ те весемеськак тыненк максови.

Истя эно, тынь илядо мелявто вандынь чинть кисэ. Вандынь чинть сонсензэ мелявксонзо. Эрьва чинть сатыть эсь мелявксонзо».

«Секскак кортан тыненк: илядо мелявто эрямонк кисэ, мезде тенк ярсамс эли мезде симемс, ды рунгонк кисэяк, мезе тенк оршамс. Эдь эрямось – ярсамопельде питней ды рунгоськак – оршамопельде питней.

Тон, зярдо ознат, совак эсеть икельце кудос, пекстык кенкшенть ды ознок эсь а неявиця Тетянтень. Сестэ тонь Тетясь, кона несы сеньгак, мезе тееви салава, пандсы теть неемга.

Тынь ознодо вана истя: Менелень минек Тетянок! Иневаньксэкс улезэ Тонь леметь. Сазо Тонь Инязорксчить. Топавтовост Тонь мелеть-арсемат масторлангсояк, кода менельсэ.

Максыкая миненек течи эрявикс кшинек-салонок.

Нолдыть минек теевть пежетенек, кода миньгак нолдтнетяно минек икеле чумосотненень.

Илямизь нолда снартнемас-варчавтнемас, мекевланк – менстямизь Апародонть, эдь Тонь ули Инязорксчись, виеськак, шнамоськак пингеде пингес. Аминь.

Бути карматадо лия ломантненень нолдтнеме-простямо сынст чумост-тапавксост, сестэ менелень Тетянк тынккак чумонк нолдасынзе-простясынзе.

Варштадо менелень нармунтнень лангс: сынь а видить, а нуить, утомскак а пурныть. Ялатеке Менелень Тетянк сынст три-ваны. Арази тынь аволь седе питнейть нармунтнень коряс?

«Илядо пурна эстенк сюпавчи масторлангсо, косо ки суксоськак сэви, чеменеськак кери, косо салыцятнеяк кудос совсить саламо. Мекевланк – пурнадо эстенк сюпавчи менель лангов, косо ки суксоськак а сэви, чеменеськак а кери, косо салыцятнеяк а совавить саламо. Эдь косо сюпавчинк, тосо карми улеме седеенккак.

Кияк кавто азорнэнь а важодеви. Бути снартсы тень теемс, сестэ сон вейкенть карми вечкеме, омбоценть сельмесэ а нееме. Бути вейкенень карми савтомо, омбоцестэнть карми прянзо велявтомо. Тыньгак ве шкасто а важодевтядо Пазонтень ды ярмактненень».

Бути Пазось истя мазыйстэ оршавты паксянь тикшенть, кона течи касы, ванды жо ули ёртозь каштомонь толс, сестэ, нама, Сон тынк седеяк парсте оршатадызь! Вай, кода аламо тынк кемеманк!

Зярдо тон максат лезкске арасьчисэнень, сестэ кадык керш кедетькак а соды, мезе теи витесь, кадык тонь лезкскесь тееви салава. Сестэ тонь Тетясь, кона несы сеньгак, мезе тееви салава, пандсы тонь питнеть неемга».

«Ванодо, илядо максне арасьчисэнень лезкске ломанень сельме икеле, ансяк кода невтемань кисэ. Истя теиндерятадо, сестэ а ули тенк казне менелень Тетянк пельде.

«Истя жо, зярдо кирдтядо пост, илядо невте прянк нусманякс, кода чачонь полавтницятне. Сынь постонь кирдемаст весенень невтемань кисэ чамаст сумборьгавтнесызь. Видестэ кортан тенк: сыненст уш педе пес пандозь питнесь. А вана тон постонь кирдемстэ прят судрик, чаматкак шлик. Сестэ тонь постонь кирдемадо карми содамо ансяк а неявиця Тетят, аволь ломанть. Ды тонь Тетясь, кона несы сеньгак, мезе тееви салава, пандсы питнеть неемга».