Populiarios Biblijos eilutės iš Lucas 6

Dalintis

Foo tulun ba ema, mak Maromak sei foo fila fali ba o barak liu too nakonu resin. Nee hanesan ema enxe batar ba karon too nakonu, depois sira doko-doko tau tan too fakar sai. Sasukat nebee o uza hodi tetu ema, ema sei uza hodi tetu fali o.”

Nunee mos ho ema. Ema nebee diak koalia buat diak, tanba nia laran mos diak. I ema nebee aat koalia buat aat, tanba nia laran mos aat. Tanba buat nebee nia koalia, sai hosi nia fuan-laran.”

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

Nee duni, o tenki laran luak ba ema, hanesan mos o nia Aman iha lalehan laran luak ba sira.”

Jesus hanorin nafatin, dehan, “La bele julga ka foo sala ba ema, para ema la julga ka foo sala ba o. La bele duun matak ema, para ema la duun matak o. Foo perdaun ba ema, nunee ema mos foo perdaun ba o.

Jesus hatete tan, “Imi nebee agora rona hela Hau, rona didiak Hau nia liafuan nee: Hadomi o nia inimigu sira, i halo diak ba ema nebee odi o. Halo orasaun para Nai Maromak foo bensaun ba ema nebee foo malisan ba o. Halo orasaun ba ema nebee halo aat ba o.

Saida mak o hakarak atu ema seluk halo ba o, o rasik mak tenki halo ba ema seluk.

Se ema ruma basa o nia hasan sorin, foo tan hasan sorin baa. Se ema ruma hadau o nia faru manas, hasai tan o nia faru foo ba nia. Se ema husu o nia sasaan ruma, foo deit baa. Se ema hadau o nia sasaan ruma, husik deit baa, la bele baa husu fali.

Jesus halo tan komparasaun ida nunee: “Ai huun nebee diak, nunka foo fuan aat. Nunee mos ai huun nebee la diak, nunka foo fuan diak.

Ema hatene ai huun ida-idak liu hosi nia fuan. Ita la kuu uvas ka ai fuan figeira hosi ai tarak.