Populiarios Biblijos eilutės iš Marcos 12

Dalintis

Jesus hataan, “Orden boot liu iha Livru Sagradu mak ida nee: ‘Ema hotu-hotu iha rai Israel, rona didiak! Nai Maromak nee, ita nia Nai, i ita nia Liurai Boot. La iha tan seluk, Nia mesak deit! Nunee imi tenki hadomi Nai Maromak liu buat hotu-hotu. Tanba nee, imi tenki hanoin nafatin Nia. Ita tenki rona nafatin Nia Liafuan, i hakaas aan hodi tuir Nia hakarak.’ I orden segundu mak ida nee: ‘O tenki hadomi ema seluk, hanesan o hadomi o nia aan rasik.’

Depois Jesus bolu Nia eskolanti sira hodi hatete, “Imi haree took feto faluk kiak nee. Nia foo osan doit rua deit, maibee nia foo boot liu ema hotu-hotu. Ema sira seluk foo oferta hosi sira nia osan resin. Maibee feto faluk kiak nee, foo tiha nia osan hotu ba Nai Maromak.”

Liu tiha nee, Jesus tuur hela besik kaixa oferta iha uma kreda boot laran, hodi haree ema baa tau osan oferta ba kaixa. Iha ema riku barak baa tau osan boot ba kaixa nee. Iha mos feto faluk kiak ida mai harohan. Nia baa tau doit rua ba iha kaixa laran. Osan nee folin kiik liu.

Tanba nee, ita tenki hadomi Nia liu buat hotu-hotu. Ita tenki hanoin nafatin Nia. Ita tenki rona nafatin Nia Liafuan, i hakaas aan hodi tuir Nia hakarak. I ita mos tenki hadomi ema seluk hanesan ita hadomi ita nia aan rasik. Ida nee, Nai Maromak haksolok liu dukee ita tuir deit relijiaun nia hanorin. Hadomi nunee diak liu dukee ita oho animal hodi halo sakrifisiu i foo oferta ba Nia.”

Entaun Jesus dehan tan ba sira, “Se nunee, imi foo ba estadu buat nebee mak estadu nian. I foo ba Nai Maromak buat nebee mak Nai Maromak nian.” Rona Nia hataan nunee, sira hotu admira, tanba Nia koalia nee loos. Nunee sira koko Jesus, maibee la hetan.