Populiarios Biblijos eilutės iš Yohanes 10

Dalintis

Mangamnange nma e, i nanriak lan ma namnang, nafen, ma nafyatak tomwatar nir momorip. Nempa Yakw kmwa e kose ma ronri momorip dedesar ma berkat ma nlie nlengan.”

Yakw ye farlan mangajak domba ma nangafel. Mangajak domba ma nangafel e i nmat la nlitan ni dombayar.

Ningw dombayar rdengar liringw, mpa rlarat Yakw ma kufai sir a nbal.

Ma kal momorip dedesar ber sir ma rlarat Yakw a ne mpa keta to rmat terik ma dedesar. Ma to tomwate fen lese nbal ma bise nal sir nof Yakw.

Yakw ye farlan fofolat. Mpa ise nmpeang ma nti dalam nalyole Yakw, keta kujake i fen ngamone nema to sasaf diat i. Iane farlan dombayar ma rtiemae sir ralyole fofolat a ne ror ngamone, ma rtame na ain ma urwar ramin.

Yakw ye farlan mangajak domba ma nangafel. Amangw nafai Yakw feleles farlan ma Yakw kufai Amangw. Iane feleles farlan ma kufai Ningw dombayar ma sir rafai Yakw nbal. Ma kmwat ber sir.

Ma Amangw ma nal sir ber Yakw. I Ni kuase ma nlie nlengan nof safe-safe monuk. Ma to tomwate fen lese nbal ma bise nal sir nof Amangw. Kam madu Amangw ye lese.”

Yakw ye farlan mangajak domba ma nangafel. Amangw nafai Yakw feleles farlan ma Yakw kufai Amangw. Iane feleles farlan ma kufai Ningw dombayar ma sir rafai Yakw nbal. Ma kmwat ber sir.

To tomwate fen lese nbal ma bise nfen Yakw, farlan to kwinrang ma kmwat. Ma farlan kwinrang ma kmwat betno tomwatar bise ma rfen Yakw. Ma Ningw kuase ma kmwat ma kmworip a kbwali nbal. Iane farete ma Amangw nal ber Yakw.

Mpa Yesus nfalak a nbal, “Mdyengar fen ngamone safe ma kfwalak ye. Ni botuan e Yakw ye farlan fofolat ber dombayar ma rti e mae sir.

Nempa tomwate ma rsewe i ma najake dombayar, i to neluk mangajak domba mpa to najake dombayar a ne fen ngamone. Ma noak ma nsalan asw alas nma e, i nafla ntate dombayar a ne, mpa keta asw alas ne nakramas ketnir nwayat ma rafla buiyefar sir.

Yesus nasaur tnyanuk pupular sa ber tomwat Farisyar. I nfalak, “Mdyengar fen ngamone safe ma kfwalak ye. Ni botuan e ise ma nti dombayar nir owe dalam, nempa to nalyole fofolat ma nkafar tembok, iane mangamnange nre tomwate ma nribut tomwatar ma nal nir kabanir.