Populiarios Biblijos eilutės iš မဿဲ 13

Dalintis

ကောန်းဟှူမ္လေမာ က္လဟှူမျိုးစေ့ကြောန်းရာဟှ တရားစကားဟှို ကြားရခီမာ ဝန်းသာအားရခံယူဘီး ဆင်ခြင်နှလောင်းသွမ်းဟှိကြောန့် တချို့ဟှ ဆသောင်းဆယ်၊ တချို့ဟှ ဆခြော့‑က်ဆယ်၊ တချို့ဟှ ဆတရာ သီးသီးဟှူ သူလေဖြစ်ဟှယ်” ဆိုဘီး မိန့်တော်မူလေဟှယ်။

ဆူးချောင်မာ က္လဟှူမျိုးစေ့ဟှာ တရားစကားဟှို ကြားရဘေမဲ့ ဘဝရဲ့ စိုးရိမ်ပူပန်မှုလေန စည်းဇိမ်အောက်စာလေရဲ့ လှည့်ဇားမှုလေအားဖြင့် တရားစကားဟှို တားဆီးလိုက်ဟှူကြောန့် သီးသီးဘဲဟှူသူလေဟှို ဆိုလိုဟှယ်။

လမ်းမာက္လဟှူ မျိုးစေ့ကြောန်းဟှာ ဘုရားသခင်ရဲ့ နိုင်ငံတော်တရားစကားဟှို ကြားရဘေမဲ့လည်း နားလည်ဘဲဟှူ လူလေနတူဟှယ်။ နှလောင်းထဲဟှမျိုးစေ့ဟှို နတ်ဆိုးဟှာ လာဘီး နှုယူဟှားဟှယ်။

က္လော့‑က်ပေါဟှူမ္လေထတ်မာ က္လဟှူမျိုးစေ့ ဆိုဇာဟှာ တရားစကားဟှို ကြားဟှူနကြားရှင်း ဝန်းသာအားရခံယူဟှူလူဟှို ဆိုလိုဟှယ်။ အယ်ဘေမဲ့ စိနှလောင်းထဲမာ ပြစ်စွဲဘဲဟှူကြောန့် တရားစကားအားဖြင့် ညှဉ်းဆဲမှုလေဟှို ခံလာရဟှူ ခီမာ ရှစ်ရှင်းဖော့‑က်ပ္လန်ဟှားဟှယ်။

“ကောန်းဂန်နိုင်ငံတော်ဟှာ လယ်ထဲမာဝှပ်ဟှားဟှူ ဘဏ္ဍာနတူလေဟှယ်။ လူတယော‑က်ဟှာ ဘဏ္ဍာဟှို တွိဟှူ ခီမာ ပ္လန်ဖောင်းအောက်ဘီး ဝန်းသာအားရန ပ္လန်ဟှားဘီး သူမာရှိဟှူ ပစ်စီးလေ ဂူလောင်းဟှို ရောန်းဘီးဟှာ အယ်လယ်ဟှို ဝယ်လေဟှယ်။

တချို့စေ့လေဟှာ ကောန်းဟှူမ္လေမာ က္လဟှူကြောန့် ပန်လေပေါ့‑က်လာဘီး တချို့ဟှ ဆသောင်းဆယ်၊ တချို့ဟှ ဆခြော့‑က်ဆယ်၊ တချို့ဟှ ဆတရာ ပွားများလာဘီးဟှာ သီးသီးဂေ့လေဟှယ်။”

ဗားရိခီထိ တူးဒူကီးနေပါစေ။ ဗားရိကာလမာ ရင်ဦးဆောင်း တောဗြစ်ပန်လေဟှို ဝွီးနှုဘီးဟှာ မီးရှို့ဟှို့တွပ် ကြိုးနခယ်ဂေ့။ ဗားလေဟှို စုသီးဘီးဟှာ ဗားဂတ်ထဲဟှို ထဲ့ဂေ့’ ဆိုဘီး ဗားရိမားလေဟှို ငါပြောမယ် ဆိုဘီး လယ်ဇရှင်ဟှ ပြောလေဟှယ်” ဆိုဘီး မိန့်တော်မူလေဟှယ်။