Populiarios Biblijos eilutės iš Lukasa 24

Dalintis

“De naa nitoihene ahi demoino, angamoi Ngohi ahao tihidingoto nginika Ma Jou o Womaha abe ma dihirainohi de ahi Baba winihibehehongoka. Masara ngini ufa ma kota nianoaika, ma kiani niwidamaa naa o Yerusaleemoka ka hiadono woboa nginiuku de winihiakunu de ma kuaha abe o Horogaka de auku iboa.” Hokogea o Yesusu ai behehongo ma demo iwinii-niikika.

Una ko iwiwa naangoka, angamoi iwihimomikoka ai honengino! Abeika nimahohiningahi to Una ai demo ma oraha ngini de Una nagahi o Galilea ma tonakoka.

De ka de ai datoro gea yamake de manga hininga ma lako ko atatokokaua ho duru itararono iwihioriki Unangika. Masara ka de iwihioriki de Una ka aiaho, ko iwimakeokaua! De gea ona yahinooto duru yogarago de yomakoketemo ato, “Una gea o Yesusu! De gea ma titi ho hiadono kangano nanga dodagioka ma oraha wonahitararono Ma Jou ai Demo-demoino de to ngone nanga hininga hoka duru ifae de o garago. De nanga garago gea ma titi o Yesusu Una ma hirete abe wonahitararono ngoneino!”

De Una wato, “De gea igoungu abe ma dodihiraka atulihukuoka abe Ngohi Ma Jou ai Mesia kiani ahi kangela tohimangohi de tohonengohi de ahao ahi wange hange ipahaino de tomomikokali ahi honengino. De ahi abari gea kiani o nyawa yahingahu-ngahu o dunia ma nyawa mata-mataika, de gea yahingahu-ngahu de to Ngohi ahi kuaha. Abe imulaenge o Yerusaleeme ma kotaka naa de imahora-hora o dunia ma amokika. De ma abari gea ma titi abe onagona dika yotoba de yoporete manga howo-howonino, ona gea ahao Ma Jou waofi manga howono gea.

Masara yomahiadonoka de yamake abe ma dadatoko ma hakaru gea iluluokau ma lungunu ma ngoranoka de aino. Ho ona yogila-gila yowohamika, masara ko yamakeua o Yesusu ai honenge.