Populiarios Biblijos eilutės iš Matteyo 5

Dalintis

Obeŋ tulo oswak allomo bwo imuhoni ta agufa. Ati oyihak adi inyi allomo ihide jo oŋida inyi afaŋ jyo aati daŋ hul owoni’to ihaji. Ijara afaŋan hatai hatafaŋa jyo laati jo oŋida isi igonyuna ehanita hatai hun oyiji’to ette isi itahabuyo Monyatai ol owon’to idou.

Irata tai ihwa afaŋan an afaŋ’to jyo laati. Obeŋ amiji oremik dima al owon inyi ihide doŋe.

Ijara hul olibori tajya hotomunohi, nyo igonyuni adi isi Hollum.

Ijara hul ottifyai’to alibori ono Hollum ihwa ottifyai laati hul oniamai’to aŋiyo hotomunohi, nyo itifoŋ adi Hollum isi.

Ati eramak ni itai jo, Omunoti amyorok hatai bwo fe omojoti to hya hul ittigemye’to itai.

Ijara hul omiji tajya ihosyere Hollum ta abyaŋan yiji hosi hotomunohi, nyo ara Hollum a Hobu hosi.

Ijara hul itimorye’to laati hotomunohi, nyo iloŋo adi Hollum isi lonyirok honyi.

Ijara hul atarihai’to hotomunohi, nyo onyurani adi isi etilihyo jyo Hollum.

Ijara hul onyurani ettigemita te ejifatyo hosi efahita huno Hollum hotomunohi, nyo ara Hollum a Hobu hosi.

Ijara hul omehinie tajya hotomunohi, nyo omehino adi Hollum jihosi.

Omunoti al ipice laati itai, kuyya ittigemye itai, kuyya bu orrosye itai on orroho te eram hoŋ. Omunoti bwo fe osuhotyete nyo obolo adi aduma hatai lidou, nyo ittigemye nya isi eyak sayyo ihwo nya.

Ijara hul anyalami’to hotomunohi, nyo ara adi afau ahonosi.

Irata tai ihwa amile jyo laati. Al ilik amile, ?aŋai inyyak adi iye eŋolito honyi? Obeŋ inyi oremik itayyu obo ariŋ, tania ibirori adi inyi addi ette laati ’ryeyo inyi.

Tania ihaniete on oyyu ihwa ihanio Monyatai ette dou.

Al ijatta tai, Afe, oŋida ara inyi Afe ahode. Bwo fe al ijatta tai, Obeŋ, oŋida ara inyi Obeŋ ahode. Hefonihina omuk nekyanita huno olorroho.

Itaniŋuna tai jo, ojori nya igyerita jo, “Odumati onyek ta onyek bwo fe odumati alai ta alai.” Ati eramak ni itai jo, Hehara lya al awak’to itarroho itai, ati al anaŋ inyi amahalyo etteŋet isyara bwo fe ebotye.

Kuyya itahutak onyek iŋet hoi iye iyyata, ogolotu inyi itto biroro addi, nyo oyyu kuyya oye aŋati abotye ono ahwan hoi bwo obeŋ adi ahwan daŋ ibironi ihima. Kuyya itahutak aani iŋet hoi iye liyyata, oŋotu inyi itto biroro addi, nyo oyyu kuyya oye aŋati abotye ono ahwan hoi bwo obeŋ adi ahwan daŋ ibironi ihima.