Populiarios Biblijos eilutės iš JUAN 15

Dalintis

Teen leti' le jun cúul che'o', te'exe' u kabo'ob. Le máax cu p'áatal mantadz u nupmubáa ti' tene' bey xan teen in nupminbáa tu yéetele', jach ya'ab u yichanquil, tumen mixba'al cu páajtal a beetique'ex wa jun páay yanile'ex ti' teen.

P'áatac mantadz a nupmaba'ex ti' teen, je'el bix teen in nupminbáa mantadz ta wéetele'exe'. U kab jun cúul che'e ma' tu páajtal u yichanquil tu juunal wa ma' u nupmubáa mantadz ti' u che'il, bey xan te'ex ma' tu páajtal a dzáique'ex ich wa ma' a nupmaba'ex mantadz ti' teen.

Wa te'ex ca p'áatale'ex mantadz a nupmaba'ex ti' tene', bey xan in ca'ansajo'ob ca p'áataco'ob ti' te'exe', je'el ba'alac ca a káate'exe' yaan u dza'abal ti' te'ex.

Ma' te'ex ta yéeyajene'exi', teen tin yéeyaje'ex ca tin kubentaj te'ex ca xi'ique'ex u ti'al ca a dza'ex ya'ab ich yéetel ca p'áatac mantadz a wiche'ex. Bey túuno' le Taatao' je'el u dzáic te'ex tuláacal ba'ax ca a káate'ex ti' tin kaaba'e'.

U mas nojochil yaacunaj cu páajtal u yantal ti' jun túul máaque' leti' lela': u dzáic u cuxtal tu yo'olal u amigo'ob.

je'el máacalmáac ti' in kabo'ob ma' tu yichanquile' cu lukesic; ba'ale' cu p'éep'ic u kaasil le in kabo'ob cu yichanquilo'obo', u ti'al ca mas ya'abac u yich.

In wa'almaj t'aane' leti' lela': Yaabiltaba'ex ta baatzile'ex, je'el bix in yaabiltma'exe'.

In Taatae' nojoch tziiquil cu kamic le quéen a dza'ex ya'ab ich, tumen beyo' ca béeychajle'ex tu jaajil in aj canbale'ex.

Tene' leti' le jun cúul jaajil uvao', in Taatae' leti' le máax canantic le pakalo'.

Le máax ma' tu p'áatal mantadz u nupmubáa ti' tene', yaan u pu'ulul táancab yéetel yaan u tijil, je'el bix u kabo'ob le che' cu mo'olol u ti'al ca tóoca'ac ti' káako'.

Tene' táan in t'aan ta wéetele'ex beya' u ti'al ca yanac in qui'imac óolal ti' te'ex yéetel u ti'al ca chúucpajac a qui'imac óolale'ex.

Wa ca dzo'ocbesique'ex in wa'almaj t'aano'obe' bíin p'áataque'ex ti' in yaacunaj, je'el bix teen quin dzo'ocbesic u ya'almaj t'aan in Taatae' yéetel p'aatlen ti' u yaacunaj.

Le ba'ax quin wa'alic ti' te'exa' leti' lela' yabiltaba'ex ta baatzile'ex.

Wa te'ex yóokolcaabile'exe', u máaquilo'ob yóokolcaabe' je'el u yaabiltique'exe' je'el bix u yaabiltico'ob le máaxo'ob u ti'alo'obo'. Ba'ale' tene' tin yéeyaje'ex ti' ichil u máaquilo'ob yóokolcaab, le o'olale' yóokolcaabe' u p'ecmajex, tumen ma' yóokolcaabile'exi'.