Populiarios Biblijos eilutės iš Luka 14

Dalintis

“Ngà yv́ng di ra we kagǿ ínìgø, àngpè àngmè, àngchø̀mmè, àngcèrì, àngnvmrì nv̀ng, vrá, vdè gø̀nshaq sv̀ng gø, màshvngoshì gǿ nø, Ngà coqcv́n wá mvlúnshì.

Vdè wurgang baqshì sórí Ngà mèpvng mvcv̀n we kagǿ ínìgø, Ngà coqcv́n wá mvlúnshì.

Kadø íe wani shvringshì gǿ vrv̀m sv̀ng nø cip lú:ngòe. Cipshì gǿ sv̀ng nø shvring lú:ngòe,” a:lòe.

Welòng dø nàmaq gø, nàdánø̀ng dv́ngte mègurnø̀ng nìnø, Ngà coqcv́n wá mvlúnshì.

Nàmaq kèní tiqgǿí muqtu chø̀m tiqchø̀m la vrvng mvyǿ nìnø, dvdv́nglv́m gv̀msùng luq mvluq wa nø̀ vzv̀ng rung dá:ngí mvsu:nò we kagǿ vl má? Wedø màsunshaq à:ngí chø̀mpøt vra:ngò nø̀ dvdv́ng mvlún lú:ngò nìnø, yà:ngò rì shvngbeí àng sv̀ng, ‘Yapèí nø chø̀m wá pà:ngò dá:ngí, dvdv́ng la mvngut dárà,’ wa zerké lú:ngòe.

Íwe nàí v́mbóy èdóò dvgvp, dvshàrì, vzerì, híshúngrì nv̀ng nemànrì sv̀ng lè ègoò. Wekvt mv̀ng nàí ìshøt èlún lú:ngòe. Àngmaqí nà sv̀ng tvle vwv́ngalv́m màdá nìgø, døngman vsv̀ngrì zun long ni taq nà sv̀ng nàwv́ngavtne,” a:lòe.

Shvlaq nø shvlae. Íwe àng kílòng la bvlvm nìnø, vrá lvkí long dø kadø wá lúnshì má? Vba dvpvt gø, ngò wàlv́m dvpvt gø vjú màvlvm rvtnø̀, vtv́ng lap sv̀ng gurlv́m wa íe. Tálv́m vnà vdá vsv̀ng nø laq tashì,” a:lòe.