Populiarios Biblijos eilutės iš Nau Ntơm 32

Dalintis

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

Tâm nôk Y-Yakôb gŭ êng păng geh du huê bunuyh tâm nhăt đah păng kŏ tât phit ang.

Y-Yakôb ntơ ntŭk nây Pêniêl, jêh ri păng rblang: “Yorlah gâp lĕ saơ jêh Brah Ndu măt đah măt ƀiălah nau rêh gâp ăt geh nau đăp mpăn.”

Nôk tâm nhăt, bunuyh nây saơ păng mâu dơi lơh rĭ dĭng păng lơh Y-Yakôb ta nting gang bŭt, ƀư ma nting gang bŭt păng tât glet.

Bunuyh nây ôp: “Mâm moh săk may?” Păng nsĭt lah: “Amoh gâp Y-Yakôb.”

Y-Yakôb ôp: “Dăn ăn gâp gĭt amoh May.” Bunuyh nây ơh: “Mâm ƀư may ôp amoh gâp?” Jêh nĕ bunuyh nây ăn nau ueh uĭn ma Y-Yakôb ta nây ro.

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

Yor nây, tât nar aơ phung Israel mâu sa ôh suan gang bŭt, ta ntŭk plăch nting gang bŭt, yorlah bunuyh nây lơh jêh ta nting gang bŭt Y-Yakôb, ntŭk suan gang bŭt.

Y-Yakôb mbơh sơm: “Ơ Brah Ndu Y-Abraham, chô yau gâp! Brah Ndu Y-Isăk, mbơ̆ gâp! Ơ Brah Yêhôva, Nơm hŏ lah jêh ma gâp pô aơ: ‘Sĭt hom ma ƀon tơm may jêh ri ma phung mpôl băl may. Gâp mra ƀư ueh ma may.’

Ơ Brah Ndu, dăn rklaih an kon bơh ti Y-Êsau, nâu gâp, yorlah gâp klach păng mra văch nkhĭt gâp nđâp ma ur jêh ri phung kon gâp đŏng.