Populiarios Biblijos eilutės iš Luk 3

Dalintis

Kɛ ɔkambɛlɛ wʉ Zɔnɛ âlɛ kɛ ɛbaptaisana vɛnʉl vedivi, abaptais kpaa Zisɔs. Ndalɛsɛ Zisɔs âlɛ kɛ ivelena, ɔtalɛ-atʉlʉ ovuu. Mʉndʉ wʉ Ofilikpamɛ asen va nɛ ɛyʉlʉ ndalɛ kakuŋgughu, kacaal kɛ ɔn, saŋ ɔŋgwa ɛmʉ kɛ ɔtalɛ-atʉlʉ ala, “Owe kɛlɛ wanɛ wamɛ, mɛteŋg we, kâsɛva mɛ nawe kaka.”

Asɔ Zɔnɛ akaŋɛ navo omwem ala, “Mɛbaptaisā anu nɛ ɛzɔl, kpa ɔnʉl awʉ kɛ ɛvaana wʉ abo afo mɛ, mɛkɛma kpa wʉ máfalɛ ɔkʉlʉ wʉ ɛkɔwʉ ɛnaghɛ ga. Ábaptais anu nɛ Mʉndʉ wʉ Ofilikpamɛ nɛ ogusu.

Anu kpaa náyele vɛnalɛvɛ yɛ vitee gbaŋgaŋ, ala nɛ̂sɛɛl ɛcɔcɔɔ. x-Nahee ɛkaŋana nɛ valindi anu ala, navɛ nɛ Abɛlaham ndalɛ ɛziavɛ wunu, asɔ nɛ̂wal ga! De mɛvɔl we, Ofilikpamɛ awʉ nɛ ɔtavɛ vɛ nɛ óyel ɔcʉmbʉlʉ wʉ Abɛlaham fan agon ayee.

Izembi ayɛ ye fɛ itine iyɛ ɛtɛghɛ. Ɛtɛghɛ ɛmɔnɛmɔ kɛɛ kiyumwe aduŋgu ayasɛɛ ga, vátɛla ta ko kɛ ogus.”

Kâlɛ ase ndalɛsɛ ɔsaŋgɛ kɛ oŋgwe wʉ Azaya, ɔnʉl wʉ atɔwa kici yɛ Ofilikpamɛ, ala, “Ɔmɔ ɔnʉl awʉ kɛ ɛyɛlana kɛ oci wʉ ɔlɛ kɛlɛ owemi ala, ‘Malɛ nini ɔwaa, wʉ Ɔkʉ áva-wo, yeli nini nɛ ɔwaa ɔna ɔ́lɛ zɛlɛtɛtɛ. Yivili nini ɛhʉŋwaghɛ ɛmɔnɛmɔ, yeli nini ɛkɔŋgʉ ɛmɔnɛmɔ nɛ ɔgʉ nɛ ɛ́gba iyindi. Ɔwaa wʉhulena ɔ̃lɛ zɛlɛtɛtɛ, aziŋgili ayɛ acɔ nɛ ɔ̃malɛ. Vɛnʉl vayɛmavɛ omwem váyen ɔnʉl wʉ Ofilikpamɛ ɔtɛma ndalɛsɛ áwal vɛnʉl.’”