Populiarios Biblijos eilutės iš लुका 22

Dalintis

“ए बास! कदी तु चाहे, ती जु दुखेन पीयालो मारे धड़े सी टाळ दे, बाकुन तेबी मारी मरजी नी, बाकुन तारीत मरजी पुरी हवणे दे।”

बाकुन मे तारे वाटे भगवान सी लीलघाय कह्‌यु की। काहाकी तारु भुरसु भगवान पर सी छेटे नी हवणु चाहजे। ने जत्‌यार तु पछु भुरसु करसी ती आपसा भायसेक बी भुरसा मां लावीन काठा करजी।”

अळी ईसु हातेम रुटा लेदु, ने रुटा वाटे भगवान बेसकु वारु कहीन रुटु भांजीन आपसा चेलाक आपतु जाय्‌न कह्‌यु, “जु रुटु मारो डील छे। जो तुंद्‌रे वाटे आप र्‌यु। मेसेक हेर करने करीन असात रुटा वाटे भगवान काजे ‘बेसकु वारु छे’ कह्‌वीन रुटु भांजीन वाटी-वाटीन खाया करजु।”

तीनी रीती सी रुटु खायलीन पछे अळी ईसु पीयालो हातेम धर्‌यु ने कह्‌यु, “ज पीयालो मारा लुही मां बणावला नवला वायदान सहलाणी छे, जो तुंद्‌रे वाटे उहवाड़ने वाळो छे।”

ने ईसु आपसी जीवाय मां बेसकु कलेप्‌तु जाय्‌न अळी बी पुरो मन लागाड़ीन दुवा करने बाजी गुयु, ने तेरु पसीनो, मटला-मटला लुहीन टीपकान तसु धरती पर पड़ने बाजी रवलु।

बाकुन तुहुं असा घुण बणु काहाकी जु कुय तुंद्‌रेम मटु हवणे हींडे, चु आखाम नानु बणनु चाहजे। ने जु कुय हकदार्‌यु हय, चु आखान पावर्‌यु बणनु चाहजे।

बाकुन ईसु पतरस काजे कह्‌यु, “ए पतरस मे तुसेक कह्‌वो की तु आज, कुकड़ु वासणेन पेहले, तु तीन कावा ईसुक नी जाणो करीन कवसी।”