Populiarios Biblijos eilutės iš کارَلِ رسولَل 1

Dalintis

امّا وختی روح‌القدس وَ ری ایشا قرار بِگِرِه، ایشا قدرت ایگِریت وِ مِنِه اورشلیم وِ تمومیِ یهودیَه وِ سامِرَه وِ تا دیرتَرین جایَلِ دنیا، وَ مِ شهادت ایئیت.»

عیسی وَشون جواب دا: «لازم نی که ایشا وَخت وُ زمونَلی نَه که بُو آسمونی مِنِه اختیارِ خُوش نِگَه داشتِه بِیونیت؛

عیسی وَختی باشون بی، وَشون دستور دا: «وَ اورشلیم نَرَن وَدَر، بلکم بَندیرِ او وعدۀ بُو بون، وُ وَشون گُت: "ایشا وَ مِ اِشنُفتیت، سی‌یِکِه یحیی بِی اُو تعمید ایدا، امّا چَن رو دَ ایشا بِی روح‌القدس تعمید ایگِریت."»

عیسی بعدَ عذاب کَشییَنِش، خِشَه وَ رسولَل ظاهر کِه وِ بِی دلیلَلِ زیادی وَشون ثابت کِه، که زندَه وابی‌یِه. اوسِه تا چِل رو وَشون ظاهر ایابی وِ درموردِ پادشاییِ خدا باشون گَپ ایزَه.

بعدَ یِکِه عیسی ای گَپَلَه گُت، هَموطو که داشت سِیلَشون ایکِه، وَ بالا بُردَه وابی وِ اُوری وِّ نَه دَمِ تییَشون گِرُت مِنِه خُوش.

موقِی که داشت ایرَت وَ بالا وِ هَنی رَسولَل هَموطو تییَه دُتَه بییِن وَ آسمون، یِه دَفَه دِ مِردِ سَفی پوش وِیسان طِیشون وِ گُتِن: «ای مِردَلِ جلیلی، سیچِه ایطو وِیسِیتِه وِ تییَه دُتیتِه وَ آسمون؟ هَمی عیسایی که وَ مِلاتون بُردَه وابی وَ آسمون، هَمیطو که دیئیت رَت وَ آسمون، اُمبِلا اییَرگَردِه.»