Populiarios Biblijos eilutės iš انجیلِ یوحنا 14

Dalintis

سی ایشا آرامش اینُم وَجا؛ آرامشِ خِمَه وَتون اییُم. اوچیئی که مِ وَتون اییُم، نَه مِی آرامشی یَه که دنیا وَتون اییِه. دلِ ایشا پریشون وِ هراسون نَبو.

عیسی وَش گُت: «مِ رَه وِ راستی وِ حیاتُم؛ هیشکَه غیرَ وَ واسطۀ مو، نیایِه طِی بُو.

«دل ایشا پریشون نَبو. وَ خدا ایمون داشتَه بِیت؛ وَ مِ هم ایمون داشتَه بِیت.

امّا او یاور، یعنی روح‌القدس، که بُو وِّ نَه وَ نومِ مِ بِسی ایکِنِه، وِّ هَمَه چی نَه وَتون یای اییِه وِ هر چیئی که مِ وَتون گُتُم، وَ حوشِتون ایارِه.

وِه که حُکمَلِ مِنَه دارِه وُ وَشون اطاعت ایکِنِه، وِّ نِه که مِنَه دوس دارِه؛ وُ وِه که مِنَه دوس دارِه، بُوم وِّ نَه دوس دارِه وِ مِ هم وِّ نَه دوس دارُم وِ خِمَه وَش نِشون اییُم.»

وِ مِ وَ بُو ایخوام وُ وِّ یاوَری دَ وَتون اییِه که همیشَه باتون بو، یعنی روحِ راستی که دنیا نیتَرِه وِّ نَه قبول کِنِه، سی‌یِکِه نَه وِّ نَه ایبینِه وِ نَه وِّ نَه ایشناسِه؛ امّا ایشا وِّ نَه ایشناسیت، سی‌یِکِه طِی ایشا سکونت ایکِنِه وِ ایوِیسِه مِنِتون.

وِ هر چیئی که وَ نومِ مِ دَرخواس کِنیت، مِ وِه نَه اَنجوم اییُم، تا بُو مِنِه کُر جلال بِجورِه. اَر چیئی وَ نومِ مِ وَم بِخِیت، وِه نَه اَنجوم اییُم.

«اَر مِنَه دوس داریت، حُکمَلِ مِنَه وَجا ایاریت.

مِنِه حونۀ بُو آسمونیم تُو زیادِه، اَندِی مَه وَ ایشا ایگُتُم که ایرَم تا جِیی سیتون آمایَه کِنُم؟

وِ اوسِه که رَتُم وِ جِیی سیتون آمایَه کِردُم، اُمبِلا ایام وِ ایشا نَه ایبَرُم طِی خُوم، تا وُچِه که مِ هِسُم ایشا هم بِیت..

توما وَش گُت: «آقا، ایما حتی نُونیم وَ کوچِه ایرِی، پَ چِطو ایتَریم رَه نَه بِیونیم؟»