Populiarios Biblijos eilutės iš انجیلِ مَرقُس 13

Dalintis

همَه وَ خاطرِ نومِ مو وَ ایشا نفرت ایگِرِن، امّا هرکه تا وَ آخِر طاقت بیارِه، نجات ایجورِه.

پَ وَ هوش بِیت، دیار بِیت، سی‌یِکِه نُونیت او زمون کی ایرَسِه.

هر وخت ایشا نَه بِگِرِن وِ بویَرنِتون وَ مَحکَمَه، وَ نَهاتَر هول نَیاشتَه بِیت که چه بِگِیت، بلکم هر چیئی که مِنِه او ساعت وَ ایشا گُتَه وابو، وِه نَه بِگِیت؛ سی‌یِکِه کسی که گَپ ایزَنِه نَه ایشایِیت، بلکم روح‌القدسِه.

آسمون وِ زمین وَ بِین ایرَه، امّا گَپَلِ مِ وَ بِین نیرَه.

«امّا وَ او روز وِ او ساعت هیشکَه خَوَر نَیارِه غیرَ بُو آسمونی؛ حتی فرشته‌یَلِ آسمون وِ کُر هَم وَش خَوَر نَیارِن.

وختی درموردِ جَنگَل ایشنِفیت وِ خَوَرِ جَنگَل وَ گوشتون ایرَسِه، آشُفتَه نَوابِیت. یِه ایبایِس اتّفاق بییُفتِه، امّا هَنی آخِرِ کار نَرَسییِه.

پَ ایشا هم دیار بِیت، سی‌یِکِه نُونیت صابحونَه کی ایایِه، شُو یا نصفه شُو، موقِی بُنگِ قِروس یا گَکون. نَکِنه وِّ یِه دَفَه بیایِه وِ ایشا نَه مِنِه خُو بِوینِه. اوچیئی که وَ ایشا ایگُم، وَ هَمَه ایگُم: دیار وِیسیت!»

مِلتی وَ ضدِ ملتِ دَ وِ مَملِکَتی وَ ضدِ مَملِکَتِ دَ ایوَریسِن. مِنِه جایَلِ جورواجور زَمین‌جِمِشتَل ایایِه وِ قحطی‌یَل ایابو. امّا یِه تِنا مِی شروعِ دردِ زِیمونِه.

بایِس اَوَل ای خَوَرِ خَشِ پادشاییِ خدا وَ تَمومِ مِلَتَل اعلام وابو.

خیلی‌یَل وَ نومِ مِ ایان وِ ایگُن، "مِ هَموِّنُم" وِ خیلی‌یَلَه وَ رَه وِل ایکِنِن.

«وِ امّا ایشا حواستون وَ خِتون بو، سی‌یِکِه وَ خاطرِ مِ ایشا نَه اییِن وَ مَحکَمَه‌یَل وِ مِنِه کنیسه‌یَل ایبَندِنِتون وَ فَلک، وِ در حضورِ حاکِمَل وِ پادشایَل ایوِیسیت تا در برابرِ اونگَل شهادت بِئیت.

سی‌یِکِه عِده‌ای وَ اسم مسیحِ موعود وِ پیغمبَرَلِ وَدِرو ایوَریسِن، نِشونِه‌یَل وِ معجزه‌یَلی ایکِنِن تا اَر وابو، برگزیدِه‌یَلَه وَ رَه وِل کِنِن.

«امّا مِنِه او روزَل، بعدَ او مصیبَتَل، «"اَفتو تاریک ایابو وِ ماه دَ نور نییِه. سِتارِه‌یَل وَ آسمون ایُفتِن دومِن وِ قُدرَتَلِ آسمون اییُفتِن وَ دَکِسَن."