Populiarios Biblijos eilutės iš Genesisi 9

Dalintis

Nkulunkulu wachubeka watsi: “Nalu luphawu lwesivumelwane lengisenta emkhatsini wami nani, nato tonkhe tidalwa letiphilako letinani, nato tonkhe titukulwane letitako: Ngibeka umushi wenkosazana emafini, uyawuba luphawu lwesivumelwane emkhatsini wami nemhlaba.

Nakunalomushi emafini, ngiyakuwubuka bese ngikhumbula sivumelwane saphakadze emkhatsini waNkulunkulu nato tonkhe tinhlobo tetilwane letiphila emhlabeni.”

“Locitsa ingati yalomunye umuntfu, neyakhe iyawucitfwa ngulabanye bantfu, ngobe Nkulunkulu wamenta umuntfu waba ngumfanekiso wakhe.

Nkulunkulu wambusisa Nowa kanye nemadvodzana akhe, watsi kubo: “Talanani nandze, nigcwalise umhlaba.

“Tonkhe tilwane letiphilako tiyawuba kudla kwenu; ngininika kona njengobe nganinika tibhidvo.

Luvalo nekwesatjwa kwenu akubesetilwaneni tonkhe temhlaba, nakuto tonkhe tinyoni letindiza emoyeni, nakuko konkhe lokuhamba ngesisu emhlabatsini, nakuto tonkhe tinhlanti telwandle. Konkhe loko kuniketelwe etandleni tenu.

“Talanani, nandze, nigcwalise umhlaba.”