Populiarios Biblijos eilutės iš Matey 1

Dalintis

Quꞌn k-itzꞌjil jun tal qꞌa, ex k-okil tqꞌoꞌn tbꞌi Jesús. K-okil tbꞌi ikyjo, quꞌn kchi kletil xjal toj il tuꞌn.

Jun tal txin, a naꞌmxtaq tlonte ichin, ex tzul itzꞌje jun tal tal qꞌa. Ex k-okil juntl tbꞌi Emanuel, a ntqꞌmaꞌn qa Dios qukꞌa.

Ex tzmataq nximin tiꞌjjo lo, ok tyekꞌin jun t-angel qAjaw tibꞌ te toj wutzikyꞌ, ex xi tqꞌmaꞌn te: Jse, ay tyajil qtzan nmaq kawil David. Mi xobꞌa tuꞌn tjaw mejey tukꞌa Mariy, quꞌn atzin tal k-itzꞌjil nya tkꞌwal jun ichin, qalaꞌ tuꞌn Xewbꞌaj Xjan.

Atzin titzꞌjlin Jesucrist ikytziꞌn kyjaluꞌn: Ante Mariy, a tnana, otaq bꞌant tiꞌj, tuꞌn tmeje tukꞌa Jse. Me tej naꞌmtaqx kykubꞌ kẍe junx, bꞌeꞌx ok tzꞌaq tal Mariy, noq tuꞌn tipin Xewbꞌaj Xjan. Me ante Jse, a tuꞌn toktaq te tchmil, tej tok tkaꞌyin qa otaq tzꞌok tzꞌaq tal Mariy, kubꞌ t-ximin tuꞌn tkubꞌ tpaꞌn tibꞌ tukꞌa, quꞌn jun ichin tzꞌaqle, ex kubꞌ t-ximin qa noq otaq skꞌon Mariy tal. Me tkyꞌeꞌtaq tuꞌn tel tqanil kywutzxjal, tuꞌntzintla mi kubꞌ kybꞌinchinxjal mibꞌin tiꞌj Mariy; qalaꞌ kubꞌ t-ximin tuꞌn chebꞌetaq tuꞌn tkubꞌ tpaꞌn tibꞌ tukꞌa toj ewajil.