Populiarios Biblijos eilutės iš Start 9

Dalintis

God tell um dis too: “An now, I goin do dis: I give you guys one sign, fo you guys no foget da deal I stay make. Dat deal, az fo you guys an fo all da animals dat stay wit you guys. Da sign stay fo dis deal now, an stay fo all da peopo dat goin come from you guys afta. “My rainbow in da heavy clouds, Dass da sign I give you guys. Erytime get rainbow, Dat goin be da sign fo make you guys no foget Dat I wen make dis deal fo you an fo da whole world!

“Weneva da rainbow stay in da cloud, I goin look um, an I no goin foget da deal dat I wen make, dat stay foeva—me, God, I get dis deal wit all da tings dat stay alive on top da groun.”

“Whoeva go make somebody bleed an mahke, Somebody gotta make dem bleed an mahke too. Cuz God wen make da peopo Jalike dey one picha, Fo look jalike him, same same.

God wen give Noah an his boys da powa fo do eryting he like um fo do. He tell um, “Born plenny kids now, an go fill up da world wit plenny peopo.

All da animals dat stay alive goin be food fo you guys. Same ting wit da green plants—I give um all to you guys.

All da wild animals all ova da world, all da birds inside da sky, all da tings dat crawl on top da groun, an all da fish inside da watta—dey all goin be real sked a you guys, but still yet you guys goin be in charge a dem.

“So den, you guys. Born plenny kids, an fill up da world wit plenny peopo.”