San Mateo 5
5
Durrsĩ gaai ich Aai iek jaaumamua chijã khʉʉnta onee aju aai nʉ a jaautarr
(Lc. 6:20-23)
1Mag õor pom ich ẽudee noodʉbaadem oobaawai ich Jesús warag durrsĩ gaai waaidʉ oberwi oo sĩsijim anʉm. Magbaawai i khapeen i dʉi wenʉrraajerr khʉʉn ich bigaau ohood aphobaadeewai 2jãga chadcha Ẽwandam dʉi ajapha wenʉrraju aai nʉ a jaaumamua magjim anʉm, thumaam khʉʉnag:
3—Pãar ar pãach khaigba nʉm khap Ẽwandamagta pãach eeg oopim khõsi durrum khʉʉn, onee abat ajim anʉm, pãachta i dʉi ãba jooba wenʉrraju aawai.
4’Pãar ar pãach pekau pom nʉm khaug auwi okhĩirjunaa Ẽwandamagta chugpaapi nʉm khʉʉn, onee abat ajim anʉm, ich Ẽwandamauta pãar khĩir jãsenkhawi pãar khĩir onee apiju aawai.
5’Pãar ar bʉ̃ʉr abarm gaaimua meeukhaba khĩir thũu Ẽwandamagta pãach dʉi ichdeu ampierr apiejem khʉʉn, onee abat ajim anʉm, pãach mag nʉm paar irua durr iiur deeju a simjã pãachdeuta jʉ̃aju aawai.
6’Pãar ar Ẽwandamau waupim khõsim nem wawaagta jãsog thʉnʉmjonaa obichag thʉnʉmjo nʉm khʉʉn, onee abat ajim anʉm, mag nem wajapha waum khõchkha nʉm khʉʉn juagta Ẽwandamau dʉi oojeewai.
7’Pãar ar wir aig pãach khapeendamjã dau aug khaug paraa aajem khʉʉn, onee abat; pãachdeu am dʉi jãagjem paran Ẽwandamaujã agjo pãar dau aug khaug paraa ajugui ajim anʉm.
8’Pãar ar thãar ajapha nʉm gaaimua ãba Ẽwandam dawagaata nem waaujem khʉʉn, onee abat ajim anʉm, pãrauta pãach mag nʉm gaaimua Ẽwandam khĩir ooju aawai.
9’Pãar ar pãachdeu Ẽwandam iek ʉkhatarr gaaimua pãach khõinaa nʉmjo khõinaa amkhĩir õrag jaau durrum khʉʉn, onee abat, pãachta Ẽwandamau ich chaainkha auju aawai.
10’Ar Ẽwandamau nem waupi sim ipierraa nem wau nʉm gaaimua jũrr õrau pãach dʉita khaigba aawai dau aphʉʉ durraajem khʉʉn, onee abat ajim anʉm, pãachta mʉg atagjã Ẽwandam dʉi ãba jooba wenʉrraju aawai.
11’Ar mʉ gaaimua õrau pãach khĩir iekhanaa pãach gaaijã jua khʉaba nʉm dʉi ĩchab sĩi pãach khaibag waum khõchgau pãach dʉi chad khabam iekta chadam iekjoo aadep aawai, warag onee abat. 12Pari pãach dʉi maagwaijã, oob okhĩirjuu amiet ajim anʉm. Magju khãai warag onee abat; pãar mag nʉm jũrran ʉ̃gtharin pãar athee nem wajapham poomata thʉnʉm. Ĩs jãg pãar dʉi khaibag thʉnʉmjo aba aajeejieb ajim anʉm warrgarwejã am jooinau Ẽwandam i jaaujerr khʉʉn dʉi. Pari magtarr ĩs am ʉ̃gthar Ẽwandam dʉi onee naabahab a jaaumajim aajem.
Thakhaar anaa õor atheem ararag
(Mr. 9:50; Lc. 14:34-35)
13Mag iekhakhag mamua ich Jesuupai, —Pãrau khaphʉ nʉmgui ajim anʉm, thakhaar nakha aadekhiin, tag bʉ̃ʉrjã maadeu nem igba sĩsiju. Magbaawai sĩi õrau ag ʉ̃r ereu dich thʉnaawiajã, ausĩuba ich mag bʉ ee sĩeju, tag igba sĩewai. Jãg nem ãrpimaaugau thakhaar iigjemjo, pãrauta õor okhooju arrjã ʉu mʉ juapierr khaigper durraba aajeeb ajim anʉm okhoopimaaugau.
14’Jãg durrsĩ gaai phobor sim pod dau merju khaba aajemjo, pãraujã pãachdeu mʉ iek khaugtarr chan pod meerju khaba nʉmgui ajim anaabá, pãach nem wajapha wau nʉm gaaimua pãachta mʉig eegarm khʉʉn athee khĩchag ee lámpara paa dʉnʉmjo naawai. 15Pãrau khaphʉ nʉm, lamparaan paanaa sĩi nem bʉ ee ausĩuba, dau garta ausĩiujem, dijã thum araraa amkhĩir. 16Ich jãgta aju aai nʉmgui ajim anʉm pãarjã. Magua pãachdeu nemdam wajapha wau nʉm gaaimua pãachta õtdau phuu dʉnʉmjo abat ajim anʉm, thumaam khʉʉn na arar amkhĩir; mag pãach nem wajapha wau nʉm gaaimua maach Aai ʉ̃gthar chirʉmta thumaam khʉʉnau thomkhĩir.
Moiseeu ley phã pʉatarr Jesuu jaautarr
17’Oob pãrau mua mag Moiseeu ley phã pʉatarr warre isegpäain wa sĩi warrgar Ẽwandam i jaaujerr khʉʉnau nem jaaujerr khãijã isegpäainta beejim amiet ajim anʉm Jesuu. Magju khãai muan warag chadcha ag gaai jaau sim thumaa wawaanta beejim. 18Cha mʉ iekha chirʉm iekhau, mʉg durr jooita edaujã dʉi Ẽwandamau i agkhabam aig chan, ley gaai jaau sĩsidʉm iek bʉdam ãbjã okhoopibaju. Ichiita nem thumaa ich jaautarrjo obeberg majugui ajim anʉm. 19Magua, ãbmua khãijã leidam bʉthʉ khitawiajã ag gaai jaau sim iek bʉ ãb khãijã ʉʉrkhaba, ni ag gaai jaau simjo amkhĩir ich paarmua deeum khʉʉnagjã jaauba sim chan, Ẽwandam maach Porkha sim durr paaukhaimaawaijã ichta thumaam khʉʉn khãaijã jua eegpai sĩerraju. Pari magba, ar ichdeujã mag ley gaai jaau simjo ipierraanaa warm khʉʉnagjã agjo ag gaai jaau simjo ipierraa amkhĩir jaau simʉn chadau, mag Ẽwandam durr paimaawaijã ĩchab ichta warm khʉʉn ʉ̃rpai sĩsijugui ajim anaabá. 20Magnaa ichdeupai, Pãrauta ich Ẽwandamau nem waupi jaau simjo nem wauba, sĩi jãg Ẽwandam iek jawaag chi machnaan aajem khʉʉnjopai nem waunaa Moiseeu ley phã pʉatarr ʉʉrkhaajem khʉʉn denjopaita nem wau nʉm chan, pãar ʉ̃gthar oberbamgui ajim anʉm.
Dich khapeen dʉi meeukha nʉmpaijã pekauu
(Lc. 12:57-59)
21Maimua ich Jesuu magjim aajem: —Pãrau khaphʉ nʉmgui ajim anʉm, warrgarwejã pãar jooinau, “Oob õor thõom; chi õor thõo simʉn ich agjo thõopʉiju aai sim” a jaaujeejim. 22Pari mua mag chirʉmgui ajim anʉm: Õor thõoba awiajã sĩi dich khapeendam dʉi meeukha nʉmpaijã ich agjo pekaukha ober sim. Sĩi dich khapeer meeukhamkhĩir i khĩir iekha nʉmjã pekauu; chi mag iekha sim khʉʉn, thethemnaanau khaibag waupi jaauju. Maimua ar sĩi chikham thõp iekha simjã ya sĩi khĩmie durr barpʉijuuta sim; õor thõoba ab mamʉ ich agjo sĩebahab ajim anʉm, pekauta wau sĩewai.
23’Maguata mag chirʉm: Pʉ, Ẽwandamag nemchaaita ofrendakha deenaa jewaan mam; pari mag mam ee pʉ khĩir ee dʉnʉisim, ãbmua pʉch dʉi iekkhõrdam paraa sim. 24Magbaawai pʉch ofrenda chi nemchaain phaajem aig pʉawi, mag pʉch dʉi khaigba sim aar mawi, ithũu i dʉi iyʉʉ awi, khõinaa nʉisit a jaaumajim anaabá. Maimuan chadau deeu mawia pʉch ofrendadamau Ẽwandamag jeeubamí ajim anʉm.
25’Wa ãbmua khãijã leinaanag pʉ khaibag waumkhĩir pʉch jawaan arrwai, chi thethemnaan aar barwi jaauju nawe, i dʉi wajapha iyʉʉ awi khõinaa nʉisit ajim anʉm. Magbamʉn chi thethemnaanau guardianaanag pʉ pʉr deebaawai jũrr makhʉʉnau pʉ cárcel deg pʉijugui ajim anaabá. 26Cha mʉ iekha chirʉm iekhau, ya pʉʉta amau mag phãar athamʉn, phatkhon gaaimua atarr khai, ãbmiecharam centaaudam phagpʉibam aigjã amau pʉ obeerpʉibajugui ajim anʉm. Mua mag chirʉmʉn, pãach khaibag Ẽwandamag chugpaapiju aai nʉwe chugpaapiwi i dʉi khõinaa ajuuta ẽkhabat a chirʉm.
Jesuu dich õor khabam dʉi khapes apiba jaautarr
27Mag iekhamamua ich Jesuupai amag magjim aajem: —Pãrau khaphʉ nʉmgui ajim anʉm ĩchab, warrgarwejã pãar jooinau, “Oob pãach õor khabam dʉi khapes amiet” a jaaujeejim. 28Pari ĩs mua mag chirʉm: Warre khapes aba awiajã, ãbmuata ʉʉi oowi ich odegpai khãijã, “Jãg ʉʉita magju aai khitaba” a khĩirju simʉn, mag khĩirjubarmuapai ya ich thãar ee pekau waubarm mag ʉʉi dʉi.
29’Magam uguata, pʉ juachaar garm daúa khãijã pʉ pekau waupi sim khai, jẽunaa warre warp barbapʉi. Mag dau ãbpaim gaaimua pʉch mor thum khĩmie durr maju khãai, dau appaita okhoobarmʉn, ʉu simgui ajim anʉm. 30Wa pʉ juachaar garm juau khãijã pʉ pekau waupi sim khai, warre thʉapnaa warp barbapʉi. Jua ãbpaim gaaimua pʉch mor thum khĩmie durr maju khãai, mag jua appaita okhoobarmʉn ʉu simgui ajim aajem. Wajapcharan magʉm pekau waumaaugau dau chukhumjo oobamjonaa magʉm nem khaigbam wawaagjã jua chukhumjo abá, bʉ̃ʉrjã wauba. Magju khãai Ẽwandam dau na pʉch morta sʉrkhabá a chirʉmgui ajim anʉm.
Jesuu ʉʉi pʉapiba jaautarr
(Mt. 19:9; Mr. 10:11,12; Lc. 16:18)
31’Pãrau khaphʉ nʉmgui ajim anʉm ĩchab, pãar jooinau jaauwai, “Ãbmua khãijã ich ʉʉi pʉagpam khai, warre ẽsap gaai ‘Mua pʉ pʉa chirʉm’ a phãnaata irig deeju aai sim” a jaaujeejim. 32Pari ĩs jũrr mua mag chirʉmgui ajim anʉm: Ãbmua khãijã ich ʉʉi deeum dʉi chadcha magba simta pʉa simʉn magan warag juau deeum dʉi magamkhĩirjota pʉa simgui ajim nʉm, magʉm gaaimua warag pekau waumkhĩir. Mag ich ap sim awi chikhamnau pʉatarr ʉʉita au sim wounjã pekauta wau simgui ajim anʉm, agtha chikham ʉʉikha simta au sĩewai.
Chadcha dichdeu nem wauju jawaag jãga aju aai sĩ
33’Ĩchab pãrau khaphʉ nʉm, warrgarwejã pãar jooinau jaauwain, sĩi parhoobam nem igwiata dichdeu nem waum khõsim wauju a iekhaawain, naspawiajã deeu waubam aju aai sim a jaaujeejim. Magarrau “Maach Por Ẽwandam igwiata mua mag nem wauju a iekhabarmʉn chadau pod naspawiajã dich iekhatarr chaaur aju khaba sim” a jaaujeejim. 34Pari ĩs mua pãrag mag chirʉmgui ajim anʉm ich Jesuu: Oob bʉ̃ʉrjã nem inagdam igwia khãijã mag gaaimuata nem wauju a iekhamiet. Edjã Ẽwandam khu juupjem aawai oob edjã igwiajã mag gaaimuata nem wauju amiet. 35Mʉg durrjã sĩi Ẽwandam bʉ dʉnʉʉujem aawai ni mʉg durr igwiajã oob mag gaaimuata nem wauju a iekhamiet a jaaumajim anʉm. Wa Jerusalén phobor igwia khãijã, jãg phobor thumaam khʉʉn khãaijã chi ʉ̃rʉʉcharam Rey sĩejem phobor aawai, oob mag gaaimuajã nem wauju a iekhamiet ajim anʉm. 36Wa dich por igwia khãijã oob mag iekhamiet; magʉmjã pekauu. Pãach iphithur mag iekhawiajã pãrau pãach porbʉ ãbjã bäphä paa auba ni phʉisijã paa aubamgui ajim anʉm, ich Ẽwandamaupaita magpiejeewai. Mag nem parhooba igwiata iekha nʉm aig, Ẽwandam igwiata pãar mag iekha nʉm khabahab, nem thum ichdeuta omparr aawai. 37Magju khãai chadcha nem wauju khai, warre wauju abat. Wa wauba khãijã aju khai, warre ich agjo waubam abat, mag nem inag igwia magʉm gaaimuata wauju a iekhaba.
Dich dʉi õrau khaigba aawai agjo am dʉi khaigba apiba jaautarr
(Lc. 6:29-30)
38’Pãrau khaphʉ nʉm ĩchab, warrgarin pãar jooinau jaauwai, “Chikhamnau pʉch dau suawai puajã agjo i den suju aai sim” a jaaujeejim; wa “Chikhamnau pʉ khierr ãb khãijã buathẽupäaiwai pʉchdeujã i den agjo aju aai sim” a jaaujeejim. 39Pari ĩs mua mag chirʉmgui ajim anʉm deeu ich Jesuu: Ãbmua khãijã pãach dʉi khaigba aawai oob am dʉi agjo khaigba amiet. Magʉmjã agjo pekauu. Magju khãai pʉ khĩidadcha deetarr khai, thoom garjã agjo deemkhĩir irig khĩir ʉabá ajim anaabá warag. 40Ãbmua khãijã leinaanag pʉ jaauwia pʉ camis khãijã khechthʉg aum ig sim khai, warag tagam khajũajã ʉdʉraa irig arrpibá. 41Nem chʉkhʉm khãijã ajués pʉchig kilómetro ãb arrpi sim khai, magʉm aba warag kilómetro numí athaad ajim anaabá. 42Õrau pʉchig nem jeeuwai o ajapha magʉm aba deebá. Maimua sĩi pʉchig nem prestaa khãijã jeeuwai deeb khaba deebapʉi ajim anʉm.
Dich kha ukhurm khʉʉn kha khõsi api jaautarr
(Lc. 6:27-28,32-36)
43’Ĩchab pãrau khaphʉ nʉm, warrgar pãar jooinau jaauwain, “Pãach khapkhʉʉnta kha khõsinaa pãach kha ukhurm khʉʉn oomapha abat” a jaaujeejim. 44Pari ĩs mua mag chirʉmgui ajim anʉm ich Jesuu: Pãach kha ukhurm khʉʉnjã daupii abat; maimua agjo mʉ iek gaaimua pãach khaibag wauju ẽkhaajem khʉʉn kõitjã warag Ẽwandamagta jeeubat. 45Pãrau magta amʉn magan chadcha pãar ʉ̃gthar Ẽwandam chiraajem chaainau. Ich ag Ẽwandamauta õor wajapham khʉʉn atheejã edau wʉʉpinaa khaigbam khʉʉn atheejã wʉʉpiejem. Ichdeuta ĩchab ich daar agpierraa aajem khʉʉn atheejã noseg chepinaa sĩi parhoob amach khõchagpierr nem waaujem khʉʉn atheejã noseg chepiejemgui ajim anʉm. Magua pãraujã agjo thum pãach dʉi khaigba aajem khʉʉnpata daupii aju aai nʉmgui ajim aajem, ichdeu aajemjo. 46Pãrau sĩi pãach daupiim khʉʉnpaita agjo daupii amʉn, ¿maig khan wajaug sĩ? ¿Sĩi Romaam gobierno athee debpaar jeeujem khʉʉn chi khaigbam khʉʉnaujã ich agjo aba aajẽ? ajim anʉm. 47Wa sĩi pãrau pãachjo judionaankha thʉnʉm khʉʉnagpai khãijã saludaakhiin, ¿maigjã khan wajaug sĩ? ¿Ich agjo aba aajẽ judionaan khabam khʉʉnaujã? Pãach meeun khabam khʉʉn awiajã oob amag saludaamapha amiet ajim anʉm. 48Pãach Aai ʉ̃gthar chiraajemjã chi wajapham aawai pãach chi chaainaujã ĩchab pãach Aaijo o wajapha abat pãach khapeen dʉi a jaaumajim anaabá.
Šiuo metu pasirinkta:
San Mateo 5: noaA
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2011, Wycliffe Bible Translators, Inc. All rights reserved.
San Mateo 5
5
Durrsĩ gaai ich Aai iek jaaumamua chijã khʉʉnta onee aju aai nʉ a jaautarr
(Lc. 6:20-23)
1Mag õor pom ich ẽudee noodʉbaadem oobaawai ich Jesús warag durrsĩ gaai waaidʉ oberwi oo sĩsijim anʉm. Magbaawai i khapeen i dʉi wenʉrraajerr khʉʉn ich bigaau ohood aphobaadeewai 2jãga chadcha Ẽwandam dʉi ajapha wenʉrraju aai nʉ a jaaumamua magjim anʉm, thumaam khʉʉnag:
3—Pãar ar pãach khaigba nʉm khap Ẽwandamagta pãach eeg oopim khõsi durrum khʉʉn, onee abat ajim anʉm, pãachta i dʉi ãba jooba wenʉrraju aawai.
4’Pãar ar pãach pekau pom nʉm khaug auwi okhĩirjunaa Ẽwandamagta chugpaapi nʉm khʉʉn, onee abat ajim anʉm, ich Ẽwandamauta pãar khĩir jãsenkhawi pãar khĩir onee apiju aawai.
5’Pãar ar bʉ̃ʉr abarm gaaimua meeukhaba khĩir thũu Ẽwandamagta pãach dʉi ichdeu ampierr apiejem khʉʉn, onee abat ajim anʉm, pãach mag nʉm paar irua durr iiur deeju a simjã pãachdeuta jʉ̃aju aawai.
6’Pãar ar Ẽwandamau waupim khõsim nem wawaagta jãsog thʉnʉmjonaa obichag thʉnʉmjo nʉm khʉʉn, onee abat ajim anʉm, mag nem wajapha waum khõchkha nʉm khʉʉn juagta Ẽwandamau dʉi oojeewai.
7’Pãar ar wir aig pãach khapeendamjã dau aug khaug paraa aajem khʉʉn, onee abat; pãachdeu am dʉi jãagjem paran Ẽwandamaujã agjo pãar dau aug khaug paraa ajugui ajim anʉm.
8’Pãar ar thãar ajapha nʉm gaaimua ãba Ẽwandam dawagaata nem waaujem khʉʉn, onee abat ajim anʉm, pãrauta pãach mag nʉm gaaimua Ẽwandam khĩir ooju aawai.
9’Pãar ar pãachdeu Ẽwandam iek ʉkhatarr gaaimua pãach khõinaa nʉmjo khõinaa amkhĩir õrag jaau durrum khʉʉn, onee abat, pãachta Ẽwandamau ich chaainkha auju aawai.
10’Ar Ẽwandamau nem waupi sim ipierraa nem wau nʉm gaaimua jũrr õrau pãach dʉita khaigba aawai dau aphʉʉ durraajem khʉʉn, onee abat ajim anʉm, pãachta mʉg atagjã Ẽwandam dʉi ãba jooba wenʉrraju aawai.
11’Ar mʉ gaaimua õrau pãach khĩir iekhanaa pãach gaaijã jua khʉaba nʉm dʉi ĩchab sĩi pãach khaibag waum khõchgau pãach dʉi chad khabam iekta chadam iekjoo aadep aawai, warag onee abat. 12Pari pãach dʉi maagwaijã, oob okhĩirjuu amiet ajim anʉm. Magju khãai warag onee abat; pãar mag nʉm jũrran ʉ̃gtharin pãar athee nem wajapham poomata thʉnʉm. Ĩs jãg pãar dʉi khaibag thʉnʉmjo aba aajeejieb ajim anʉm warrgarwejã am jooinau Ẽwandam i jaaujerr khʉʉn dʉi. Pari magtarr ĩs am ʉ̃gthar Ẽwandam dʉi onee naabahab a jaaumajim aajem.
Thakhaar anaa õor atheem ararag
(Mr. 9:50; Lc. 14:34-35)
13Mag iekhakhag mamua ich Jesuupai, —Pãrau khaphʉ nʉmgui ajim anʉm, thakhaar nakha aadekhiin, tag bʉ̃ʉrjã maadeu nem igba sĩsiju. Magbaawai sĩi õrau ag ʉ̃r ereu dich thʉnaawiajã, ausĩuba ich mag bʉ ee sĩeju, tag igba sĩewai. Jãg nem ãrpimaaugau thakhaar iigjemjo, pãrauta õor okhooju arrjã ʉu mʉ juapierr khaigper durraba aajeeb ajim anʉm okhoopimaaugau.
14’Jãg durrsĩ gaai phobor sim pod dau merju khaba aajemjo, pãraujã pãachdeu mʉ iek khaugtarr chan pod meerju khaba nʉmgui ajim anaabá, pãach nem wajapha wau nʉm gaaimua pãachta mʉig eegarm khʉʉn athee khĩchag ee lámpara paa dʉnʉmjo naawai. 15Pãrau khaphʉ nʉm, lamparaan paanaa sĩi nem bʉ ee ausĩuba, dau garta ausĩiujem, dijã thum araraa amkhĩir. 16Ich jãgta aju aai nʉmgui ajim anʉm pãarjã. Magua pãachdeu nemdam wajapha wau nʉm gaaimua pãachta õtdau phuu dʉnʉmjo abat ajim anʉm, thumaam khʉʉn na arar amkhĩir; mag pãach nem wajapha wau nʉm gaaimua maach Aai ʉ̃gthar chirʉmta thumaam khʉʉnau thomkhĩir.
Moiseeu ley phã pʉatarr Jesuu jaautarr
17’Oob pãrau mua mag Moiseeu ley phã pʉatarr warre isegpäain wa sĩi warrgar Ẽwandam i jaaujerr khʉʉnau nem jaaujerr khãijã isegpäainta beejim amiet ajim anʉm Jesuu. Magju khãai muan warag chadcha ag gaai jaau sim thumaa wawaanta beejim. 18Cha mʉ iekha chirʉm iekhau, mʉg durr jooita edaujã dʉi Ẽwandamau i agkhabam aig chan, ley gaai jaau sĩsidʉm iek bʉdam ãbjã okhoopibaju. Ichiita nem thumaa ich jaautarrjo obeberg majugui ajim anʉm. 19Magua, ãbmua khãijã leidam bʉthʉ khitawiajã ag gaai jaau sim iek bʉ ãb khãijã ʉʉrkhaba, ni ag gaai jaau simjo amkhĩir ich paarmua deeum khʉʉnagjã jaauba sim chan, Ẽwandam maach Porkha sim durr paaukhaimaawaijã ichta thumaam khʉʉn khãaijã jua eegpai sĩerraju. Pari magba, ar ichdeujã mag ley gaai jaau simjo ipierraanaa warm khʉʉnagjã agjo ag gaai jaau simjo ipierraa amkhĩir jaau simʉn chadau, mag Ẽwandam durr paimaawaijã ĩchab ichta warm khʉʉn ʉ̃rpai sĩsijugui ajim anaabá. 20Magnaa ichdeupai, Pãrauta ich Ẽwandamau nem waupi jaau simjo nem wauba, sĩi jãg Ẽwandam iek jawaag chi machnaan aajem khʉʉnjopai nem waunaa Moiseeu ley phã pʉatarr ʉʉrkhaajem khʉʉn denjopaita nem wau nʉm chan, pãar ʉ̃gthar oberbamgui ajim anʉm.
Dich khapeen dʉi meeukha nʉmpaijã pekauu
(Lc. 12:57-59)
21Maimua ich Jesuu magjim aajem: —Pãrau khaphʉ nʉmgui ajim anʉm, warrgarwejã pãar jooinau, “Oob õor thõom; chi õor thõo simʉn ich agjo thõopʉiju aai sim” a jaaujeejim. 22Pari mua mag chirʉmgui ajim anʉm: Õor thõoba awiajã sĩi dich khapeendam dʉi meeukha nʉmpaijã ich agjo pekaukha ober sim. Sĩi dich khapeer meeukhamkhĩir i khĩir iekha nʉmjã pekauu; chi mag iekha sim khʉʉn, thethemnaanau khaibag waupi jaauju. Maimua ar sĩi chikham thõp iekha simjã ya sĩi khĩmie durr barpʉijuuta sim; õor thõoba ab mamʉ ich agjo sĩebahab ajim anʉm, pekauta wau sĩewai.
23’Maguata mag chirʉm: Pʉ, Ẽwandamag nemchaaita ofrendakha deenaa jewaan mam; pari mag mam ee pʉ khĩir ee dʉnʉisim, ãbmua pʉch dʉi iekkhõrdam paraa sim. 24Magbaawai pʉch ofrenda chi nemchaain phaajem aig pʉawi, mag pʉch dʉi khaigba sim aar mawi, ithũu i dʉi iyʉʉ awi, khõinaa nʉisit a jaaumajim anaabá. Maimuan chadau deeu mawia pʉch ofrendadamau Ẽwandamag jeeubamí ajim anʉm.
25’Wa ãbmua khãijã leinaanag pʉ khaibag waumkhĩir pʉch jawaan arrwai, chi thethemnaan aar barwi jaauju nawe, i dʉi wajapha iyʉʉ awi khõinaa nʉisit ajim anʉm. Magbamʉn chi thethemnaanau guardianaanag pʉ pʉr deebaawai jũrr makhʉʉnau pʉ cárcel deg pʉijugui ajim anaabá. 26Cha mʉ iekha chirʉm iekhau, ya pʉʉta amau mag phãar athamʉn, phatkhon gaaimua atarr khai, ãbmiecharam centaaudam phagpʉibam aigjã amau pʉ obeerpʉibajugui ajim anʉm. Mua mag chirʉmʉn, pãach khaibag Ẽwandamag chugpaapiju aai nʉwe chugpaapiwi i dʉi khõinaa ajuuta ẽkhabat a chirʉm.
Jesuu dich õor khabam dʉi khapes apiba jaautarr
27Mag iekhamamua ich Jesuupai amag magjim aajem: —Pãrau khaphʉ nʉmgui ajim anʉm ĩchab, warrgarwejã pãar jooinau, “Oob pãach õor khabam dʉi khapes amiet” a jaaujeejim. 28Pari ĩs mua mag chirʉm: Warre khapes aba awiajã, ãbmuata ʉʉi oowi ich odegpai khãijã, “Jãg ʉʉita magju aai khitaba” a khĩirju simʉn, mag khĩirjubarmuapai ya ich thãar ee pekau waubarm mag ʉʉi dʉi.
29’Magam uguata, pʉ juachaar garm daúa khãijã pʉ pekau waupi sim khai, jẽunaa warre warp barbapʉi. Mag dau ãbpaim gaaimua pʉch mor thum khĩmie durr maju khãai, dau appaita okhoobarmʉn, ʉu simgui ajim anʉm. 30Wa pʉ juachaar garm juau khãijã pʉ pekau waupi sim khai, warre thʉapnaa warp barbapʉi. Jua ãbpaim gaaimua pʉch mor thum khĩmie durr maju khãai, mag jua appaita okhoobarmʉn ʉu simgui ajim aajem. Wajapcharan magʉm pekau waumaaugau dau chukhumjo oobamjonaa magʉm nem khaigbam wawaagjã jua chukhumjo abá, bʉ̃ʉrjã wauba. Magju khãai Ẽwandam dau na pʉch morta sʉrkhabá a chirʉmgui ajim anʉm.
Jesuu ʉʉi pʉapiba jaautarr
(Mt. 19:9; Mr. 10:11,12; Lc. 16:18)
31’Pãrau khaphʉ nʉmgui ajim anʉm ĩchab, pãar jooinau jaauwai, “Ãbmua khãijã ich ʉʉi pʉagpam khai, warre ẽsap gaai ‘Mua pʉ pʉa chirʉm’ a phãnaata irig deeju aai sim” a jaaujeejim. 32Pari ĩs jũrr mua mag chirʉmgui ajim anʉm: Ãbmua khãijã ich ʉʉi deeum dʉi chadcha magba simta pʉa simʉn magan warag juau deeum dʉi magamkhĩirjota pʉa simgui ajim nʉm, magʉm gaaimua warag pekau waumkhĩir. Mag ich ap sim awi chikhamnau pʉatarr ʉʉita au sim wounjã pekauta wau simgui ajim anʉm, agtha chikham ʉʉikha simta au sĩewai.
Chadcha dichdeu nem wauju jawaag jãga aju aai sĩ
33’Ĩchab pãrau khaphʉ nʉm, warrgarwejã pãar jooinau jaauwain, sĩi parhoobam nem igwiata dichdeu nem waum khõsim wauju a iekhaawain, naspawiajã deeu waubam aju aai sim a jaaujeejim. Magarrau “Maach Por Ẽwandam igwiata mua mag nem wauju a iekhabarmʉn chadau pod naspawiajã dich iekhatarr chaaur aju khaba sim” a jaaujeejim. 34Pari ĩs mua pãrag mag chirʉmgui ajim anʉm ich Jesuu: Oob bʉ̃ʉrjã nem inagdam igwia khãijã mag gaaimuata nem wauju a iekhamiet. Edjã Ẽwandam khu juupjem aawai oob edjã igwiajã mag gaaimuata nem wauju amiet. 35Mʉg durrjã sĩi Ẽwandam bʉ dʉnʉʉujem aawai ni mʉg durr igwiajã oob mag gaaimuata nem wauju a iekhamiet a jaaumajim anʉm. Wa Jerusalén phobor igwia khãijã, jãg phobor thumaam khʉʉn khãaijã chi ʉ̃rʉʉcharam Rey sĩejem phobor aawai, oob mag gaaimuajã nem wauju a iekhamiet ajim anʉm. 36Wa dich por igwia khãijã oob mag iekhamiet; magʉmjã pekauu. Pãach iphithur mag iekhawiajã pãrau pãach porbʉ ãbjã bäphä paa auba ni phʉisijã paa aubamgui ajim anʉm, ich Ẽwandamaupaita magpiejeewai. Mag nem parhooba igwiata iekha nʉm aig, Ẽwandam igwiata pãar mag iekha nʉm khabahab, nem thum ichdeuta omparr aawai. 37Magju khãai chadcha nem wauju khai, warre wauju abat. Wa wauba khãijã aju khai, warre ich agjo waubam abat, mag nem inag igwia magʉm gaaimuata wauju a iekhaba.
Dich dʉi õrau khaigba aawai agjo am dʉi khaigba apiba jaautarr
(Lc. 6:29-30)
38’Pãrau khaphʉ nʉm ĩchab, warrgarin pãar jooinau jaauwai, “Chikhamnau pʉch dau suawai puajã agjo i den suju aai sim” a jaaujeejim; wa “Chikhamnau pʉ khierr ãb khãijã buathẽupäaiwai pʉchdeujã i den agjo aju aai sim” a jaaujeejim. 39Pari ĩs mua mag chirʉmgui ajim anʉm deeu ich Jesuu: Ãbmua khãijã pãach dʉi khaigba aawai oob am dʉi agjo khaigba amiet. Magʉmjã agjo pekauu. Magju khãai pʉ khĩidadcha deetarr khai, thoom garjã agjo deemkhĩir irig khĩir ʉabá ajim anaabá warag. 40Ãbmua khãijã leinaanag pʉ jaauwia pʉ camis khãijã khechthʉg aum ig sim khai, warag tagam khajũajã ʉdʉraa irig arrpibá. 41Nem chʉkhʉm khãijã ajués pʉchig kilómetro ãb arrpi sim khai, magʉm aba warag kilómetro numí athaad ajim anaabá. 42Õrau pʉchig nem jeeuwai o ajapha magʉm aba deebá. Maimua sĩi pʉchig nem prestaa khãijã jeeuwai deeb khaba deebapʉi ajim anʉm.
Dich kha ukhurm khʉʉn kha khõsi api jaautarr
(Lc. 6:27-28,32-36)
43’Ĩchab pãrau khaphʉ nʉm, warrgar pãar jooinau jaauwain, “Pãach khapkhʉʉnta kha khõsinaa pãach kha ukhurm khʉʉn oomapha abat” a jaaujeejim. 44Pari ĩs mua mag chirʉmgui ajim anʉm ich Jesuu: Pãach kha ukhurm khʉʉnjã daupii abat; maimua agjo mʉ iek gaaimua pãach khaibag wauju ẽkhaajem khʉʉn kõitjã warag Ẽwandamagta jeeubat. 45Pãrau magta amʉn magan chadcha pãar ʉ̃gthar Ẽwandam chiraajem chaainau. Ich ag Ẽwandamauta õor wajapham khʉʉn atheejã edau wʉʉpinaa khaigbam khʉʉn atheejã wʉʉpiejem. Ichdeuta ĩchab ich daar agpierraa aajem khʉʉn atheejã noseg chepinaa sĩi parhoob amach khõchagpierr nem waaujem khʉʉn atheejã noseg chepiejemgui ajim anʉm. Magua pãraujã agjo thum pãach dʉi khaigba aajem khʉʉnpata daupii aju aai nʉmgui ajim aajem, ichdeu aajemjo. 46Pãrau sĩi pãach daupiim khʉʉnpaita agjo daupii amʉn, ¿maig khan wajaug sĩ? ¿Sĩi Romaam gobierno athee debpaar jeeujem khʉʉn chi khaigbam khʉʉnaujã ich agjo aba aajẽ? ajim anʉm. 47Wa sĩi pãrau pãachjo judionaankha thʉnʉm khʉʉnagpai khãijã saludaakhiin, ¿maigjã khan wajaug sĩ? ¿Ich agjo aba aajẽ judionaan khabam khʉʉnaujã? Pãach meeun khabam khʉʉn awiajã oob amag saludaamapha amiet ajim anʉm. 48Pãach Aai ʉ̃gthar chiraajemjã chi wajapham aawai pãach chi chaainaujã ĩchab pãach Aaijo o wajapha abat pãach khapeen dʉi a jaaumajim anaabá.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2011, Wycliffe Bible Translators, Inc. All rights reserved.