Sɩngrẽ 6:1-4

Ninsaalb buud waa n sɩnga paasg tẽng zugu; b waa n doga wʋsgo: kom-dibli wʋsgo, kom-pugli me wʋsgo. Na-komsã, pãn-dãmba, waa n yãeeme tɩ nin-zaalsa kom-pugli yaa neeba tɩ b na n bao b sẽn nong b rãmbã n maan b pagba. Soaala-Wẽnd waa n yeelame: «M pa tẽed tɩ yaa daar fãa la m na n bas ninsaal t'a kell n vɩɩnd moog ye. Ninsaal sẽn ya neong yĩnga, a yaa bõn-kiidga. Dũnna tɛka a pʋlemd kõn yɩɩg yʋʋm koabg la pisi ye.» Bãng-y tɩ sasa kãng tɩ nin-wobd n da be tẽngã. Bãmb n da pid tẽngã; pãn-dãmba sẽn waa n kẽed ne nin-zaalsa kom-pugli wã la b rog bãmba. Bãmb la tẽn-kʋdem-wẽnnẽ gãndaado; b yʋʋr da yii wʋsgo.

Nemokami skaitymo planai ir skaitiniai, susiję su Sɩngrẽ 6:1-4

Biblija Vaikams