YUH 19
19
1Wo rɔ Pilate ka Isa don kɛlɛden bolo ka a gbasi biɲɛ la. 2Kɛlɛden ka nɔnbɔ wɔninnama ta ka a mɔrɔmɔrɔ i ɲɔɔn ma ka a kɛ mansa fula munuɲa do ri ka wo birin a kun na, a ni ii ka durukiba wulenman ɲalagbɛ do bila a kan na. 3Ii tora ii madonna a la ka a fɔ a yɛ ko: «Yahudiyailu la mansa, i ni kɛ!» Ii tora a da gbasila.
4Pilate bɔra kokura ka a fɔ Yahudiyailu yɛ ko: «Ai ɲa lɔ! N da na a ri ai ma, sa ai ri a lɔn ko n ma kojuu si yen cɛɛ ɲin ma mɛn di kɛ a faa ko ri.» 5Isa bɔra kɛnɛma. Nɔnbɔ wɔninnama mansa fula birinni a kun na, durukiba wulenman ɲalagbɛ ye a kan na. Pilate ka a fɔ ii yɛ ko: «Ai ɲa lɔ! Cɛɛ ye yan!» 6Ii ka a yen mɛn kɛ sarakalasela kuntiilu a ni lakandanilailu ka wɔyɔwɔyɔ kɛ: «Ka a gbɔngbɔn jiri kan! Ka a gbɔngbɔn jiri kan!» Pilate ka a fɔ ii yɛ ko: «Aile ye a ta aile jɛrɛ yɛ, ai ye a gbɔngbɔn jiri kan, baa nde ma sariya yen mɛn di kɛ a faa ko ri.» 7Yahudiyailu ka a jabi: «Sariya kelen ye an bolo wo le a faa ko ri a don ka kan de ka a faa, ka a masɔrɔn a ka a fɔ ko a ye Alla dencɛ ri.»
8Pilate ka kuma wo mɛn tuma mɛn na, do lara a silan kan. 9A donda a la mansa bon na ka a fɔ Isa yɛ ko: «I bɔni mi?» Kɔni Isa ma a jabi. 10Pilate ka a fɔ a yɛ ko: «I ti kumala nde yɛ? I ma a lɔn ko se ye n bolo ka i bila? Se ye n na ka i gbɔngbɔn jiri kan fanan?» 11Isa ka a jabi: «Se foyi tɛ i yɛ n kan fo mɛn bɔni Alla bolo. Wo le rɔ, mɛn ka n don i bolo, wo la kojuu ka bon i ta ri.»
12Pilate ka wo mɛn tuma mɛn na, a ka Isa bila ɲa ɲinin, kɔni Yahudiyailu ka ii mankan ba labɔ ko: «Ni i ka a bila, i ti Sesare duɲɔɔ di. Baa mɔɔ mɛn wa a jɛrɛ kɛ mansa ri, wo tii muruntini Sesari kanma.» 13A ka kuma wo mɛn tuma mɛn na, Pilate bɔra Isa ri gbɛ ma ka wa a jɛrɛ sii kiti diya, yɔrɔ wo tɔɔ le ko Kabakuru Yɔrɔ, Heburu kan dɔ ko Kabata. 14Taminkunna Sali dɔɔnninta rabɛn lon de tɛrɛ, teletala, Pilate ka a fɔ Yahudiyailu yɛ ko: «I ɲa lɔ! Ai la mansa ye yan!» 15Kɔni ii ka ii mankan nabɔ ko: «Ka a faa! Ka a faa! A ye a gbɔngbɔn jiri kan!» Pilate ka a fɔ ii yɛ ko: «Nde ye ai la mansa gbɔngbɔn jiri kan wa?» Sarakalasela kuntiilu ka a jabi: «Mansa si tɛ an kun na fo mansaba Sesari.» 16Wo rɔ Pilate ka Isa bila ii bolo a gbɔngbɔn jiri kan kanma.
Isa gbɔngbɔnda jiri kan
Wo rɔ ii ka Isa mira. 17A jɛrɛ ka gbɔngbɔn jiri ta, ka wa a ri yɔrɔ mɛn tɔɔ ko Kunkolo. Heburu kan dɔ ii ye a fɔla yɔrɔ wo ma ko Kɔlikota. 18Ii ye a gbɔngbɔnna jiri kan ye le, a ni mɔɔ fila, do ye a bolokininma do ye a bolomaran ma; Isa ye ii tɛma. 19Pilate ka sɛbɛli kɛ ka wo gbɔngbɔn Isa gbɔngbɔn jiri kan. A tɛrɛ sɛbɛni ko: «Isa Nasarɛtika, Yahudiyailu la mansa.» 20Yahudiyailu siyaman ba le ka sɛbɛ wo karan, ka a masɔrɔn Isa gbɔngbɔnni jiri kan yɔrɔ mɛn dɔ wo ni so tɛma ma jan. Sɛbɛli tɛrɛ ye Heburu kan dɔ, a ni Rɔmu kan dɔ, a ni fanan Kirɛki kan dɔ. 21Sarakalasela kuntiilu ka a fɔ Pilate yɛ ko: «I kana sɛbɛ ko: ‹Yahudiyailu la mansa›, kɔni ‹A ka a fɔ ko: Nde ye Yahudiyailu la mansa ri.›» 22Pilate ka a jabi: «N ka mɛn sɛbɛ, n da ban a sɛbɛla.»
23Kɛlɛden ii ban mɛn kɛra Isa gbɔngbɔnna jiri kan, ka a la faanin ta, ii ka wo ratala sidiyama naanin, kɛlɛden bɛɛ ni a ta fan. Ii ka a duruki kɔrɔbila fanan ta. Duruki kɔrɔbila wo karasila tɛrɛ sa a la, ka a bɔ a sanma fɔɔ a duuma. 24Ii ka a fɔ i ɲɔɔn yɛ ko: «An kana a rafara, kɔni an ye kalabe kɛ, kala wa mɛn mira wo ri a sɔrɔn.» Wo rɔ sɛbɛli kuma wo ra dafa: «Ii ra n na faanin ratala i ɲɔɔn na, ii ra kalabe kɛ n na faanin ɲuma la ko rɔ.» Awa kɛlɛdenlu ka wo le kɛ.
25Isa la gbɔngbɔn jiri tɔrɔfɛ a na ni a na kɔrɔmuso tɛrɛ ye ye, a ni Kɔlɔpasi la muso Mariyamu a ni Mariyamu Makidalaka. 26Isa la karanden mɛn duman a yɛ kosɛbɛ, wo lɔni tɛrɛ Isa na dafɛ ye. Isa ka wo fila yen tuma mɛn na, a ka a fɔ a na yɛ ko: «Muso, i ɲa lɔ, i dencɛ ye ɲin di.» 27A ka a fɔ a karanden fanan yɛ ko: «I ɲa lɔ, i na le ɲin di!» Waati kelen wo rɔ karanden wo ka Isa na ta ka wa a ri a la lu ma.
Isa sa ɲa
28Wo taminnin kɔ rɔ, Isa ka a lɔn ko ko bɛɛ ra dafa, a ka a fɔ sani sɛbɛli kuma wo ye dafa, ko: «Ji lɔɔ ye n na.» 29Ji fɔrɔkɔ do tɛrɛ ye, fani rɛsɛnji kumunni. Do ka fuu ta ka a sun rɛsɛnji wo rɔ ka a sidi hisope jiri bolon do la ka a madon a da la. 30Isa ka rɛsɛnji kumunni wo sɔrɔn tuma mɛn na, a ka a fɔ ko: «Ko bɛɛ ra dafa.» A ka a kun najii ka a nii di ka sa.
31Ikomin Ɲɔɲɔ lon, su kana to jiri kan, a ni sali dakɔrɔla le tɛrɛ ye, baa Ɲɔɲɔ lon wo ye lon ba de ri, Yahudiyailu ka a fɔ Pilate yɛ ko a ye sɔn mɔɔ gbɔngbɔnnilu senilu ye rakadi, kosa ii ri faa jona. Wo rɔ ii ri se lajiila ka bɔ jiri kan. 32Kɛlɛdenlu wara ii sen dakadi kanma. Mɔɔ fila mɛnilu gbɔngbɔnni Isa dafɛ, kɛlɛdenlu ka woilu fɔlɔman sen dakadi, ka ban ka a filana sen dakadi. 33Ii se mɛn kɛni Isa ma, ii ka a yen a ra sa, wo rɔ ii ma a sen kadi. 34Kɔni kɛlɛden kelen tɛrɛ ye ye mɛn ka a sɔɔ tanba la a barasa rɔ. Wo ɲa ma ji ni jeli bɔra i kɔrɔkɔrɔ. 35Mɛn ka a yen wo kɛra a la sereya ri. A la sereya ye tuɲa le ri. Ale ka a lɔn ko a ye tuɲa le fɔla. A ka sereya mɛn bɔ sa ai fanan di lemɛniya Isa ma. 36Wo bɛɛ kɛra le ri sa sɛbɛli kuma ri dafa ko: «A kolo si kana kadi.» 37Wo fanan ko rɔ, sɛbɛli kuma do ko: «Ii ri mɔɔ ragbɛ mɛn ii ka sɔɔ.»
Isa su don ko
38Wo ban kɔ, Yusufu Arimateka, wara Pilate madiya ko a ni Isa su bɔ jiri kan. Pilate sɔnda wo ma. A nara Isa su lajii. Awa, Yusufu Arimateka tɛrɛ ye Isa la karanden do le ri sutura rɔ, baa a tɛrɛ silanni Yahudiyailu ɲɔ rɔ. 39A ni Nikodɛmu nara. Wo le fɔlɔfɔlɔ ka Isa ɲinin su rɔ. A nara latikɔlɔn sumaduman kilo bisawa, su fila ri: Do tɔɔ ko muri, a to kelen tɔɔ ko alo. 40Ii fila ka Isa su ta, ka a don kasanke rɔ a ni latikɔlɔn sumaduman ka bɛn Yahudiyailu la su don ɲa namun ma. 41Awa a gbɔngbɔnda jiri kan yɔrɔ mɛn dɔ jiritu do tɛrɛ ye ye. Jiritu wo rɔ ye, kaburu kura do tɛrɛ ye, mɔɔ si su tɛrɛ ma don wo rɔ fɔlɔ. 42Yahudiyailu ɲɔɲɔ lon dabɛn waati tɛrɛ ra se. Kaburu tɛrɛ madonni ii la fanan. Wo rɔ ii ka Isa su don ye.
Šiuo metu pasirinkta:
YUH 19: AKS
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
YUH 19
19
1Wo rɔ Pilate ka Isa don kɛlɛden bolo ka a gbasi biɲɛ la. 2Kɛlɛden ka nɔnbɔ wɔninnama ta ka a mɔrɔmɔrɔ i ɲɔɔn ma ka a kɛ mansa fula munuɲa do ri ka wo birin a kun na, a ni ii ka durukiba wulenman ɲalagbɛ do bila a kan na. 3Ii tora ii madonna a la ka a fɔ a yɛ ko: «Yahudiyailu la mansa, i ni kɛ!» Ii tora a da gbasila.
4Pilate bɔra kokura ka a fɔ Yahudiyailu yɛ ko: «Ai ɲa lɔ! N da na a ri ai ma, sa ai ri a lɔn ko n ma kojuu si yen cɛɛ ɲin ma mɛn di kɛ a faa ko ri.» 5Isa bɔra kɛnɛma. Nɔnbɔ wɔninnama mansa fula birinni a kun na, durukiba wulenman ɲalagbɛ ye a kan na. Pilate ka a fɔ ii yɛ ko: «Ai ɲa lɔ! Cɛɛ ye yan!» 6Ii ka a yen mɛn kɛ sarakalasela kuntiilu a ni lakandanilailu ka wɔyɔwɔyɔ kɛ: «Ka a gbɔngbɔn jiri kan! Ka a gbɔngbɔn jiri kan!» Pilate ka a fɔ ii yɛ ko: «Aile ye a ta aile jɛrɛ yɛ, ai ye a gbɔngbɔn jiri kan, baa nde ma sariya yen mɛn di kɛ a faa ko ri.» 7Yahudiyailu ka a jabi: «Sariya kelen ye an bolo wo le a faa ko ri a don ka kan de ka a faa, ka a masɔrɔn a ka a fɔ ko a ye Alla dencɛ ri.»
8Pilate ka kuma wo mɛn tuma mɛn na, do lara a silan kan. 9A donda a la mansa bon na ka a fɔ Isa yɛ ko: «I bɔni mi?» Kɔni Isa ma a jabi. 10Pilate ka a fɔ a yɛ ko: «I ti kumala nde yɛ? I ma a lɔn ko se ye n bolo ka i bila? Se ye n na ka i gbɔngbɔn jiri kan fanan?» 11Isa ka a jabi: «Se foyi tɛ i yɛ n kan fo mɛn bɔni Alla bolo. Wo le rɔ, mɛn ka n don i bolo, wo la kojuu ka bon i ta ri.»
12Pilate ka wo mɛn tuma mɛn na, a ka Isa bila ɲa ɲinin, kɔni Yahudiyailu ka ii mankan ba labɔ ko: «Ni i ka a bila, i ti Sesare duɲɔɔ di. Baa mɔɔ mɛn wa a jɛrɛ kɛ mansa ri, wo tii muruntini Sesari kanma.» 13A ka kuma wo mɛn tuma mɛn na, Pilate bɔra Isa ri gbɛ ma ka wa a jɛrɛ sii kiti diya, yɔrɔ wo tɔɔ le ko Kabakuru Yɔrɔ, Heburu kan dɔ ko Kabata. 14Taminkunna Sali dɔɔnninta rabɛn lon de tɛrɛ, teletala, Pilate ka a fɔ Yahudiyailu yɛ ko: «I ɲa lɔ! Ai la mansa ye yan!» 15Kɔni ii ka ii mankan nabɔ ko: «Ka a faa! Ka a faa! A ye a gbɔngbɔn jiri kan!» Pilate ka a fɔ ii yɛ ko: «Nde ye ai la mansa gbɔngbɔn jiri kan wa?» Sarakalasela kuntiilu ka a jabi: «Mansa si tɛ an kun na fo mansaba Sesari.» 16Wo rɔ Pilate ka Isa bila ii bolo a gbɔngbɔn jiri kan kanma.
Isa gbɔngbɔnda jiri kan
Wo rɔ ii ka Isa mira. 17A jɛrɛ ka gbɔngbɔn jiri ta, ka wa a ri yɔrɔ mɛn tɔɔ ko Kunkolo. Heburu kan dɔ ii ye a fɔla yɔrɔ wo ma ko Kɔlikota. 18Ii ye a gbɔngbɔnna jiri kan ye le, a ni mɔɔ fila, do ye a bolokininma do ye a bolomaran ma; Isa ye ii tɛma. 19Pilate ka sɛbɛli kɛ ka wo gbɔngbɔn Isa gbɔngbɔn jiri kan. A tɛrɛ sɛbɛni ko: «Isa Nasarɛtika, Yahudiyailu la mansa.» 20Yahudiyailu siyaman ba le ka sɛbɛ wo karan, ka a masɔrɔn Isa gbɔngbɔnni jiri kan yɔrɔ mɛn dɔ wo ni so tɛma ma jan. Sɛbɛli tɛrɛ ye Heburu kan dɔ, a ni Rɔmu kan dɔ, a ni fanan Kirɛki kan dɔ. 21Sarakalasela kuntiilu ka a fɔ Pilate yɛ ko: «I kana sɛbɛ ko: ‹Yahudiyailu la mansa›, kɔni ‹A ka a fɔ ko: Nde ye Yahudiyailu la mansa ri.›» 22Pilate ka a jabi: «N ka mɛn sɛbɛ, n da ban a sɛbɛla.»
23Kɛlɛden ii ban mɛn kɛra Isa gbɔngbɔnna jiri kan, ka a la faanin ta, ii ka wo ratala sidiyama naanin, kɛlɛden bɛɛ ni a ta fan. Ii ka a duruki kɔrɔbila fanan ta. Duruki kɔrɔbila wo karasila tɛrɛ sa a la, ka a bɔ a sanma fɔɔ a duuma. 24Ii ka a fɔ i ɲɔɔn yɛ ko: «An kana a rafara, kɔni an ye kalabe kɛ, kala wa mɛn mira wo ri a sɔrɔn.» Wo rɔ sɛbɛli kuma wo ra dafa: «Ii ra n na faanin ratala i ɲɔɔn na, ii ra kalabe kɛ n na faanin ɲuma la ko rɔ.» Awa kɛlɛdenlu ka wo le kɛ.
25Isa la gbɔngbɔn jiri tɔrɔfɛ a na ni a na kɔrɔmuso tɛrɛ ye ye, a ni Kɔlɔpasi la muso Mariyamu a ni Mariyamu Makidalaka. 26Isa la karanden mɛn duman a yɛ kosɛbɛ, wo lɔni tɛrɛ Isa na dafɛ ye. Isa ka wo fila yen tuma mɛn na, a ka a fɔ a na yɛ ko: «Muso, i ɲa lɔ, i dencɛ ye ɲin di.» 27A ka a fɔ a karanden fanan yɛ ko: «I ɲa lɔ, i na le ɲin di!» Waati kelen wo rɔ karanden wo ka Isa na ta ka wa a ri a la lu ma.
Isa sa ɲa
28Wo taminnin kɔ rɔ, Isa ka a lɔn ko ko bɛɛ ra dafa, a ka a fɔ sani sɛbɛli kuma wo ye dafa, ko: «Ji lɔɔ ye n na.» 29Ji fɔrɔkɔ do tɛrɛ ye, fani rɛsɛnji kumunni. Do ka fuu ta ka a sun rɛsɛnji wo rɔ ka a sidi hisope jiri bolon do la ka a madon a da la. 30Isa ka rɛsɛnji kumunni wo sɔrɔn tuma mɛn na, a ka a fɔ ko: «Ko bɛɛ ra dafa.» A ka a kun najii ka a nii di ka sa.
31Ikomin Ɲɔɲɔ lon, su kana to jiri kan, a ni sali dakɔrɔla le tɛrɛ ye, baa Ɲɔɲɔ lon wo ye lon ba de ri, Yahudiyailu ka a fɔ Pilate yɛ ko a ye sɔn mɔɔ gbɔngbɔnnilu senilu ye rakadi, kosa ii ri faa jona. Wo rɔ ii ri se lajiila ka bɔ jiri kan. 32Kɛlɛdenlu wara ii sen dakadi kanma. Mɔɔ fila mɛnilu gbɔngbɔnni Isa dafɛ, kɛlɛdenlu ka woilu fɔlɔman sen dakadi, ka ban ka a filana sen dakadi. 33Ii se mɛn kɛni Isa ma, ii ka a yen a ra sa, wo rɔ ii ma a sen kadi. 34Kɔni kɛlɛden kelen tɛrɛ ye ye mɛn ka a sɔɔ tanba la a barasa rɔ. Wo ɲa ma ji ni jeli bɔra i kɔrɔkɔrɔ. 35Mɛn ka a yen wo kɛra a la sereya ri. A la sereya ye tuɲa le ri. Ale ka a lɔn ko a ye tuɲa le fɔla. A ka sereya mɛn bɔ sa ai fanan di lemɛniya Isa ma. 36Wo bɛɛ kɛra le ri sa sɛbɛli kuma ri dafa ko: «A kolo si kana kadi.» 37Wo fanan ko rɔ, sɛbɛli kuma do ko: «Ii ri mɔɔ ragbɛ mɛn ii ka sɔɔ.»
Isa su don ko
38Wo ban kɔ, Yusufu Arimateka, wara Pilate madiya ko a ni Isa su bɔ jiri kan. Pilate sɔnda wo ma. A nara Isa su lajii. Awa, Yusufu Arimateka tɛrɛ ye Isa la karanden do le ri sutura rɔ, baa a tɛrɛ silanni Yahudiyailu ɲɔ rɔ. 39A ni Nikodɛmu nara. Wo le fɔlɔfɔlɔ ka Isa ɲinin su rɔ. A nara latikɔlɔn sumaduman kilo bisawa, su fila ri: Do tɔɔ ko muri, a to kelen tɔɔ ko alo. 40Ii fila ka Isa su ta, ka a don kasanke rɔ a ni latikɔlɔn sumaduman ka bɛn Yahudiyailu la su don ɲa namun ma. 41Awa a gbɔngbɔnda jiri kan yɔrɔ mɛn dɔ jiritu do tɛrɛ ye ye. Jiritu wo rɔ ye, kaburu kura do tɛrɛ ye, mɔɔ si su tɛrɛ ma don wo rɔ fɔlɔ. 42Yahudiyailu ɲɔɲɔ lon dabɛn waati tɛrɛ ra se. Kaburu tɛrɛ madonni ii la fanan. Wo rɔ ii ka Isa su don ye.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/