Jonah 1
1
1:1-18 Jonah Bajari da Geka Ningi Ghaifo Edo Sufusira.
1Bajari da geka Amittai da mandi Jonah kena fusira, amo eviri: 2“Yasi, reighi bogu begaya Nineve aminda vironu nenda eko ava osa sase! Ai resira: nenda ari ekoko ava obegedo viti ojighira namokena buvuruterira.”
3Avata Jonah ghaifo edo, Tasisi yari dae isira. Nu vosira Jofa (Joppa) buvudo, ghasemo eni Tasisi yari dae iri tafusira. Tambu mino mutudo, vose Bajari kakagari dae sedo Tasisi aminda isira.
4Iri, Bajari yaura saurera ava mutiri sufiri, eva yaura eko beká ava sufuse, ghasemo de bejari dae usira. 5Ghasemo da saramana kakato isasambu oju beká ava iri, nunda nunda totofo nenda god kena simbora use koko siseri. Aminguse, ghasemo feghare dae sedo ghasemo jokáda roera ghotaghetero evada vovosusira.
O Jonah mo, nu anakora ira ghasemo jokáda vose fase avi gitisira.
6Aviri, ghasemo ghaembo dimbari da bajari ai ira tambu sisira, “Ni nangedo avari dae eresi? Eredo, ninda god kori se! Avose, nune namonde dae joka edo sonembari, jo ambae arera tanojo.” 7Aminge setiri ghasemo da saramana kakato minonde minonde siseri, “Evu, namonde kikindoro gaedo gaore: e maveda eko dae namonde eko eretaferi?” Aminge sedo, kikindoro gaetero, Jonah roera gatedo tano usera ava biri, nunda javo isagha usira. 8Amingetiri, ne numokena ategi useri, “Se ningore: maveda eko dae namonde ekoko ereri? Ni redae refesi? Ni reighi ningai embori? Ninda reighi tomanako javo rejori? Ni oro mavejori?”
9Aminge setero, nu mino sisira, “Na oro Hebrew o Israero embo seraera, ainda einiri. Na Bajari God utu, eva a enda ari kato ava tumonde baingheraena.” 10Aminge setiri, ne ojuimi ungu ata dadaragariri numokena ategi useri, “A nange usesi?” Nu Bajari kakagari dae isira, ava anakora setiri ne kasama useri.
11Eva yaura baji eko beká ava usira. Iri, ne aindae numokena ategi useri, “Namane nimokena nange aoro eva yaura tukughedo binono ari?” 12Setero, Jonah sisira, “Na bu jighivu, erono fugevu, evada tifughaone! Amingaovo binono arira. Na kasama erena, emo nanda ekodae ne yaura saurera einda jokáda teretevu.”
13Avata ne jo amingae, ne dave ya founada vitari dae nenda fakinaga ava useri. Avata itako jo gisighe yaeri, eva ainghae dabade baji tomanako usira. 14Amingiri, ne Bajari kena sorara useri, “Arie, Bajari, dubo jama beká e, erá genembo einda jebugadae sedo eoso namane ambeore! Erá namane genembo eveva dariá seose! Ainda bekámo: nine gosuse ninda uju ava etesi.”
15Aminge sedo, ne Jonah bu jighero eretiri fugetero evada tifughiri ainghae dabade, eva yaura tomanako binono gafugusira. 16Amingusira aindae, ghasemo da saramana kakato Bajari dae oju beká ava edo, numokena joba dungetero aviri, numoá tumonde bainghari dae beka gagojuseri. 17Avata Bajari da sarida oka teria aimi Jonah dukughetiri, tini jokáda vosedo sifo a tumba etodaba naká ava irei.
Šiuo metu pasirinkta:
Jonah 1: kpr
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2003, Wycliffe Bible Translators, Inc. All rights reserved.
Jonah 1
1
1:1-18 Jonah Bajari da Geka Ningi Ghaifo Edo Sufusira.
1Bajari da geka Amittai da mandi Jonah kena fusira, amo eviri: 2“Yasi, reighi bogu begaya Nineve aminda vironu nenda eko ava osa sase! Ai resira: nenda ari ekoko ava obegedo viti ojighira namokena buvuruterira.”
3Avata Jonah ghaifo edo, Tasisi yari dae isira. Nu vosira Jofa (Joppa) buvudo, ghasemo eni Tasisi yari dae iri tafusira. Tambu mino mutudo, vose Bajari kakagari dae sedo Tasisi aminda isira.
4Iri, Bajari yaura saurera ava mutiri sufiri, eva yaura eko beká ava sufuse, ghasemo de bejari dae usira. 5Ghasemo da saramana kakato isasambu oju beká ava iri, nunda nunda totofo nenda god kena simbora use koko siseri. Aminguse, ghasemo feghare dae sedo ghasemo jokáda roera ghotaghetero evada vovosusira.
O Jonah mo, nu anakora ira ghasemo jokáda vose fase avi gitisira.
6Aviri, ghasemo ghaembo dimbari da bajari ai ira tambu sisira, “Ni nangedo avari dae eresi? Eredo, ninda god kori se! Avose, nune namonde dae joka edo sonembari, jo ambae arera tanojo.” 7Aminge setiri ghasemo da saramana kakato minonde minonde siseri, “Evu, namonde kikindoro gaedo gaore: e maveda eko dae namonde eko eretaferi?” Aminge sedo, kikindoro gaetero, Jonah roera gatedo tano usera ava biri, nunda javo isagha usira. 8Amingetiri, ne numokena ategi useri, “Se ningore: maveda eko dae namonde ekoko ereri? Ni redae refesi? Ni reighi ningai embori? Ninda reighi tomanako javo rejori? Ni oro mavejori?”
9Aminge setero, nu mino sisira, “Na oro Hebrew o Israero embo seraera, ainda einiri. Na Bajari God utu, eva a enda ari kato ava tumonde baingheraena.” 10Aminge setiri, ne ojuimi ungu ata dadaragariri numokena ategi useri, “A nange usesi?” Nu Bajari kakagari dae isira, ava anakora setiri ne kasama useri.
11Eva yaura baji eko beká ava usira. Iri, ne aindae numokena ategi useri, “Namane nimokena nange aoro eva yaura tukughedo binono ari?” 12Setero, Jonah sisira, “Na bu jighivu, erono fugevu, evada tifughaone! Amingaovo binono arira. Na kasama erena, emo nanda ekodae ne yaura saurera einda jokáda teretevu.”
13Avata ne jo amingae, ne dave ya founada vitari dae nenda fakinaga ava useri. Avata itako jo gisighe yaeri, eva ainghae dabade baji tomanako usira. 14Amingiri, ne Bajari kena sorara useri, “Arie, Bajari, dubo jama beká e, erá genembo einda jebugadae sedo eoso namane ambeore! Erá namane genembo eveva dariá seose! Ainda bekámo: nine gosuse ninda uju ava etesi.”
15Aminge sedo, ne Jonah bu jighero eretiri fugetero evada tifughiri ainghae dabade, eva yaura tomanako binono gafugusira. 16Amingusira aindae, ghasemo da saramana kakato Bajari dae oju beká ava edo, numokena joba dungetero aviri, numoá tumonde bainghari dae beka gagojuseri. 17Avata Bajari da sarida oka teria aimi Jonah dukughetiri, tini jokáda vosedo sifo a tumba etodaba naká ava irei.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2003, Wycliffe Bible Translators, Inc. All rights reserved.