Luˇkaꞈ 7
7
Loˇmaˆ tsawˇ haˬ yaw huiˬ yaw mahˇ-euˬ zaˬ kʼaˆ-ahˇ Yeˬsuˇ naˇ gawˇ laˆ taˬ nehˬ-euˬ
(Maꞈtehˬ 8.3-15)
1Yeˬsuˇ tsawˇ haˬ kʼoeˇ deuˬ-ahˇ kʼaˇ ehˇ nehˬ paˬ-ehˇ gʼeh-eu jeˬ ehˇ nehˬ gʼaˬ ngeh, Gaˬbeˬneˬoˬ meuˬ-ahˇ iˇ-euˬ meh. 2Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh. 3Yaw huiˬ yaw mahˇ kʼoeˇ gʼaˬ Yeˬsuˇ gaˇ kawˆ ya gaˬ ngeh, aˬ yawꞈ-euˬ zaˬ kʼaˆ-ahˇ bi laˆ taˬ-eu gʼaˇ duˬ, Yuˇdaˆ tsawˇ haˬ tsawˇ mawˬ tsawˇ kʼaˆ deuˬ-ahˇ kʼehˇ gʼeh-awˇ, Yeˬsuˇ-ahˇ bi kuˇ laˬ-iˇ-euˬ meh. 4Aˬ yawꞈ maꞈ Yeˬsuˇ jawˇ gaˇ iˇ keuˆ ngeh, Yeˬsuˇ-ahˇ shaˇ dui dui-awˇ ehˇ-eu, “Tsawˇ haˬ heu gʼaˬ-ahˇ nawˇ caw ba nehˬ paˬ-ehˇ gʼeh dui dui meh. 5Aˬ dui-euˬ tsawˇ jeuˬ-ahˇ aˬ yawꞈ gaˬ-awˇ, aˬ dui-euˬ gʼaˇ duˬ uˬ duˬ tahˬ nymˇ tsoˆ nehˬ laꞈ-euˬ meh.”
6Kʼoeˇ ngeh, aˬ yawꞈ maꞈ nehˬ-ehˇ Yeˬsuˇ iˇ nehˬ-euˬ meh. Yaw huiˬ yaw mahˇ kʼoeˇ gʼaˬ-euˬ nymˇ-ahˇ maˬ kaˬ maˬ kaˇ-ehˇ iˇ keuˆ ngeh, yaw huiˬ yaw mahˇ kʼoeˇ gʼaˬ aˬ yawꞈ-euˬ cawˬ deuˬ-ahˇ Yeˬsuˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.“Sahˬpaˬ-oˇ, nawˇ ngaˬ-euˬ nymˇ-ahˇ oe-eu lehˇ gaˇ ma maˬ bi cah coeˬ mawꞈ nya. Aˬ jeˬ miˇ neh ehˇ naˇ, ngaˬ-euˬ nymˇ-ahˇ nawˇ bi uˇ laˇ paˬ-ehˇ, ngaˇ tiˬ pawꞈ-iˬ maˬ geuˇ nya. 7Kʼoeˇ miˇ neh, nawˇ jawˇ gaˇ ngaˬ-euˬ gʼawˇ mawˇ maˬ oe-euˬ ma. Dawˬ tehꞈ-ehˇ biꞈ leꞈ-awˇ, ngaˬ-euˬ zaˬ kʼaˆ-ahˇ bi taˬ leˇ nehˬ laꞈ-awˬ. 8Aˬ jeˬ miˇ neh ehˇ naˇ, ngaˇ kʼawꞈ, ngaˬ naˆ maˬ teˇ huiˬ-eu yaw huiˬ yaw mahˇ deuˬ-euˬ laꞈ oˆ jawˇ-awˇ gaˇ ya mˇ-eu loꞈ-ehˇ, ngaˬ-euˬ laꞈ oˆ gaˇ mˇ-eu yehˇ deuˬ kʼawꞈ jawˇ ma. Ngaˬ neh ‘Iˇ-awˬ’ lehˇ ehˇ nehˬ-euˬ gʼaˬ ya iˇ-awˇ, ‘Laˇ-awˬ’ lehˇ ehˇ nehˬ-euˬ gʼaˬ ya laˇ meh. ‘Heu jeˬ mˇ sheˇ’ lehˇ, ngaˬ-euˬ zaˬ kʼaˆ-ahˇ ngaˇ kʼehˇ naˇ, ngaˬ neh kʼaˇ kʼehˇ-euˬ loꞈ-ehˇ ya mˇ meh.”
9Kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ aˇ maꞈ jawˇ paw ciˬ pyawˇ-awˇ ehˇ nehˬ-eu, “Ngaˇ naw maꞈ-ahˇ ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.”
10Dawˬ tsaꞈ tsaꞈ le-euˬ tsawˇ haˬ kʼoeˇ deuˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ gʼoꞈ-iˇ ngeh, zaˬ kʼaˆ kʼoeˇ gʼaˬ taˬ leˇ-euˬ gaˇ ya mawˇ-euˬ meh.
Miˬ coeˬ miˬ ma tiˬ gʼaˬ-euˬ aˬ li-ahˇ Yeˬsuˇ bi gʼoꞈ dehꞈ laˇ-euˬ
11Kʼoeˇ naˇ kʼah, Naˬiˇnaˆ meuˬ lehˇ kuˇ-eu meuˬ tiˬ meuˬ-ahˇ Yeˬsuˇ le-euˬ meh. Aˬ yawꞈ-euˬ zaˬ lahˇ deuˬ hawˇ-eu, tsawˇ haˬ aˇ maꞈ maꞈ ma tiˬ maꞈ aˬ yawꞈ nehˬ-ehˇ le-euˬ meh. 12Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh. 13Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh. 14Aˬ yawꞈ le-awˇ, seuˆ yoꞈ-ahˇ toeˬ ciˆ ngeh, seuˆ yoꞈ baꞈ luꞈ-eu tsawˇ haˬ deuˬ naˬ leˇ-euˬ meh. “Aˬ nyiˇ-oˇ, tuˇ laˇ-awˬ lehˇ nawˬ-ahˇ ngaˇ ehˇ-eu ma” lehˇ, shiˇ-euˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh. 15Kʼoeˇ ngeh, shiˇ-euˬ tsawˇ haˬ kʼoeˇ gʼaˬ tuˇ nuiˇ laˇ-awˇ, dawˬ ngehˬ ngehˬ-euˬ meh. Kʼoeˇ naˇ, aˬ ma gʼaˬ-ahˇ, “Nawˬ li sheuˬ kʼoꞈ-awˬ” lehˇ Yeˬsuˇ ehˇ-awˇ a kʼoꞈ nehˬ-euˬ meh.
16Aˬ yawꞈ maꞈ dawˬ tawˆ luꞈ guˆ dui dui-awˇ, Miˬyehˇ-ahˇ ja ceuˬ-euˬ meh. “Miˬyehˇ gʼaˇ duˬ ngehˬ dah-eu huiˬ dui dui-eu gʼaˬ aˬ dui jawˇ gaˇ doˆ laˇ-euˬ ngaˇ” lehˇ hawˇ-eu, “Miˬyehˇ aˬ yawꞈ-euˬ tsawˇ haˬ deuˬ-ahˇ haw le-euˬ ngaˇ” lehˇ, aˬ yawꞈ maꞈ ehˇ-eu meh.
17Yeˬsuˇ kʼoeˇ loꞈ-ehˇ mˇ-euˬ gaˇ kawˆ kʼoeˇ, Yuˇdaˆ miˇ kʼahˬ gaˬ byah-iˇ-awˇ, dawˬ peh jaˆ-eu miˇ kʼahˬ deuˬ-ahˇ gaˬ doe-iˇ-euˬ meh.
Iˇ cuꞈ shawˇ-eu Yoˇhaˬ neh kʼehˇ gʼeh leꞈ-euˬ zaˬ lahˇ deuˬ
(Maꞈtehˬ 11.2-9)
18Gaˇ kawˆ kʼoeˇ deuˬ dawˬ tawˆ luꞈ, Yoˇhaˬ-euˬ zaˬ lahˇ deuˬ neh Yoˇhaˬ-ahˇ dzawˇ nehˬ-euˬ meh. 19Kʼoeˇ naˇ, Yoˇhaˬ-aˬ, aˬ yawꞈ-euˬ zaˬ lahˇ nyiˬ gʼaˬ-ahˇ kuˇ-awˇ, Sahˬpaˬ Yeˬsuˇ jawˇ gaˇ kʼehˇ gʼeh-awˇ heu loꞈ-ehˇ bi naˇ haˬ-iˇ-euˬ meh. “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ.”
20Aˬ yawꞈ maꞈ Yeˬsuˇ jawˇ gaˇ iˇ keuˆ-awˇ naˇ haˬ-eu, “Iˇ cuꞈ shawˇ-eu Yoˇhaˬ neh nga maꞈ-ahˇ nawˇ jawˇ gaˇ kʼehˇ gʼeh leꞈ-awˇ, oe tehꞈ-a lehˇ aˬ yawꞈ neh ehˇ-euˬ kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaꞈ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ lehˇ bi naˇ haˬ le-euˬ meh.”
21Kʼoeˇ ngeh kʼeh tseuˆ ni, naˇ-eu gawˇ-eu tsawˇ haˬ deuˬ, yaw jaw pyaˬ-eu tsawˇ haˬ deuˬ hawˇ-eu, nehꞈ yaw jawꞈ uˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, myaˆ behꞈ gʼawˬ mya gʼaˬ-ahˇ myaˆ nuiˆ bi mawˇ laˇ-euˬ tiˬ dehˬ pyeuꞈ-eu meh. 22Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ#7.22 ‘Coiˬ doi shawˇ laˇ-euˬ’ lehˇ ehˇ-eu dawˬ tsuiꞈ, Maꞈtehˬ 11.5-ahˇ haw-awˬ. , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ. 23Ngaˬ-ahˇ jah-eu nui ma poˆ poˆ laˆ laˆ-ehˇ maˬ gʼeh-eu tsawˇ haˬ deuˬ guiˬ lahˬ huiˬ tehꞈ-a.”
24Yoˇhaˬ-euˬ zaˬ lahˇ kʼoeˇ nyiˬ gʼaˬ gʼoꞈ dzeuˇ ngeh, Yeˬsuˇ tsawˇ haˬ aˇ maꞈ kʼoeˇ deuˬ-ahˇ Yoˇhaˬ-euˬ gaˇ kawˆ heu loꞈ-ehˇ ehˇ nehˬ-euˬ meh. “Bawˇ tsahˬ bawˇ dahˇ-ahˇ Yoˇhaˬ jawˇ gaˇ naw maꞈ iˇ ngeh, aˬ jeˬ-ahˇ ya mawˇ ni noeˬ tmˬ-awˇ iˇ teˬ. Aˇ toꞈ aˇ bawˬ-ahˇ jaˬ lehˇ baw nyeh gaˇ haw-iˇ teˬ loˇ. 25Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-awˇ yaw kuiˇ tehꞈ-ehˇ dzaˬ-eu tsawˇ haˬ deuˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ. 26Naw maꞈ aˬ jeˬ-ahˇ haw-iˇ teˬ lehˇ ehˇ sheˇ. Miˬyehˇ gʼaˇ duˬ ngehˬ dah-eu gʼaˬ-ahˇ haw-iˇ-euˬ maˬ ngeuˇ loˇ. Ngeuˇ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ haw-iˇ-euˬ yaw duˬ baw meh. Naw maꞈ neh haw-iˇ-euˬ kʼoeˇ gʼaˬ-aˬ, Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ naˆ maˬ tseˇ huiˬ dzehˬ-eu gʼaˬ meh. 27Aˬ jeˬ miˇ neh ehˇ naˇ, Yoˇhaˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ jaˆ-eu meh.
‘Ngaˬ-euˬ gʼaˇ duˬ ngehˬ dah-eu gʼaˬ,
nawˬ-euˬ mehˬ hu ngaˇ pyehˬ gʼeh-awˇ,
nawˬ-euˬ gaˇ ma bi shaˇ dahˇ ma.’
28Ngaˇ naw maꞈ-ahˇ ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, Miˬyehˇ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dzehˬ nyiˇ dzehˬ-eu gʼaˬ-aˬ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.”
29Tsawˇ haˬ dawˬ tawˆ luꞈ, Yoˇhaˬ dawˬ mehˬ mehˬ gaˇ ya gaˬ-euˬ meh. Aˬ yawꞈ maꞈ hawˇ-eu kawˬ taꞈ-eu tsawˇ haˬ deuˬ-aˬ, Miˬyehˇ neh dawˬ biꞈ taˬ-euˬ yaw tsaˬ yaw dawˇ jeˬ-ahˇ ha geuꞈ-awˇ, Yoˇhaˬ neh iˇ cuꞈ bi shawˇ-euˬ meh. 30Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.
31Yeˬsuˇ paˇ ehˇ-eu,“Heu ziˇ-euˬ tsawˇ haˬ deuˬ aˬ jeˬ-ahˇ shaˇ cehˆ haw paˬ nga. Aˬ yawꞈ maꞈ aˬ jeˬ-ahˇ duˇ-eu nga. 32Aˬ yawꞈ maꞈ-aˬ, lehˆ lehˆ kawˆ-ahˇ nuiˇ-awˇ tiˬ maꞈ tiˇ maꞈ heu loꞈ-ehˇ guˇ cawˬ luꞈ-eu zaˬ deuˬ-ahˇ duˇ-eu meh. ‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’ 33Iˇ cuꞈ shawˇ-eu Yoˇhaˬ oe ngeh, hawˬ maˬ dzaˬ ni dzahˬ-awˇ, aˬ gaꞈ dzaˇ uiˇ maˬ dawˇ-eu miˇneh, ‘Tsawˇ haˬ heu gʼaˬ nehꞈ uˇ-eu tsawˇ ngaˬ nga’ lehˇ naw maꞈ aˬ yawꞈ-ahˇ ehˇ-eu meh. 34Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’ 35Ehˇ kʼawꞈ, Miˬyehˇ-euˬ zaˬ siˬ tsawˇ gahˇ-ahˇ kʼaˇ ha geuꞈ-eu tsawˇ haˬ deuˬ baˬ da neh, zaˬ siˬ tsawˇ gahˇ kʼoeˇ tsaˬ-eu gaˇ kawˆ bya cehˆ ni doˆ laˇ tehꞈ-a.
Siˇmoˬ lehˇ myahˇ-euˬ Paˬliˬsehˇ tiˬ gʼaˬ-euˬ nymˇ-ahˇ Yeˬsuˇ hawˬ dzaˬ-euˬ
36Paˬliˬsehˇ tiˬ gʼaˬ Yeˬsu-ahˇ hawˬ bi dzaˬ-eu gʼaˇ duˬ kuˇ-eu miˇ neh, Paˬliˬsehˇ kʼoeˇ gʼaˬ-euˬ nymˇ-ahˇ Yeˬsuˇ iˇ-awˇ hawˬ jawˬ jawˬ-euˬ meh. 37Meuˬ kʼoeˇ meuˬ laꞈ kʼoeˇ, iˬ baˇ mˇ mˇ-ehˇ dehꞈ-euˬ zaˬ tiˬ gʼaˬ jawˇ-eu meh. Paˬliˬsehˇ kʼoeˇ gʼaˬ-euˬ nymˇ-ahˇ Yeˬsuˇ hawˬ dzaˬ luꞈ-eu gaˇ kawˆ zaˬ miˬ zaˬ kʼoeˇ gʼaˬ ya siˬ ngeh, tsiˇ yaw saw jeˬ tiˬ byah ni dahˬ-eu lo pyuˇ maˇ tsaꞈ tiˬ tsaꞈ ciˬ-awˇ laˇ-euˬ meh. 38Aˬ yawꞈ Yeˬsuˇ-euˬ naˇ kʼah aˬ kuiˇ dawˬ peh yawꞈ-awˇ ngoeˇ-eu miˇ neh, Yeˬsuˇ-euˬ aˬ kuiˇ-ahˇ myaˆ biˇ dzaˆ daˆ-euˬ meh. Kʼoeˇ ngeh, aˬ yawꞈ-euˬ uˬ duˬ tsehˇ kahˇ neh Yeˬsuˇ-euˬ aˬ kuiˇ-ahˇ dzaˆ daˆ taˬ-euˬ myaˆ biˇ kʼoeˇ shiˆ gui nehˬ-awˇ, aˬ kuiˇ-ahˇ mehˬ cuˇ cuˇ-awˇ, tsiˇ yaw saw jeˬ shehˆ daˆ nehˬ-euˬ meh. 39Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”
40Yeˬsuˇ Paˬliˬsehˇ kʼoeˇ gʼaˬ-ahˇ ehˇ nehˬ-eu, “Siˇmoˬ-oˇ, ngaˇ nawˬ-ahˇ tiˬ jeˬ ehˇ nehˬ mawꞈ nya.”
Aˬ yawꞈ ehˇ-eu, “Ehˇ-awˬ saˬ laˬ-oˇ.”
41Yeˬsuˇ ehˇ-eu, “Pyuˇ paˇ nehˬ-eu tsawˇ haˬ tiˬ gʼaˬ-ahˇ dziˇ dzoˆ daˆ-eu tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, ngaˬ yaˇ byaˆ daˆ-awˇ, tiˬ gʼaˬ-aˬ, ngaˬ tseˇ byaˆ daˆ-eu meh. 42Nyiˬ gʼaˬ luꞈ dziˇ dzoˆ maˬ tsoeˬ kʼoꞈ nya-eu miˇ neh, maˬ bi tsoeˬ kʼoꞈ ni byehˇ nehˬ-euˬ meh. Aˬ yawꞈ nyaꞈ laꞈ kʼoeˇ, aˬ geu gʼaˬ pyuˇ paˇ nehˬ-euˬ kʼoeˇ gʼaˬ-ahˇ gaˬ dzehˬ nmˇ.”
43Siˇmoˬ ehˇ-eu, “Dziˇ dzoˆ daˆ dzehˬ-eu gʼaˬ gaˬ dzehˬ tehꞈ-a lehˇ ngaˇ noeˬ miˇ-a.”
Yeˬsuˇ ehˇ-eu, “Nawˇ ehˇ-eu tsaˬ meh.”
44Kʼoeˇ naˇ, Yeˬsuˇ zaˬ miˬ zaˬ kʼoeˇ gʼaˬ-ahˇ tiˬ poˆ haw-awˇ, Siˇmoˬ-ahˇ heu loꞈ-ehˇ ehˇ nehˬ-euˬ meh. “Zaˬ miˬ zaˬ heu gʼaˬ-ahˇ nymˬ-mˇ nawˇ mawˇ luꞈ ngaˇ. Ngaˇ nawˬ-euˬ nymˇ-ahˇ uˇ laˇ taˬ-awˇ jawˇ-eu ma. Nawˇ ngaˬ-ahˇ aˬ kuiˇ dzuiꞈ-eu iˇ cuꞈ maˬ ciˬ nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ aˬ yawꞈ-euˬ myaˆ biˇ neh ngaˬ-euˬ aˬ kuiˇ dzuiꞈ shawˇ-awˇ, aˬ yawꞈ-euˬ uˬ duˬ tsehˇ kahˇ neh shiˆ gui nehˬ laꞈ-euˬ meh. 45Nawˇ ngaˬ-ahˇ mehˬ cuˇ cuˇ-awˇ maˬ ha nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ-aˬ, ngaˇ uˇ laˇ ngeh neh nymˬ-mˇ keuˆ ni, ngaˬ-euˬ aˬ kuiˇ-ahˇ mehˬ cuˇ cuˇ-eu maˬ naˬ leˇ-aˬ siˬ. 46Ngaˬ-euˬ uˬ duˬ-ahˇ lehꞈ-awˬ lehˇ nawˇ ngaˬ-ahˇ saˬ loˬ tsiˇ maˬ biꞈ nehˬ laꞈ-aˬ. Ehˇ kʼawꞈ, aˬ yawꞈ-aˬ, ngaˬ-euˬ aˬ kuiˇ-ahˇ tsiˇ yaw saw jeˬ lehꞈ nehˬ laꞈ-euˬ meh. 47Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”
48Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˬ-euˬ iˬ baˇ pyehˬ nehˬ gʼaˬ-euˬ ma.”
49Kʼoeˇ ngeh, aˬ yawꞈ nehˬ-ehˇ hawˬ jeh-ahˇ jawˬ luꞈ-eu tsawˇ haˬ deuˬ-euˬ nui ma laꞈ kʼoeˇ heu loꞈ-ehˇ ehˇ-eu, “Iˬ baˇ-ahˇ keuˆ ni pyehˬ nehˬ nya-eu tsawˇ haˬ heu gʼaˬ aˬ suˇ gʼaˬ maˬ siˬ ngaˇ.”
50Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”
Šiuo metu pasirinkta:
Luˇkaꞈ 7: AHK
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Akha Bible Revision (Latin Script) © Thailand Bible Society, 2011.
Luˇkaꞈ 7
7
Loˇmaˆ tsawˇ haˬ yaw huiˬ yaw mahˇ-euˬ zaˬ kʼaˆ-ahˇ Yeˬsuˇ naˇ gawˇ laˆ taˬ nehˬ-euˬ
(Maꞈtehˬ 8.3-15)
1Yeˬsuˇ tsawˇ haˬ kʼoeˇ deuˬ-ahˇ kʼaˇ ehˇ nehˬ paˬ-ehˇ gʼeh-eu jeˬ ehˇ nehˬ gʼaˬ ngeh, Gaˬbeˬneˬoˬ meuˬ-ahˇ iˇ-euˬ meh. 2Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh. 3Yaw huiˬ yaw mahˇ kʼoeˇ gʼaˬ Yeˬsuˇ gaˇ kawˆ ya gaˬ ngeh, aˬ yawꞈ-euˬ zaˬ kʼaˆ-ahˇ bi laˆ taˬ-eu gʼaˇ duˬ, Yuˇdaˆ tsawˇ haˬ tsawˇ mawˬ tsawˇ kʼaˆ deuˬ-ahˇ kʼehˇ gʼeh-awˇ, Yeˬsuˇ-ahˇ bi kuˇ laˬ-iˇ-euˬ meh. 4Aˬ yawꞈ maꞈ Yeˬsuˇ jawˇ gaˇ iˇ keuˆ ngeh, Yeˬsuˇ-ahˇ shaˇ dui dui-awˇ ehˇ-eu, “Tsawˇ haˬ heu gʼaˬ-ahˇ nawˇ caw ba nehˬ paˬ-ehˇ gʼeh dui dui meh. 5Aˬ dui-euˬ tsawˇ jeuˬ-ahˇ aˬ yawꞈ gaˬ-awˇ, aˬ dui-euˬ gʼaˇ duˬ uˬ duˬ tahˬ nymˇ tsoˆ nehˬ laꞈ-euˬ meh.”
6Kʼoeˇ ngeh, aˬ yawꞈ maꞈ nehˬ-ehˇ Yeˬsuˇ iˇ nehˬ-euˬ meh. Yaw huiˬ yaw mahˇ kʼoeˇ gʼaˬ-euˬ nymˇ-ahˇ maˬ kaˬ maˬ kaˇ-ehˇ iˇ keuˆ ngeh, yaw huiˬ yaw mahˇ kʼoeˇ gʼaˬ aˬ yawꞈ-euˬ cawˬ deuˬ-ahˇ Yeˬsuˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.“Sahˬpaˬ-oˇ, nawˇ ngaˬ-euˬ nymˇ-ahˇ oe-eu lehˇ gaˇ ma maˬ bi cah coeˬ mawꞈ nya. Aˬ jeˬ miˇ neh ehˇ naˇ, ngaˬ-euˬ nymˇ-ahˇ nawˇ bi uˇ laˇ paˬ-ehˇ, ngaˇ tiˬ pawꞈ-iˬ maˬ geuˇ nya. 7Kʼoeˇ miˇ neh, nawˇ jawˇ gaˇ ngaˬ-euˬ gʼawˇ mawˇ maˬ oe-euˬ ma. Dawˬ tehꞈ-ehˇ biꞈ leꞈ-awˇ, ngaˬ-euˬ zaˬ kʼaˆ-ahˇ bi taˬ leˇ nehˬ laꞈ-awˬ. 8Aˬ jeˬ miˇ neh ehˇ naˇ, ngaˇ kʼawꞈ, ngaˬ naˆ maˬ teˇ huiˬ-eu yaw huiˬ yaw mahˇ deuˬ-euˬ laꞈ oˆ jawˇ-awˇ gaˇ ya mˇ-eu loꞈ-ehˇ, ngaˬ-euˬ laꞈ oˆ gaˇ mˇ-eu yehˇ deuˬ kʼawꞈ jawˇ ma. Ngaˬ neh ‘Iˇ-awˬ’ lehˇ ehˇ nehˬ-euˬ gʼaˬ ya iˇ-awˇ, ‘Laˇ-awˬ’ lehˇ ehˇ nehˬ-euˬ gʼaˬ ya laˇ meh. ‘Heu jeˬ mˇ sheˇ’ lehˇ, ngaˬ-euˬ zaˬ kʼaˆ-ahˇ ngaˇ kʼehˇ naˇ, ngaˬ neh kʼaˇ kʼehˇ-euˬ loꞈ-ehˇ ya mˇ meh.”
9Kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ aˇ maꞈ jawˇ paw ciˬ pyawˇ-awˇ ehˇ nehˬ-eu, “Ngaˇ naw maꞈ-ahˇ ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.”
10Dawˬ tsaꞈ tsaꞈ le-euˬ tsawˇ haˬ kʼoeˇ deuˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ gʼoꞈ-iˇ ngeh, zaˬ kʼaˆ kʼoeˇ gʼaˬ taˬ leˇ-euˬ gaˇ ya mawˇ-euˬ meh.
Miˬ coeˬ miˬ ma tiˬ gʼaˬ-euˬ aˬ li-ahˇ Yeˬsuˇ bi gʼoꞈ dehꞈ laˇ-euˬ
11Kʼoeˇ naˇ kʼah, Naˬiˇnaˆ meuˬ lehˇ kuˇ-eu meuˬ tiˬ meuˬ-ahˇ Yeˬsuˇ le-euˬ meh. Aˬ yawꞈ-euˬ zaˬ lahˇ deuˬ hawˇ-eu, tsawˇ haˬ aˇ maꞈ maꞈ ma tiˬ maꞈ aˬ yawꞈ nehˬ-ehˇ le-euˬ meh. 12Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh. 13Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh. 14Aˬ yawꞈ le-awˇ, seuˆ yoꞈ-ahˇ toeˬ ciˆ ngeh, seuˆ yoꞈ baꞈ luꞈ-eu tsawˇ haˬ deuˬ naˬ leˇ-euˬ meh. “Aˬ nyiˇ-oˇ, tuˇ laˇ-awˬ lehˇ nawˬ-ahˇ ngaˇ ehˇ-eu ma” lehˇ, shiˇ-euˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh. 15Kʼoeˇ ngeh, shiˇ-euˬ tsawˇ haˬ kʼoeˇ gʼaˬ tuˇ nuiˇ laˇ-awˇ, dawˬ ngehˬ ngehˬ-euˬ meh. Kʼoeˇ naˇ, aˬ ma gʼaˬ-ahˇ, “Nawˬ li sheuˬ kʼoꞈ-awˬ” lehˇ Yeˬsuˇ ehˇ-awˇ a kʼoꞈ nehˬ-euˬ meh.
16Aˬ yawꞈ maꞈ dawˬ tawˆ luꞈ guˆ dui dui-awˇ, Miˬyehˇ-ahˇ ja ceuˬ-euˬ meh. “Miˬyehˇ gʼaˇ duˬ ngehˬ dah-eu huiˬ dui dui-eu gʼaˬ aˬ dui jawˇ gaˇ doˆ laˇ-euˬ ngaˇ” lehˇ hawˇ-eu, “Miˬyehˇ aˬ yawꞈ-euˬ tsawˇ haˬ deuˬ-ahˇ haw le-euˬ ngaˇ” lehˇ, aˬ yawꞈ maꞈ ehˇ-eu meh.
17Yeˬsuˇ kʼoeˇ loꞈ-ehˇ mˇ-euˬ gaˇ kawˆ kʼoeˇ, Yuˇdaˆ miˇ kʼahˬ gaˬ byah-iˇ-awˇ, dawˬ peh jaˆ-eu miˇ kʼahˬ deuˬ-ahˇ gaˬ doe-iˇ-euˬ meh.
Iˇ cuꞈ shawˇ-eu Yoˇhaˬ neh kʼehˇ gʼeh leꞈ-euˬ zaˬ lahˇ deuˬ
(Maꞈtehˬ 11.2-9)
18Gaˇ kawˆ kʼoeˇ deuˬ dawˬ tawˆ luꞈ, Yoˇhaˬ-euˬ zaˬ lahˇ deuˬ neh Yoˇhaˬ-ahˇ dzawˇ nehˬ-euˬ meh. 19Kʼoeˇ naˇ, Yoˇhaˬ-aˬ, aˬ yawꞈ-euˬ zaˬ lahˇ nyiˬ gʼaˬ-ahˇ kuˇ-awˇ, Sahˬpaˬ Yeˬsuˇ jawˇ gaˇ kʼehˇ gʼeh-awˇ heu loꞈ-ehˇ bi naˇ haˬ-iˇ-euˬ meh. “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ.”
20Aˬ yawꞈ maꞈ Yeˬsuˇ jawˇ gaˇ iˇ keuˆ-awˇ naˇ haˬ-eu, “Iˇ cuꞈ shawˇ-eu Yoˇhaˬ neh nga maꞈ-ahˇ nawˇ jawˇ gaˇ kʼehˇ gʼeh leꞈ-awˇ, oe tehꞈ-a lehˇ aˬ yawꞈ neh ehˇ-euˬ kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaꞈ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ lehˇ bi naˇ haˬ le-euˬ meh.”
21Kʼoeˇ ngeh kʼeh tseuˆ ni, naˇ-eu gawˇ-eu tsawˇ haˬ deuˬ, yaw jaw pyaˬ-eu tsawˇ haˬ deuˬ hawˇ-eu, nehꞈ yaw jawꞈ uˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, myaˆ behꞈ gʼawˬ mya gʼaˬ-ahˇ myaˆ nuiˆ bi mawˇ laˇ-euˬ tiˬ dehˬ pyeuꞈ-eu meh. 22Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ#7.22 ‘Coiˬ doi shawˇ laˇ-euˬ’ lehˇ ehˇ-eu dawˬ tsuiꞈ, Maꞈtehˬ 11.5-ahˇ haw-awˬ. , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ. 23Ngaˬ-ahˇ jah-eu nui ma poˆ poˆ laˆ laˆ-ehˇ maˬ gʼeh-eu tsawˇ haˬ deuˬ guiˬ lahˬ huiˬ tehꞈ-a.”
24Yoˇhaˬ-euˬ zaˬ lahˇ kʼoeˇ nyiˬ gʼaˬ gʼoꞈ dzeuˇ ngeh, Yeˬsuˇ tsawˇ haˬ aˇ maꞈ kʼoeˇ deuˬ-ahˇ Yoˇhaˬ-euˬ gaˇ kawˆ heu loꞈ-ehˇ ehˇ nehˬ-euˬ meh. “Bawˇ tsahˬ bawˇ dahˇ-ahˇ Yoˇhaˬ jawˇ gaˇ naw maꞈ iˇ ngeh, aˬ jeˬ-ahˇ ya mawˇ ni noeˬ tmˬ-awˇ iˇ teˬ. Aˇ toꞈ aˇ bawˬ-ahˇ jaˬ lehˇ baw nyeh gaˇ haw-iˇ teˬ loˇ. 25Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-awˇ yaw kuiˇ tehꞈ-ehˇ dzaˬ-eu tsawˇ haˬ deuˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ. 26Naw maꞈ aˬ jeˬ-ahˇ haw-iˇ teˬ lehˇ ehˇ sheˇ. Miˬyehˇ gʼaˇ duˬ ngehˬ dah-eu gʼaˬ-ahˇ haw-iˇ-euˬ maˬ ngeuˇ loˇ. Ngeuˇ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ haw-iˇ-euˬ yaw duˬ baw meh. Naw maꞈ neh haw-iˇ-euˬ kʼoeˇ gʼaˬ-aˬ, Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ naˆ maˬ tseˇ huiˬ dzehˬ-eu gʼaˬ meh. 27Aˬ jeˬ miˇ neh ehˇ naˇ, Yoˇhaˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ jaˆ-eu meh.
‘Ngaˬ-euˬ gʼaˇ duˬ ngehˬ dah-eu gʼaˬ,
nawˬ-euˬ mehˬ hu ngaˇ pyehˬ gʼeh-awˇ,
nawˬ-euˬ gaˇ ma bi shaˇ dahˇ ma.’
28Ngaˇ naw maꞈ-ahˇ ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, Miˬyehˇ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dzehˬ nyiˇ dzehˬ-eu gʼaˬ-aˬ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.”
29Tsawˇ haˬ dawˬ tawˆ luꞈ, Yoˇhaˬ dawˬ mehˬ mehˬ gaˇ ya gaˬ-euˬ meh. Aˬ yawꞈ maꞈ hawˇ-eu kawˬ taꞈ-eu tsawˇ haˬ deuˬ-aˬ, Miˬyehˇ neh dawˬ biꞈ taˬ-euˬ yaw tsaˬ yaw dawˇ jeˬ-ahˇ ha geuꞈ-awˇ, Yoˇhaˬ neh iˇ cuꞈ bi shawˇ-euˬ meh. 30Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.
31Yeˬsuˇ paˇ ehˇ-eu,“Heu ziˇ-euˬ tsawˇ haˬ deuˬ aˬ jeˬ-ahˇ shaˇ cehˆ haw paˬ nga. Aˬ yawꞈ maꞈ aˬ jeˬ-ahˇ duˇ-eu nga. 32Aˬ yawꞈ maꞈ-aˬ, lehˆ lehˆ kawˆ-ahˇ nuiˇ-awˇ tiˬ maꞈ tiˇ maꞈ heu loꞈ-ehˇ guˇ cawˬ luꞈ-eu zaˬ deuˬ-ahˇ duˇ-eu meh. ‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’ 33Iˇ cuꞈ shawˇ-eu Yoˇhaˬ oe ngeh, hawˬ maˬ dzaˬ ni dzahˬ-awˇ, aˬ gaꞈ dzaˇ uiˇ maˬ dawˇ-eu miˇneh, ‘Tsawˇ haˬ heu gʼaˬ nehꞈ uˇ-eu tsawˇ ngaˬ nga’ lehˇ naw maꞈ aˬ yawꞈ-ahˇ ehˇ-eu meh. 34Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’ 35Ehˇ kʼawꞈ, Miˬyehˇ-euˬ zaˬ siˬ tsawˇ gahˇ-ahˇ kʼaˇ ha geuꞈ-eu tsawˇ haˬ deuˬ baˬ da neh, zaˬ siˬ tsawˇ gahˇ kʼoeˇ tsaˬ-eu gaˇ kawˆ bya cehˆ ni doˆ laˇ tehꞈ-a.
Siˇmoˬ lehˇ myahˇ-euˬ Paˬliˬsehˇ tiˬ gʼaˬ-euˬ nymˇ-ahˇ Yeˬsuˇ hawˬ dzaˬ-euˬ
36Paˬliˬsehˇ tiˬ gʼaˬ Yeˬsu-ahˇ hawˬ bi dzaˬ-eu gʼaˇ duˬ kuˇ-eu miˇ neh, Paˬliˬsehˇ kʼoeˇ gʼaˬ-euˬ nymˇ-ahˇ Yeˬsuˇ iˇ-awˇ hawˬ jawˬ jawˬ-euˬ meh. 37Meuˬ kʼoeˇ meuˬ laꞈ kʼoeˇ, iˬ baˇ mˇ mˇ-ehˇ dehꞈ-euˬ zaˬ tiˬ gʼaˬ jawˇ-eu meh. Paˬliˬsehˇ kʼoeˇ gʼaˬ-euˬ nymˇ-ahˇ Yeˬsuˇ hawˬ dzaˬ luꞈ-eu gaˇ kawˆ zaˬ miˬ zaˬ kʼoeˇ gʼaˬ ya siˬ ngeh, tsiˇ yaw saw jeˬ tiˬ byah ni dahˬ-eu lo pyuˇ maˇ tsaꞈ tiˬ tsaꞈ ciˬ-awˇ laˇ-euˬ meh. 38Aˬ yawꞈ Yeˬsuˇ-euˬ naˇ kʼah aˬ kuiˇ dawˬ peh yawꞈ-awˇ ngoeˇ-eu miˇ neh, Yeˬsuˇ-euˬ aˬ kuiˇ-ahˇ myaˆ biˇ dzaˆ daˆ-euˬ meh. Kʼoeˇ ngeh, aˬ yawꞈ-euˬ uˬ duˬ tsehˇ kahˇ neh Yeˬsuˇ-euˬ aˬ kuiˇ-ahˇ dzaˆ daˆ taˬ-euˬ myaˆ biˇ kʼoeˇ shiˆ gui nehˬ-awˇ, aˬ kuiˇ-ahˇ mehˬ cuˇ cuˇ-awˇ, tsiˇ yaw saw jeˬ shehˆ daˆ nehˬ-euˬ meh. 39Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”
40Yeˬsuˇ Paˬliˬsehˇ kʼoeˇ gʼaˬ-ahˇ ehˇ nehˬ-eu, “Siˇmoˬ-oˇ, ngaˇ nawˬ-ahˇ tiˬ jeˬ ehˇ nehˬ mawꞈ nya.”
Aˬ yawꞈ ehˇ-eu, “Ehˇ-awˬ saˬ laˬ-oˇ.”
41Yeˬsuˇ ehˇ-eu, “Pyuˇ paˇ nehˬ-eu tsawˇ haˬ tiˬ gʼaˬ-ahˇ dziˇ dzoˆ daˆ-eu tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, ngaˬ yaˇ byaˆ daˆ-awˇ, tiˬ gʼaˬ-aˬ, ngaˬ tseˇ byaˆ daˆ-eu meh. 42Nyiˬ gʼaˬ luꞈ dziˇ dzoˆ maˬ tsoeˬ kʼoꞈ nya-eu miˇ neh, maˬ bi tsoeˬ kʼoꞈ ni byehˇ nehˬ-euˬ meh. Aˬ yawꞈ nyaꞈ laꞈ kʼoeˇ, aˬ geu gʼaˬ pyuˇ paˇ nehˬ-euˬ kʼoeˇ gʼaˬ-ahˇ gaˬ dzehˬ nmˇ.”
43Siˇmoˬ ehˇ-eu, “Dziˇ dzoˆ daˆ dzehˬ-eu gʼaˬ gaˬ dzehˬ tehꞈ-a lehˇ ngaˇ noeˬ miˇ-a.”
Yeˬsuˇ ehˇ-eu, “Nawˇ ehˇ-eu tsaˬ meh.”
44Kʼoeˇ naˇ, Yeˬsuˇ zaˬ miˬ zaˬ kʼoeˇ gʼaˬ-ahˇ tiˬ poˆ haw-awˇ, Siˇmoˬ-ahˇ heu loꞈ-ehˇ ehˇ nehˬ-euˬ meh. “Zaˬ miˬ zaˬ heu gʼaˬ-ahˇ nymˬ-mˇ nawˇ mawˇ luꞈ ngaˇ. Ngaˇ nawˬ-euˬ nymˇ-ahˇ uˇ laˇ taˬ-awˇ jawˇ-eu ma. Nawˇ ngaˬ-ahˇ aˬ kuiˇ dzuiꞈ-eu iˇ cuꞈ maˬ ciˬ nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ aˬ yawꞈ-euˬ myaˆ biˇ neh ngaˬ-euˬ aˬ kuiˇ dzuiꞈ shawˇ-awˇ, aˬ yawꞈ-euˬ uˬ duˬ tsehˇ kahˇ neh shiˆ gui nehˬ laꞈ-euˬ meh. 45Nawˇ ngaˬ-ahˇ mehˬ cuˇ cuˇ-awˇ maˬ ha nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ-aˬ, ngaˇ uˇ laˇ ngeh neh nymˬ-mˇ keuˆ ni, ngaˬ-euˬ aˬ kuiˇ-ahˇ mehˬ cuˇ cuˇ-eu maˬ naˬ leˇ-aˬ siˬ. 46Ngaˬ-euˬ uˬ duˬ-ahˇ lehꞈ-awˬ lehˇ nawˇ ngaˬ-ahˇ saˬ loˬ tsiˇ maˬ biꞈ nehˬ laꞈ-aˬ. Ehˇ kʼawꞈ, aˬ yawꞈ-aˬ, ngaˬ-euˬ aˬ kuiˇ-ahˇ tsiˇ yaw saw jeˬ lehꞈ nehˬ laꞈ-euˬ meh. 47Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”
48Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˬ-euˬ iˬ baˇ pyehˬ nehˬ gʼaˬ-euˬ ma.”
49Kʼoeˇ ngeh, aˬ yawꞈ nehˬ-ehˇ hawˬ jeh-ahˇ jawˬ luꞈ-eu tsawˇ haˬ deuˬ-euˬ nui ma laꞈ kʼoeˇ heu loꞈ-ehˇ ehˇ-eu, “Iˬ baˇ-ahˇ keuˆ ni pyehˬ nehˬ nya-eu tsawˇ haˬ heu gʼaˬ aˬ suˇ gʼaˬ maˬ siˬ ngaˇ.”
50Kʼoeˇ naˇ, zaˬ miˬ zaˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Nawˇ jah-eu jeˬ neh nawˬ-ahˇ ka kʼoꞈ nehˬ-euˬ meh. Nui saˇ oꞈ-eu laꞈ kʼoeˇ gʼoꞈ-iˇ-awˬ.”
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Akha Bible Revision (Latin Script) © Thailand Bible Society, 2011.