Хьунухь 4
4
Стха яна кьин
1 Адам вичин паб Гьавадихъ галаз хьана. Ам руфунал залан хьана, хва – Къабил#4:1 Къабил (Къайин) – чувуд чӀалалди «къазанжи». – хана. «Реббидин куьмекдалди заз гада жагъана!» – лагьана ада.
2Ахпа ада Гьабил#4:2 Гьабил (Гьевел) – чувуд чӀалалди «фана». – Къабилан стха хана. Гьабила лапагар хуьзвай, Къабила чилиз къуллугъзавай. 3Къабила Реббидиз савкьват яз чилин майваяр гъайи са югъ алукьна, 4Гьабилани сифте къачунвай дулдин кӀелерин хъуцӀур гъана. Гьабилни адан савкьват Реббиди разивилелди кьабулна, 5амма Къабилни адан савкьват ваъ. Хъилекди Къабилан чин чӀулав хьана.
6«Вак вучиз хъел ква?» – жузуна Реббиди Къабилавай. – «Вуна чин вучиз чӀур авунва? 7Хъсанвал ийизватӀа – кьил хкаж. ТуштӀа, гунагь гуьрцелдихъ чуьнуьх хьанва. Адаз вун гъилиз къачуз кӀанзава, вун адан иеси хьухь».
8Къабила вичин стха Гьабилаз лагьана:
– Ша чуьлдиз экъечӀин.
Абур чуьлдиз экъечӀна. Ана Къабила вичин стхадал вегьена ва ам яна кьена.
9«Ви стха Гьабил гьина ава?» – хабар кьуна Реббиди Къабилавай. «Чидач, – жаваб гана Къабила. – Зун зи стхадин къаравул яни кьван?» 10«Вуна вуч авуна?» – лагьана Аллагьди. – «Ви стхадин иви чилел экъичнава: ада Заз минетзава. 11Вун лянетдик акатна: вуна ви стхадин иви хъваз тур чили вичи вун инкарда. 12Гьикьван вуна адаз къуллугъ авуртӀани, ада мад ваз тӀуьн гудач. Вун чукурнавай, ина-ана къекъвез гьатнавай кас я».
13«Ихьтин жаза заланди я, – лагьана Къабила, – завай ам эхиз жедач.
14Къе вуна зун чилелай чукурзава,
чуьнуьх жеда зун Вакай.
Чукурнавайди ва ина-ана къекъвез гьатнавайди я зун –
нивай хьайитӀани зун яна рекьиз жеда».
15Амма Реббиди лагьана: «Ни Къабил яна кьейитӀани, гьадав ирид къатда кьисас ахгакьда». Рекьера гьалтайбуру ам яна рекьин тавун патал Аллагьди Къабил кьетӀен лишандалди къейдна. 16Къабил Реббидин патавай квахьна хъфена ва Эдемдилай рагъэкъечӀдай пата экӀя хьанвай Над уьлкведа уьмуьр тухуз акъвазна.
Къабилан эвледар
17Къабил вичин папахъ галаз хьана, амни руфунал залан хьана ва адаз Гьенух тӀвар алай хва хана.
Къабила а вахтунда шегьер эцигзавай – ва адаз Гьенух – вичин хцин тӀвар гана.
18Гьенухаз Ирад тӀвар алай хва хьана, Ирадаз – Мегьуяил, Мегьуяилаз – Метушаил, Метушаилаз – Ламех. 19Ламеха вичиз кьве паб къачуна: садан тӀвар Ада тир, муькуьдан – Силла. 20Адади Ябал тӀвар алай хва хана, ва адалайни алачухра уьмуьр тухуз жез малар хуьзвайбур арадал атана. 21Ябалахъ Юбал тӀвар алай стха авай – адалай чуьнгуьрдални кфилдал макьамар тамамардайбур арадал атана. 22Силладиз Тубал-Къайин тӀвар алай хва хьана – буьруьнжни ракь гатадай чатун устӀар. Тубал-Къайинан вах Нагъама тир.
23Ламеха вичин папариз икӀ лагьана:
– Хъсандиз яб це заз Адани Силла!
Яб це, папар, за вуч лугьудатӀа!
Зал итимди хер авуртӀа – яна рекьида!
Гадади ягъайтӀани – яна рекьида!
24Къабилан патахъай къахчудай кьисас ирид къат артух я,
амма Ламехан патахъай – пудкъанни цӀерид гъилера!
ШетӀ ва Энаш
25 Адам мад вичин папахъ галаз хьана. Адани хва хана ва адал ШетӀ#4:25 ШетӀ – чувуд чӀалалди «ганва» гафуниз мукьва я. тӀвар эцигна, идан манани ихьтинди тир: «Аллагьди заз Къабила яна кьейи Гьабилан чкадал цӀийи велед гана». 26ШетӀахъ вичи адаз Энаш#4:26 Энаш – чувуд чӀалалди «инсан». тӀвар ганвай хвани авай.
Гьа чӀавалай инихъ инсанри Реббидин тӀварцӀиз кьаз эвер ийиз хьана.
Šiuo metu pasirinkta:
Хьунухь 4: ЛезПК
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© Институт перевода Библии, 2010-2024
Хьунухь 4
4
Стха яна кьин
1 Адам вичин паб Гьавадихъ галаз хьана. Ам руфунал залан хьана, хва – Къабил#4:1 Къабил (Къайин) – чувуд чӀалалди «къазанжи». – хана. «Реббидин куьмекдалди заз гада жагъана!» – лагьана ада.
2Ахпа ада Гьабил#4:2 Гьабил (Гьевел) – чувуд чӀалалди «фана». – Къабилан стха хана. Гьабила лапагар хуьзвай, Къабила чилиз къуллугъзавай. 3Къабила Реббидиз савкьват яз чилин майваяр гъайи са югъ алукьна, 4Гьабилани сифте къачунвай дулдин кӀелерин хъуцӀур гъана. Гьабилни адан савкьват Реббиди разивилелди кьабулна, 5амма Къабилни адан савкьват ваъ. Хъилекди Къабилан чин чӀулав хьана.
6«Вак вучиз хъел ква?» – жузуна Реббиди Къабилавай. – «Вуна чин вучиз чӀур авунва? 7Хъсанвал ийизватӀа – кьил хкаж. ТуштӀа, гунагь гуьрцелдихъ чуьнуьх хьанва. Адаз вун гъилиз къачуз кӀанзава, вун адан иеси хьухь».
8Къабила вичин стха Гьабилаз лагьана:
– Ша чуьлдиз экъечӀин.
Абур чуьлдиз экъечӀна. Ана Къабила вичин стхадал вегьена ва ам яна кьена.
9«Ви стха Гьабил гьина ава?» – хабар кьуна Реббиди Къабилавай. «Чидач, – жаваб гана Къабила. – Зун зи стхадин къаравул яни кьван?» 10«Вуна вуч авуна?» – лагьана Аллагьди. – «Ви стхадин иви чилел экъичнава: ада Заз минетзава. 11Вун лянетдик акатна: вуна ви стхадин иви хъваз тур чили вичи вун инкарда. 12Гьикьван вуна адаз къуллугъ авуртӀани, ада мад ваз тӀуьн гудач. Вун чукурнавай, ина-ана къекъвез гьатнавай кас я».
13«Ихьтин жаза заланди я, – лагьана Къабила, – завай ам эхиз жедач.
14Къе вуна зун чилелай чукурзава,
чуьнуьх жеда зун Вакай.
Чукурнавайди ва ина-ана къекъвез гьатнавайди я зун –
нивай хьайитӀани зун яна рекьиз жеда».
15Амма Реббиди лагьана: «Ни Къабил яна кьейитӀани, гьадав ирид къатда кьисас ахгакьда». Рекьера гьалтайбуру ам яна рекьин тавун патал Аллагьди Къабил кьетӀен лишандалди къейдна. 16Къабил Реббидин патавай квахьна хъфена ва Эдемдилай рагъэкъечӀдай пата экӀя хьанвай Над уьлкведа уьмуьр тухуз акъвазна.
Къабилан эвледар
17Къабил вичин папахъ галаз хьана, амни руфунал залан хьана ва адаз Гьенух тӀвар алай хва хана.
Къабила а вахтунда шегьер эцигзавай – ва адаз Гьенух – вичин хцин тӀвар гана.
18Гьенухаз Ирад тӀвар алай хва хьана, Ирадаз – Мегьуяил, Мегьуяилаз – Метушаил, Метушаилаз – Ламех. 19Ламеха вичиз кьве паб къачуна: садан тӀвар Ада тир, муькуьдан – Силла. 20Адади Ябал тӀвар алай хва хана, ва адалайни алачухра уьмуьр тухуз жез малар хуьзвайбур арадал атана. 21Ябалахъ Юбал тӀвар алай стха авай – адалай чуьнгуьрдални кфилдал макьамар тамамардайбур арадал атана. 22Силладиз Тубал-Къайин тӀвар алай хва хьана – буьруьнжни ракь гатадай чатун устӀар. Тубал-Къайинан вах Нагъама тир.
23Ламеха вичин папариз икӀ лагьана:
– Хъсандиз яб це заз Адани Силла!
Яб це, папар, за вуч лугьудатӀа!
Зал итимди хер авуртӀа – яна рекьида!
Гадади ягъайтӀани – яна рекьида!
24Къабилан патахъай къахчудай кьисас ирид къат артух я,
амма Ламехан патахъай – пудкъанни цӀерид гъилера!
ШетӀ ва Энаш
25 Адам мад вичин папахъ галаз хьана. Адани хва хана ва адал ШетӀ#4:25 ШетӀ – чувуд чӀалалди «ганва» гафуниз мукьва я. тӀвар эцигна, идан манани ихьтинди тир: «Аллагьди заз Къабила яна кьейи Гьабилан чкадал цӀийи велед гана». 26ШетӀахъ вичи адаз Энаш#4:26 Энаш – чувуд чӀалалди «инсан». тӀвар ганвай хвани авай.
Гьа чӀавалай инихъ инсанри Реббидин тӀварцӀиз кьаз эвер ийиз хьана.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© Институт перевода Библии, 2010-2024