Juan 7
7
Jesús wawqenkunawan
1Chay qhepata Jesusqa Galileapi purisharqa, manataj Judeapi puriyta munarqachu, imaraykuchus judiokunaj kurajninkukuna wañuchinankupaj payta mask'asharqanku. 2Chaypacha judiokunaj Ch'ujlla Ruwana#7.2 Ch'ujlla Ruwana raymi: Israelitakuna kay raymita ruwaj kanku chajra oqhariy tukukuyta. Sach'a thansamanta ch'ujllata ruwaj kanku, ñawpa tatankukuna ch'innejta jamusqankumanta yuyarikunankupaj. Lv 23.33-43; Dt 16.13. rayminkuman qayllaña kasharqa. 3Jinapi Jesuspa wawqenkuna payta nerqanku: Kaymanta llojsispa, Judeaman riy, jaqaypi kaj yachachisqaykikunapis ruwasqaykita rikunankupaj. 4Pillapis runaman rejsichikuyta munaspaqa, mana imatapis pakayllapi ruwanchu. Chayrayku imatachus ruwashanki, chaytaqa tukuypa rikunanta ruwamuy ari, nispa.
5Wawqenkuna chayta nerqanku, imajtinchus paykunapis Jesuspi mana atinikorqankuchu. 6Jesustajrí paykunata nerqa: Noqa pichus kasqayta rejsichikunaypaj p'unchay manaraj chayamunrajchu. Qankunapajrí ima pachallapis walejlla kashan. 7Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni. 8Qankuna raymiman rillaychej. Noqarí manaraj risajchu, imaraykuchus pichus kasqayta rejsichikunay p'unchay manaraj chayamunrajchu, nispa. 9Chayta niytawantaj, Jesús Galileapi qhepakorqa.
Jesús Ch'ujlla Ruwana raymiman rin
10Wawqenkuna raymiman risqankumanta qhepata, Jesuspis raymiman rillarqataj pakayllamanta, mana runawan rikuchikuspa. 11Judiokunaj kurajninkukunatajrí raymipi Jesusta mask'aspa, tapurakorqanku: Maypitaj chay runa kashanri? nispa.
12Runakunapis Jesusmanta tukuy imaymanata parlashallarqankutaj. Wakin nerqanku: Chay runaqa manchay k'acha, nispa. Wakintaj nerqanku: Mana, chay runaqa mana allinchu, imaraykuchus ashkha runata q'otiyashan, nispa. 13Chaywanpis mana pipis Jesusmanta sut'ita parlasharqankuchu judiokunaj kurajninkukunata manchachikusqankurayku.
14Khuskan raymi kashajtin, Jesús Temploman rerqa. Chantá Temploj pationpi yachachiyta qallarerqa. 15Judiokunaj kurajninkukunataj t'ukuspa, nerqanku: Imaynamantataj kay runa Moisespa kamachisqankunamanta kay jinatapuni yachanri, mana noqanchejwan yachashaspallari? nispa.
16Jesustaj kuticherqa: Kay yachachisqayqa mana noqajtachu, manachayqa kachamuwaj Diospata. 17Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa. 18Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu. 19Moisés qankunaman kamachisqakunata qosorqachej, icharí? Chaywanpis chay kamachisqakunata ni mayqenniykichej junt'ankichejchu. Chantá imaraykutaj wañuchiwayta munashankichejri? nispa.
20Runakunatajrí kuticherqanku: Qan supayniyoj kanki. Pitaj wañuchisuyta munashanri? nispa.
21Chantá Jesús paykunata nerqa: Noqaqa samarina p'unchaypi uj t'ukuna imata ruwarqani, qankunataj chayta rikuspa, manchayta t'ukorqankichej. 22Chaywanpis Moisés circuncidakunaykichejta kamachisusqaykichejrayku samarina p'unchay kashajtinpis, qhari wawata circuncidankichej (Circuncidanaqa ñawpa tataykichejkunawan qallarerqa, manaraj Moisés kamachisqakunata qoshajtin). 23Moisespa kamachisqanta mana p'akiyta munaspa, qankuna samarina p'unchay kashajtinpis, qhari wawata circuncidankichej. Jina chayqa, imaraykutaj noqapaj phiñakushankichej suchu runata samarina p'unchaypi puririchisqaymantari? 24Ama qhawasqaykichejman jinallaqa niychejchu imachus allin, imatajchus mana allinchu kasqantaqa. Manachayqa cheqan kajman jina allinta unanchaychej chayta reparanaykichejpaj, nispa.#Lv 19.15.
Jesús pichus kasqanmanta nin
25Chaypacha Jerusalenpi wakin tiyakojkuna nerqanku: Manachu kurajninchejkuna kay runata wañuchinankupaj mask'ashanku? 26Rikuychej á. Tukuypa rikunanta parlashan, nitaj pipis imata nishanchu. Ichapis kurajninchejkuna yachankuña kay runa Diospa kachamusqan Cristo kasqanta. 27Chaywanpis noqanchej pay maymantachus jamusqanta yachanchej. Diospa kachamusqan Cristo jamojtinrí, ni pi yachanqachu maymantachus jamusqanta, nispa.
28Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu. 29Noqarí paymanta jamusqayrayku payta rejsini, paytaj kachamuwarqa, nispa.
30Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu. 31Chaywanpis ashkha runakuna Jesuspi atinikorqanku. Paykunataj nerqanku: Dios kachamunan kashan, chay Cristo jamojtin, kay runamanta nisqa astawanrajchu runaj mana jayk'aj rikusqan t'ukunakunata ruwanman? nispa.
Fariseokuna Jesusta jap'ichiyta munanku
32Fariseokunaqa uyarerqanku runakuna Jesusmanta ajinata chhichinakushasqankuta. Chayrayku paykuna, kuraj kaj sacerdotekuna ima Jesusta jap'inankupaj Templota qhawaj soldadokunata kacharqanku. 33Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj. 34Qankuna mask'awankichej, manataj tariwankichejchu, imaraykuchus maypichus kasaj, chayman qankuna mana jamuyta atinkichejchu, nispa.
35Chantá judiokunaj kurajninkukuna tapunakorqanku: Maymanpunitaj kay runa renqa, payta mana tarinanchejpajri? Llajta masinchejkuna waj suyupi kashanku, chaykunamanchu renqa? Ichapis mana judío kajkunaman yachachimonqa. 36Imatataj niyta munan kay jinata nispari: Noqata mask'awankichej, manataj tariwankichejchu. Maypichus kasaj, chayman qankuna jamuyta mana atinkichejchu, nispari?
Kawsashaj yaku juturi
37Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj. 38Pichus noqapi atinikojmantaqa, imaynatachus qhelqasqapi nin jina, paypa sonqonmanta kawsayta qoj yaku mayu jina phullchirenqa. 39Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.
Runakuna Jesusmanta mana ujllatachu parlanku
40Chantá Jesuspa nisqanta uyarispa, wakin nerqanku: Cheqapuni kayqa, noqanchej Diosmanta chay sut'inchaj jamunanta suyasharqanchej, chaymin, nispa. 41Wakintaj nerqanku: Kaypuni Diospa kachamusqan Cristo, nispa.
Wajkunatajrí nerqanku: Galileamantachu Diospa kachamusqan Cristo jamunman? 42Diospa Qhelqachisqanpi nin Cristoqa Davidpa ayllunpi paqarinanta, Davidpa llajtan Belenpi, nispa.
43Chayrayku Jesusmanta parlaspa, runakuna t'aqanakorqanku. 44Paykunamanta wakintaj Jesusta jap'iykuyta munarqanku. Chaywanpis mana pipis imanayta aterqachu.
Judiokunaj kurajninkukuna Jesusta qhesachanku
45Templota qhawaj soldadokuna, maypichus kuraj sacerdotekuna, chantá fariseokuna ima kasharqanku, chayman kuterqanku. Kurajkunataj taporqanku: Imaraykutaj chay runata jap'ispa mana apamorqankichejchuri? nispa. 46Chantá Templota qhawaj soldadokuna kuticherqanku: Mana jayk'aj pipis chay runa jina parlarqachu, nispa.
47Fariseokunarí Templota qhawajkunata nerqanku: Qankunapis chay runawan q'otiyachikullankichejtajchu? 48Noqanchejpa kurajninchejkunamanta, chayrí fariseokunamanta kanmanchu pillapis paypi atinikojqa? 49Jesusta qhatej kay runakunaqa Moisespa kamachisqanta mana yachankuchu. Chayrayku Diospa maldicisqan kanku, nispa.
50Chantá fariseokunamanta Nicodemo, pichus Jesusta tuta watukoj risqa, chay nerqa: 51Kamachisqaman jina, mana pillatapis juchachayta atisunmanchu manaraj payta uyarispaqa, nispa.
52Chay nisqanmantatajrí fariseo masinkuna kuticherqanku: Qanpis Galileamantachu kanki? Diospa Qhelqachisqanta allinta qhaway ari, chantá qan yachanki: Mana jayk'ajpis Diosmanta sut'inchaj Galileamanta rikhurimunchu, nispa. 53Chaymantataj sapa uj wasinkuman riraporqanku.
Šiuo metu pasirinkta:
Juan 7: DQDC
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.
Juan 7
7
Jesús wawqenkunawan
1Chay qhepata Jesusqa Galileapi purisharqa, manataj Judeapi puriyta munarqachu, imaraykuchus judiokunaj kurajninkukuna wañuchinankupaj payta mask'asharqanku. 2Chaypacha judiokunaj Ch'ujlla Ruwana#7.2 Ch'ujlla Ruwana raymi: Israelitakuna kay raymita ruwaj kanku chajra oqhariy tukukuyta. Sach'a thansamanta ch'ujllata ruwaj kanku, ñawpa tatankukuna ch'innejta jamusqankumanta yuyarikunankupaj. Lv 23.33-43; Dt 16.13. rayminkuman qayllaña kasharqa. 3Jinapi Jesuspa wawqenkuna payta nerqanku: Kaymanta llojsispa, Judeaman riy, jaqaypi kaj yachachisqaykikunapis ruwasqaykita rikunankupaj. 4Pillapis runaman rejsichikuyta munaspaqa, mana imatapis pakayllapi ruwanchu. Chayrayku imatachus ruwashanki, chaytaqa tukuypa rikunanta ruwamuy ari, nispa.
5Wawqenkuna chayta nerqanku, imajtinchus paykunapis Jesuspi mana atinikorqankuchu. 6Jesustajrí paykunata nerqa: Noqa pichus kasqayta rejsichikunaypaj p'unchay manaraj chayamunrajchu. Qankunapajrí ima pachallapis walejlla kashan. 7Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni. 8Qankuna raymiman rillaychej. Noqarí manaraj risajchu, imaraykuchus pichus kasqayta rejsichikunay p'unchay manaraj chayamunrajchu, nispa. 9Chayta niytawantaj, Jesús Galileapi qhepakorqa.
Jesús Ch'ujlla Ruwana raymiman rin
10Wawqenkuna raymiman risqankumanta qhepata, Jesuspis raymiman rillarqataj pakayllamanta, mana runawan rikuchikuspa. 11Judiokunaj kurajninkukunatajrí raymipi Jesusta mask'aspa, tapurakorqanku: Maypitaj chay runa kashanri? nispa.
12Runakunapis Jesusmanta tukuy imaymanata parlashallarqankutaj. Wakin nerqanku: Chay runaqa manchay k'acha, nispa. Wakintaj nerqanku: Mana, chay runaqa mana allinchu, imaraykuchus ashkha runata q'otiyashan, nispa. 13Chaywanpis mana pipis Jesusmanta sut'ita parlasharqankuchu judiokunaj kurajninkukunata manchachikusqankurayku.
14Khuskan raymi kashajtin, Jesús Temploman rerqa. Chantá Temploj pationpi yachachiyta qallarerqa. 15Judiokunaj kurajninkukunataj t'ukuspa, nerqanku: Imaynamantataj kay runa Moisespa kamachisqankunamanta kay jinatapuni yachanri, mana noqanchejwan yachashaspallari? nispa.
16Jesustaj kuticherqa: Kay yachachisqayqa mana noqajtachu, manachayqa kachamuwaj Diospata. 17Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa. 18Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu. 19Moisés qankunaman kamachisqakunata qosorqachej, icharí? Chaywanpis chay kamachisqakunata ni mayqenniykichej junt'ankichejchu. Chantá imaraykutaj wañuchiwayta munashankichejri? nispa.
20Runakunatajrí kuticherqanku: Qan supayniyoj kanki. Pitaj wañuchisuyta munashanri? nispa.
21Chantá Jesús paykunata nerqa: Noqaqa samarina p'unchaypi uj t'ukuna imata ruwarqani, qankunataj chayta rikuspa, manchayta t'ukorqankichej. 22Chaywanpis Moisés circuncidakunaykichejta kamachisusqaykichejrayku samarina p'unchay kashajtinpis, qhari wawata circuncidankichej (Circuncidanaqa ñawpa tataykichejkunawan qallarerqa, manaraj Moisés kamachisqakunata qoshajtin). 23Moisespa kamachisqanta mana p'akiyta munaspa, qankuna samarina p'unchay kashajtinpis, qhari wawata circuncidankichej. Jina chayqa, imaraykutaj noqapaj phiñakushankichej suchu runata samarina p'unchaypi puririchisqaymantari? 24Ama qhawasqaykichejman jinallaqa niychejchu imachus allin, imatajchus mana allinchu kasqantaqa. Manachayqa cheqan kajman jina allinta unanchaychej chayta reparanaykichejpaj, nispa.#Lv 19.15.
Jesús pichus kasqanmanta nin
25Chaypacha Jerusalenpi wakin tiyakojkuna nerqanku: Manachu kurajninchejkuna kay runata wañuchinankupaj mask'ashanku? 26Rikuychej á. Tukuypa rikunanta parlashan, nitaj pipis imata nishanchu. Ichapis kurajninchejkuna yachankuña kay runa Diospa kachamusqan Cristo kasqanta. 27Chaywanpis noqanchej pay maymantachus jamusqanta yachanchej. Diospa kachamusqan Cristo jamojtinrí, ni pi yachanqachu maymantachus jamusqanta, nispa.
28Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu. 29Noqarí paymanta jamusqayrayku payta rejsini, paytaj kachamuwarqa, nispa.
30Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu. 31Chaywanpis ashkha runakuna Jesuspi atinikorqanku. Paykunataj nerqanku: Dios kachamunan kashan, chay Cristo jamojtin, kay runamanta nisqa astawanrajchu runaj mana jayk'aj rikusqan t'ukunakunata ruwanman? nispa.
Fariseokuna Jesusta jap'ichiyta munanku
32Fariseokunaqa uyarerqanku runakuna Jesusmanta ajinata chhichinakushasqankuta. Chayrayku paykuna, kuraj kaj sacerdotekuna ima Jesusta jap'inankupaj Templota qhawaj soldadokunata kacharqanku. 33Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj. 34Qankuna mask'awankichej, manataj tariwankichejchu, imaraykuchus maypichus kasaj, chayman qankuna mana jamuyta atinkichejchu, nispa.
35Chantá judiokunaj kurajninkukuna tapunakorqanku: Maymanpunitaj kay runa renqa, payta mana tarinanchejpajri? Llajta masinchejkuna waj suyupi kashanku, chaykunamanchu renqa? Ichapis mana judío kajkunaman yachachimonqa. 36Imatataj niyta munan kay jinata nispari: Noqata mask'awankichej, manataj tariwankichejchu. Maypichus kasaj, chayman qankuna jamuyta mana atinkichejchu, nispari?
Kawsashaj yaku juturi
37Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj. 38Pichus noqapi atinikojmantaqa, imaynatachus qhelqasqapi nin jina, paypa sonqonmanta kawsayta qoj yaku mayu jina phullchirenqa. 39Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.
Runakuna Jesusmanta mana ujllatachu parlanku
40Chantá Jesuspa nisqanta uyarispa, wakin nerqanku: Cheqapuni kayqa, noqanchej Diosmanta chay sut'inchaj jamunanta suyasharqanchej, chaymin, nispa. 41Wakintaj nerqanku: Kaypuni Diospa kachamusqan Cristo, nispa.
Wajkunatajrí nerqanku: Galileamantachu Diospa kachamusqan Cristo jamunman? 42Diospa Qhelqachisqanpi nin Cristoqa Davidpa ayllunpi paqarinanta, Davidpa llajtan Belenpi, nispa.
43Chayrayku Jesusmanta parlaspa, runakuna t'aqanakorqanku. 44Paykunamanta wakintaj Jesusta jap'iykuyta munarqanku. Chaywanpis mana pipis imanayta aterqachu.
Judiokunaj kurajninkukuna Jesusta qhesachanku
45Templota qhawaj soldadokuna, maypichus kuraj sacerdotekuna, chantá fariseokuna ima kasharqanku, chayman kuterqanku. Kurajkunataj taporqanku: Imaraykutaj chay runata jap'ispa mana apamorqankichejchuri? nispa. 46Chantá Templota qhawaj soldadokuna kuticherqanku: Mana jayk'aj pipis chay runa jina parlarqachu, nispa.
47Fariseokunarí Templota qhawajkunata nerqanku: Qankunapis chay runawan q'otiyachikullankichejtajchu? 48Noqanchejpa kurajninchejkunamanta, chayrí fariseokunamanta kanmanchu pillapis paypi atinikojqa? 49Jesusta qhatej kay runakunaqa Moisespa kamachisqanta mana yachankuchu. Chayrayku Diospa maldicisqan kanku, nispa.
50Chantá fariseokunamanta Nicodemo, pichus Jesusta tuta watukoj risqa, chay nerqa: 51Kamachisqaman jina, mana pillatapis juchachayta atisunmanchu manaraj payta uyarispaqa, nispa.
52Chay nisqanmantatajrí fariseo masinkuna kuticherqanku: Qanpis Galileamantachu kanki? Diospa Qhelqachisqanta allinta qhaway ari, chantá qan yachanki: Mana jayk'ajpis Diosmanta sut'inchaj Galileamanta rikhurimunchu, nispa. 53Chaymantataj sapa uj wasinkuman riraporqanku.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.