Lucas 9
9
Jesusqa kuraj kachankunata kachan
(Mt 10.5-15; Mc 6.7-13)
1Uj kuti Jesús chunka iskayniyoj yachachisqankunata tantaykuspa, paykunaman atiyta qorqa, tukuy imaymana supaykunata runamanta qharqonankupaj, onqosqakunatapis qhaliyachinankupaj. 2Chantá paykunata kacharqa Diospa kamachiyninmanta willaramunankupaj, onqosqakunata qhaliyachinankupaj ima.#Mc 3.14-15.
3Nerqataj: Ñanpajqa ama imatapis apakuychejchu: Ni varata, ni wayaqata, ni t'antata, nitaj qolqeta, nillataj iskay p'achatapis. 4Mayman rispaqa, uj wasillapi qhepakuychej, chay llajtamanta ripunaykichejkama. 5Sichus maypipis mana wajyarisunkichejmanchu chayqa, chay llajtamanta ripuychej, chakiykichejmanta jallp'ata thalarakuspa, ajinamanta mana allin ruwasqankuta yachanankupaj, nispa.
6Chantá Jesuspa yachachisqankuna puririspa, tukuy ranchokunata rerqanku, Diosmanta sumaj willayta willaraspa, onqosqakunatapis qhaliyachispa.
Bautizaj Juanta wañuchinku
(Mt 14.1-12; Mc 6.14-29)
7Galileapi kuraj kamachej Herodes Antipas sutiyojqa Jesuspa tukuy ruwasqanta yachaspa, imatachus ruwananta mana yacharqachu, imaraykuchus runa nisharqanku: Bautizaj Juan wañusqamanta kawsarimun, nispa. 8Wajkunataj nerqanku: Diosmanta ñawpa sut'inchaj Elías ujtawan rikhurimun, nispa. Wajkunapis nillarqankutaj: Diosmanta mayqen ñawpa sut'inchajchá kawsarimun, nispa. 9Herodestajrí nerqa: Noqaqa Juanpa umanta qholucherqani. Kay runarí pitaj kanmanri, chay jinatapuni kay imakunata paymanta uyarinaypajri? nispa. Chayrayku Herodesqa Jesusta rikuytapuni munasharqa.
Jesús 5.000 runakunaman mikhuchin
(Mt 14.13-21; Mc 6.30-44; Jn 6.1-14)
10Mayk'ajchus Jesuspa kuraj kachankuna kutimorqanku chaypacha, Jesusman willarqanku tukuy imatachus ruwasqankumanta. Chantá paykunata pusariykukuspa, Jesusqa Betsaida llajtanejman rerqa. 11Chaywanpis runakuna chayta yachaspa, payman rerqanku, chayajtinkukamataj, Jesús paykunaman Diospa kamachiyninmanta yachacherqa. Chantá onqosqakunatapis qhaliyacherqa.
12Inti yaykushajtinña, chunka iskayniyoj yachachisqankuna Jesusman qayllaykuspa, nerqanku: Kay runakunata kachapullayña. Ripuchunku kay qayllapi ranchokunaman, wasikunaman ima wajyarichikunankupaj, mikhunatapis rantikunankupaj, imaraykuchus kay ch'innejpi ni ima kanchu, nispa.
13Jesustajrí kuticherqa: Qankunamin paykunata mikhuchiychej, nispa. Paykunataj kuticherqanku: Phishqa t'antalla, iskay challwallawan kapuwayku. Kay chhika runapajqa noqaykuchá mikhunata rantej riykuman, ari, nispa.
14Chay runakunamanta qhari kajkunalla 5.000 jina karqanku. Chantá Jesús yachachisqankunata nerqa: Phishqa chunkamanta phishqa chunka tiyarachiychej, nispa. 15Jesuspa kamachisqanman jina ruwaspataj, tukuyninkuta tiyaracherqanku. 16Jinapi Jesús chay phishqa t'antata, iskay challwatawan ima jap'erqa, patata qhawarispataj, Diosta pachis nerqa. Chantá t'antata partispa, yachachisqankunaman jaywarqa paykuna runakunaman rak'iranankupaj. 17Ajinamanta tukuyninku mikhorqanku sajsakunankukama. Jesuspa yachachisqankunataj puchojta chunka iskayniyoj canastatapuni oqharerqanku.
Pedro nin Jesusqa Cristo kasqanta
(Mt 16.13-20; Mc 8.27-30)
18Uj kuti runakunamanta karunchakuspa, Jesús Dioswan parlarikusharqa, chaypitaj paywan kasharqanku yachachisqankunalla. Jinallapi Jesús paykunata taporqa: Runakuna pi kasqaytataj ninkuri? nispa.
19Paykunataj kuticherqanku: Wakenqa ninku Bautizaj Juan kasqaykita. Wakintaj Elías nisunku. Wakintajrí: Diosmanta mayqen ñawpa sut'inchajchá kawsarimun, nispa nisunku.
20Chantá Jesús tapullarqataj: Qankunarí, pi kasqaytataj ninkichej? nispa. Pedrotaj kuticherqa: Qanqa Diospa kachamusqan Cristo kanki, nispa. 21Chantá Jesús paykunaman mayta kamacherqa amapuni chayta ni piman willanankuta.
Jesús wañunanmanta willan
(Mt 16.20-28; Mc 8.30—9.1)
22Jesús nillarqataj: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku. Chantá wañuchiwanqanku. Chaywanpis kinsa p'unchaymanta kawsarimpusaj, nispa.
23Chantá chaypi kajkunata Jesús nillarqataj: Pillapis yachachisqay kayta munajqa munasqanman jinalla purinanta saqenan tiyan, sapa p'unchay cruzninta oqharispataj, qhepayta jamuchun. 24Pichus noqata kasunawanmanta nisqa kawsaynin aswan kasqanta qhawajqa mana wiñay kawsayman yaykonqachu. Chaywanpis pichus noqarayku kawsayninta mana may kasqanta qhawanchu, chay runaqa wiñay kawsayman yaykonqa.
25Ima allintaj runapaj kanman, sichus kay pachaj tukuy kapuyninta jap'ispapis, pay kikin wiñaypaj chinkapunman chayqa? 26Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha. 27Kaytapis sut'ita nillaykichejtaj: Kaypi kajkunamanta wakinniykichej mana wañunkichejchu Diospa kamachiynin jamojta rikunaykichejkama, nispa.
Jesús waj jinaman tukun
(Mt 17.1-8; Mc 9.2-8)
28Chay nisqanmanta pusaj p'unchayninman jina Jesusqa Dioswan parlarikoj orqoman wicharerqa, pusarqataj Pedrota, Santiagota, Juantawan ima. 29Jinapi Dioswan parlarikushajtin, Jesuspa uyan waj jinaman tukorqa. Jinallataj p'achanpis yuraj lliphipejman tukullarqataj. 30Chantá iskay qharikuna rikhurimuspa, Jesuswan parlasharqanku. Paykuna Moisés, Elías ima karqanku. 31Paykuna manchay lliphipishaj k'anchaywan muyuykusqa karqanku. Jinataj Jesús kay pachamanta ripunanmanta parlasharqanku, mayqenchus Jerusalenpi junt'akunan karqa, chaymanta.
32Chaykama Pedro, paywan kajkuna ima puñuywan atichikusharqanku. Chaywanpis mana puñorqankuchu. Chayrayku Jesuspa jatun kayninpa lliphipiyninta rikorqanku, chay iskay runakunatawan. 33Chantá Moiseswan, Eliaswan Jesusmanta karunchakushajtinku, Pedroqa Jesusta nerqa: Yachachej Wiraqochíy, walejpuni kaypi kasqanchejqa. Chayrayku kunanqa kinsa ch'ujllata ruwasqayku: Ujta qanpaj, ujta Moisespaj, ujtataj Eliaspaj, nispa. Pedro chayta parlarqa, imatachus nisqanta mana yachaspa. 34Jinata Pedro parlanankama, phuyoqa paykunata p'ampaykorqa, chay phuyu ukhupi rikhurispataj, mancharikorqanku. 35Chantá phuyu ukhumanta uj rimay uyarikamorqa: Kaymin munasqa Chureyqa, ajllakusqaytaj. Paytamin uyariychej, nispa.
36Chay parlamoj ch'inyapojtintaj, Jesuspa kinsa yachachisqankuna payllataña rikorqanku. Chaywanpis chaypacha imatachus rikusqankuta manaraj pimanpis willarqankuchu.
Jesusqa supayniyoj waynata qhaliyachin
(Mt 17.14-21; Mc 9.14-29)
37Q'ayantin Jesuswan, chay kinsa yachachisqankunawan orqomanta urayk'amusqankutawan, ashkha runakuna Jesusta taripaj rerqanku. 38Paykunaj chawpinmantataj uj runa qhaparerqa: Yachachej Wiraqochíy, mañarikuyki kay uj k'ata wawayta yanaparinaykita. 39Supayqa payta jap'ispa, qhaparichin, sinch'ita thalaspataj, siminmanta phosoqota ajtuchin. Jinataj maytapuni payta ñak'arichin, manataj kachariyta munanchu. 40Noqaqa yachachisqaykikunata chay supayta qharqonankuta mañarqaniña. Chaywanpis paykuna mana aterqankuchu, nispa.
41Jesustaj kuticherqa: Ay, noqapi mana atinikuyta atej millay runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay wawaykita kayman pusamuy, nispa.
42Wayna qayllaykushajtintaj, supayqa pampaman payta choqarqa. Jesustajrí supayta k'amerqa, jinallapitaj wayna qhaliyaporqapacha. Chantá Jesusqa waynata tatanman pusarqa. 43Chaypi kajkunataj Diospa chay jina jatun atiyninmanta mayta t'ukorqanku.
Jesús wañunanmanta ujtawan willan
(Mt 17.22-23; Mc 9.30-32)
Runakuna chay jinata t'ukushajtinku, Jesús yachachisqankunata nerqa: 44Kayta allinta uyariychej, amataj qonqaychejchu: Runaj Churintaqa runakunaj makinman jaywaykonqanku, nispa. 45Yachachisqankunatajrí chay nisqanta mana entienderqankuchu, imaraykuchus paykunapaj mana sut'ichu karqa. Chantá tapuytapis manchachikorqanku.
Pitaj aswan kurajpaj qhawasqa kanman?
(Mt 18.1-5; Mc 9.33-37)
46Uj kuti Jesuspa yachachisqankuna churanakuyta qallarerqanku, mayqenninkuchus kurajpaj qhawasqa kanankumanta. 47Jesustajrí sonqonkupi imatachus yuyashasqankuta yachaspa, uj wawata qayllanman sayacherqa. 48Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.
Jesuspa sutinpi waj runa t'ukunata ruwan
(Mc 9.38-40)
49Chantá Juanqa Jesusta nerqa: Yachachejniyku, uj runata rikorqayku, sutiykipi supaykunata qharqoshajta. Noqaykurí ama ajinata qharqonanta kamacherqayku, mana noqanchejwan purisqanrayku, nispa.
50Jesustajrí nerqa: Ama jark'aychejchu. Pichus mana contranchejpi kajqa noqanchejman kutisqa, nispa.#Mt 12.30; Lc 11.23.
Jesusqa Santiagota Juantawan k'amin
51Jesús janaj pachaman ripunan tiempo qayllamojtin, Jerusalenman rinanpaj kallpachakorqa. 52Chantá Jesús kachankunata ñawpacherqa, paykunataj Samariapi uj ranchoman tukuy imata wakichej rerqanku Jesús chayamunanpaj. 53Chaywanpis Samaria jap'iypi tiyakoj runakunaqa mana Jesusta jap'ikuyta munarqankuchu, imaraykuchus pay Jerusalenman rishasqantapuni yacharqanku. 54Jinapi Jesuspa yachachisqankuna Santiagowan, Juanwan ima chayta rikuspa, nerqanku: Tukuyta Kamachej, manachu munawaj kamachinaykuta janaj pachamanta nina urayk'amuspa paykunata q'olaykunanta? nispa. 55Jesustajrí kutirispa, paykunata k'amerqa. 56Chaymantataj waj ranchoman rerqanku.
Jesusta qhatikuyta munajkuna
(Mt 8.19-22)
57Jesús, yachachisqankunawan ima ñanta rishajtinku, uj runa nerqa: Wiraqochíy, qanwan risaj, maymanchus rinki, chayman, nispa. 58Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpatarí, mana maypichus samarinallanpajpis kanchu, nispa.
59Jesustaj waj runata nerqa: Yachachisqay kanaykipaj qhepayta jamuy, nispa. Paytajrí kuticherqa: Wiraqochíy, tatay wañupunankama suyariway ari, chaymantaraj qhatisqayki, nispa. 60Jinapi Jesús kuticherqa: Wañusqa kajkuna wañusqankukunata p'ampachunku. Qantajrí rispa, Diospa kamachiyninmanta willaramuy, nispa.
61Chantá ujpis Jesusta nillarqataj: Wiraqochíy, noqaqa qanta qhatisqayki, chaypajrí saqeway ari wasiyman kutirejta, kacharpayanawankupaj, nispa. 62Jesustajrí kuticherqa: Pichus llank'ana patapi aradoj manceranta jap'ispaña qhepata qhawajqa mana Diospa kamachiyninman yaykunanpaj jinachu, nispa.
Šiuo metu pasirinkta:
Lucas 9: DQDC
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.
Lucas 9
9
Jesusqa kuraj kachankunata kachan
(Mt 10.5-15; Mc 6.7-13)
1Uj kuti Jesús chunka iskayniyoj yachachisqankunata tantaykuspa, paykunaman atiyta qorqa, tukuy imaymana supaykunata runamanta qharqonankupaj, onqosqakunatapis qhaliyachinankupaj. 2Chantá paykunata kacharqa Diospa kamachiyninmanta willaramunankupaj, onqosqakunata qhaliyachinankupaj ima.#Mc 3.14-15.
3Nerqataj: Ñanpajqa ama imatapis apakuychejchu: Ni varata, ni wayaqata, ni t'antata, nitaj qolqeta, nillataj iskay p'achatapis. 4Mayman rispaqa, uj wasillapi qhepakuychej, chay llajtamanta ripunaykichejkama. 5Sichus maypipis mana wajyarisunkichejmanchu chayqa, chay llajtamanta ripuychej, chakiykichejmanta jallp'ata thalarakuspa, ajinamanta mana allin ruwasqankuta yachanankupaj, nispa.
6Chantá Jesuspa yachachisqankuna puririspa, tukuy ranchokunata rerqanku, Diosmanta sumaj willayta willaraspa, onqosqakunatapis qhaliyachispa.
Bautizaj Juanta wañuchinku
(Mt 14.1-12; Mc 6.14-29)
7Galileapi kuraj kamachej Herodes Antipas sutiyojqa Jesuspa tukuy ruwasqanta yachaspa, imatachus ruwananta mana yacharqachu, imaraykuchus runa nisharqanku: Bautizaj Juan wañusqamanta kawsarimun, nispa. 8Wajkunataj nerqanku: Diosmanta ñawpa sut'inchaj Elías ujtawan rikhurimun, nispa. Wajkunapis nillarqankutaj: Diosmanta mayqen ñawpa sut'inchajchá kawsarimun, nispa. 9Herodestajrí nerqa: Noqaqa Juanpa umanta qholucherqani. Kay runarí pitaj kanmanri, chay jinatapuni kay imakunata paymanta uyarinaypajri? nispa. Chayrayku Herodesqa Jesusta rikuytapuni munasharqa.
Jesús 5.000 runakunaman mikhuchin
(Mt 14.13-21; Mc 6.30-44; Jn 6.1-14)
10Mayk'ajchus Jesuspa kuraj kachankuna kutimorqanku chaypacha, Jesusman willarqanku tukuy imatachus ruwasqankumanta. Chantá paykunata pusariykukuspa, Jesusqa Betsaida llajtanejman rerqa. 11Chaywanpis runakuna chayta yachaspa, payman rerqanku, chayajtinkukamataj, Jesús paykunaman Diospa kamachiyninmanta yachacherqa. Chantá onqosqakunatapis qhaliyacherqa.
12Inti yaykushajtinña, chunka iskayniyoj yachachisqankuna Jesusman qayllaykuspa, nerqanku: Kay runakunata kachapullayña. Ripuchunku kay qayllapi ranchokunaman, wasikunaman ima wajyarichikunankupaj, mikhunatapis rantikunankupaj, imaraykuchus kay ch'innejpi ni ima kanchu, nispa.
13Jesustajrí kuticherqa: Qankunamin paykunata mikhuchiychej, nispa. Paykunataj kuticherqanku: Phishqa t'antalla, iskay challwallawan kapuwayku. Kay chhika runapajqa noqaykuchá mikhunata rantej riykuman, ari, nispa.
14Chay runakunamanta qhari kajkunalla 5.000 jina karqanku. Chantá Jesús yachachisqankunata nerqa: Phishqa chunkamanta phishqa chunka tiyarachiychej, nispa. 15Jesuspa kamachisqanman jina ruwaspataj, tukuyninkuta tiyaracherqanku. 16Jinapi Jesús chay phishqa t'antata, iskay challwatawan ima jap'erqa, patata qhawarispataj, Diosta pachis nerqa. Chantá t'antata partispa, yachachisqankunaman jaywarqa paykuna runakunaman rak'iranankupaj. 17Ajinamanta tukuyninku mikhorqanku sajsakunankukama. Jesuspa yachachisqankunataj puchojta chunka iskayniyoj canastatapuni oqharerqanku.
Pedro nin Jesusqa Cristo kasqanta
(Mt 16.13-20; Mc 8.27-30)
18Uj kuti runakunamanta karunchakuspa, Jesús Dioswan parlarikusharqa, chaypitaj paywan kasharqanku yachachisqankunalla. Jinallapi Jesús paykunata taporqa: Runakuna pi kasqaytataj ninkuri? nispa.
19Paykunataj kuticherqanku: Wakenqa ninku Bautizaj Juan kasqaykita. Wakintaj Elías nisunku. Wakintajrí: Diosmanta mayqen ñawpa sut'inchajchá kawsarimun, nispa nisunku.
20Chantá Jesús tapullarqataj: Qankunarí, pi kasqaytataj ninkichej? nispa. Pedrotaj kuticherqa: Qanqa Diospa kachamusqan Cristo kanki, nispa. 21Chantá Jesús paykunaman mayta kamacherqa amapuni chayta ni piman willanankuta.
Jesús wañunanmanta willan
(Mt 16.20-28; Mc 8.30—9.1)
22Jesús nillarqataj: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku. Chantá wañuchiwanqanku. Chaywanpis kinsa p'unchaymanta kawsarimpusaj, nispa.
23Chantá chaypi kajkunata Jesús nillarqataj: Pillapis yachachisqay kayta munajqa munasqanman jinalla purinanta saqenan tiyan, sapa p'unchay cruzninta oqharispataj, qhepayta jamuchun. 24Pichus noqata kasunawanmanta nisqa kawsaynin aswan kasqanta qhawajqa mana wiñay kawsayman yaykonqachu. Chaywanpis pichus noqarayku kawsayninta mana may kasqanta qhawanchu, chay runaqa wiñay kawsayman yaykonqa.
25Ima allintaj runapaj kanman, sichus kay pachaj tukuy kapuyninta jap'ispapis, pay kikin wiñaypaj chinkapunman chayqa? 26Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha. 27Kaytapis sut'ita nillaykichejtaj: Kaypi kajkunamanta wakinniykichej mana wañunkichejchu Diospa kamachiynin jamojta rikunaykichejkama, nispa.
Jesús waj jinaman tukun
(Mt 17.1-8; Mc 9.2-8)
28Chay nisqanmanta pusaj p'unchayninman jina Jesusqa Dioswan parlarikoj orqoman wicharerqa, pusarqataj Pedrota, Santiagota, Juantawan ima. 29Jinapi Dioswan parlarikushajtin, Jesuspa uyan waj jinaman tukorqa. Jinallataj p'achanpis yuraj lliphipejman tukullarqataj. 30Chantá iskay qharikuna rikhurimuspa, Jesuswan parlasharqanku. Paykuna Moisés, Elías ima karqanku. 31Paykuna manchay lliphipishaj k'anchaywan muyuykusqa karqanku. Jinataj Jesús kay pachamanta ripunanmanta parlasharqanku, mayqenchus Jerusalenpi junt'akunan karqa, chaymanta.
32Chaykama Pedro, paywan kajkuna ima puñuywan atichikusharqanku. Chaywanpis mana puñorqankuchu. Chayrayku Jesuspa jatun kayninpa lliphipiyninta rikorqanku, chay iskay runakunatawan. 33Chantá Moiseswan, Eliaswan Jesusmanta karunchakushajtinku, Pedroqa Jesusta nerqa: Yachachej Wiraqochíy, walejpuni kaypi kasqanchejqa. Chayrayku kunanqa kinsa ch'ujllata ruwasqayku: Ujta qanpaj, ujta Moisespaj, ujtataj Eliaspaj, nispa. Pedro chayta parlarqa, imatachus nisqanta mana yachaspa. 34Jinata Pedro parlanankama, phuyoqa paykunata p'ampaykorqa, chay phuyu ukhupi rikhurispataj, mancharikorqanku. 35Chantá phuyu ukhumanta uj rimay uyarikamorqa: Kaymin munasqa Chureyqa, ajllakusqaytaj. Paytamin uyariychej, nispa.
36Chay parlamoj ch'inyapojtintaj, Jesuspa kinsa yachachisqankuna payllataña rikorqanku. Chaywanpis chaypacha imatachus rikusqankuta manaraj pimanpis willarqankuchu.
Jesusqa supayniyoj waynata qhaliyachin
(Mt 17.14-21; Mc 9.14-29)
37Q'ayantin Jesuswan, chay kinsa yachachisqankunawan orqomanta urayk'amusqankutawan, ashkha runakuna Jesusta taripaj rerqanku. 38Paykunaj chawpinmantataj uj runa qhaparerqa: Yachachej Wiraqochíy, mañarikuyki kay uj k'ata wawayta yanaparinaykita. 39Supayqa payta jap'ispa, qhaparichin, sinch'ita thalaspataj, siminmanta phosoqota ajtuchin. Jinataj maytapuni payta ñak'arichin, manataj kachariyta munanchu. 40Noqaqa yachachisqaykikunata chay supayta qharqonankuta mañarqaniña. Chaywanpis paykuna mana aterqankuchu, nispa.
41Jesustaj kuticherqa: Ay, noqapi mana atinikuyta atej millay runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay wawaykita kayman pusamuy, nispa.
42Wayna qayllaykushajtintaj, supayqa pampaman payta choqarqa. Jesustajrí supayta k'amerqa, jinallapitaj wayna qhaliyaporqapacha. Chantá Jesusqa waynata tatanman pusarqa. 43Chaypi kajkunataj Diospa chay jina jatun atiyninmanta mayta t'ukorqanku.
Jesús wañunanmanta ujtawan willan
(Mt 17.22-23; Mc 9.30-32)
Runakuna chay jinata t'ukushajtinku, Jesús yachachisqankunata nerqa: 44Kayta allinta uyariychej, amataj qonqaychejchu: Runaj Churintaqa runakunaj makinman jaywaykonqanku, nispa. 45Yachachisqankunatajrí chay nisqanta mana entienderqankuchu, imaraykuchus paykunapaj mana sut'ichu karqa. Chantá tapuytapis manchachikorqanku.
Pitaj aswan kurajpaj qhawasqa kanman?
(Mt 18.1-5; Mc 9.33-37)
46Uj kuti Jesuspa yachachisqankuna churanakuyta qallarerqanku, mayqenninkuchus kurajpaj qhawasqa kanankumanta. 47Jesustajrí sonqonkupi imatachus yuyashasqankuta yachaspa, uj wawata qayllanman sayacherqa. 48Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.
Jesuspa sutinpi waj runa t'ukunata ruwan
(Mc 9.38-40)
49Chantá Juanqa Jesusta nerqa: Yachachejniyku, uj runata rikorqayku, sutiykipi supaykunata qharqoshajta. Noqaykurí ama ajinata qharqonanta kamacherqayku, mana noqanchejwan purisqanrayku, nispa.
50Jesustajrí nerqa: Ama jark'aychejchu. Pichus mana contranchejpi kajqa noqanchejman kutisqa, nispa.#Mt 12.30; Lc 11.23.
Jesusqa Santiagota Juantawan k'amin
51Jesús janaj pachaman ripunan tiempo qayllamojtin, Jerusalenman rinanpaj kallpachakorqa. 52Chantá Jesús kachankunata ñawpacherqa, paykunataj Samariapi uj ranchoman tukuy imata wakichej rerqanku Jesús chayamunanpaj. 53Chaywanpis Samaria jap'iypi tiyakoj runakunaqa mana Jesusta jap'ikuyta munarqankuchu, imaraykuchus pay Jerusalenman rishasqantapuni yacharqanku. 54Jinapi Jesuspa yachachisqankuna Santiagowan, Juanwan ima chayta rikuspa, nerqanku: Tukuyta Kamachej, manachu munawaj kamachinaykuta janaj pachamanta nina urayk'amuspa paykunata q'olaykunanta? nispa. 55Jesustajrí kutirispa, paykunata k'amerqa. 56Chaymantataj waj ranchoman rerqanku.
Jesusta qhatikuyta munajkuna
(Mt 8.19-22)
57Jesús, yachachisqankunawan ima ñanta rishajtinku, uj runa nerqa: Wiraqochíy, qanwan risaj, maymanchus rinki, chayman, nispa. 58Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpatarí, mana maypichus samarinallanpajpis kanchu, nispa.
59Jesustaj waj runata nerqa: Yachachisqay kanaykipaj qhepayta jamuy, nispa. Paytajrí kuticherqa: Wiraqochíy, tatay wañupunankama suyariway ari, chaymantaraj qhatisqayki, nispa. 60Jinapi Jesús kuticherqa: Wañusqa kajkuna wañusqankukunata p'ampachunku. Qantajrí rispa, Diospa kamachiyninmanta willaramuy, nispa.
61Chantá ujpis Jesusta nillarqataj: Wiraqochíy, noqaqa qanta qhatisqayki, chaypajrí saqeway ari wasiyman kutirejta, kacharpayanawankupaj, nispa. 62Jesustajrí kuticherqa: Pichus llank'ana patapi aradoj manceranta jap'ispaña qhepata qhawajqa mana Diospa kamachiyninman yaykunanpaj jinachu, nispa.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.