Marcos 15
15
Jesusta Pilatoman pusanku
(Mt 27.1-2,11-14; Lc 23.1-5; Jn 18.28-38)
1Sut'iyamojtenqa, kuraj kaj sacerdotekuna, kurajkunawan, Diospa kamachisqanmanta yachachejkunawan ima ujtawan Jatun Juntapi tantakorqanku parlarinankupaj. Chaymantataj Jesusta wataspa, Romamanta kamachej Pilatoman pusarqanku. 2Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.
3Chaykama kuraj kaj sacerdotekuna tukuy imamanta Jesusta ch'ataykusharqanku. 4Chantá Pilato ujtawan Jesusta tapullarqataj: Manachu imatapis kutichikunki? Uyariy, contraykita tukuy imamanta ch'ataykususqankuta, nispa. 5Chaywanpis Jesús manapuni imatapis kuticherqachu. Chayrayku Pilato t'ukusharqa.
Jesusta wañunanpaj juchachanku
(Mt 27.15-31; Lc 23.13-25; Jn 18.38—19.16)
6Sapa Pascua raymipi kamachej Pilato uj presota kacharichejpuni, mayqentachá runakuna munaj kanku, chayta. 7Chaypacha, Barrabás sutiyoj uj runa carcelpi waj runakunawan wisq'asqa kasharqa, imaraykuchus paykuna ch'ajwapi runata wañuchisqanku. 8Ashkha runa tantakamuspataj, Pilatomanta mañarqanku sapa wata ruwasqanman jina uj presota kacharichinanta.
9Pilatotaj paykunata nerqa: Judiokunaj kuraj kamachejninta kacharinayta munawajchejchu? nispa. 10Pay allinta yacharqa kuraj kaj sacerdotekuna envidiakuspa, Jesusta jap'ichisqankuta ashkha runakuna payta qhatisqankurayku. 11Jinallapi kuraj kaj sacerdotekunaqa runakunaman yachacherqanku Pilatomanta mañanankupaj Barrabasta kacharichinanta. 12Pilatotaj ujtawan paykunata nerqa: Imatataj ruwanayta munankichej qankuna judiokunaj kuraj kamachejniykichejwanri? nispa.
13Runakunataj qhaparispa, kuticherqanku: Cruzman chakatachiy, nispa.
14Chantá Pilato nerqa: Ima mana allin kajtataj pay ruwarqari? nispa. Paykunarí astawan qhaparerqanku: Cruzman chakatachiy ari, nispa.
15Ajinapi Pilatoqa runakunaman allin rijch'ayta munaspa, Barrabasta kacharicherqa. Chaymantataj Jesusta jasut'ichispa, soldadonkunaman jaywaykorqa cruzman chakatanankupaj.
16Chantá soldadokunaqa Jesusta kamachina wasej ukhu pationman pusaykorqanku, chaymantaj tukuy soldadokunata tantacherqanku. 17Jinapi Jesusta puka p'achawan p'achallicherqanku, khishkamanta simp'asqa pillutataj umanman churaykorqanku. 18Jinaspataj, Jesusmanta alqochakuyta qallarerqanku: Jallalla, judiokunaj kuraj kamachejninku kawsachun, nispa.
19Soldadokunaqa Jesuspa umanpi soqosowan wajtaspa, uyanman thoqaykorqanku, alqochakoj jinataj qonqorikuspa, ñawpaqenman k'umuykorqanku. 20Jesusmanta alqochakuyta tukuytawantaj, chay puka p'achata lluch'uspa, kikin p'achanta churaykaporqanku. Chantá Jesusta cruzman chakatanankupaj llajtamanta jawaman orqhorqanku.
Jesusta cruzman chakatanku
(Mt 27.32-44; Lc 23.26-43; Jn 19.17-27)
21Chaypacha, Cirenemanta Simón sutiyoj runa, pichus Alejandroj, Rufojtawan tatan kaj, campomanta jampusharqa. Chayllapi romano soldadokunaqa paywan mana munashajta Jesuspa cruzninta apacherqanku.
22Paykuna Jesusta Gólgota nisqa cheqaman pusarqanku. Chay niyta munan T'ojlu Moqo. 23Chayaspataj, soldadokuna Jesusman mirrawan chajrusqa vinota qoyta munarqanku. Paytajrí mana ujyayta munarqachu.
24Chantá Jesusta cruzman chakatarqanku. Chaymantataj soldadokunaqa suerteta choqaspa, Jesuspa p'achankunata rak'inakorqanku, chayman jina sapa uj apakapunanpaj.
25Jesusta cruzman chakatasharqanku chaypacha, jisq'on kaj phani karqa. 26Imamantachus Jesús juchachasqa karqa, chayta rejsichinankupajtaj kay jina qhelqasqa karqa: Kayqa judiokunaj kuraj kamachejninku, nispa. 27Jinallataj Jesuswan khuskata iskay suwatapis chakatallarqankutaj, ujninta Jesuspa pañanman, ujnintataj lloq'enman. 28Ajinamanta Diospa Qhelqachisqanpi kay nisqa junt'akorqa: Payqa juchasapakunawan yupasqa karqa, nispa.
29Chaynejta purejkuna umankuta khiwirispa, Jesuspaj rimarqanku: Yaw, qan Templota thuñinaykita nisqanki, kinsa p'unchaypitaj watej sayachinaykita. 30Kunantajrí qan kikiykita qhespichikuy, chay cruzmantataj urayk'amuy ari, nispa.
31Ajinallatataj kuraj kaj sacerdotekuna, Diospa kamachisqanmanta yachachejkunawan ima Jesusta asipayaspa ninakusharqanku: Wajkunata qhespicherqa, chaywanpis pay kikin mana qhespichikuyta atinchoqa. 32Kunanqa Diospa kachamusqan Cristo, Israelpa kuraj kamachejnin, chay cruzmanta urayk'amuchun, chayta rikuspa paypi atinikunanchejpaj, nispa. Ajinallatataj, pikunachus Jesuswan khuska cruzman chakatasqa kasharqanku, chay suwakunapis paypa contranpi rimallarqankutaj.
Jesús wañun
(Mt 27.45-56; Lc 23.44-49; Jn 19.28-30)
33Chawpi p'unchay kashajtin, tukuy kay pacha laqhayaykorqa kinsa kaj phanikama. 34Chay kikin phanillapitaj Jesús sinch'ita qhaparerqa: Eloi, Eloi, lama sabactani? nispa. Chay niyta munan: Diosníy, Diosníy, imaraykutaj saqerpariwankiri?#Sal 22.1. nispa.
35Chayta uyarispa, chaypi kajkunamanta wakinkuna nerqanku: Uyariychej, Diosmanta sut'inchaj Eliasta wajyakushan, nispa. 36Ujnintaj usqhayta phinkispa, esponjata k'allku vinoman chhapuykuytawan, soqosoman wataykorqa. Chantá Jesuspa siminman ch'onqananpaj qayllacherqa, alqochakuspataj nerqa: Suyaychej, qhawanaraj, ichachus Elías jamonqa cruzmanta urayk'uchej, nispa.
37Chantá Jesús sinch'ita qhaparispa, wañuporqa. 38Chaypachallataj, Templopi jatun velo ujllata iskayman llik'irparikorqa patamanta urakama.
39Chaypacha romano soldadokunaj capitanninku Jesuspa cruzninpa ñawpaqenpi kasharqa. Paytaj Jesús qhaparispa wañusqanta rikuspa, nerqa: Kay runaqa Diospa Churinpuni kasqa, nispa.
40Jinallataj wakin warmikunapis karullamanta qhawamusharqanku. Paykuna ukhupi karqanku María Magdalena, sullk'a kaj Santiagojta, Josejtawan mamanku María, Salomé ima. 41Galileapi Jesús kashajtillanraj, chay warmikunaqa payta yanapaspa, Jesuswan purej kanku. Waj ashkha warmikunapis paywan khuska Jerusalenman jamusqanku, jinataj paykunapis chaypi kasharqanku.
Jesusta p'ampanku
(Mt 27.57-61; Lc 23.50-56; Jn 19.38-42)
42Chay p'unchay samarina p'unchaypaj wakichikuna karqa. Manaraj inti yaykushajtintaj, 43Arimateamanta José sutiyoj mana manchachikuspa, Pilatomanta Jesuspa ayanta mañamorqa. Chay Joseqa Jatun Juntapi allinpaj qhawasqa karqa, paytaj Diospa kamachiynin jamunanta imata jina suyasharqa. 44Pilatotajrí t'ukorqa Jesús wañusqaña kasqanmanta. Chayrayku soldadokunaj capitanninkuta wajyaspa, taporqa Jesús wañusqañachus chayrí manarajchus, chaymanta. 45Romano soldadokunaj capitanninkutaj Jesús wañusqantaña willajtin, Pilatoqa Joseman Jesuspa ayanta qoporqa. 46Josetaj linomanta ruwasqa sabanata rantimuspa, Jesuspa ayanta cruzmanta urayk'uchiytawan, mayt'uykorqa. Chantá chhankapi jusk'usqa aya p'ampanaman Jesuspa ayanta churaykorqa, jatun rumiwantaj yaykunan punkunta wisq'aykorqa. 47Chaypacha María Magdalena, Josejpa maman Mariawan ima, maymanchus Jesuspa ayanta churasqankuta qhawasharqanku.
Šiuo metu pasirinkta:
Marcos 15: DQDC
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.
Marcos 15
15
Jesusta Pilatoman pusanku
(Mt 27.1-2,11-14; Lc 23.1-5; Jn 18.28-38)
1Sut'iyamojtenqa, kuraj kaj sacerdotekuna, kurajkunawan, Diospa kamachisqanmanta yachachejkunawan ima ujtawan Jatun Juntapi tantakorqanku parlarinankupaj. Chaymantataj Jesusta wataspa, Romamanta kamachej Pilatoman pusarqanku. 2Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.
3Chaykama kuraj kaj sacerdotekuna tukuy imamanta Jesusta ch'ataykusharqanku. 4Chantá Pilato ujtawan Jesusta tapullarqataj: Manachu imatapis kutichikunki? Uyariy, contraykita tukuy imamanta ch'ataykususqankuta, nispa. 5Chaywanpis Jesús manapuni imatapis kuticherqachu. Chayrayku Pilato t'ukusharqa.
Jesusta wañunanpaj juchachanku
(Mt 27.15-31; Lc 23.13-25; Jn 18.38—19.16)
6Sapa Pascua raymipi kamachej Pilato uj presota kacharichejpuni, mayqentachá runakuna munaj kanku, chayta. 7Chaypacha, Barrabás sutiyoj uj runa carcelpi waj runakunawan wisq'asqa kasharqa, imaraykuchus paykuna ch'ajwapi runata wañuchisqanku. 8Ashkha runa tantakamuspataj, Pilatomanta mañarqanku sapa wata ruwasqanman jina uj presota kacharichinanta.
9Pilatotaj paykunata nerqa: Judiokunaj kuraj kamachejninta kacharinayta munawajchejchu? nispa. 10Pay allinta yacharqa kuraj kaj sacerdotekuna envidiakuspa, Jesusta jap'ichisqankuta ashkha runakuna payta qhatisqankurayku. 11Jinallapi kuraj kaj sacerdotekunaqa runakunaman yachacherqanku Pilatomanta mañanankupaj Barrabasta kacharichinanta. 12Pilatotaj ujtawan paykunata nerqa: Imatataj ruwanayta munankichej qankuna judiokunaj kuraj kamachejniykichejwanri? nispa.
13Runakunataj qhaparispa, kuticherqanku: Cruzman chakatachiy, nispa.
14Chantá Pilato nerqa: Ima mana allin kajtataj pay ruwarqari? nispa. Paykunarí astawan qhaparerqanku: Cruzman chakatachiy ari, nispa.
15Ajinapi Pilatoqa runakunaman allin rijch'ayta munaspa, Barrabasta kacharicherqa. Chaymantataj Jesusta jasut'ichispa, soldadonkunaman jaywaykorqa cruzman chakatanankupaj.
16Chantá soldadokunaqa Jesusta kamachina wasej ukhu pationman pusaykorqanku, chaymantaj tukuy soldadokunata tantacherqanku. 17Jinapi Jesusta puka p'achawan p'achallicherqanku, khishkamanta simp'asqa pillutataj umanman churaykorqanku. 18Jinaspataj, Jesusmanta alqochakuyta qallarerqanku: Jallalla, judiokunaj kuraj kamachejninku kawsachun, nispa.
19Soldadokunaqa Jesuspa umanpi soqosowan wajtaspa, uyanman thoqaykorqanku, alqochakoj jinataj qonqorikuspa, ñawpaqenman k'umuykorqanku. 20Jesusmanta alqochakuyta tukuytawantaj, chay puka p'achata lluch'uspa, kikin p'achanta churaykaporqanku. Chantá Jesusta cruzman chakatanankupaj llajtamanta jawaman orqhorqanku.
Jesusta cruzman chakatanku
(Mt 27.32-44; Lc 23.26-43; Jn 19.17-27)
21Chaypacha, Cirenemanta Simón sutiyoj runa, pichus Alejandroj, Rufojtawan tatan kaj, campomanta jampusharqa. Chayllapi romano soldadokunaqa paywan mana munashajta Jesuspa cruzninta apacherqanku.
22Paykuna Jesusta Gólgota nisqa cheqaman pusarqanku. Chay niyta munan T'ojlu Moqo. 23Chayaspataj, soldadokuna Jesusman mirrawan chajrusqa vinota qoyta munarqanku. Paytajrí mana ujyayta munarqachu.
24Chantá Jesusta cruzman chakatarqanku. Chaymantataj soldadokunaqa suerteta choqaspa, Jesuspa p'achankunata rak'inakorqanku, chayman jina sapa uj apakapunanpaj.
25Jesusta cruzman chakatasharqanku chaypacha, jisq'on kaj phani karqa. 26Imamantachus Jesús juchachasqa karqa, chayta rejsichinankupajtaj kay jina qhelqasqa karqa: Kayqa judiokunaj kuraj kamachejninku, nispa. 27Jinallataj Jesuswan khuskata iskay suwatapis chakatallarqankutaj, ujninta Jesuspa pañanman, ujnintataj lloq'enman. 28Ajinamanta Diospa Qhelqachisqanpi kay nisqa junt'akorqa: Payqa juchasapakunawan yupasqa karqa, nispa.
29Chaynejta purejkuna umankuta khiwirispa, Jesuspaj rimarqanku: Yaw, qan Templota thuñinaykita nisqanki, kinsa p'unchaypitaj watej sayachinaykita. 30Kunantajrí qan kikiykita qhespichikuy, chay cruzmantataj urayk'amuy ari, nispa.
31Ajinallatataj kuraj kaj sacerdotekuna, Diospa kamachisqanmanta yachachejkunawan ima Jesusta asipayaspa ninakusharqanku: Wajkunata qhespicherqa, chaywanpis pay kikin mana qhespichikuyta atinchoqa. 32Kunanqa Diospa kachamusqan Cristo, Israelpa kuraj kamachejnin, chay cruzmanta urayk'amuchun, chayta rikuspa paypi atinikunanchejpaj, nispa. Ajinallatataj, pikunachus Jesuswan khuska cruzman chakatasqa kasharqanku, chay suwakunapis paypa contranpi rimallarqankutaj.
Jesús wañun
(Mt 27.45-56; Lc 23.44-49; Jn 19.28-30)
33Chawpi p'unchay kashajtin, tukuy kay pacha laqhayaykorqa kinsa kaj phanikama. 34Chay kikin phanillapitaj Jesús sinch'ita qhaparerqa: Eloi, Eloi, lama sabactani? nispa. Chay niyta munan: Diosníy, Diosníy, imaraykutaj saqerpariwankiri?#Sal 22.1. nispa.
35Chayta uyarispa, chaypi kajkunamanta wakinkuna nerqanku: Uyariychej, Diosmanta sut'inchaj Eliasta wajyakushan, nispa. 36Ujnintaj usqhayta phinkispa, esponjata k'allku vinoman chhapuykuytawan, soqosoman wataykorqa. Chantá Jesuspa siminman ch'onqananpaj qayllacherqa, alqochakuspataj nerqa: Suyaychej, qhawanaraj, ichachus Elías jamonqa cruzmanta urayk'uchej, nispa.
37Chantá Jesús sinch'ita qhaparispa, wañuporqa. 38Chaypachallataj, Templopi jatun velo ujllata iskayman llik'irparikorqa patamanta urakama.
39Chaypacha romano soldadokunaj capitanninku Jesuspa cruzninpa ñawpaqenpi kasharqa. Paytaj Jesús qhaparispa wañusqanta rikuspa, nerqa: Kay runaqa Diospa Churinpuni kasqa, nispa.
40Jinallataj wakin warmikunapis karullamanta qhawamusharqanku. Paykuna ukhupi karqanku María Magdalena, sullk'a kaj Santiagojta, Josejtawan mamanku María, Salomé ima. 41Galileapi Jesús kashajtillanraj, chay warmikunaqa payta yanapaspa, Jesuswan purej kanku. Waj ashkha warmikunapis paywan khuska Jerusalenman jamusqanku, jinataj paykunapis chaypi kasharqanku.
Jesusta p'ampanku
(Mt 27.57-61; Lc 23.50-56; Jn 19.38-42)
42Chay p'unchay samarina p'unchaypaj wakichikuna karqa. Manaraj inti yaykushajtintaj, 43Arimateamanta José sutiyoj mana manchachikuspa, Pilatomanta Jesuspa ayanta mañamorqa. Chay Joseqa Jatun Juntapi allinpaj qhawasqa karqa, paytaj Diospa kamachiynin jamunanta imata jina suyasharqa. 44Pilatotajrí t'ukorqa Jesús wañusqaña kasqanmanta. Chayrayku soldadokunaj capitanninkuta wajyaspa, taporqa Jesús wañusqañachus chayrí manarajchus, chaymanta. 45Romano soldadokunaj capitanninkutaj Jesús wañusqantaña willajtin, Pilatoqa Joseman Jesuspa ayanta qoporqa. 46Josetaj linomanta ruwasqa sabanata rantimuspa, Jesuspa ayanta cruzmanta urayk'uchiytawan, mayt'uykorqa. Chantá chhankapi jusk'usqa aya p'ampanaman Jesuspa ayanta churaykorqa, jatun rumiwantaj yaykunan punkunta wisq'aykorqa. 47Chaypacha María Magdalena, Josejpa maman Mariawan ima, maymanchus Jesuspa ayanta churasqankuta qhawasharqanku.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.