ATÜNNAK 14
14
Abram Naw Lotah Gung Ci
1Ghangpughang phli ah kyak ciah Babilonia ah kaa Amraphel ah, Ellasar ah kaa Ariok, Elam ah kaa Chedorlaomer, Koiim ah kaa Tidala gui cu, 2Ghangpughang hma ah kyak ciah Sodom ah kaa Bera, Komorrah ah kaa Birsha, Admah ah kaa Shinab, Zeboiim ah kaa Shemeber la Bela (Zoar ah phi ami pyen) ni gui awn ng’tuk ci gui. 3Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci. 4Ngami cu khawkum gha lei goi ung Chedorlaomer ah kaa ah om u neta, a kum gha lei thum ung ng’tuk püi ci gui. 5A kum gha lei phli nak ung Chedorlaomer cu amät lam ah a chang gui la gakap gui awn law u ne, Ashteroth Karnaim ah kaa Rephaim gui, Ham ah kaa Zuzim gui, Kariathaim hmun ah kaa gui, Emim, la 6Edom khaw gui ungka Horit chang gui cu, bung pukpei ah om ciah Elaparan ung khüt sei tu gui ci gui. 7Cun kawn ah ng’hlat law ba u ne, Kadesh (Enmishphat ah phi ami pyen) ung gawk law ba u neta, Amalek chang gui ah khaw la Hazazon Tamar ung om ci gui ah Amorit chang gui cu tu ne khäm gui ci gui.
8Sodom, Komorrah, Admah, Zeboiim, la Bela ghangpughang gui cu ami gakap gui law püi u ne, Siddim khaw ng’nawi ung ng’tuk bik ci gui. 9Ngami naw Elam, Koiim, Babilonia la Ellasar ghangpughang gui cu tuk u sei, hma naw phli cu ng’tuk püi ci gui. 10Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui. 11Näng ciah ghangpughang phli naw Sodom la Komorrah ungka ei awk gui mah mah ah a päng avan cu la u neta hteit ba ci gui. 12Abram ah atu Lotah cu Sodom ah om ci. Ani phi pha u ne, a khawh cham mah ah hteh püi ci gui.
13Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci. 14Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci. 15Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci. 16Ga gui naw ami hteh püi gui avan la ba ne, atu Lotah la a khawh cham gui, hnumi gui la chang gui avan cu law püi ba gui ci.
Melchizedek Naw Abram Hriham Pek Ci
(Heb 7:1-2)
17Chedorlaomer la a hei ghangpughang gui tu ne näng gui neta, Abram cu law ba ci. Ani do khai ah Sodom ghangpughang cu Shaveh (Ghangpughang ah khaw ng’nawi) khaw ng’nawi ah gawk lawk ci. 18A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci. 19Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä! 20Nami ga gui ah khan ah näng nak ning pek ciah A hlüngtai Pibäih Khanpughi cu m’hlümtai ä! Abram naw taigüpa Melchizedek am, ng’tuk nak ung a gah ah khawh avan ah bum gha bum ät cu khawihnah ne pek ci.
21Sodom ghangpughang naw Abram am, “Khawh cu avan na lak vai, chang gui cu avan na na pek ba vai nei” cine pyen ci.
22Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei, 23pyaai angma, phahnak gui angma phi kä ka lak khai. Nang naw, “Abram ka ng’bühmang sak nei, na ci vai kä om khai.” 24Ka mät ah chaw ah a i phi kä ka lak khai. Ka chang gui ah kaa bäng ka khäm ba khai. Cun ung phi ka teihpüi gui Aner, Eshcol, Mamre ni cu ami kaa gah ba yawp khai gui.
Šiuo metu pasirinkta:
ATÜNNAK 14: CBC
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Cho Bible Common Language © Bible Society of Myanmar, 2016.
ATÜNNAK 14
14
Abram Naw Lotah Gung Ci
1Ghangpughang phli ah kyak ciah Babilonia ah kaa Amraphel ah, Ellasar ah kaa Ariok, Elam ah kaa Chedorlaomer, Koiim ah kaa Tidala gui cu, 2Ghangpughang hma ah kyak ciah Sodom ah kaa Bera, Komorrah ah kaa Birsha, Admah ah kaa Shinab, Zeboiim ah kaa Shemeber la Bela (Zoar ah phi ami pyen) ni gui awn ng’tuk ci gui. 3Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci. 4Ngami cu khawkum gha lei goi ung Chedorlaomer ah kaa ah om u neta, a kum gha lei thum ung ng’tuk püi ci gui. 5A kum gha lei phli nak ung Chedorlaomer cu amät lam ah a chang gui la gakap gui awn law u ne, Ashteroth Karnaim ah kaa Rephaim gui, Ham ah kaa Zuzim gui, Kariathaim hmun ah kaa gui, Emim, la 6Edom khaw gui ungka Horit chang gui cu, bung pukpei ah om ciah Elaparan ung khüt sei tu gui ci gui. 7Cun kawn ah ng’hlat law ba u ne, Kadesh (Enmishphat ah phi ami pyen) ung gawk law ba u neta, Amalek chang gui ah khaw la Hazazon Tamar ung om ci gui ah Amorit chang gui cu tu ne khäm gui ci gui.
8Sodom, Komorrah, Admah, Zeboiim, la Bela ghangpughang gui cu ami gakap gui law püi u ne, Siddim khaw ng’nawi ung ng’tuk bik ci gui. 9Ngami naw Elam, Koiim, Babilonia la Ellasar ghangpughang gui cu tuk u sei, hma naw phli cu ng’tuk püi ci gui. 10Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui. 11Näng ciah ghangpughang phli naw Sodom la Komorrah ungka ei awk gui mah mah ah a päng avan cu la u neta hteit ba ci gui. 12Abram ah atu Lotah cu Sodom ah om ci. Ani phi pha u ne, a khawh cham mah ah hteh püi ci gui.
13Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci. 14Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci. 15Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci. 16Ga gui naw ami hteh püi gui avan la ba ne, atu Lotah la a khawh cham gui, hnumi gui la chang gui avan cu law püi ba gui ci.
Melchizedek Naw Abram Hriham Pek Ci
(Heb 7:1-2)
17Chedorlaomer la a hei ghangpughang gui tu ne näng gui neta, Abram cu law ba ci. Ani do khai ah Sodom ghangpughang cu Shaveh (Ghangpughang ah khaw ng’nawi) khaw ng’nawi ah gawk lawk ci. 18A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci. 19Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä! 20Nami ga gui ah khan ah näng nak ning pek ciah A hlüngtai Pibäih Khanpughi cu m’hlümtai ä! Abram naw taigüpa Melchizedek am, ng’tuk nak ung a gah ah khawh avan ah bum gha bum ät cu khawihnah ne pek ci.
21Sodom ghangpughang naw Abram am, “Khawh cu avan na lak vai, chang gui cu avan na na pek ba vai nei” cine pyen ci.
22Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei, 23pyaai angma, phahnak gui angma phi kä ka lak khai. Nang naw, “Abram ka ng’bühmang sak nei, na ci vai kä om khai.” 24Ka mät ah chaw ah a i phi kä ka lak khai. Ka chang gui ah kaa bäng ka khäm ba khai. Cun ung phi ka teihpüi gui Aner, Eshcol, Mamre ni cu ami kaa gah ba yawp khai gui.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Cho Bible Common Language © Bible Society of Myanmar, 2016.