Saint Marc 12
12
1Da Jésus mi tassaon baï sana baï hi kli ka ba ébèlbaïli.
Njoukouna mbéo mi pa waka lénadi, ka èng bang gui ki rou bon, da kè dang lo̱ko̱ baï do̱ko̱na lénadi, ka za gangna fèn; da bi njou‐ko̱ra wakali rou, ka ourou sé guè pou aféké. 2Ko̱ féou doura lénakè mi tèn tou, kè pi koï nè mbéo guè mona njou‐ko̱ra wakali, baï yana lénakè hanali an ndo̱ko̱ kli. 3Da klime ba koï on, ka wan nè, da yèng nè féré fal bo̱on. 4Da kème kaïn pi koï aféké guè mone kli; da klime wan toulè wéré, ka nding fèn bèlya jing nè. 5Da kè kaïn pi aféké an bo̱ko̱ saïkè, da klime i nè; da gara afékéli nyèta ko̱ kème pi kli, klime wan hanali ka i afékéli. 6Mono on garakè mi pane mbéo bo̱l jing nè, ko̱ ba goune wonron nè pomboï mbéo on ko̱ kème sé hang‐è nyèta. Kème pi nè ka sèkèrèkè guè mone kli, ka sa ba: Yé kli ma dik goune ni. 7Da njou‐ko̱ra wakali mi sa jing hana: Kè on ba njou‐yanapélé; oui gui, an name i nè, ka ya fèn pélé tèn ba ama. 8Da klime ba nè, ka i nè, ka wou nè bou kala an njaka waka lénadi. 9Mono on yé Nanjou waka lénadi on ma nding ba fèn lé? Yé kè gui ka i njou‐ko̱ra wakali on, da kè ma hi waka lénadi on hi njou‐afékéli.
10Oui tane ga kèn baïnjaka aïn an Takarata a Ouone ya lé?
Kone aïn ko̱ njou‐zana voulouli mi pong nè tou.
Kone on mi tèn ba loukou kone bina kourou voulou;
11Fèn aïn gui ka Nanjou,
Da on ba kakaïya fèn an nona, lé?
12Da klime nza mborokè baï bana nè, da kli ngou waou a ro̱kè njoukouli; baï ko̱ klime toutou ko̱ Jésus mi sa ébèlbaï aïn guè ba toul kli. Da klime ourou an bèl monè, ka sé akli.
13Da klime pi pharisien hanali tèn hérodienli guè mona Jésus, baï gnana nè ka nza njakè. 14Da ko̱ klime gui, kli sa hi nè: Njou‐to̱ko̱nafèn, na toutou ko̱ mo sa babaï, da mome tane ga bi hang‐o toula njoukouna mbéo ya; baï ko̱ mo tane ga ènrèn njoukouna ba baï nonè ya, da mo to̱ko̱ ba dombora Ouone ka ba mboro babaï. Ka mboro guingna ma a name hi l’impôt hi César maléba hina nè tiya lé? Yé name hi maléba hinakè tiya lé? 15Da baï ko̱ Jésus mi toutou mongnafèn klili bon, kème sa hi kli: Baïfèn da ouime lé mi lé? Oui gui ka denier mbéo hi mi, an mème ko̱. 16Da klime bi gourou. Da Jésus mi oui kli: Tétéme mona guè tèn ling a guè ko̱ mi dé bi toulkè lé? Da klime sa hi nè ba: A César. 17Da Jésus mi sa hi kli: Oui hi fèn a César ko̱ ba fèn a César; da hi fèn a Ouone ko̱ ba fèn a Ouone. Da laou kli mi sé siya maïya baï toulè.
18Da sadducéenli ko̱ mi sa ba tomnahoulkèli mi tane tiya, mi guè mona Jésus, ka oui nè ka sa: 19Njou‐to̱ko̱nafèn, Moïse mi dé baï aïn hi na ba: Tokoré yine a njoukouna mi hou ka yèng waïn nè bi, da goune mi tane tiya, baï an yine nè baï yana waïn choré on, ka mboung goundi guèl bama yine nè. 20Da ko̱ jinguèl yindi mi mane difala‐séré makaou. Da titilikè mi ya waïn ka hou, da kè tane ga mboung goune jing nè ya. 21Da yine an sérékè mi ya waïn on ka hou, da kè tane mboung goune jing nè ya, tèn yine an saïkè mabahana bon. 22Da kli difala‐séré bon mi tane mboung goune jing nè ya. Da afal on waïnkè mi ndé hou kéng. 23Ka name tomnahoulkèli yé waïn on ba waïn a guè an woro kli lé? Baï ko̱ kli mane difala‐séré bon mi ya nè ka waïn jinguèl. 24Da Jésus mi sa hi kli: Baï ko̱ ouime tane ga tou Takarata a Ouone tèn njèran Ouone ya, mono on ko̱ ouime sé bong wo̱ko̱ ya lé? 25Baï ko̱ ko̱ klime tome an wora houli, yé njoukouli ba éna waïn tane tiya, da waïnli ba éna wonron tane tiya, da yé kli mabahana ka ba angeli an nonkala. 26Da baï a houli, ko̱ mi tome kli, oui tane ga kèn an bil Takarata Moïse ya lé? ka mboro on ko̱ Ouone mi sa baï jing nè an bil po̱to̱wo̱ro̱, ka sa: Mè ba Ouone a Abraham, da Ouone a Isaac, da Ouone a Jacob. 27Ouone tane ti ba Ouone a houlkèli ya, da ba akli on ko̱ yan. Oui sé bong wo̱ko̱ nyèta.
28Da njou‐to̱ko̱na bong guingna hana mbéo mi gui, ka la ko̱ klime njaka jing hana, da toutou ko̱ Jésus mi féré ka sa nonkè bèlta hi kli, kè guè bèl monè, da oui nè: Titili bina baïnjaka guingna ko̱ ta aféké bon ba fèn lé? 29Da Jésus mi féré sa: Titilikè mini ba: Oui la, O Israël, Nanjou, Ouone na ba Nanjou mbéo bo̱l; 30da: Mo sé hang a Nanjou, Ouone no, ka go̱ro̱ bon, da ka laou‐o̱ bon, da ka laou kèrafèn no bon, tèn ka njèran no bon. 31Da bina baïnjaka guingna an sérékè ba: Mo sé hang a ba no mahana ka ba mono fèno! Bina baïnjaka guingna hana aféké tiya ko̱ mi ta toul aïnli ya. 32Da njou‐to̱ko̱na bong guingna on mi sa hi nè: Ka babaï, Njou‐to̱ko̱nafèn; mo sa ka babaï tou, ko̱ Ouone ba mbéo bo̱l, da hana aféké tane tiya, bo̱l ba kè ka ho̱kè on: 33da tokoré njoukouna mi sé hang‐è ka go̱ro̱ bon, da ka touna nguite bon, da ka laou bon, tèn ka njèran bon, tèn sénahang a ba nè mahana ka ba monè fènè, on mi bèl ta toul soungna offrande tèn sacrificeli bon. 34Da ko̱ Jésus mi ko̱ ko̱ njoukou aïn mi féré sa bèlta jing cho̱kna, kème sa hi nè: Mo kaou diya jing bilkaou a Ouone. Da afal on, njoukou mbéo mi tane ma baï ouina né toul baï hana aféké ya.
35Da ko̱ Jésus mi pane nonliya bi to̱ko̱nafèn an bil temple, kème féré sa, ka sa: Ka mboro hani mi ko̱ njou‐to̱ko̱na bong guingnali sa Christ ba Goune a David lé? 36David fènè mi sa ka Saint‐Esprit:
Nanjou fènè mi sa hi Nanjou ni:
Mo kaou an mboro wonron ndo̱ko̱ ni,
Bo̱l tèn ko̱ mème nding bakèlio̱ jing mo tèn ba fèn ndana ka bo̱ko̱.
37David fènè mi di nè ba Nanjou, mono on ka hani mi ko̱ kè ba goune nè lé? Da ro̱kè njoukouli mi la baï nè kara kli.
38Ko̱ kème yé to̱ko̱nafèn, kè sa ba: Oui ngou mbora njou‐to̱ko̱na bong guingnali ko̱ mi ji baï séna jing péna la vou vou, ka ji ba njoukouli mi name kli an guèl zénacho̱ko̱li; 39klime ji ba titili kangalali an bil synagogueli, tèn titili guèl kaounali ka guèl name sona gnèna laka; 40da klime son a voula waïn soréli, da baï mongna njoukouli kli nonli bi hiouna Ouone bongkè dita. Yé kli ma ya barabaï nyè maïya.
41Da Jésus mi kaou bèl kouba mbo̱ri a Ouone, ka ko̱ mboro on ko̱ ro̱kè njoukouli mi kon mbo̱ri bil kouba on. Da nyèta ko̱ ba nguèra njoukouli mi kon mbo̱ri nyèta guè bilkè. 42Da foïna waïn soré hana mbéo mi gui ka kon sou séré guè ndourou, ko̱ ma koforo mbéo. 43Da Jésus mi di njou‐séna bong nèli guè monè, ka sa hi kli: Babaï, mi mè sa hi oui, foïna waïn soré aïn, mi hi ta kli on bon, ko̱ mi kon mbo̱ri guè bil kouba aïn; 44baï ko̱ kli bon mi hi akli bo̱on guèk, da foïna waïn soré aïn mi hi amè ba fèn kouna monè lèrème bon.
Šiuo metu pasirinkta:
Saint Marc 12: KBN1947
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Published by the British and Foreign Bible Society in 1947.
Saint Marc 12
12
1Da Jésus mi tassaon baï sana baï hi kli ka ba ébèlbaïli.
Njoukouna mbéo mi pa waka lénadi, ka èng bang gui ki rou bon, da kè dang lo̱ko̱ baï do̱ko̱na lénadi, ka za gangna fèn; da bi njou‐ko̱ra wakali rou, ka ourou sé guè pou aféké. 2Ko̱ féou doura lénakè mi tèn tou, kè pi koï nè mbéo guè mona njou‐ko̱ra wakali, baï yana lénakè hanali an ndo̱ko̱ kli. 3Da klime ba koï on, ka wan nè, da yèng nè féré fal bo̱on. 4Da kème kaïn pi koï aféké guè mone kli; da klime wan toulè wéré, ka nding fèn bèlya jing nè. 5Da kè kaïn pi aféké an bo̱ko̱ saïkè, da klime i nè; da gara afékéli nyèta ko̱ kème pi kli, klime wan hanali ka i afékéli. 6Mono on garakè mi pane mbéo bo̱l jing nè, ko̱ ba goune wonron nè pomboï mbéo on ko̱ kème sé hang‐è nyèta. Kème pi nè ka sèkèrèkè guè mone kli, ka sa ba: Yé kli ma dik goune ni. 7Da njou‐ko̱ra wakali mi sa jing hana: Kè on ba njou‐yanapélé; oui gui, an name i nè, ka ya fèn pélé tèn ba ama. 8Da klime ba nè, ka i nè, ka wou nè bou kala an njaka waka lénadi. 9Mono on yé Nanjou waka lénadi on ma nding ba fèn lé? Yé kè gui ka i njou‐ko̱ra wakali on, da kè ma hi waka lénadi on hi njou‐afékéli.
10Oui tane ga kèn baïnjaka aïn an Takarata a Ouone ya lé?
Kone aïn ko̱ njou‐zana voulouli mi pong nè tou.
Kone on mi tèn ba loukou kone bina kourou voulou;
11Fèn aïn gui ka Nanjou,
Da on ba kakaïya fèn an nona, lé?
12Da klime nza mborokè baï bana nè, da kli ngou waou a ro̱kè njoukouli; baï ko̱ klime toutou ko̱ Jésus mi sa ébèlbaï aïn guè ba toul kli. Da klime ourou an bèl monè, ka sé akli.
13Da klime pi pharisien hanali tèn hérodienli guè mona Jésus, baï gnana nè ka nza njakè. 14Da ko̱ klime gui, kli sa hi nè: Njou‐to̱ko̱nafèn, na toutou ko̱ mo sa babaï, da mome tane ga bi hang‐o toula njoukouna mbéo ya; baï ko̱ mo tane ga ènrèn njoukouna ba baï nonè ya, da mo to̱ko̱ ba dombora Ouone ka ba mboro babaï. Ka mboro guingna ma a name hi l’impôt hi César maléba hina nè tiya lé? Yé name hi maléba hinakè tiya lé? 15Da baï ko̱ Jésus mi toutou mongnafèn klili bon, kème sa hi kli: Baïfèn da ouime lé mi lé? Oui gui ka denier mbéo hi mi, an mème ko̱. 16Da klime bi gourou. Da Jésus mi oui kli: Tétéme mona guè tèn ling a guè ko̱ mi dé bi toulkè lé? Da klime sa hi nè ba: A César. 17Da Jésus mi sa hi kli: Oui hi fèn a César ko̱ ba fèn a César; da hi fèn a Ouone ko̱ ba fèn a Ouone. Da laou kli mi sé siya maïya baï toulè.
18Da sadducéenli ko̱ mi sa ba tomnahoulkèli mi tane tiya, mi guè mona Jésus, ka oui nè ka sa: 19Njou‐to̱ko̱nafèn, Moïse mi dé baï aïn hi na ba: Tokoré yine a njoukouna mi hou ka yèng waïn nè bi, da goune mi tane tiya, baï an yine nè baï yana waïn choré on, ka mboung goundi guèl bama yine nè. 20Da ko̱ jinguèl yindi mi mane difala‐séré makaou. Da titilikè mi ya waïn ka hou, da kè tane ga mboung goune jing nè ya. 21Da yine an sérékè mi ya waïn on ka hou, da kè tane mboung goune jing nè ya, tèn yine an saïkè mabahana bon. 22Da kli difala‐séré bon mi tane mboung goune jing nè ya. Da afal on waïnkè mi ndé hou kéng. 23Ka name tomnahoulkèli yé waïn on ba waïn a guè an woro kli lé? Baï ko̱ kli mane difala‐séré bon mi ya nè ka waïn jinguèl. 24Da Jésus mi sa hi kli: Baï ko̱ ouime tane ga tou Takarata a Ouone tèn njèran Ouone ya, mono on ko̱ ouime sé bong wo̱ko̱ ya lé? 25Baï ko̱ ko̱ klime tome an wora houli, yé njoukouli ba éna waïn tane tiya, da waïnli ba éna wonron tane tiya, da yé kli mabahana ka ba angeli an nonkala. 26Da baï a houli, ko̱ mi tome kli, oui tane ga kèn an bil Takarata Moïse ya lé? ka mboro on ko̱ Ouone mi sa baï jing nè an bil po̱to̱wo̱ro̱, ka sa: Mè ba Ouone a Abraham, da Ouone a Isaac, da Ouone a Jacob. 27Ouone tane ti ba Ouone a houlkèli ya, da ba akli on ko̱ yan. Oui sé bong wo̱ko̱ nyèta.
28Da njou‐to̱ko̱na bong guingna hana mbéo mi gui, ka la ko̱ klime njaka jing hana, da toutou ko̱ Jésus mi féré ka sa nonkè bèlta hi kli, kè guè bèl monè, da oui nè: Titili bina baïnjaka guingna ko̱ ta aféké bon ba fèn lé? 29Da Jésus mi féré sa: Titilikè mini ba: Oui la, O Israël, Nanjou, Ouone na ba Nanjou mbéo bo̱l; 30da: Mo sé hang a Nanjou, Ouone no, ka go̱ro̱ bon, da ka laou‐o̱ bon, da ka laou kèrafèn no bon, tèn ka njèran no bon. 31Da bina baïnjaka guingna an sérékè ba: Mo sé hang a ba no mahana ka ba mono fèno! Bina baïnjaka guingna hana aféké tiya ko̱ mi ta toul aïnli ya. 32Da njou‐to̱ko̱na bong guingna on mi sa hi nè: Ka babaï, Njou‐to̱ko̱nafèn; mo sa ka babaï tou, ko̱ Ouone ba mbéo bo̱l, da hana aféké tane tiya, bo̱l ba kè ka ho̱kè on: 33da tokoré njoukouna mi sé hang‐è ka go̱ro̱ bon, da ka touna nguite bon, da ka laou bon, tèn ka njèran bon, tèn sénahang a ba nè mahana ka ba monè fènè, on mi bèl ta toul soungna offrande tèn sacrificeli bon. 34Da ko̱ Jésus mi ko̱ ko̱ njoukou aïn mi féré sa bèlta jing cho̱kna, kème sa hi nè: Mo kaou diya jing bilkaou a Ouone. Da afal on, njoukou mbéo mi tane ma baï ouina né toul baï hana aféké ya.
35Da ko̱ Jésus mi pane nonliya bi to̱ko̱nafèn an bil temple, kème féré sa, ka sa: Ka mboro hani mi ko̱ njou‐to̱ko̱na bong guingnali sa Christ ba Goune a David lé? 36David fènè mi sa ka Saint‐Esprit:
Nanjou fènè mi sa hi Nanjou ni:
Mo kaou an mboro wonron ndo̱ko̱ ni,
Bo̱l tèn ko̱ mème nding bakèlio̱ jing mo tèn ba fèn ndana ka bo̱ko̱.
37David fènè mi di nè ba Nanjou, mono on ka hani mi ko̱ kè ba goune nè lé? Da ro̱kè njoukouli mi la baï nè kara kli.
38Ko̱ kème yé to̱ko̱nafèn, kè sa ba: Oui ngou mbora njou‐to̱ko̱na bong guingnali ko̱ mi ji baï séna jing péna la vou vou, ka ji ba njoukouli mi name kli an guèl zénacho̱ko̱li; 39klime ji ba titili kangalali an bil synagogueli, tèn titili guèl kaounali ka guèl name sona gnèna laka; 40da klime son a voula waïn soréli, da baï mongna njoukouli kli nonli bi hiouna Ouone bongkè dita. Yé kli ma ya barabaï nyè maïya.
41Da Jésus mi kaou bèl kouba mbo̱ri a Ouone, ka ko̱ mboro on ko̱ ro̱kè njoukouli mi kon mbo̱ri bil kouba on. Da nyèta ko̱ ba nguèra njoukouli mi kon mbo̱ri nyèta guè bilkè. 42Da foïna waïn soré hana mbéo mi gui ka kon sou séré guè ndourou, ko̱ ma koforo mbéo. 43Da Jésus mi di njou‐séna bong nèli guè monè, ka sa hi kli: Babaï, mi mè sa hi oui, foïna waïn soré aïn, mi hi ta kli on bon, ko̱ mi kon mbo̱ri guè bil kouba aïn; 44baï ko̱ kli bon mi hi akli bo̱on guèk, da foïna waïn soré aïn mi hi amè ba fèn kouna monè lèrème bon.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Published by the British and Foreign Bible Society in 1947.