Matiye 4
4
Əsu nan Jeju
1Goe tə̂ a, Ndil aw kə Jeju mə kɔr tə̂ mba karə Əsu nɛɛ̂n. 2Jeju ɔku rɔɛ̂ nɛ̂n-kusa ndɔ dɔsɔ kə til dɔsɔ ngaâ bbo ddɛɛ̂. 3Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.» 4Jeju ilɛ̂ tə̂ nan: «Makəturu lə Lubba pa nan: ‹Dəw a kisi kəm baa ddəw nɛ̂n-kusa tə̂ kâra baa ang. Nâ kisi kəm baa ddəw tar tə̂ tɔyn kə̂ tee ta Lubba tə̂.› »
5Goe tə̂ a, Əsu le aw saa Jerujalɛm kə̂ to bbe kə̂ maji tɔyn. Naw nundɛ̂ lum dɔ kəy-polo Lubba tə̂ lə Jiipije, 6ngaâ n̂-pa narɛ̂ nan: «Bbo ə-to Ngonn lə Lubba a, aal dɔ kəy tə̂ nəənn uru nangə̂, mba Makəturu lə Lubba pa nan:
‹Lubba a kunn ndu karə anjəje laa mbai,
ngaâ dâ lai to la, karə gɔli dar ər ang.› »
7 Jeju ilɛ̂ tə̂ nan: «Makəturu lə Lubba pa tɔ nan: ‹Əbbə-dəwje to Lubba ləi bbo â nɛɛ̂n ang.› »
8Əsu təl aw saa dɔ ddingiri tə̂ kə̂ ndəw nya ngaâ tɔjɛ̂ bbe-kɔnje tɔyn kə̂ duninya tə̂ kə piti kə̂ to tə̂, 9ngaâ pa arɛ̂ nan: «Bbo ɔsu gɔli nɔnʼm tə̂ ngaâ ə-polom a, mâ kari nɛ̂nje nəənn tɔyn.» 10Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› » 11Yeenn ngaâ Əsu le ɔtu inyɛ̂ ngaâ anjəje ddeeje rɔɛ̂ tə̂ ddee arɛ̂je nɛ̂n-kusa.
Jeju unn kutu kula laa nangə tə̂ kə̂ Galile
12Jeju oo nan dila Jan kəy-kula tə̂ a, nɔru rɔɛ̂ naw nangə tə̂ kə̂ Galile. 13Ninya Najarɛtə a naw nisi Kapɛrnawum kar tɔkə dangə maann tə̂, nangə tə̂ kə̂ Jabulɔn kə Nepetali. 14N̂-dda baann bba karə tar lə Ejayi kə̂ to nje-kila mbər tar lə Lubba ddee to tar kə̂ tɔkɔrɔ. Tar le nan:
15«Nangə kə̂ Jabulɔn kə Nepetali,
kə̂ toje ddəw ba-katə tə̂, tura maann Jurdɛn tə̂,
kə̂ to Galile, nangə lə dəwje kə̂ toje to Jiipije ang.
16Dəwje kə̂ isije dann lo ndul tə̂, ooje tɔkə lo-karɛ kə̂ aw ndoko.
Ngaâ lo arɛ dɔ dəwje tə̂ kə̂ isije nangə yo tə̂ kə̂ lo ndul kə tə̂.»
17Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»
Jeju bbar njê-njaje goe tə̂ kə̂ dɔngɔr
18Jeju aw nja kar tɔkə dangə tə̂ kə̂ Galile a, noo ngakɔn-naanje joo: Simɔn kə̂ daw bbarɛ̂ nan Piyɛr de kə ngokɔɛ̂n Andere. Daw dilaje ddəngə tɔkə dangə maann tə̂ le mba n̂-toje to njê-ndɔn-maannje. 19Jeju le pa arəde nan: «Unnje gom a, mâ ddase to njê-ndɔn dəwje.» 20Njangə baa njaa, dinyaje ddəngəje ləde le ngaâ dunnje goe.
21Jeju aw ngaji kə kete a, oo marə ngakɔn-naanje joo ddang bbay: Jakə de kə ngokɔɛ̂n Jan kə̂ toje to ngann lə Jebede, disije mə tɔkə to tə̂ ləde kə bɔdede. Daw mɔsɛje ddəngəje ləde ngaâ Jeju le bbarde. 22Njangə baa njaa dinyaje tɔkə to ləde ddəm bɔdede ddəm ngaâ dunnje go Jeju le.
Jeju tɔju nɛ̂n ngaâ aji njê-rɔ-toje
23Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji. 24Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide. 25Dəwje tokə banya unnje goe. Dəwje le inje nangə tə̂ kə̂ Galile kə nangə kə̂ «Tɔkə Bbeje kə̂ Dɔku» toje tə̂. Marɛ̂je inje Jerujalɛm kə nangə tə̂ kə̂ Jude kə nangə tə̂ kə̂ to tura Jurdɛn tə̂.
Šiuo metu pasirinkta:
Matiye 4: KabbaDkS
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Matiye 4
4
Əsu nan Jeju
1Goe tə̂ a, Ndil aw kə Jeju mə kɔr tə̂ mba karə Əsu nɛɛ̂n. 2Jeju ɔku rɔɛ̂ nɛ̂n-kusa ndɔ dɔsɔ kə til dɔsɔ ngaâ bbo ddɛɛ̂. 3Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.» 4Jeju ilɛ̂ tə̂ nan: «Makəturu lə Lubba pa nan: ‹Dəw a kisi kəm baa ddəw nɛ̂n-kusa tə̂ kâra baa ang. Nâ kisi kəm baa ddəw tar tə̂ tɔyn kə̂ tee ta Lubba tə̂.› »
5Goe tə̂ a, Əsu le aw saa Jerujalɛm kə̂ to bbe kə̂ maji tɔyn. Naw nundɛ̂ lum dɔ kəy-polo Lubba tə̂ lə Jiipije, 6ngaâ n̂-pa narɛ̂ nan: «Bbo ə-to Ngonn lə Lubba a, aal dɔ kəy tə̂ nəənn uru nangə̂, mba Makəturu lə Lubba pa nan:
‹Lubba a kunn ndu karə anjəje laa mbai,
ngaâ dâ lai to la, karə gɔli dar ər ang.› »
7 Jeju ilɛ̂ tə̂ nan: «Makəturu lə Lubba pa tɔ nan: ‹Əbbə-dəwje to Lubba ləi bbo â nɛɛ̂n ang.› »
8Əsu təl aw saa dɔ ddingiri tə̂ kə̂ ndəw nya ngaâ tɔjɛ̂ bbe-kɔnje tɔyn kə̂ duninya tə̂ kə piti kə̂ to tə̂, 9ngaâ pa arɛ̂ nan: «Bbo ɔsu gɔli nɔnʼm tə̂ ngaâ ə-polom a, mâ kari nɛ̂nje nəənn tɔyn.» 10Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› » 11Yeenn ngaâ Əsu le ɔtu inyɛ̂ ngaâ anjəje ddeeje rɔɛ̂ tə̂ ddee arɛ̂je nɛ̂n-kusa.
Jeju unn kutu kula laa nangə tə̂ kə̂ Galile
12Jeju oo nan dila Jan kəy-kula tə̂ a, nɔru rɔɛ̂ naw nangə tə̂ kə̂ Galile. 13Ninya Najarɛtə a naw nisi Kapɛrnawum kar tɔkə dangə maann tə̂, nangə tə̂ kə̂ Jabulɔn kə Nepetali. 14N̂-dda baann bba karə tar lə Ejayi kə̂ to nje-kila mbər tar lə Lubba ddee to tar kə̂ tɔkɔrɔ. Tar le nan:
15«Nangə kə̂ Jabulɔn kə Nepetali,
kə̂ toje ddəw ba-katə tə̂, tura maann Jurdɛn tə̂,
kə̂ to Galile, nangə lə dəwje kə̂ toje to Jiipije ang.
16Dəwje kə̂ isije dann lo ndul tə̂, ooje tɔkə lo-karɛ kə̂ aw ndoko.
Ngaâ lo arɛ dɔ dəwje tə̂ kə̂ isije nangə yo tə̂ kə̂ lo ndul kə tə̂.»
17Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»
Jeju bbar njê-njaje goe tə̂ kə̂ dɔngɔr
18Jeju aw nja kar tɔkə dangə tə̂ kə̂ Galile a, noo ngakɔn-naanje joo: Simɔn kə̂ daw bbarɛ̂ nan Piyɛr de kə ngokɔɛ̂n Andere. Daw dilaje ddəngə tɔkə dangə maann tə̂ le mba n̂-toje to njê-ndɔn-maannje. 19Jeju le pa arəde nan: «Unnje gom a, mâ ddase to njê-ndɔn dəwje.» 20Njangə baa njaa, dinyaje ddəngəje ləde le ngaâ dunnje goe.
21Jeju aw ngaji kə kete a, oo marə ngakɔn-naanje joo ddang bbay: Jakə de kə ngokɔɛ̂n Jan kə̂ toje to ngann lə Jebede, disije mə tɔkə to tə̂ ləde kə bɔdede. Daw mɔsɛje ddəngəje ləde ngaâ Jeju le bbarde. 22Njangə baa njaa dinyaje tɔkə to ləde ddəm bɔdede ddəm ngaâ dunnje go Jeju le.
Jeju tɔju nɛ̂n ngaâ aji njê-rɔ-toje
23Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji. 24Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide. 25Dəwje tokə banya unnje goe. Dəwje le inje nangə tə̂ kə̂ Galile kə nangə kə̂ «Tɔkə Bbeje kə̂ Dɔku» toje tə̂. Marɛ̂je inje Jerujalɛm kə nangə tə̂ kə̂ Jude kə nangə tə̂ kə̂ to tura Jurdɛn tə̂.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės