A Vuhuna 9
9
A Vure i Rata a Ngava Dagi Turana e Noa
1 #
Vuh 1:28
Muri a Vure i gamai e Noa turana e tuna mai i taki ria, “Mu bele kupo, mu vakavonu a malala. 2A kanirau lobo na malala, a kadirovo lobo, a maki lobo ri karaka na malala, a manu lobo, bara ri mangenge ne mua. Ngane a ru na limane mua. 3A maka maki mahuri ri laho ga maki ni kani ne mua, i manga a hini muga a habi ne mua a kobo mu kani. Pali ngane a habi a maki lobo ga maki ni kani ne mua. 4#Levi 7:26-27; 17:10-14; 19:26; Vin 12:16,23; 15:23Pali a bobona maki i vona a dara, naha ni kani, a vuhuna a dara i habi a nimahuri. 5Pali e rei a bakovi, a kanirau, a livoa hateka i rabalakia tara viri, i muholi hateka bara kolia. E rei i rabalaki a viri tara, iau bara kolia vona a naro i ratea.
6 #
Vuh 1:26; Nim 20:13 E rei a bakovi i rabalakia a viri tara,
ia kunana bara i mate na limana bakovi,
a vuhuna iau a Vure
a rata rikea a bakovi i manga iau.
7 #
Vuh 1:28
Pali mua, mu bele kupo mu vakavonua a malala.”
8Muri a Vure i takia e Noa turana e tuna mai, 9“Ngane ga vakatubua a ngava dagi turamu, turana e huriki a hamomu ri gi bele muri ma, 10turana a maki mahuri ra ri turane mua: a maka kadirovo, a sipsip a bulmakau, a kanirau, turana a maki lobo ri pagitala turane mua na agarungu, ra maka maki mahuri lobo na malala. 11Iau a rua a ngava dagi nau turane mua. A ta muholi, a marungulolo i uka ma ge ratapile tabu a maka maki mahuri. Muholi hateka a marungulolo i uka ma ge ratapile tabu a malala.”
12-13Muri, a Vure i ta maea, “Iau a rua a kuriki na bubu, ge a nivakasiri na ngava dagi nau na maka maki mahuri na malala. Ra kuriki iea a nivakasiri na ngava dagi a rata turane mua, turana a maka maki mahuri ri turane mua na agarungu. Ra ngava iea i lakea tabu ne huriki a hamomu bara ri bele muri ma. 14Na tahuna iau a ru a bubu polomeli na hunu, a kuriki bara i pesi vona. 15Iau bara luhoi mule a ngava dagi a ratea turana a maka maki mahuri na malala. Nahea tabu a marungulolo ge ratapile lobo a maka maki mahuri. 16Na tahuna a kuriki i pesi na bubu, bara masia, a luhoi mule a ngava dagi i tabuli vakaroro turagu, turana a kabu na maki mahuri na malala.” 17Muri a Vure i takia e Noa, “A kuriki a nivakasiri na ngava dagi, a habia na maka maki mahuri na malala.”
E Tune Noa ala Tolu
18E tune Noa to pagitala na agarungu ra nga: e Sem, e Ham, e Iapet. (E Ham e tamana e Kenan). 19re tune Noa nga, tou a vuhuna e huriki lobo. To vakabele e huriki, muri ri mariu viliha lae na malala.
20E Noa a bakovi ni leho na hania, i vakatubu ni varo a vain na hania vona. 21Na parava tara, i ninu ranga vain vona, i manga, i mahita bobo pololilo na kape vona. 22E Ham e tamane Kenan, i masia e tamana i mahita bobo, lakea i pagitala, i vakalongo e turana rua polovavo. 23Lakea e Sem rua e Iapet ru nugu gaviri na bitone rua a varakia, ru laho bitona ru kavitagua e tamane rua, ra i mahita bobo. Ru matahere, a vuhuna ru koi ni masia e tamane rua i bobo. 24Na tahuna e Noa i hadongo, i palala a gina, ni vakalongo vona a naro i ratea vona e tuna, ra kabina ruru. 25Lakea e Noa i tahatea i ta maea,
“E Kenan ni gi ruduraha!
Bara ia a vorakato ne turana rua.”
26Muri i ta maea tabu,
“Ni gi kavurike e BAKOVI DAGI, a Vure ne Sem,
pali e Kenan bara ia a vorakato ne Sem kunana.
27A Vure ge hudo talea a hamone Iapet,
e huriki a hamona ri gi made turana a hamone Sem,
pali e Kenan ge ia a vorakato ne Iapet.”
28Muri na marungulolo, e Noa i made tabu na pida i 350. 29A pida vona ni gi palupu lobo i 950, muri i mate.
Šiuo metu pasirinkta:
A Vuhuna 9: bnp
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2011 Wycliffe Bible Translators, Inc. All rights reserved.
A Vuhuna 9
9
A Vure i Rata a Ngava Dagi Turana e Noa
1 #
Vuh 1:28
Muri a Vure i gamai e Noa turana e tuna mai i taki ria, “Mu bele kupo, mu vakavonu a malala. 2A kanirau lobo na malala, a kadirovo lobo, a maki lobo ri karaka na malala, a manu lobo, bara ri mangenge ne mua. Ngane a ru na limane mua. 3A maka maki mahuri ri laho ga maki ni kani ne mua, i manga a hini muga a habi ne mua a kobo mu kani. Pali ngane a habi a maki lobo ga maki ni kani ne mua. 4#Levi 7:26-27; 17:10-14; 19:26; Vin 12:16,23; 15:23Pali a bobona maki i vona a dara, naha ni kani, a vuhuna a dara i habi a nimahuri. 5Pali e rei a bakovi, a kanirau, a livoa hateka i rabalakia tara viri, i muholi hateka bara kolia. E rei i rabalaki a viri tara, iau bara kolia vona a naro i ratea.
6 #
Vuh 1:26; Nim 20:13 E rei a bakovi i rabalakia a viri tara,
ia kunana bara i mate na limana bakovi,
a vuhuna iau a Vure
a rata rikea a bakovi i manga iau.
7 #
Vuh 1:28
Pali mua, mu bele kupo mu vakavonua a malala.”
8Muri a Vure i takia e Noa turana e tuna mai, 9“Ngane ga vakatubua a ngava dagi turamu, turana e huriki a hamomu ri gi bele muri ma, 10turana a maki mahuri ra ri turane mua: a maka kadirovo, a sipsip a bulmakau, a kanirau, turana a maki lobo ri pagitala turane mua na agarungu, ra maka maki mahuri lobo na malala. 11Iau a rua a ngava dagi nau turane mua. A ta muholi, a marungulolo i uka ma ge ratapile tabu a maka maki mahuri. Muholi hateka a marungulolo i uka ma ge ratapile tabu a malala.”
12-13Muri, a Vure i ta maea, “Iau a rua a kuriki na bubu, ge a nivakasiri na ngava dagi nau na maka maki mahuri na malala. Ra kuriki iea a nivakasiri na ngava dagi a rata turane mua, turana a maka maki mahuri ri turane mua na agarungu. Ra ngava iea i lakea tabu ne huriki a hamomu bara ri bele muri ma. 14Na tahuna iau a ru a bubu polomeli na hunu, a kuriki bara i pesi vona. 15Iau bara luhoi mule a ngava dagi a ratea turana a maka maki mahuri na malala. Nahea tabu a marungulolo ge ratapile lobo a maka maki mahuri. 16Na tahuna a kuriki i pesi na bubu, bara masia, a luhoi mule a ngava dagi i tabuli vakaroro turagu, turana a kabu na maki mahuri na malala.” 17Muri a Vure i takia e Noa, “A kuriki a nivakasiri na ngava dagi, a habia na maka maki mahuri na malala.”
E Tune Noa ala Tolu
18E tune Noa to pagitala na agarungu ra nga: e Sem, e Ham, e Iapet. (E Ham e tamana e Kenan). 19re tune Noa nga, tou a vuhuna e huriki lobo. To vakabele e huriki, muri ri mariu viliha lae na malala.
20E Noa a bakovi ni leho na hania, i vakatubu ni varo a vain na hania vona. 21Na parava tara, i ninu ranga vain vona, i manga, i mahita bobo pololilo na kape vona. 22E Ham e tamane Kenan, i masia e tamana i mahita bobo, lakea i pagitala, i vakalongo e turana rua polovavo. 23Lakea e Sem rua e Iapet ru nugu gaviri na bitone rua a varakia, ru laho bitona ru kavitagua e tamane rua, ra i mahita bobo. Ru matahere, a vuhuna ru koi ni masia e tamane rua i bobo. 24Na tahuna e Noa i hadongo, i palala a gina, ni vakalongo vona a naro i ratea vona e tuna, ra kabina ruru. 25Lakea e Noa i tahatea i ta maea,
“E Kenan ni gi ruduraha!
Bara ia a vorakato ne turana rua.”
26Muri i ta maea tabu,
“Ni gi kavurike e BAKOVI DAGI, a Vure ne Sem,
pali e Kenan bara ia a vorakato ne Sem kunana.
27A Vure ge hudo talea a hamone Iapet,
e huriki a hamona ri gi made turana a hamone Sem,
pali e Kenan ge ia a vorakato ne Iapet.”
28Muri na marungulolo, e Noa i made tabu na pida i 350. 29A pida vona ni gi palupu lobo i 950, muri i mate.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2011 Wycliffe Bible Translators, Inc. All rights reserved.