Mataayo 3
3
Emirimu gwa Yowana Omubhatiisha
(Maariko 1:1-8; Ruuka 3:1-18; Yowana 1:19-28)
1Emyaka ngitura-wo myafu, ˆnaabha-wo omuunu wumwi unu ꞉aatogwaga ati Yowana Omubhatiisha. Yowana uyo ꞉aariga ˆnaaraasha arebhe mw-ibhara rya Ebhuyawudi eyo. ꞉Aariga ˆnaaraasha ati, 2“Munuge ebhikayo bhyemwe muyindukire ku-Nyamuwanga, kwa okubha obhukama bhwa mu-rwire#3:2 Obhukama bhwa mu-rwire. Ringira riingʼana Obhukama bhwa Nyamuwanga mu-Mangʼana Amakomeeye. bhuri ayeeyi!” 3Yowana niwe ꞉aaikirwe na omuragi Isaaya ati,
“Omuunu kaamura obhuraka mw-ibhara ˆnaaika ati,
‘Muroosishe Raatabhugenyi injira,
mwimye anu kaaja okutura.’ ”#3:3 Ringira Isaaya 40:3.
4Yowana ꞉aariga ˆnaafwara gingibho ginu giroosiibhwe na obhusinga bhwa gingamiya na ꞉aariga ˆneebhoya omuchipi mu-bhukende.#3:4 ˆNeebhoya omuchipi mu-bhukende. Gingibho ginu Yowana ꞉aariga ˆnaafwara, ꞉gyariga giri rwa egya omuragi Eriya. Ringira 2 Abhakama 1:8. Ebhyokurya bhyaye ꞉bhyariga bhiri ginsige na obhuuki. 5Abhaanu mbasookereraga Yerusareemu, Ebhuyawudi na ebhyaro bhyone kutyo ebhya ku-ngego ya oruuji rwa Yorodaani, mbamuuja-ko 6mbeegambaga ebhikayo bhyebhwe, ˆnaabhabhatiisha mu-ruuji rwa Yorodaani.
7Nawe bhunu Yowana ꞉aarorere Abhafarisaayo#3:7a Abhafarisaayo. Ringira riingʼana rinu mu-Mangʼana Amakomeeye. na Abhasadukaayo#3:7b Abhasadukaayo. Ringira riingʼana rinu mu-Mangʼana Amakomeeye. bhaafu mbamuuja-ko insonga abhabhatiishe, ˆnaabhabhwira ati, “Orwibhuro rwa ebhisoro emwe! Ni kimari indamuro okusooka ku-Nyamuwanga iriija, niga abhabhwiriiye muyiikenge? 8Ikabha kimari ati munugire ebhikayo bhyemwe, mmbe ebhikorwa bhyemwe bhisusane na okunuga kwemwe okwa ebhikayo. 9Mwasiga okwiganiirisha mu-mitima gyemwe ati muryaabhirwa kwa okubha muri rwibhuro rwa Bhurayimu.#3:9 Bhurayimu. Ringira riingʼana rinu mu-Mangʼana Amakomeeye. Enibhabhwirira abhweru ati, Nyamuwanga kaatura okuyaana Bhurayimu abhaana okusooka ku-magina ganu! 10Nyamuwanga aatuuye imbasa ku-masina ga amati, keenda arore amatwasho amajomu ku-mati kuyo, akarema okugarora-ko kaagatema ˆnaageesa mu-muriro!
11“Anye enibhabhatiisha mu-manji okweresha ati munugire ebhikayo. Nawe iinyuma waani ariija unu ari amanaga okunkira anye. Noone niteesire na okumugegera ebhikwirya bhyaye. Omwene aribhabhatiisha na Mwoyo Omutaakatiifu na omuriro. 12Agwatiriiye orungo rwaye, keenda okweyerera ekibhuga kya okuwurira obhuro. Obhuro obhujomu kaabhutuura mu-kitara kyaye, nawe inkuunyu ariyookya mu-muriro gunu gutakusimá.”
Yowana kaabhatiisha Yeesu
(Maariko 1:9-11; Ruuka 3:21-22)
13Mmbe, mw-ibhaga riyo, Yeesu ˆnaasooka Gariraaya, ˆnaagenda ku-Yowana ku-ruuji rwa Yorodaani, insonga abhatiisibhwe na Yowana. 14Nawe Yowana ˆneenda okurema, ˆnaamubhwira ati, “Awe owuuja kutiki ku-anye? Ni anye niisire okubhatiisibhwa na awe.” 15Yeesu ˆnaamusubhya ati, “Awe iikirisha era woori umbatiishe, kwa okubha nikwo kutyo ekyendwa kikore kutyo Nyamuwanga keenda.” Mmbe, Yowana ˆneekirisha, ˆnaamubhatiisha.
16Mmbe, bhunu Yeesu ꞉eebhukire okusooka mu-manji, ayoayo orwire ndwiguka, Yeesu ˆnaarora Mwoyo Omutaakatiifu wa Nyamuwanga ˆnaamwikira ˆnaasusaga rwa inguuti. 17Niwe obhuraka mbusooka mu-rwire mbwaika ati, “Unu ni Mwana waani omwende, niwe kaanjomisha.”
Šiuo metu pasirinkta:
Mataayo 3: kya
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023, Wycliffe Bible Translators, Inc. All rights reserved