Luka 21
21
Koɓa kiu tooneya yǝ nasǝ a Hit Kaa Urshalima wa
1Yeso yǝ nǝk ɗuura ɓoti wa ya wǝr ɓan kǝnaa ɓa ɓǝn nhii koɓa a mbu nhii koɓa a Hit Kaa Urshalima wa kǝna Kaa ɓa. 2Paya wǝr hanhanda toone kerisi wodsǝke yǝ nhii koɓa ngeek isi sa nsaad. 3Yǝɓǝ nkee me, “Nǝn nkeesǝ ɓongtǝrato hanhanda kiu toone ya yǝ nhii mbu kwang faɗsǝ ɓa nsaad ɓa. 4Ɓet ɓa nsaad ɓǝ na mbu ɓǝkǝ na ɓa a ngǝnǝ ɓǝsǝ ma sisowa; pa usu yǝ na nsaad mbu yǝsǝ ma sisoɓa.”
Yeso yǝ fǝɗkǝ mbuka tom a wiiyo ɓa
5Ɓaata emfǝɗkaa ɓǝsa Yeso ɓa ɓǝn kan mara mbu ɓa werkǝsǝ kwalari a Hit ɓǝɗ Kaa wa ɓa ma ɗungate u yabwa ma mbusa u ɓa kosǝ Kaa wa. Pa Yeso ya nkee me, 6“A mbu sǝn wǝrsǝ a ham ɓa wa, tǝro kǝ wo, u hana ɗungara kǝra fin a pee a ɗuura ate ra ra, ɓaa kǝ ookǝ ɗungate sisi fin fin a putu nsaad.”
7Pa ɓaa taa me, “Malǝm, mbu ɓa kǝ tom kamniu? Ən mbu nhiinyanhiinya mbi ka weɗa me mbusǝsa ɓǝ tomon ngwang ma tommou?”
8Ya kak ya nkee me, “Sǝ ti senta me atike yǝsǝ nlaa ra. Ɓeta dem kǝɓǝ wo ma ɗenda na, ɓǝn nkee me, ɓosa ‘Nǝn sase,’ ɗǝm fersusu, ‘Tomon kwang.’ Sǝɓǝ mɓǝɗ ɗa. 9Sǝ kura kokto ra, me sǝ kura maatamse kisa ya ɗǝm ma rǝkatamse. Tomon ɗaɗ mbusǝsa a tom nhe, pa feɗefeɗe wo sundu ra.
10Pa yǝɓǝ nkee me, Putu kǝ nik kito ma ate putu ya, ɗǝm kuɓsutu kǝ nik kito ma ate kuɓsutu ya. 11Putu kǝ nyaa, siyamse ma ɗoora a handa ɓolɓol, ma mbu na kokto ɓa ma mbusa nhiinyanhiinya a liura.
12“Fer mbusǝsa ka tom wa, ɓǝ kǝsǝ ma ɓǝsǝn na kongsa. Ɓǝ kǝsǝn ko a hitsa kwau Yahudawa sa, ɓǝsǝ liki a hitsa liki ɓeta sa, ɗǝm ɓǝ kǝsǝn wo a wii a kuɓsa ni, ma ngwammase, nsaad susu me a ɗǝnda na. 13U nwa kǝsǝ ti sǝ nkee mara kwalari ra a ɗuura na a wii ɓoso. 14Pa sǝ kong taarǝ a ɗǝɗa kǝsa kon nkweerase ra me sǝ kon. 15Nǝkǝsǝ na mara ma maa mbuka wa u ɓaa ɓǝn yausara ɓa ɓa taa kwangto ɓǝka nǝɗ ma sase me ɓa tom renǝta wara. 16Pa hana paapamse yaase, ma ɓaata ɓǝsaa, ma haato waaso, ma sik ɓǝsa, ɓǝ kǝsǝ fanga, ɓaata a ɗaaso waaso ɓaa kǝɓǝ toɗɗo. 17Ɓeta nsaad kǝsǝ mbisi me a ɗǝnda na. 18Pa hanan nhinyoo fin a ɗuura sawa a tǝblǝ ra. 19Me sǝ sǝm a ham fin haa nǝ sǝkǝ ta hemǝra.
20“Me sǝ wǝr Urshalima sosamse leurǝ sǝsǝ sǝ ma me wo usu kanan. 21pa a lee ɓaa ɓǝsǝ a put Yahudiya ɓa, ɓǝ mon ɓǝ taa a yola, ɓaa ɓǝsǝ a ɗaaso uru ɓa, ɓǝ fiɗi, a lee ɓaa ɓǝsǝ a ndiira uru ra ɗǝm, ɓǝ kan a ɗaaso uru wa ra. 22Me nwa ǝn fer kongsa wa u ka kung mbu ɓa yorsǝɓa nsaad. 23Mbu manyamanyato ɓa, a toona ɓaa ma kuti ɓa, ma ɓan na toota ɓa a fer usu. Kǝ tom mbu kongsa ɓa a put susu mbu nfiima ɓa a ɗuuti ɓeɗsǝsa ɓa. 24Kǝɓǝ wii a ɗuura kǝɗara ɓa kǝɓǝ haa nga pursunamse ɓǝ kosǝ a put wa nsaad. Ɓaakǝ noo Urshalima ndub kaa ɓa ɓǝ sem Yahudawara ɓa kungsǝ ɓa.
25“Ɓaa kǝ wǝr mbu nhiinyanhiinya ɓa a ɗuura kaa ra ma ofe ma seklǝmǝta. A kaɗo taandi wa ɗǝm ɓeta kǝ tom ma rǝkata me kokto yaulira aulaara wa. 26Ɓeta kǝ haa hemǝra horot me kokto senda mbu ka wo kaɗo ntaadiwa ɓa, me ɓaa kǝ nyaa mbu kwang kwang a liura ɓa. 27A fer siso sǝkǝ wǝr Au Ete ya yǝn hamham a liura ma kwangto ma too dem. 28Me mbu ɓa ntii tomon, sǝ ni ɓoti sǝ nik ɗuti ɓoti me kon nkweera waso won kǝk.”
29Yǝɓǝ nkee mǝɗkǝra me, “Sǝ sengge ɓot sata ɓa ma ngwate nsaad. 30Me ɓǝ tǝu nwaman, sǝkǝ wǝr ma nkweerayase sa me rara tomon nkwang. 31Hana maaso me sǝ wǝr mbu kwala kwala ɓa ǝn her her, sǝ maa me kuɓsutu Kaa wa won kwang.
32Nǝn nkeesǝ ɓongtǝra, ɓaa kaareyase ɓa, a talǝra ndub me mbu ɓa nsaad wo tomon. 33Liura ma put ntaandi wa, kǝ talǝ pa mara na a pǝta talo ra.
34“Sǝ nhii nwa sǝ yau we mbusa wa ma see mbusa wa ma kaɗo kura nepto ntaadiwa ɓǝsǝ too sendara pa kaasǝsa kǝ liki a sani sem ma maa nwaasora nga mbu ɓa tǝrasǝɓa. 35Me kǝ wo a sani nsaad ɓa sisa kaɗo ntaadiwa ɓa. 36Sǝ kaɗ a waroo nfee ma kǝna Kaa wa me sǝ nkaa sa noo mbu kǝ wo ɓa, me ɗǝm sǝ nkaa sǝ nǝɗ a wii Au Edteya wa.”
37Nfee Yeso yaa fǝɗkǝra a Hit Kaa Urshalima wa ɗikira nfee yǝn ko taadi koya tǝr a kolla ǝn yarsǝ me Yol Zaitunwa. 38Pa ɓa ɓǝn kurasǝ sǝ ɓa nsaad ɓǝn wo a ɗenda me ɓǝ kura mara ira a Hit Kaa Urshalima wa.
Šiuo metu pasirinkta:
Luka 21: LLA
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©2023 Seed Company in collaboration with Language Developers and Bible Translators Association
Luka 21
21
Koɓa kiu tooneya yǝ nasǝ a Hit Kaa Urshalima wa
1Yeso yǝ nǝk ɗuura ɓoti wa ya wǝr ɓan kǝnaa ɓa ɓǝn nhii koɓa a mbu nhii koɓa a Hit Kaa Urshalima wa kǝna Kaa ɓa. 2Paya wǝr hanhanda toone kerisi wodsǝke yǝ nhii koɓa ngeek isi sa nsaad. 3Yǝɓǝ nkee me, “Nǝn nkeesǝ ɓongtǝrato hanhanda kiu toone ya yǝ nhii mbu kwang faɗsǝ ɓa nsaad ɓa. 4Ɓet ɓa nsaad ɓǝ na mbu ɓǝkǝ na ɓa a ngǝnǝ ɓǝsǝ ma sisowa; pa usu yǝ na nsaad mbu yǝsǝ ma sisoɓa.”
Yeso yǝ fǝɗkǝ mbuka tom a wiiyo ɓa
5Ɓaata emfǝɗkaa ɓǝsa Yeso ɓa ɓǝn kan mara mbu ɓa werkǝsǝ kwalari a Hit ɓǝɗ Kaa wa ɓa ma ɗungate u yabwa ma mbusa u ɓa kosǝ Kaa wa. Pa Yeso ya nkee me, 6“A mbu sǝn wǝrsǝ a ham ɓa wa, tǝro kǝ wo, u hana ɗungara kǝra fin a pee a ɗuura ate ra ra, ɓaa kǝ ookǝ ɗungate sisi fin fin a putu nsaad.”
7Pa ɓaa taa me, “Malǝm, mbu ɓa kǝ tom kamniu? Ən mbu nhiinyanhiinya mbi ka weɗa me mbusǝsa ɓǝ tomon ngwang ma tommou?”
8Ya kak ya nkee me, “Sǝ ti senta me atike yǝsǝ nlaa ra. Ɓeta dem kǝɓǝ wo ma ɗenda na, ɓǝn nkee me, ɓosa ‘Nǝn sase,’ ɗǝm fersusu, ‘Tomon kwang.’ Sǝɓǝ mɓǝɗ ɗa. 9Sǝ kura kokto ra, me sǝ kura maatamse kisa ya ɗǝm ma rǝkatamse. Tomon ɗaɗ mbusǝsa a tom nhe, pa feɗefeɗe wo sundu ra.
10Pa yǝɓǝ nkee me, Putu kǝ nik kito ma ate putu ya, ɗǝm kuɓsutu kǝ nik kito ma ate kuɓsutu ya. 11Putu kǝ nyaa, siyamse ma ɗoora a handa ɓolɓol, ma mbu na kokto ɓa ma mbusa nhiinyanhiinya a liura.
12“Fer mbusǝsa ka tom wa, ɓǝ kǝsǝ ma ɓǝsǝn na kongsa. Ɓǝ kǝsǝn ko a hitsa kwau Yahudawa sa, ɓǝsǝ liki a hitsa liki ɓeta sa, ɗǝm ɓǝ kǝsǝn wo a wii a kuɓsa ni, ma ngwammase, nsaad susu me a ɗǝnda na. 13U nwa kǝsǝ ti sǝ nkee mara kwalari ra a ɗuura na a wii ɓoso. 14Pa sǝ kong taarǝ a ɗǝɗa kǝsa kon nkweerase ra me sǝ kon. 15Nǝkǝsǝ na mara ma maa mbuka wa u ɓaa ɓǝn yausara ɓa ɓa taa kwangto ɓǝka nǝɗ ma sase me ɓa tom renǝta wara. 16Pa hana paapamse yaase, ma ɓaata ɓǝsaa, ma haato waaso, ma sik ɓǝsa, ɓǝ kǝsǝ fanga, ɓaata a ɗaaso waaso ɓaa kǝɓǝ toɗɗo. 17Ɓeta nsaad kǝsǝ mbisi me a ɗǝnda na. 18Pa hanan nhinyoo fin a ɗuura sawa a tǝblǝ ra. 19Me sǝ sǝm a ham fin haa nǝ sǝkǝ ta hemǝra.
20“Me sǝ wǝr Urshalima sosamse leurǝ sǝsǝ sǝ ma me wo usu kanan. 21pa a lee ɓaa ɓǝsǝ a put Yahudiya ɓa, ɓǝ mon ɓǝ taa a yola, ɓaa ɓǝsǝ a ɗaaso uru ɓa, ɓǝ fiɗi, a lee ɓaa ɓǝsǝ a ndiira uru ra ɗǝm, ɓǝ kan a ɗaaso uru wa ra. 22Me nwa ǝn fer kongsa wa u ka kung mbu ɓa yorsǝɓa nsaad. 23Mbu manyamanyato ɓa, a toona ɓaa ma kuti ɓa, ma ɓan na toota ɓa a fer usu. Kǝ tom mbu kongsa ɓa a put susu mbu nfiima ɓa a ɗuuti ɓeɗsǝsa ɓa. 24Kǝɓǝ wii a ɗuura kǝɗara ɓa kǝɓǝ haa nga pursunamse ɓǝ kosǝ a put wa nsaad. Ɓaakǝ noo Urshalima ndub kaa ɓa ɓǝ sem Yahudawara ɓa kungsǝ ɓa.
25“Ɓaa kǝ wǝr mbu nhiinyanhiinya ɓa a ɗuura kaa ra ma ofe ma seklǝmǝta. A kaɗo taandi wa ɗǝm ɓeta kǝ tom ma rǝkata me kokto yaulira aulaara wa. 26Ɓeta kǝ haa hemǝra horot me kokto senda mbu ka wo kaɗo ntaadiwa ɓa, me ɓaa kǝ nyaa mbu kwang kwang a liura ɓa. 27A fer siso sǝkǝ wǝr Au Ete ya yǝn hamham a liura ma kwangto ma too dem. 28Me mbu ɓa ntii tomon, sǝ ni ɓoti sǝ nik ɗuti ɓoti me kon nkweera waso won kǝk.”
29Yǝɓǝ nkee mǝɗkǝra me, “Sǝ sengge ɓot sata ɓa ma ngwate nsaad. 30Me ɓǝ tǝu nwaman, sǝkǝ wǝr ma nkweerayase sa me rara tomon nkwang. 31Hana maaso me sǝ wǝr mbu kwala kwala ɓa ǝn her her, sǝ maa me kuɓsutu Kaa wa won kwang.
32Nǝn nkeesǝ ɓongtǝra, ɓaa kaareyase ɓa, a talǝra ndub me mbu ɓa nsaad wo tomon. 33Liura ma put ntaandi wa, kǝ talǝ pa mara na a pǝta talo ra.
34“Sǝ nhii nwa sǝ yau we mbusa wa ma see mbusa wa ma kaɗo kura nepto ntaadiwa ɓǝsǝ too sendara pa kaasǝsa kǝ liki a sani sem ma maa nwaasora nga mbu ɓa tǝrasǝɓa. 35Me kǝ wo a sani nsaad ɓa sisa kaɗo ntaadiwa ɓa. 36Sǝ kaɗ a waroo nfee ma kǝna Kaa wa me sǝ nkaa sa noo mbu kǝ wo ɓa, me ɗǝm sǝ nkaa sǝ nǝɗ a wii Au Edteya wa.”
37Nfee Yeso yaa fǝɗkǝra a Hit Kaa Urshalima wa ɗikira nfee yǝn ko taadi koya tǝr a kolla ǝn yarsǝ me Yol Zaitunwa. 38Pa ɓa ɓǝn kurasǝ sǝ ɓa nsaad ɓǝn wo a ɗenda me ɓǝ kura mara ira a Hit Kaa Urshalima wa.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©2023 Seed Company in collaboration with Language Developers and Bible Translators Association