Nau Ntơm 39
39
Y-Yôsep ta n'gor Êjipt
1Lĕ phung tăch drăp Ismaêl#39:1 Geh đŏng rnha jêng phung tăch drăp Madian. djôt leo Y-Yôsep ta n'gor Êjipt tăch ma Y-Pôtipar, du huê bunuyh Êjipt jêng kôranh mât gai tahan gak Pharaôn. 2Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.#Kan 7:9. 3Kôranh păng saơ đŏng Brah Yêhôva kâp kơl păng jêh ri ƀư ăn lĕ kan ti păng ƀư dơi chăt jêng da dê. 4Y-Yôsep geh nau yô̆ tanăp măt kôranh păng, jêh ri pah kan groi păng. Păng njêng Y-Yôsep jêng bunuyh mât ngih jêh ri jao lĕ rngôch drăp ndơ ma Y-Yôsep. 5Ntơm bơh nar păng jao ma Y-Yôsep mât uănh tâm ngih păng jêh ri lĕ drăp ndơ tâm ngih păng, Brah Yêhôva ăn nau ueh uĭn ma rnăk vâl Y-Pôtipar yor Y-Yôsep. Nau ueh lăng Brah Yêhôva gŭ ta lĕ rngôch drăp ndơ păng geh, tâm ngih nđâp ma tâm mir. 6Păng jao lĕ rngôch drăp ndơ păng geh ăn Y-Yôsep mât uănh; jêh ri mâu hôm rvê njrăng ôh ma drăp ndơ păng, knŏng ma ndơ sông sa păng nơm dơm.
Y-Yôsep ueh ngăn rom ray.
Bu krŭng Y-Yôsep tâm ndrung
7Jêh lĕ nau nây, ur kôranh păng uănh ma Y-Yôsep jêh ri lah: “Bê̆ch hom ndrel gâp.” 8Ƀiălah Y-Yôsep dun jêh ri lah: “Ay uănh, kôranh gâp mâu hôm ôh rvê rvănh ma ăp ntil ndơ tâm ngih aơ, Păng hŏ jao jêh ma gâp mât uănh lĕ rngôch drăp ndơ păng. 9Tâm ngih aơ, mâu hôm geh ôh bunuyh jêng toyh lơn ma gâp, jêh ri kôranh gâp mâu nhhuach ôh du ntil ndơ ma gâp, knŏng ay, yorlah ay jêng ur păng. Mâm gâp dơi nănh ƀư nau mhĭk toyh kơt nĕ jêh ri ƀư tih đah Brah Ndu?” 10Ăp nar, Păng nsŭk Y-Yôsep, ƀiălah Y-Yôsep dun jêh ri mâu tông ôh ma nau păng ŭch.
11Du nar, Y-Yôsep hăn lăp tâm ngih gay pah kan. Yorlah mâu geh ôh du huê bunuyh gŭ tâm ngih nây 12yor ri păng kuăn ao Y-Yôsep, đŏt mphâk jêh ri lah: “Bê̆ch hom ndrel ma gâp!” Ƀiălah păng chalơi ao tâm ti bu ur nây, jêh ri nchuăt du padih. 13Lah păng saơ Y-Yôsep chalơi ao tâm ti păng jêh ri nchuăt du padih 14păng kuăl phung bunuyh tâm ngih păng jêh ri lah pô aơ: “Uănh hom! Sai gâp njŭn leo du huê bunuyh Hêbrơ ŭch mưch ma he. Păng văch ma gâp jêh ri ŭch bê̆ch ndrel đah gâp, ƀiălah gâp nter ma bâr huy. 15Lah tăng gâp nter kuăl rklaih, păng chalơi ao păng ta gâp, jêh ri nchuăt du padih.” 16Păng ăn ao Y-Yôsep ta meng păng kâp tât kôranh păng sĭt, 17jêh ri dŏng nau ngơi di ƀoi nĕ gay ngơi ma sai păng: “Nơm dĭk Hêbrơ may nsĭt tâm ngih, păng hŏ văch dăch gâp gay ƀư bêk gâp. 18Ƀiălah dôl gâp nter kuăl rklaih, păng chalơi ao păng ta gâp, jêh nây nchuăt du padih.”
19Lah kôranh Y-Yôsep tăng nau ur păng ngơi: “Nơm dĭk may ƀư jêh ma gâp kơt nây,” păng hao nuih ngăn. 20Kôranh păng nhŭp Y-Yôsep nklăch păng tâm ndrung, ntŭk bu krŭng bu nă hađăch. Pôri, bu krŭng Y-Yôsep gŭ tâm ndrung.
21Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.#Kan 7:9. 22Kôranh bu nă jao Y-Yôsep mât uănh lĕ rngôch phung bu nă; lĕ kan tâm ndrung nây luh bơh păng da dê. 23Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.
Šiuo metu pasirinkta:
Nau Ntơm 39: CMO2023
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.
Nau Ntơm 39
39
Y-Yôsep ta n'gor Êjipt
1Lĕ phung tăch drăp Ismaêl#39:1 Geh đŏng rnha jêng phung tăch drăp Madian. djôt leo Y-Yôsep ta n'gor Êjipt tăch ma Y-Pôtipar, du huê bunuyh Êjipt jêng kôranh mât gai tahan gak Pharaôn. 2Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.#Kan 7:9. 3Kôranh păng saơ đŏng Brah Yêhôva kâp kơl păng jêh ri ƀư ăn lĕ kan ti păng ƀư dơi chăt jêng da dê. 4Y-Yôsep geh nau yô̆ tanăp măt kôranh păng, jêh ri pah kan groi păng. Păng njêng Y-Yôsep jêng bunuyh mât ngih jêh ri jao lĕ rngôch drăp ndơ ma Y-Yôsep. 5Ntơm bơh nar păng jao ma Y-Yôsep mât uănh tâm ngih păng jêh ri lĕ drăp ndơ tâm ngih păng, Brah Yêhôva ăn nau ueh uĭn ma rnăk vâl Y-Pôtipar yor Y-Yôsep. Nau ueh lăng Brah Yêhôva gŭ ta lĕ rngôch drăp ndơ păng geh, tâm ngih nđâp ma tâm mir. 6Păng jao lĕ rngôch drăp ndơ păng geh ăn Y-Yôsep mât uănh; jêh ri mâu hôm rvê njrăng ôh ma drăp ndơ păng, knŏng ma ndơ sông sa păng nơm dơm.
Y-Yôsep ueh ngăn rom ray.
Bu krŭng Y-Yôsep tâm ndrung
7Jêh lĕ nau nây, ur kôranh păng uănh ma Y-Yôsep jêh ri lah: “Bê̆ch hom ndrel gâp.” 8Ƀiălah Y-Yôsep dun jêh ri lah: “Ay uănh, kôranh gâp mâu hôm ôh rvê rvănh ma ăp ntil ndơ tâm ngih aơ, Păng hŏ jao jêh ma gâp mât uănh lĕ rngôch drăp ndơ păng. 9Tâm ngih aơ, mâu hôm geh ôh bunuyh jêng toyh lơn ma gâp, jêh ri kôranh gâp mâu nhhuach ôh du ntil ndơ ma gâp, knŏng ay, yorlah ay jêng ur păng. Mâm gâp dơi nănh ƀư nau mhĭk toyh kơt nĕ jêh ri ƀư tih đah Brah Ndu?” 10Ăp nar, Păng nsŭk Y-Yôsep, ƀiălah Y-Yôsep dun jêh ri mâu tông ôh ma nau păng ŭch.
11Du nar, Y-Yôsep hăn lăp tâm ngih gay pah kan. Yorlah mâu geh ôh du huê bunuyh gŭ tâm ngih nây 12yor ri păng kuăn ao Y-Yôsep, đŏt mphâk jêh ri lah: “Bê̆ch hom ndrel ma gâp!” Ƀiălah păng chalơi ao tâm ti bu ur nây, jêh ri nchuăt du padih. 13Lah păng saơ Y-Yôsep chalơi ao tâm ti păng jêh ri nchuăt du padih 14păng kuăl phung bunuyh tâm ngih păng jêh ri lah pô aơ: “Uănh hom! Sai gâp njŭn leo du huê bunuyh Hêbrơ ŭch mưch ma he. Păng văch ma gâp jêh ri ŭch bê̆ch ndrel đah gâp, ƀiălah gâp nter ma bâr huy. 15Lah tăng gâp nter kuăl rklaih, păng chalơi ao păng ta gâp, jêh ri nchuăt du padih.” 16Păng ăn ao Y-Yôsep ta meng păng kâp tât kôranh păng sĭt, 17jêh ri dŏng nau ngơi di ƀoi nĕ gay ngơi ma sai păng: “Nơm dĭk Hêbrơ may nsĭt tâm ngih, păng hŏ văch dăch gâp gay ƀư bêk gâp. 18Ƀiălah dôl gâp nter kuăl rklaih, păng chalơi ao păng ta gâp, jêh nây nchuăt du padih.”
19Lah kôranh Y-Yôsep tăng nau ur păng ngơi: “Nơm dĭk may ƀư jêh ma gâp kơt nây,” păng hao nuih ngăn. 20Kôranh păng nhŭp Y-Yôsep nklăch păng tâm ndrung, ntŭk bu krŭng bu nă hađăch. Pôri, bu krŭng Y-Yôsep gŭ tâm ndrung.
21Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.#Kan 7:9. 22Kôranh bu nă jao Y-Yôsep mât uănh lĕ rngôch phung bu nă; lĕ kan tâm ndrung nây luh bơh păng da dê. 23Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.