Nau Ntơm 41
41
Y-Yôsep rblang nau mbơi Pharaôn
1Bar năm pakơi, Pharaôn geh nau mbơi, saơ păng nơm dâk ta kơh dak krong Nil. 2Aơ geh pơh mlâm ndrôk ueh reh, lay ngăn tă bơh tâm dâng dak krong hăn hao, sa gơ̆ tâm rpho. 3Jêh ma nây geh pơh mlâm ndrôk êng, mâu ueh ôh, jêh ri rgay rdjop luh tă bơh tâm dâng dak krong tĭng hao, văch dâk dăch pơh mlâm ndrôk lor ri, ta kơh dak krong. 4Pơh mlâm ndrôk mâu ueh, jêh ri rgay rdjop sa puăch pơh mlâm ndrôk ueh lay rklĭn. Jêh nây Pharaôn kah rngăl.
5Hađăch bê̆ch tay jêh ri geh nau mbơi tal bar. Hađăch saơ pơh ndrŏng ba săk ngăn jêh ri ueh, luh nsum tâm du tơm ba. 6Jêh nây, geh pơh ndrŏng ba êng, nsiăp jêh ri kro yor sial puh, luh tĭng pơh ndrŏng lor ri. 7Pơh ndrŏng ba nsiăp rvăn lơi pơh ndrŏng ba rnglay. Pharaôn kah rngăl bê̆ch, jêh ri saơ nau nây jêng du nau mbơi.
8Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.#Dan 2:2.
9Rnôk nây kôranh djôt kachok lah ma Pharaôn: “Nar aơ gâp kah gĭt lĕ nau tih gâp. 10Rnôk nây, geh tơ̆ hađăch ji nuih ma phung oh mon, hŏ krŭng gâp jêh ri kôranh nhhơr piăng let tâm ngih kôranh mât gai tahan gak. 11Tâm du măng, păng jêh ri nđâp gâp geh nau mbơi da dê, jêh ri ăp nau mbơi geh nau rblang êng êng. 12Ta nây bu krŭng ndrel ma hên geh du huê ndăm bunuyh Hêbrơ, nơm dĭk ma kôranh mât gai tahan gak. Hên hŏ nkoch bri ma păng nau mbơi hên jêh ri păng hŏ rblang jêh ma hên tĭng nâm nau mbơi hên. 13Jêh nây hŏ tât ngăn nâm bu nau păng rblang jêh: Gâp dơi plơ̆ pah kan tay, bi ma kôranh ri bu yông trô ko.”
14Pharaôn đă bu kuăl Y-Yôsep. Bu leo ro păng luh bơh ndrung, păng poih têp, rgâl kho ao, păng hăn tanăp Pharaôn. 15Pharaôn lah ma Y-Yôsep: “Gâp geh nau mbơi jêh, mâu geh ôh du huê nơm dơi rblang. Gâp tăng bu lah may knŏng tăng nkoch nau mbơi klăp lah dơi rblang.” 16Y-Yôsep ơh ma hađăch Pharaôn: “Mâu di gâp ôh, ƀiălah Brah Ndu mra ăn ma hađăch nau rblang đăp mpăn.” 17Pharaôn lah ma Y-Yôsep: “Aơ, tâm nau mbơi, gâp saơ gâp nơm dôl dâk ta kơh dak krong. 18Tă bơh dak krong geh pơh mlâm ndrôk ueh reh, lay rklĭn hăn hao jêh ri sa gơ̆ tâm rpho. 19Jêh nây geh pơh mlâm ndrôk êng mâu ueh ôh jêh ri rgay rdjop tĭng hao. Ngăn yơh, gâp ê hŏ mâp saơ ôh tâm lĕ n'gor Êjipt aơ geh ndrôk mhĭk rgay rdjop kơt nây. 20Pơh mlâm ndrôk mâu ueh jêh ri rgay rdjop sa puăch pơh mlâm ndrôk lay rklĭn, 21rvăn lĕ khân păng lăp tâm ndŭl uănh tâm ban mâu rvăn, yorlah lĕ ndrôk nây ăt mâu lĕ ueh rgay rdjop nâm saơm. Jêh nây gâp kah rngăl. 22Jêh nây, gâp saơ tay nau mbơi êng, geh pơh ndrŏng ba rnglay ueh, luh nsum tă bơh du tơm ba. 23Jêh nây, geh tay pơh ndrŏng ba nsiăp, kro, yorlah sial puh, luh tĭng pơh ndrŏng ba ri; 24jêh nây pơh ndrŏng ba nsiăp nây rvăn lơi pơh ndrŏng ba rnglay. Gâp nkoch bri jêh nau mbơi nây ma phung rƀên, ƀiălah mâu geh ôh du huê tâm khân păng dơi rblang ma gâp.”
25Y-Yôsep lah ma Pharaôn: “Bar nau may mbơi geh du nau rblang. Brah Ndu hŏ tâm mpơl jêh ma may gĭt lor lĕ kan Păng mra ƀư. 26Pơh mlâm ndrôk lay rklĭn jêng pơh năm, pơh ndrŏng ba rnglay nây ăt jêng pơh năm đŏng; bar nau mbơi nây knŏng jêng nguay. 27Pơh mlâm ndrôk mâu ueh, rgay rdjop hăn hao pakơi ma pơh mlâm ndrôk lor ri jêng pơh năm; jêh ri pơh ndrŏng ba nsiăp, kro yor sial puh tâm ban đŏng, nây jêng pơh năm nau sa sât ji ngot. 28Di tĭng nâm gâp hŏ lah jêh ma hađăch Pharaôn: Brah Ndu hŏ tâm mpơl jêh ma hađăch saơ lĕ nau Păng mra ƀư. 29Lam n'gor Êjipt mra geh âk ba rmeh ler tâm pơh năm. 30Ƀiălah jêh nây mra geh pơh năm nau sa sât ji ngot. Phung Êjipt mra chuêl lĕ ba âk ngăn nây, jêh ri nau sa sât ji ngot mra ƀư rai yot n'gor. 31Yor nau sa sât ji ngot pakơi taơ dŭt toyh, yor ri tâm n'gor mra mâu hôm geh bunuyh kah gĭt rnôk geh jêng ôh. 32Nau mbơi hađăch rkê̆ch tay bar tơ̆, nau nây Brah Ndu hŏ ƀư ăn nanê̆ jêh, jêh ri Păng mra ăn nau nây tât gơnh. 33Pôri aƀaơ aơ ăn hađăch joi du huê bunuyh gĭt blau săr lah jêh ri njêng bunuyh nây mât uănh bri dak Êjipt. 34Dăn hađăch sâm dơm phung kôranh tâm bri dak jêh ri sŏk du kô̆ tâm prăm ba n'gor Êjipt dôl tâm pơh năm yan geh ba âk. 35Dăn hađăch lah ma khân păng bun prăp lĕ rngôch ndơ sông sa dơi geh dôl pơh năm yan dăch tât, jêh ri ăn khân păng geh bun ba ƀlê tâm lĕ ƀon toyh gay ƀư ndơ sông sa. Khân păng mât mray lĕ jay prăp ndơ sông sa nây. 36Ndơ sông sa nây mra prăp nkrem ma pơh năm sa sât ji ngot mra tât tâm n'gor Êjipt, yor bơh nây n'gor aơ mâu mra rai yot ôh yor nau ji ngot toyh.”
Y-Yôsep djôt kan toyh ta n'gor Êjipt
37Nau dăn aơ ƀư maak nuih n'hâm Pharaôn jêh ri lĕ rngôch phung oh mon păng. 38Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?” 39Pharaôn lah ma Y-Yôsep: “Yorlah Brah Ndu tâm mpơl jêh ma may gĭt lĕ nau aơ, mâu geh ôh du huê blau mĭn săr lah nâm bu may. 40Pôri, may mra chiă uănh ngih gâp, jêh ri lĕ rngôch bunuyh ƀon lan gâp mra iăt tông mâm nau may trŭnh. Gâp toyh lơn ma may yor gâp geh sưng hađăch dơm.”#Kan 7:10. 41Pharaôn lah tay ma Y-Yôsep: “Aơ, gâp ăn may chiă uănh lĕ n'gor Êjipt.” 42Hađăch Pharaôn doh rgên bơh ti păng nơm jêh ri dok ta ti Y-Yôsep, păng ăn ma Y-Yôsep nsoh kho ao bok mhay rhên jêh ri ăn văn kông mah ta trô ko păng.#Dan 5:29. 43Hađăch ăn Y-Yôsep gŭ ta klơ ndeh seh ta ntŭk prăp ma bunuyh mrô bar pakơi hađăch păng jêh ri geh bunuyh hăn lor troh panăp: “Chon hom kômâk!” Kơt nây, hađăch njêng jêh Y-Yôsep chiă uănh lĕ n'gor Êjipt. 44Pharaôn lah tay ma Y-Yôsep: “Gâp jêng Pharaôn, ƀiălah tơlah mâu geh ôh nau may ntăm, mâu geh ôh du huê bunuyh tâm lĕ n'gor Êjipt aơ dơi mpât ti jâng.” 45Pharaôn ntơ ma Y-Yôsep jêng Y-Sapênat Phanêah,#41:45 Sapênat Phanêah: ntĭt jêng “nơm rklaih mâu lah bunuyh djôt nau rêh”. jêh ri păng ăn H'Asênat, kon bu ur Y-Pôtipêra, kôranh ƀư brah ƀon Ôn jêng ur păng. Y-Yôsep vay hăn nsong uănh lam n'gor Êjipt.
46Y-Yôsep geh pe jât năm nôk păng dâk tanăp Pharaôn, hađăch Êjipt. Păng tâm nkhah đah Pharaôn gay ma hăn sek uănh lam n'gor Êjipt. 47Tâm pơh năm yan geh ba, neh geh âk play rmeh ler. 48Y-Yôsep rgum prăp lĕ rngôch ndơ sông sa tâm pơh năm yan geh âk ba tâm n'gor Êjipt, jêh ri bun ndơ sông sa tâm ăp ƀon toyh. Păng bun prăp ndơ sông sa dơi geh bơh mir tâm jŭm ƀon nây, păng đă bu prăp tâm ƀon nây ro. 49Y-Yôsep bun prăp ba ƀlê âk ngăn, âk tâm ban ma choih dak mƀŭt, kŏ tât păng mâu hôm dơi nhueh ôh.
Y-Yôsep deh Y-Manasê jêh ri Y-Êphraim
50Êlor tât năm geh nau sa sât ji ngot, H'Asênat kon bu ur Y-Pôtipêra, kôranh ƀư brah ƀon Ôn, jêng ur Y-Yôsep deh ăn ma păng bar hê kon bu klâu. 51Y-Yôsep ntơ amoh kon bu klâu bôk rah Y-Manasê,#41:51 Manasê: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “ƀư ma chuêl jêh”. jêh ri lah: “Brah Ndu hŏ ƀư ăn jêh ma gâp chuêl lĕ nau rêh ni jêh ri lĕ ngih mbơ̆ gâp.” 52Păng ntơ amoh kon tal bar Y-Êphraim,#41:52 Êphraim: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “dơi jêng âk râk”. jêh ri lah: “Brah Ndu ăn gâp dơi geh jêng tâm n'gor gâp geh dơn âk nau rêh ni.”
Nau ji ngot toyh
53Pơh năm geh ba rmeh ler tâm n'gor Êjipt lôch jêh 54pơh năm nau sa sât ji ngot ntơm yơh, di ngăn nâm nau Y-Yôsep hŏ lah jêh. Lĕ rngôch n'gor êng geh nau ji ngot da dê, ƀiălah tâm lam n'gor Êjipt geh ndơ sông sa.#Kan 7:11. 55Jêh nây lĕ n'gor Êjipt geh đŏng nau ji ngot, phung ƀon lan nter ma Pharaôn gay ma geh ndơ sông sa. Pharaôn lah ma lĕ rngôch phung Êjipt: “Hăn hom tât ma Y-Yôsep jêh ri ƀư tĭng nâm nau păng lah.”#Yôh 2:5. 56Lah nau ji ngot toyh lĕ lam n'gor, Y-Yôsep pơk lĕ rngôch jay ba ƀlê jêh ri tăch ba ma phung Êjipt. 57Lĕ rngôch bri êng hăn đŏng ta n'gor Êjipt mâp Y-Yôsep gay rvăt ba ƀlê, yorlah nau ji ngot toyh jêng rêh ni lam ntŭk tâm neh ntu.
Šiuo metu pasirinkta:
Nau Ntơm 41: CMO2023
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.
Nau Ntơm 41
41
Y-Yôsep rblang nau mbơi Pharaôn
1Bar năm pakơi, Pharaôn geh nau mbơi, saơ păng nơm dâk ta kơh dak krong Nil. 2Aơ geh pơh mlâm ndrôk ueh reh, lay ngăn tă bơh tâm dâng dak krong hăn hao, sa gơ̆ tâm rpho. 3Jêh ma nây geh pơh mlâm ndrôk êng, mâu ueh ôh, jêh ri rgay rdjop luh tă bơh tâm dâng dak krong tĭng hao, văch dâk dăch pơh mlâm ndrôk lor ri, ta kơh dak krong. 4Pơh mlâm ndrôk mâu ueh, jêh ri rgay rdjop sa puăch pơh mlâm ndrôk ueh lay rklĭn. Jêh nây Pharaôn kah rngăl.
5Hađăch bê̆ch tay jêh ri geh nau mbơi tal bar. Hađăch saơ pơh ndrŏng ba săk ngăn jêh ri ueh, luh nsum tâm du tơm ba. 6Jêh nây, geh pơh ndrŏng ba êng, nsiăp jêh ri kro yor sial puh, luh tĭng pơh ndrŏng lor ri. 7Pơh ndrŏng ba nsiăp rvăn lơi pơh ndrŏng ba rnglay. Pharaôn kah rngăl bê̆ch, jêh ri saơ nau nây jêng du nau mbơi.
8Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.#Dan 2:2.
9Rnôk nây kôranh djôt kachok lah ma Pharaôn: “Nar aơ gâp kah gĭt lĕ nau tih gâp. 10Rnôk nây, geh tơ̆ hađăch ji nuih ma phung oh mon, hŏ krŭng gâp jêh ri kôranh nhhơr piăng let tâm ngih kôranh mât gai tahan gak. 11Tâm du măng, păng jêh ri nđâp gâp geh nau mbơi da dê, jêh ri ăp nau mbơi geh nau rblang êng êng. 12Ta nây bu krŭng ndrel ma hên geh du huê ndăm bunuyh Hêbrơ, nơm dĭk ma kôranh mât gai tahan gak. Hên hŏ nkoch bri ma păng nau mbơi hên jêh ri păng hŏ rblang jêh ma hên tĭng nâm nau mbơi hên. 13Jêh nây hŏ tât ngăn nâm bu nau păng rblang jêh: Gâp dơi plơ̆ pah kan tay, bi ma kôranh ri bu yông trô ko.”
14Pharaôn đă bu kuăl Y-Yôsep. Bu leo ro păng luh bơh ndrung, păng poih têp, rgâl kho ao, păng hăn tanăp Pharaôn. 15Pharaôn lah ma Y-Yôsep: “Gâp geh nau mbơi jêh, mâu geh ôh du huê nơm dơi rblang. Gâp tăng bu lah may knŏng tăng nkoch nau mbơi klăp lah dơi rblang.” 16Y-Yôsep ơh ma hađăch Pharaôn: “Mâu di gâp ôh, ƀiălah Brah Ndu mra ăn ma hađăch nau rblang đăp mpăn.” 17Pharaôn lah ma Y-Yôsep: “Aơ, tâm nau mbơi, gâp saơ gâp nơm dôl dâk ta kơh dak krong. 18Tă bơh dak krong geh pơh mlâm ndrôk ueh reh, lay rklĭn hăn hao jêh ri sa gơ̆ tâm rpho. 19Jêh nây geh pơh mlâm ndrôk êng mâu ueh ôh jêh ri rgay rdjop tĭng hao. Ngăn yơh, gâp ê hŏ mâp saơ ôh tâm lĕ n'gor Êjipt aơ geh ndrôk mhĭk rgay rdjop kơt nây. 20Pơh mlâm ndrôk mâu ueh jêh ri rgay rdjop sa puăch pơh mlâm ndrôk lay rklĭn, 21rvăn lĕ khân păng lăp tâm ndŭl uănh tâm ban mâu rvăn, yorlah lĕ ndrôk nây ăt mâu lĕ ueh rgay rdjop nâm saơm. Jêh nây gâp kah rngăl. 22Jêh nây, gâp saơ tay nau mbơi êng, geh pơh ndrŏng ba rnglay ueh, luh nsum tă bơh du tơm ba. 23Jêh nây, geh tay pơh ndrŏng ba nsiăp, kro, yorlah sial puh, luh tĭng pơh ndrŏng ba ri; 24jêh nây pơh ndrŏng ba nsiăp nây rvăn lơi pơh ndrŏng ba rnglay. Gâp nkoch bri jêh nau mbơi nây ma phung rƀên, ƀiălah mâu geh ôh du huê tâm khân păng dơi rblang ma gâp.”
25Y-Yôsep lah ma Pharaôn: “Bar nau may mbơi geh du nau rblang. Brah Ndu hŏ tâm mpơl jêh ma may gĭt lor lĕ kan Păng mra ƀư. 26Pơh mlâm ndrôk lay rklĭn jêng pơh năm, pơh ndrŏng ba rnglay nây ăt jêng pơh năm đŏng; bar nau mbơi nây knŏng jêng nguay. 27Pơh mlâm ndrôk mâu ueh, rgay rdjop hăn hao pakơi ma pơh mlâm ndrôk lor ri jêng pơh năm; jêh ri pơh ndrŏng ba nsiăp, kro yor sial puh tâm ban đŏng, nây jêng pơh năm nau sa sât ji ngot. 28Di tĭng nâm gâp hŏ lah jêh ma hađăch Pharaôn: Brah Ndu hŏ tâm mpơl jêh ma hađăch saơ lĕ nau Păng mra ƀư. 29Lam n'gor Êjipt mra geh âk ba rmeh ler tâm pơh năm. 30Ƀiălah jêh nây mra geh pơh năm nau sa sât ji ngot. Phung Êjipt mra chuêl lĕ ba âk ngăn nây, jêh ri nau sa sât ji ngot mra ƀư rai yot n'gor. 31Yor nau sa sât ji ngot pakơi taơ dŭt toyh, yor ri tâm n'gor mra mâu hôm geh bunuyh kah gĭt rnôk geh jêng ôh. 32Nau mbơi hađăch rkê̆ch tay bar tơ̆, nau nây Brah Ndu hŏ ƀư ăn nanê̆ jêh, jêh ri Păng mra ăn nau nây tât gơnh. 33Pôri aƀaơ aơ ăn hađăch joi du huê bunuyh gĭt blau săr lah jêh ri njêng bunuyh nây mât uănh bri dak Êjipt. 34Dăn hađăch sâm dơm phung kôranh tâm bri dak jêh ri sŏk du kô̆ tâm prăm ba n'gor Êjipt dôl tâm pơh năm yan geh ba âk. 35Dăn hađăch lah ma khân păng bun prăp lĕ rngôch ndơ sông sa dơi geh dôl pơh năm yan dăch tât, jêh ri ăn khân păng geh bun ba ƀlê tâm lĕ ƀon toyh gay ƀư ndơ sông sa. Khân păng mât mray lĕ jay prăp ndơ sông sa nây. 36Ndơ sông sa nây mra prăp nkrem ma pơh năm sa sât ji ngot mra tât tâm n'gor Êjipt, yor bơh nây n'gor aơ mâu mra rai yot ôh yor nau ji ngot toyh.”
Y-Yôsep djôt kan toyh ta n'gor Êjipt
37Nau dăn aơ ƀư maak nuih n'hâm Pharaôn jêh ri lĕ rngôch phung oh mon păng. 38Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?” 39Pharaôn lah ma Y-Yôsep: “Yorlah Brah Ndu tâm mpơl jêh ma may gĭt lĕ nau aơ, mâu geh ôh du huê blau mĭn săr lah nâm bu may. 40Pôri, may mra chiă uănh ngih gâp, jêh ri lĕ rngôch bunuyh ƀon lan gâp mra iăt tông mâm nau may trŭnh. Gâp toyh lơn ma may yor gâp geh sưng hađăch dơm.”#Kan 7:10. 41Pharaôn lah tay ma Y-Yôsep: “Aơ, gâp ăn may chiă uănh lĕ n'gor Êjipt.” 42Hađăch Pharaôn doh rgên bơh ti păng nơm jêh ri dok ta ti Y-Yôsep, păng ăn ma Y-Yôsep nsoh kho ao bok mhay rhên jêh ri ăn văn kông mah ta trô ko păng.#Dan 5:29. 43Hađăch ăn Y-Yôsep gŭ ta klơ ndeh seh ta ntŭk prăp ma bunuyh mrô bar pakơi hađăch păng jêh ri geh bunuyh hăn lor troh panăp: “Chon hom kômâk!” Kơt nây, hađăch njêng jêh Y-Yôsep chiă uănh lĕ n'gor Êjipt. 44Pharaôn lah tay ma Y-Yôsep: “Gâp jêng Pharaôn, ƀiălah tơlah mâu geh ôh nau may ntăm, mâu geh ôh du huê bunuyh tâm lĕ n'gor Êjipt aơ dơi mpât ti jâng.” 45Pharaôn ntơ ma Y-Yôsep jêng Y-Sapênat Phanêah,#41:45 Sapênat Phanêah: ntĭt jêng “nơm rklaih mâu lah bunuyh djôt nau rêh”. jêh ri păng ăn H'Asênat, kon bu ur Y-Pôtipêra, kôranh ƀư brah ƀon Ôn jêng ur păng. Y-Yôsep vay hăn nsong uănh lam n'gor Êjipt.
46Y-Yôsep geh pe jât năm nôk păng dâk tanăp Pharaôn, hađăch Êjipt. Păng tâm nkhah đah Pharaôn gay ma hăn sek uănh lam n'gor Êjipt. 47Tâm pơh năm yan geh ba, neh geh âk play rmeh ler. 48Y-Yôsep rgum prăp lĕ rngôch ndơ sông sa tâm pơh năm yan geh âk ba tâm n'gor Êjipt, jêh ri bun ndơ sông sa tâm ăp ƀon toyh. Păng bun prăp ndơ sông sa dơi geh bơh mir tâm jŭm ƀon nây, păng đă bu prăp tâm ƀon nây ro. 49Y-Yôsep bun prăp ba ƀlê âk ngăn, âk tâm ban ma choih dak mƀŭt, kŏ tât păng mâu hôm dơi nhueh ôh.
Y-Yôsep deh Y-Manasê jêh ri Y-Êphraim
50Êlor tât năm geh nau sa sât ji ngot, H'Asênat kon bu ur Y-Pôtipêra, kôranh ƀư brah ƀon Ôn, jêng ur Y-Yôsep deh ăn ma păng bar hê kon bu klâu. 51Y-Yôsep ntơ amoh kon bu klâu bôk rah Y-Manasê,#41:51 Manasê: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “ƀư ma chuêl jêh”. jêh ri lah: “Brah Ndu hŏ ƀư ăn jêh ma gâp chuêl lĕ nau rêh ni jêh ri lĕ ngih mbơ̆ gâp.” 52Păng ntơ amoh kon tal bar Y-Êphraim,#41:52 Êphraim: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “dơi jêng âk râk”. jêh ri lah: “Brah Ndu ăn gâp dơi geh jêng tâm n'gor gâp geh dơn âk nau rêh ni.”
Nau ji ngot toyh
53Pơh năm geh ba rmeh ler tâm n'gor Êjipt lôch jêh 54pơh năm nau sa sât ji ngot ntơm yơh, di ngăn nâm nau Y-Yôsep hŏ lah jêh. Lĕ rngôch n'gor êng geh nau ji ngot da dê, ƀiălah tâm lam n'gor Êjipt geh ndơ sông sa.#Kan 7:11. 55Jêh nây lĕ n'gor Êjipt geh đŏng nau ji ngot, phung ƀon lan nter ma Pharaôn gay ma geh ndơ sông sa. Pharaôn lah ma lĕ rngôch phung Êjipt: “Hăn hom tât ma Y-Yôsep jêh ri ƀư tĭng nâm nau păng lah.”#Yôh 2:5. 56Lah nau ji ngot toyh lĕ lam n'gor, Y-Yôsep pơk lĕ rngôch jay ba ƀlê jêh ri tăch ba ma phung Êjipt. 57Lĕ rngôch bri êng hăn đŏng ta n'gor Êjipt mâp Y-Yôsep gay rvăt ba ƀlê, yorlah nau ji ngot toyh jêng rêh ni lam ntŭk tâm neh ntu.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.