Nau Ntơm 43
43
Y-Yakôb dơi ăn Y-Benjamin hăn ta Êjipt
1Nau sa sât ji ngot lơ hô ngăn tâm n'gor. 2Lah rnăk vâl khân păng sa hŏ lĕ jêh ba djôt tă bơh Êjipt, mbơ̆ khân păng lah: “Khân may hăn plơ̆ tay rvăt hom djê̆ ndơ sông sa ma he.” 3Y-Yuđa ơh: “Nơm nây hŏ mbơh rah vah jêh ma hên: ‘Tơlah oh mpŏt mâu hăn ndrel khân may, khân may mâu mra saơ ôh muh măt gâp.’ 4Tơlah may ăn oh hăn ndrel ma hên, hên mra hăn trŭnh rvăt ndơ sông sa ma may. 5Tơlah may mâu ăn ôh păng hăn ndrel, hên mâu mra hăn ôh, yorlah nơm nây hŏ lah: ‘Tơlah oh mpŏt mâu hăn ndrel ma khân may, khân may mâu mra saơ ôh muh măt gâp.’” 6Israel nduyh: “Mâm khân may ƀư djơh gâp, khân may mbơh ma bunuyh nây khân may hôm e du huê oh đŏng?” 7Khân păng ơh: “Nơm nây ôp n'hêl nanê̆ ngăn hên jêh ri ma phung noi deh hên, păng lah: ‘Mbơ̆ khân may hôm rêh lĕ? Khân may hôm e geh oh nâu ƀaƀă đŏng mâu?’ Hŏ hôm hên geh nau ngơi êng đŏng, hên ơh ma păng tĭng nâm nau păng ôp. Mâm hên gĭt lor păng lah ăn oh khân may văch ta aơ?”
8Y-Yuđa lah tay ma Y-Israel, mbơ̆ păng: “Dăn may ăn ndăm jê̆ nây hăn ndrel ma gâp. Hên mra dâk hăn ro gay lĕ rngôch he dơi rêh; lĕ hên, may jêh ri phung kon hên mâu khĭt ji ngot. 9Gâp ro ton ngăn ma may mra djôt leo oh gâp plơ̆ sĭt ma may. Tơlah gâp mâu njŭn sĭt oh gâp plơ̆ sĭt ma may jêh ri dơm păng tanăp măt may, gâp mra anh nau tih du bông nau rêh gâp tanăp may. 10Tơlah hên mâu vât vâng ôh, aƀaơ ri hên hŏ dơi hăn bar tơ̆ jêh.”
11Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây. 12Djôt tâm ti khân may prăk bar tơ̆ âk lơn, yorlah khân may nsĭt prăk bu hŏ vĭ dơm jêh tâm bâr ƀau khân may. 13Djôt leo gơnh oh khân may jêh ri plơ̆ hăn mâp nơm nây. 14Dăn ma Brah Ndu Geh Lĕ Nau Brah ƀư ma khân may geh nau yô̆ tanăp măt nơm nây, gay ma Y-Simêôn jêh ri Y-Benjamin mra plơ̆ sĭt ndrel khân may. Kay gâp, tơlah ăn roh phung kon, gâp dơn anh dơm nau roh nây!”
Y-Yôsep ran tâm mâp đah Y-Benjamin
15Pôri, khân păng djôt ndơ nhhơr nây, prăk bar tơ̆ âk lơn nđâp ma Y-Benjamin, jêh nây hăn nsum du trong trŭnh tât Êjipt jêh ri mpơl tanăp măt Y-Yôsep.
16Nôk Y-Yôsep saơ Y-Benjamin ndrel ma khân păng, păng lah ma bunuyh mât ngih păng: “Ăn bunuyh aơ lăp tâm ngih, nhŭp du mlâm mpô mpa ƀư puăch jêh ri ndrăp sông sa, yorlah khân păng mra sông sa ndrel ma gâp ta nklang bôk nar.” 17Bunuyh mât ngih nây ƀư tĭng nâm nau Y-Yôsep ntĭnh, njŭn phung nây lăp ta ngih Y-Yôsep. 18Phung nây klach yorlah bu njŭn leo khân păng ta ngih Y-Yôsep. Khân păng tâm lah ndrăng khân păng: “Yor prăk bu hŏ mplơ̆ jêh tâm ƀau ba he nôk alor rĭ dĭng khân păng njŭn he ta aơ gay joi nau ƀư mhĭk lơh he, nhŭp he ƀư dĭk jêh ri pit lơi seh bri he.”
19Jêh nây khân păng văch dăch bunuyh mât ngih Y-Yôsep, jêh ri ngơi ma păng tă bơh padih mpông: 20“Hơi kôranh hên, hên hŏ jŭr văch jêh nôk alor ta ntŭk aơ gay rvăt ndơ sông sa. 21Ƀiălah dôl hên tât ta ntŭk hên veh bê̆ch, pơk lĕ ƀau ba jêh ri saơ prăk ăp nơm hên ăn ta bâr ƀau ba hên, di rnoh prăk hŏ njing jêh. Hên djôt prăk nây tât ta aơ. 22Rlau ma nây, hên geh djôt đŏng prăk êng gay ma rvăt ndơ sông sa. Hên mâu gĭt ôh mbu mplơ̆ prăk tâm ăp ƀau ba hên.” 23Bunuyh mât ngih lah: “Gŭ đăp mpăn hom, lơi klach ôh! Brah Ndu khân may, jêng Brah Ndu mbơ̆ khân may, ăn jêh prăk tâm ƀau ba khân may. Bi prăk khân may gâp hŏ sŏk dơn jêh.” Jêh nây păng njŭn Y-Simêôn ma phung nây, 24jêh ri ăn khân păng lăp tâm ngih Y-Yôsep, ăn dak ma khân păng rao jâng, jêh ri ăn gơ̆ kro ma seh bri khân păng sa. 25Khân păng ndrăp jêh ndơ nhhơr, dôl gŭ kâp Y-Yôsep văch ta nklang bôk nar, yorlah khân păng hŏ tăng jêh khân păng mra sông sa ta aơ.
26Lah Y-Yôsep sĭt ta ngih, phung nâu păng sŏk ndơ nhhơr khân păng hŏ geh, nhhơr ma Y-Yôsep jêh ri chon mon ta neh tanăp măt păng. 27Păng ôp khân păng jêh ri lah: “Mbơ̆ khân may hôm ngăch lĕ, nơm bu ranh khân may nkoch bri jêh ma gâp nây? Păng hôm rêh lĕ?” 28Khân păng lah: “Oh mon may, jêng mbơ̆ hên hôm ngăch đŏng jêh ri păng hôm e rêh.” Jêh ri khân păng kŭnh bôk jêh ri chon mon. 29Y-Yôsep n'gơr măt uănh saơ Y-Benjamin, oh păng, kon du mê̆ bă ndrel ma păng, jêh ri lah: “Di lĕ aơ jêng oh mpŏt khân may hŏ nkoch jêh ma gâp?” Jêh nây păng lah tay: “Hơi oh mpŏt! Dăn ma Brah Ndu rŏng ma may!” 30Păng saơ oh mpŏt, Y-Yôsep dŭt rŏng ngăn jêh ri hăn luh ndal padih, joi ntŭk ŭch nhĭm. Păng hăn lăp tâm jrô păng nơm jêh ri nhĭm. 31Jêh nây păng rpuh muh măt, du luh, nhănh ma ât jêh ri ngơi: “Ndrăp hom ndơ sông sa!”
32Bu thai sông sa ma Y-Yôsep ta sưng êng, ma phung nâu păng ta sưng êng, jêh ri thai sông sa ma lĕ phung Êjipt vay sông ndrel ma păng sưng êng đŏng, yorlah nau sông sa ndrel ma phung Hêbrơ jêng du nau bu mưch rmot ngăn ma phung Êjipt. 33Phung oh nâu păng gŭ tâm tra muh măt đah Y-Yôsep, dăp rep bơh nâu dak bôk tât oh mpŏt. Khân păng hih rhâl tâm uănh ndrăng khân păng nơm. 34Ndơ sông sa thai jêh ma Y-Yôsep dơi ndơ̆ tât sưng phung nâu păng, ƀiălah ndơ̆ sa ăn ma Y-Benjamin prăm tơ̆ âk lơn ma ndơ phung ƀaƀă. Khân păng sông sa nhêt hơm jêh ri gŭ maak ndrel ma Y-Yôsep.
Šiuo metu pasirinkta:
Nau Ntơm 43: CMO2023
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.
Nau Ntơm 43
43
Y-Yakôb dơi ăn Y-Benjamin hăn ta Êjipt
1Nau sa sât ji ngot lơ hô ngăn tâm n'gor. 2Lah rnăk vâl khân păng sa hŏ lĕ jêh ba djôt tă bơh Êjipt, mbơ̆ khân păng lah: “Khân may hăn plơ̆ tay rvăt hom djê̆ ndơ sông sa ma he.” 3Y-Yuđa ơh: “Nơm nây hŏ mbơh rah vah jêh ma hên: ‘Tơlah oh mpŏt mâu hăn ndrel khân may, khân may mâu mra saơ ôh muh măt gâp.’ 4Tơlah may ăn oh hăn ndrel ma hên, hên mra hăn trŭnh rvăt ndơ sông sa ma may. 5Tơlah may mâu ăn ôh păng hăn ndrel, hên mâu mra hăn ôh, yorlah nơm nây hŏ lah: ‘Tơlah oh mpŏt mâu hăn ndrel ma khân may, khân may mâu mra saơ ôh muh măt gâp.’” 6Israel nduyh: “Mâm khân may ƀư djơh gâp, khân may mbơh ma bunuyh nây khân may hôm e du huê oh đŏng?” 7Khân păng ơh: “Nơm nây ôp n'hêl nanê̆ ngăn hên jêh ri ma phung noi deh hên, păng lah: ‘Mbơ̆ khân may hôm rêh lĕ? Khân may hôm e geh oh nâu ƀaƀă đŏng mâu?’ Hŏ hôm hên geh nau ngơi êng đŏng, hên ơh ma păng tĭng nâm nau păng ôp. Mâm hên gĭt lor păng lah ăn oh khân may văch ta aơ?”
8Y-Yuđa lah tay ma Y-Israel, mbơ̆ păng: “Dăn may ăn ndăm jê̆ nây hăn ndrel ma gâp. Hên mra dâk hăn ro gay lĕ rngôch he dơi rêh; lĕ hên, may jêh ri phung kon hên mâu khĭt ji ngot. 9Gâp ro ton ngăn ma may mra djôt leo oh gâp plơ̆ sĭt ma may. Tơlah gâp mâu njŭn sĭt oh gâp plơ̆ sĭt ma may jêh ri dơm păng tanăp măt may, gâp mra anh nau tih du bông nau rêh gâp tanăp may. 10Tơlah hên mâu vât vâng ôh, aƀaơ ri hên hŏ dơi hăn bar tơ̆ jêh.”
11Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây. 12Djôt tâm ti khân may prăk bar tơ̆ âk lơn, yorlah khân may nsĭt prăk bu hŏ vĭ dơm jêh tâm bâr ƀau khân may. 13Djôt leo gơnh oh khân may jêh ri plơ̆ hăn mâp nơm nây. 14Dăn ma Brah Ndu Geh Lĕ Nau Brah ƀư ma khân may geh nau yô̆ tanăp măt nơm nây, gay ma Y-Simêôn jêh ri Y-Benjamin mra plơ̆ sĭt ndrel khân may. Kay gâp, tơlah ăn roh phung kon, gâp dơn anh dơm nau roh nây!”
Y-Yôsep ran tâm mâp đah Y-Benjamin
15Pôri, khân păng djôt ndơ nhhơr nây, prăk bar tơ̆ âk lơn nđâp ma Y-Benjamin, jêh nây hăn nsum du trong trŭnh tât Êjipt jêh ri mpơl tanăp măt Y-Yôsep.
16Nôk Y-Yôsep saơ Y-Benjamin ndrel ma khân păng, păng lah ma bunuyh mât ngih păng: “Ăn bunuyh aơ lăp tâm ngih, nhŭp du mlâm mpô mpa ƀư puăch jêh ri ndrăp sông sa, yorlah khân păng mra sông sa ndrel ma gâp ta nklang bôk nar.” 17Bunuyh mât ngih nây ƀư tĭng nâm nau Y-Yôsep ntĭnh, njŭn phung nây lăp ta ngih Y-Yôsep. 18Phung nây klach yorlah bu njŭn leo khân păng ta ngih Y-Yôsep. Khân păng tâm lah ndrăng khân păng: “Yor prăk bu hŏ mplơ̆ jêh tâm ƀau ba he nôk alor rĭ dĭng khân păng njŭn he ta aơ gay joi nau ƀư mhĭk lơh he, nhŭp he ƀư dĭk jêh ri pit lơi seh bri he.”
19Jêh nây khân păng văch dăch bunuyh mât ngih Y-Yôsep, jêh ri ngơi ma păng tă bơh padih mpông: 20“Hơi kôranh hên, hên hŏ jŭr văch jêh nôk alor ta ntŭk aơ gay rvăt ndơ sông sa. 21Ƀiălah dôl hên tât ta ntŭk hên veh bê̆ch, pơk lĕ ƀau ba jêh ri saơ prăk ăp nơm hên ăn ta bâr ƀau ba hên, di rnoh prăk hŏ njing jêh. Hên djôt prăk nây tât ta aơ. 22Rlau ma nây, hên geh djôt đŏng prăk êng gay ma rvăt ndơ sông sa. Hên mâu gĭt ôh mbu mplơ̆ prăk tâm ăp ƀau ba hên.” 23Bunuyh mât ngih lah: “Gŭ đăp mpăn hom, lơi klach ôh! Brah Ndu khân may, jêng Brah Ndu mbơ̆ khân may, ăn jêh prăk tâm ƀau ba khân may. Bi prăk khân may gâp hŏ sŏk dơn jêh.” Jêh nây păng njŭn Y-Simêôn ma phung nây, 24jêh ri ăn khân păng lăp tâm ngih Y-Yôsep, ăn dak ma khân păng rao jâng, jêh ri ăn gơ̆ kro ma seh bri khân păng sa. 25Khân păng ndrăp jêh ndơ nhhơr, dôl gŭ kâp Y-Yôsep văch ta nklang bôk nar, yorlah khân păng hŏ tăng jêh khân păng mra sông sa ta aơ.
26Lah Y-Yôsep sĭt ta ngih, phung nâu păng sŏk ndơ nhhơr khân păng hŏ geh, nhhơr ma Y-Yôsep jêh ri chon mon ta neh tanăp măt păng. 27Păng ôp khân păng jêh ri lah: “Mbơ̆ khân may hôm ngăch lĕ, nơm bu ranh khân may nkoch bri jêh ma gâp nây? Păng hôm rêh lĕ?” 28Khân păng lah: “Oh mon may, jêng mbơ̆ hên hôm ngăch đŏng jêh ri păng hôm e rêh.” Jêh ri khân păng kŭnh bôk jêh ri chon mon. 29Y-Yôsep n'gơr măt uănh saơ Y-Benjamin, oh păng, kon du mê̆ bă ndrel ma păng, jêh ri lah: “Di lĕ aơ jêng oh mpŏt khân may hŏ nkoch jêh ma gâp?” Jêh nây păng lah tay: “Hơi oh mpŏt! Dăn ma Brah Ndu rŏng ma may!” 30Păng saơ oh mpŏt, Y-Yôsep dŭt rŏng ngăn jêh ri hăn luh ndal padih, joi ntŭk ŭch nhĭm. Păng hăn lăp tâm jrô păng nơm jêh ri nhĭm. 31Jêh nây păng rpuh muh măt, du luh, nhănh ma ât jêh ri ngơi: “Ndrăp hom ndơ sông sa!”
32Bu thai sông sa ma Y-Yôsep ta sưng êng, ma phung nâu păng ta sưng êng, jêh ri thai sông sa ma lĕ phung Êjipt vay sông ndrel ma păng sưng êng đŏng, yorlah nau sông sa ndrel ma phung Hêbrơ jêng du nau bu mưch rmot ngăn ma phung Êjipt. 33Phung oh nâu păng gŭ tâm tra muh măt đah Y-Yôsep, dăp rep bơh nâu dak bôk tât oh mpŏt. Khân păng hih rhâl tâm uănh ndrăng khân păng nơm. 34Ndơ sông sa thai jêh ma Y-Yôsep dơi ndơ̆ tât sưng phung nâu păng, ƀiălah ndơ̆ sa ăn ma Y-Benjamin prăm tơ̆ âk lơn ma ndơ phung ƀaƀă. Khân păng sông sa nhêt hơm jêh ri gŭ maak ndrel ma Y-Yôsep.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2023 United Bible Societies. All rights reserved.