Luka 9
9
Shürhaw ĝüyo ksü ná jidügyew
1Sündawñe i na ĝüyo ksü i balañe ná uĝulo mauw seyo so naw na üĝa dajo gow mu djü. 2Sünda ná Tawgyew i shi-ñu truw seyo so naw na dagyowe cheñe ki. 3Sünda i ná che, “Jiw ge haje djulawe: shobo je djulawe, kapüĝa je, odje je, bo je seyo gye ksü ksü djulawe. 4Seyo ha ñe ye ba gyogahima, se ñe a ĝyolyejodawe; sünda se yo kahuajodawe. 5Dju bala maĝokyema se ñetrü yo kahuañe ishigo ñelümo na pafiajodawe, hado chemeje nadru ge truksüfijo.” 6Sünda: na jihuañe ñetrü, ñetrü shi-ñu tru kaahi, seyo nüna ná djuje djuje dagyoñe kaahi.
Herodas í velamow
7Seyo ñetrü go psüĝi fum yo nugo Herod i he í dzühulyeñe mavenghuag, hado chemeje küña nüna na trudabya, Yahan dzülyeñe üshükülyetchoda cheñe. 8Sünda küña nüna na Elija i hohuda che: utro na chetcho, ahugo ñihow truw mügaw kakülyetchomadabi. 9Seŝó Herod i cheñ, “Yohan ükye bo no posükyeambi, he ye djutchoa, djubo go no ana ñu dzühung ye?” Sünda i í hoĝoñdameñe che.
Nüna hadza pom ná gyew
10Sünda í shürhaw na kakuñe na ha ha dalyedama ná í truatsü. Sünda i ná utro ge lagañe, Betseda cheñe ñetrü a ge lañe jikye. 11He i dzühulyeñe, nüna na ufum fupuloatsü, sünda í ná lüshüw yo tüvatsü, seyo ná Tawgyew i shi-ñu trukye, sünda djü dagyoĝoñdama na dagyo. 12Djüdjü müĝalaibi a, í ĝüyo ksü jikuñe che, “Upu na kadügyejodabe, kañe na ñetrü ge ná ĝyojo seyo tsajo bühohidame, hado chemeje ñi ĝüdzüw ñetrü ge dume.” 13I ná che, “Djo ná tsajo djübalabya.” Na cheñ, “Ñichi ge odje pom seyo tchükro ksü yo haje ñime; sé ñi jihuañe vyow nabo tsaw-tuw prülameje, se ye dujome.” 14(Hado chemeje sa yo sa a muhu fo pom kuw du.) Sünda i í shürhaw na che, “Ná pom ĝü, pom ĝü dañe ĝyodügyewe.” 15Na süna da, sünda vyow ná ĝyodügye. 16Sünda i se odje pomñe tchükrosa ksü í la, seyo ñedzü ge hoñe drü-lu yo uw che, sünda truku, trukuñe í shürhaw na djü nüna na hawe cheñe. 17Sünda: vyow na tsañe tsaŝelatsüdabi, seyo godza daw yo koski ĝü yo ksü dzüla.
Patras i Jisu í Tawgyewñe vyew
18I akasa küĝüngkoi ge, udra a í shürhaw na dusa, sünda i ná dzü, “Nüna na nó ha cheiya?” 19Na che, “Yohan baptisma dju, seyo kagua na Elija, seyo kagua na ahugo ñihow truw mügaw nangko yo a üshükülye da cheiwa.” 20I ná dzü, “Sé djo nó ha cheiya?” Patras i che, “Tawgyew i üsaw.” 21Sünda i ná zeñe che, “He ana djuje djuchewe.”
Jisu i í nudzo dzüjo í ñihow tru
22Sünda i che, “Nüna üsaw í duhu paketrajobamme, sünda kew seyo mügaw na kako ĝiw na í go mavew shijobamme, sünda i ñegi dzü ye üshükülyetchojome.”
Jisu ufum kasaw ye
23I vyow ná che, “djuma no fum kasajo vedama, nudzo yo makasajoñe trawe seyo shüwa nudzo psüĝo i gilañe no fum kasajodawe. 24Hado chemeje dju basüjoñe vedama na psüĝo í moajome, sé djo nobo dzüjo vedama na se í ĝaksü vejome. 25Nüna na vyow druguw-drulyiw í dashütrülamdzo, seyo lutukyoaha, mome ñiku-ñisüw pa, se yo ha pajowa? 26Djudamje no yo seyo no ñu yo ñimtchüñjema; nüna üsaw je ichi seyo i awu ichi sünda ĝüdraw sorgo muko ichi lüshüw pawñe, ije ñimtchüñjjome. 27No djo umso trungkoime, dju ayo ha a gudzudama, nagko ha a üchea na ana dame Tawgyew i ñe mahohumdoluye, na dzüw ye küna ma madanghujome.”
Jisu i Musañe Elaiya üdra
28He ñu na chelye ñegi ŝügzü fum sa a Patras, Yohan seyo Yakub na üdra küĝüw pu a ge lañe jike. 29I küĝüngkolui ye, ukrumro utro a lya, seyo i gye ye grobülaŝüksüñe lüna-lünakülye. 30Sündawñe, Musañe Elija naksü üdra ñu chitrungkoi. 31Na ĝulo güdraw hohu, sünda i dzüjo go ñu poĝi ĝyo se ye Jerusalem ge dajo. 32Patras seyo udraw na drumuĝoñatsüdabi, sünda na pakülyewñe, i ĝulo güdraw; seyo se nüna ksü ye dju üdra gudzüsadama, hohu. 33Na ichi yo kajoñe dawñe, Patras i Jisu í che, “He Tawgyewwa, ñi ha a ĝyow ye uwme: sünda: ñi tuĝuñe ulügü dzü dajome, a ye babo, a ye Musa ubo, seyo a ye Elija ubo.” I madanghu, i ha chengkoima. 34I ana chengkobaiye, ná mumu yo boshiĝiag, ná mumu yo boyangkoi ye na ĝiatsüg. 35Sünda se mumu yo ana ñu chew kahua, “He ye nosaw seyo no i lawme, i chew dzüjowe.” 36He ñu i dzühungkoi ge, Jisu i akasa hohuda; sünda i madañda ĝyoda, sünda ha hohudama, se ñu í se ñeto ge djuje malakülye.
Muhusa í ĝulo mauw yo lahua
37Seyo ñegi ksü fum se na pu yo kagaahuñe, upu dyew a i jiñe tüva. 38Sündawñe, upu go nüna a ye ŝogzuñe che, “He dadrüwa, no ba chengkoime, nosaw i nülvoijodawe; hado chemeje i nosaw akasame. 39Sünda howe, ĝulo mauw a usso ge kamyo, sünda i ŝogzu ksekülyeg, seyo i üga ge üzetcho fekülyegyeg; seyo í shükrülmoañe ñiku-ñisüw yo tra. 40No bá shürhaw ná che, í lahuawe; sé na malahuafi.” 41Jisu i che, “O maküĝü seyo bolu datchüw nüna nawa, no djodra küña kuw ĝyofisajowa, seyo djó daw na vejowa? Basaw i age la jeku.” 42I jingkolai ye ĝulo mauw ye í lola padubug, sé Jisu i ñiŝügzüñ ĝulo í miĝiñe seyo muhusa í uw dagyoñe uyow ügzü ge djü. 43Sündawñe vyow na Tawgyew gow yo mavenghutsü. Sé vyow na í ha ha chiĝa dadama se na trongkoiye, i í shürhaw na che, 44“He ñu i djo djofu ge vejodawe, hado chemeje nüna üsaw í nüna nagzü ge kigo ladügyejome.” 45Sé na he ñu i madzüsü, sünda he i na müŝü ve; hado chemeje ná he i madanghudügyejo, seyo na he ñu ütro go í dzüjo ĝetsü.
Vyew namko yo dyewfo djuwa?
46Sünda nangko ye ñu a kakülye, nangko a dju dyewfoma? 47Se Jisu i nalu ge vedaw í danghula, sünda muhusa a í lañe üdra a gudzudügye, 48Sünda i che, “Dju noñiñ yo he muhusa i hutroima, se ye no hutrolawme; seyo no dju hutroima, se na no kidaw i je hutrolawbamme, hado chemeje djomko yo imisa yo imisafodama, se ye dyewfobamme.”
Dju maveñisama, na udraŝome
49Sündawñe Yohan i che, “He Dadrüwa, ñí nüna a ye bañiñ lañe ĝulo mauw lahuahuw hohudame, sünda ñi gohame, hado chemeje i ñidra duñe bafum makasame.” 50Jisu i ná che, “I djugohajo dawe; hado chemeje dju djo mauw madama, na djodra dujome.”
Jerusalem ge jiw
51Í udru ge lalyimdrü kuwñe, sündawñe i Jerusalem ge jijoñe ve. 52I uvro ge mukow ki: i Samariya na ñetrü a ge ji ubo ĝyojo dashütrüivo che. 53Sé na i magyogadügye, hado chemeje i Jerusalem ge jingkoida. 54Se i hoñe í shürhaw Yakubñe Yohan naksü che, “He Tawgyewwa; ba ñi ñedzü go mi gadügyeñe na damütratsüweñe vedama?” 55Sé i tcholtruĝiañe na zeñe cheñ, [“Ba madanghuwa ba ha uĝulo ma. Hado chemeje nüna üsa ye nüna na damütrajoñe maveda i basajoñe kakülyehume.”] 56Sünda i utro ñetrü ge jitrükralye.
Jisu ufum kasaw mane
57Na ĝabo ge jingkoiye, djudamje a í che, “Ba hange hange jiima, no bafum kasajome.” 58Jisu i na che, “Ŝelü ichi vüla seyo ñedzü go musu nachi üdrü duwme, sé nüna üsaw í üye vejo je ñe ñime.” 59I utro a i che, “Nofum jisawe.” I che, “He Tawgyewwa, no uvromashü kadügyevzüwe, no awu i ĝuvzüjome.” 60I í che, “Dzüw na nudzo dzüw í büĝudame, sé ba jeñe tawgyew i ñe go shi-ñu trujodawe.” 61Utro a ye je che, “He Tawgyewwa, no bafum kasajoŝome; sé uvromashü no kadügyevzüjodawe, no no ñe go nüna keĝiadaw na kadügyevzüjome.” 62Tawgyew i í che, “Djudamje nudzo ügzü i luksungkuĝu ge kiñe fum ge homeje, i Tawgyew i ñe ge ĝyojo nüna mahodume.”
Šiuo metu pasirinkta:
Luka 9: HBe
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės