Gn 11
11
Li kab'l najt xteram, Babel xk'ab'a'
1Sa'eb' li kutan a'an jun ajwi' chaq li aatinob'aal wank sa' chixjunil li ruuchich'och' ut juntaq'eet li raatineb' sa' li junjunq chi na'ajej. 2Naq ke'elk chaq eb' li tenamit sa' releb'l saq'e, ke'xtaw jun na'ajej helho ru sa' xteepal Senahar, ut aran ke'kanaak. 3Toja' naq ke'xye chirib'ileb' rib': “Qayiib'aq qaxan ut taaqak'at”, chankeb'. Chi jo'kan li xan kik'anjelak cho'q reeqaj li pek, ut li b'etuun cho'q reeqaj li semeent. 4Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.
5Ab'anan li Qaawa' Yos kiril li tenamit jo'wi' li kab'l najt xteram li yookeb' chi xyiib'ankil eb' li poyanam, 6ut kixye: “Anaqwan chixjunileb' junaj wi' chi tenamit naq wankeb' ut junaj ru li raatinob'aaleb'. Jo'kan naq xe'xtikib' xb'aanunkil a'in, ut anaqwan jo'ch'inal jo'nimal te'raj xb'aanunkil moko ch'a'ajkaq ta chik chiruheb'. 7Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.
8Jo'kan naq ke'cha'cha'iik xb'aan li Qaawa' sa' chixjunil li ruuchich'och' ut ke'xkanab' li tenamit chi ch'emch'o ru.#11,8 Li maak naroksi li jachok ib' sa' ruuchich'och' ut sa' xyanqeb' li ralal xk'ajol li Yos. Taawanq wi' chik li junajil naq taakub'eeq chaq li Santil Musiq'ej sa' li Pentekostés (Hch 2,5-12). 9Aran li Qaawa' kixpo' li raatinob'aal chixjunileb' li tenamit ut kixcha'cha'iheb' sa' chixjunil li ruuchich'och'. Xb'aan a'an Babel kixk'ab'a'in li tenamit.
Eb' li ralal xk'ajol laj Sem
(1 Kr 1,24-27)
10A'aneb' a'in li ralal xk'ajol laj Sem: o'k'aal (100) chihab' wank re laj Sem naq kiyo'laak laj Arpaxad, wiib' chihab'aq xnumik li b'ut'iha'. 11Chirix xyo'lajik laj Arpaxad, toj o'k'aal xkab' o'q'ob' (500) chihab' chik kiyo'yook laj Sem sa' ruuchich'och', ut ke'wank ralal xk'ajol.
12Laj Arpaxad o'laju xka'k'aal (35) chihab' wank re naq kiyo'laak laj Sélaj. 13Chirix xyo'lajik laj Sélaj, laj Arpaxad toj oxib' xkab' o'q'ob' (403) chihab' chik kiyo'yook sa' ruuchich'och', ut ke'wank ralal xk'ajol.
14Lajeeb' xka'k'aal (30) chihab' wank re laj Sélaj naq kiyo'laak laj Eber. 15Chirix xyo'lajik laj Eber, toj oxib' xkab' o'q'ob' (403) chihab' chik kiyo'yook laj Sélaj sa' ruuchich'och', ut ke'wank ralal xk'ajol.
16Kaalaju xka'k'aal (34) chihab' wank re laj Jéber naq kiyo'laak laj Pélej. 17Chirix xyo'lajik laj Pélej, lajeeb' xka'k'aal xkab' o'q'ob' (430) chihab' chik kiyo'yook laj Jéber sa' ruuchich'och', ut ke'wank ralal xk'ajol.
18Lajeeb' xka'k'aal chihab' wank re laj Pélej naq kiyo'laak laj Rew. 19Chirix xyo'lajik laj Rew, toj b'eleeb' xjunlajuk'aal (209) chihab' chik kiyo'yook laj Pélej sa' ruuchich'och', ut ke'wank ralal xk'ajol.
20Kab'laju xka'k'aal chihab' wank re laj Rew naq kiyo'laak laj Seruj. 21Chirix xyo'lajik laj Seruj, toj wuqub' xjunlajuk'aal (207) chihab' chik kiyo'yook laj Rew sa' ruuchich'och', ut ke'wank ralal xk'ajol.
22Lajeeb' xka'k'aal chihab' wank re laj Seruj naq kiyo'laak laj Najor. 23Chirix xyo'lajik laj Najor, toj lajeek'aal (200) chihab' chik kiyo'yook laj Seruj sa' ruuchich'och', ut ke'wank ralal xk'ajol.
24B'eleeb' xka'k'aal chihab' wank re laj Najor naq kiyo'laak laj Téraj. 25Chirix xyo'lajik laj Téraj, toj b'eleelaju xwaqk'aal (119) chihab' chik kiyo'yook laj Najor sa' ruuchich'och', ut ke'wank ralal xk'ajol.
26Lajeeb' xkaak'aal (70) chihab' wank re laj Téraj naq ke'yo'laak laj Abrán, laj Najor ut laj Harán.
Eb' li ralal xk'ajol laj Téraj
27A'aneb' a'in li ralal xk'ajol laj Téraj: laj Téraj a'an xyuwa' laj Abrán, laj Najor ut laj Harán. Laj Harán a'an xyuwa' laj Lot. 28Kikamk laj Harán naq toj yo'yo laj Téraj li xyuwa'. Kikamk sa' li tenamit kiyo'laak wi', Ur xk'ab'a', sa' xteepal Kaldeha.
29Laj Abrán ut laj Najor ke'sumlaak. Li rixaqil laj Abrán, a'an xSaray xk'ab'a'. Li rixaqil laj Najor, a'an xMilká xk'ab'a', a'an xrab'in laj Harán, li xyuwa' lix Milká ut lix Jiská. 30Lix Saray maak'a' ralal xb'aan naq xma'al ixq.
31Laj Téraj kixk'ameb' laj Abrán, li ralal, laj Lot, li ri, ralal laj Harán, ut lix Saray, li ralib', rixaqil laj Abrán, ut rochb'eeneb' naq ki'elk sa' li tenamit Ur, sa' xteepal Kaldeha, re taaxik Kanahán. Ut naq ke'wulak Harán, ke'kanaak aran. 32Oob' xjunlajuk'aal (205) chihab' wank re laj Téraj naq kikamk sa' li tenamit Harán.
Šiuo metu pasirinkta:
Gn 11: QQC
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Q'eqchi DC Bible © Bible Society in Guatemala, 2005.
Gn 11
11
Li kab'l najt xteram, Babel xk'ab'a'
1Sa'eb' li kutan a'an jun ajwi' chaq li aatinob'aal wank sa' chixjunil li ruuchich'och' ut juntaq'eet li raatineb' sa' li junjunq chi na'ajej. 2Naq ke'elk chaq eb' li tenamit sa' releb'l saq'e, ke'xtaw jun na'ajej helho ru sa' xteepal Senahar, ut aran ke'kanaak. 3Toja' naq ke'xye chirib'ileb' rib': “Qayiib'aq qaxan ut taaqak'at”, chankeb'. Chi jo'kan li xan kik'anjelak cho'q reeqaj li pek, ut li b'etuun cho'q reeqaj li semeent. 4Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.
5Ab'anan li Qaawa' Yos kiril li tenamit jo'wi' li kab'l najt xteram li yookeb' chi xyiib'ankil eb' li poyanam, 6ut kixye: “Anaqwan chixjunileb' junaj wi' chi tenamit naq wankeb' ut junaj ru li raatinob'aaleb'. Jo'kan naq xe'xtikib' xb'aanunkil a'in, ut anaqwan jo'ch'inal jo'nimal te'raj xb'aanunkil moko ch'a'ajkaq ta chik chiruheb'. 7Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.
8Jo'kan naq ke'cha'cha'iik xb'aan li Qaawa' sa' chixjunil li ruuchich'och' ut ke'xkanab' li tenamit chi ch'emch'o ru.#11,8 Li maak naroksi li jachok ib' sa' ruuchich'och' ut sa' xyanqeb' li ralal xk'ajol li Yos. Taawanq wi' chik li junajil naq taakub'eeq chaq li Santil Musiq'ej sa' li Pentekostés (Hch 2,5-12). 9Aran li Qaawa' kixpo' li raatinob'aal chixjunileb' li tenamit ut kixcha'cha'iheb' sa' chixjunil li ruuchich'och'. Xb'aan a'an Babel kixk'ab'a'in li tenamit.
Eb' li ralal xk'ajol laj Sem
(1 Kr 1,24-27)
10A'aneb' a'in li ralal xk'ajol laj Sem: o'k'aal (100) chihab' wank re laj Sem naq kiyo'laak laj Arpaxad, wiib' chihab'aq xnumik li b'ut'iha'. 11Chirix xyo'lajik laj Arpaxad, toj o'k'aal xkab' o'q'ob' (500) chihab' chik kiyo'yook laj Sem sa' ruuchich'och', ut ke'wank ralal xk'ajol.
12Laj Arpaxad o'laju xka'k'aal (35) chihab' wank re naq kiyo'laak laj Sélaj. 13Chirix xyo'lajik laj Sélaj, laj Arpaxad toj oxib' xkab' o'q'ob' (403) chihab' chik kiyo'yook sa' ruuchich'och', ut ke'wank ralal xk'ajol.
14Lajeeb' xka'k'aal (30) chihab' wank re laj Sélaj naq kiyo'laak laj Eber. 15Chirix xyo'lajik laj Eber, toj oxib' xkab' o'q'ob' (403) chihab' chik kiyo'yook laj Sélaj sa' ruuchich'och', ut ke'wank ralal xk'ajol.
16Kaalaju xka'k'aal (34) chihab' wank re laj Jéber naq kiyo'laak laj Pélej. 17Chirix xyo'lajik laj Pélej, lajeeb' xka'k'aal xkab' o'q'ob' (430) chihab' chik kiyo'yook laj Jéber sa' ruuchich'och', ut ke'wank ralal xk'ajol.
18Lajeeb' xka'k'aal chihab' wank re laj Pélej naq kiyo'laak laj Rew. 19Chirix xyo'lajik laj Rew, toj b'eleeb' xjunlajuk'aal (209) chihab' chik kiyo'yook laj Pélej sa' ruuchich'och', ut ke'wank ralal xk'ajol.
20Kab'laju xka'k'aal chihab' wank re laj Rew naq kiyo'laak laj Seruj. 21Chirix xyo'lajik laj Seruj, toj wuqub' xjunlajuk'aal (207) chihab' chik kiyo'yook laj Rew sa' ruuchich'och', ut ke'wank ralal xk'ajol.
22Lajeeb' xka'k'aal chihab' wank re laj Seruj naq kiyo'laak laj Najor. 23Chirix xyo'lajik laj Najor, toj lajeek'aal (200) chihab' chik kiyo'yook laj Seruj sa' ruuchich'och', ut ke'wank ralal xk'ajol.
24B'eleeb' xka'k'aal chihab' wank re laj Najor naq kiyo'laak laj Téraj. 25Chirix xyo'lajik laj Téraj, toj b'eleelaju xwaqk'aal (119) chihab' chik kiyo'yook laj Najor sa' ruuchich'och', ut ke'wank ralal xk'ajol.
26Lajeeb' xkaak'aal (70) chihab' wank re laj Téraj naq ke'yo'laak laj Abrán, laj Najor ut laj Harán.
Eb' li ralal xk'ajol laj Téraj
27A'aneb' a'in li ralal xk'ajol laj Téraj: laj Téraj a'an xyuwa' laj Abrán, laj Najor ut laj Harán. Laj Harán a'an xyuwa' laj Lot. 28Kikamk laj Harán naq toj yo'yo laj Téraj li xyuwa'. Kikamk sa' li tenamit kiyo'laak wi', Ur xk'ab'a', sa' xteepal Kaldeha.
29Laj Abrán ut laj Najor ke'sumlaak. Li rixaqil laj Abrán, a'an xSaray xk'ab'a'. Li rixaqil laj Najor, a'an xMilká xk'ab'a', a'an xrab'in laj Harán, li xyuwa' lix Milká ut lix Jiská. 30Lix Saray maak'a' ralal xb'aan naq xma'al ixq.
31Laj Téraj kixk'ameb' laj Abrán, li ralal, laj Lot, li ri, ralal laj Harán, ut lix Saray, li ralib', rixaqil laj Abrán, ut rochb'eeneb' naq ki'elk sa' li tenamit Ur, sa' xteepal Kaldeha, re taaxik Kanahán. Ut naq ke'wulak Harán, ke'kanaak aran. 32Oob' xjunlajuk'aal (205) chihab' wank re laj Téraj naq kikamk sa' li tenamit Harán.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Q'eqchi DC Bible © Bible Society in Guatemala, 2005.