If you have would like a copy of this version please contact info@davarpartners.com

The Lusamia-Lugwe Bible

<div class="version vid2366 iso6393lsm" data-vid="2366" data-iso6393="lsm">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Ohusyuuha hwa Yesu</div><div class="r">(Mat 28:1-10; Mrk 16:1-8; Yow 20:1-10)</div><div class="p"> 1Nae hu ludaalo lutaangira mu juma, mu mabwiibwi, abahasi abo babukula ebiindu biwunya esing'aari bi bali nibatekeehe, bachia hu siriindwa. 2Mani babukaana ekina nilisiingiiswe nilitusirwe hu mulyaango kw'esiriindwa, 3nae nibeengiramo, haba sibanyoola omubiri. 4Nibali basyeemere ao, nibawuka esyali siholehane, bone, abasaacha babiri abefwaalire engubo chimesa-mesana beema aambi nabo; 5nae koti lu bali batiire, haandi beenamye obweeni bwaabwe hu loba, abasaacha abo bababoolera bati, &#8220;Lwasiina mukoonya omulamu mu bafu? #24:5 Ebyandiiko bihuluundu bihale biindi bimeedaho biti, Saali ano, nae asyuhiire 6#Mat 16:21; 17:22,23; 20:18,19; Mrk 8:31; 9:31; 10:33,34; Luk 9:22; 18:31-33. Mwiichulise koti lu yababoolera, n'asisiiri mu Galilaaya, 7ati, Omwaana w'Omuundu ahoyere ohuteebwa mu mahono k'abahola-mbi, haandi abaambwe hu musalabba, nae hu ludaalo lwohudatu asyuuhe.&#8221; 8Mani beechulisa emboosi chae echo, 9batula hu ng'ani bachia baboolera ehumi neende mulala alala neende abadoong'ereo boosi ebiindu bino byoosi. 10Bulaanu abahasi bano bali, Maria Magidalena, neende Yoana neende Maria ng'ina Yakobbo alala neende abahasi baandi ba bali nabo ababoolera Abatume ebiindu bino; 11nae Abatume bayira emboosi chino koti olukano sa, mani bahaya ohufukiirira eby'abahasi ebyo. [12Nae Petero yasiingira yeruha naachia hu siriindwa; yaguunama yalingaalamo, yabona engubo ch'elaasi nichiri choong'ene; mani yaakobola engo n'awuka sa esyali nisyeholeehe.]</div><div class="s">Olukeendo luchia Emausi</div><div class="r">(Mrk 16:12-13)</div><div class="p"> 13Hu ludaalo lweene olwo, babiri hu beeki ba Yesu, bali bachia mu lukoongo lulaangwa luti Emausi, aambi wa ekilomiita ehumi-na-ndala#24:13 ekilomiita ehumi-na-ndala: Mu Lugiriki bati, &#8216;sitadya amahumi kasaasaba;&#8217; Ebyandiiko bihuluundu biindi bihale bisoma biti, &#8216;sitadya emia ndala neende amahumi kasaasaba.&#8217; ohutula Yerusalemu, 14bali nibalomalomaanga abeene-na-beene hu biindu byoosi ebyali nibiholehaane. 15Nibaba nibasiilomalomaanga haandi nibeteebanaho abeene-na-beene, Yesu mweene yaasuda aambi yakeenda nabo. 16Bamubona nae bahaya ohumumanyirisa. 17Mani Yesu yababoolera ati, &#8220;Mbaha siina yino yi muli ohukaniaayaanga abeene-na-beene nimukeenda?&#8221; Mani beema nibelalihiriire muno. 18Mani mulala hu abo, olaangwa ati Kiliopa, yamukobolamo ati, &#8220;Niiwe omukeni weeng'ene mu Yerusalemu otaamanyireho ebiindu byeeholeheyo mu ndaalo chino?&#8221; 19Nae Yesu yababoolera ati, &#8220;Biindu siina?&#8221; Nae bamuboolera bati, &#8220;Ebidiira hu Yesu wa Nasareeti, owali omunabbi w'amaani muno mu biholwa neende mu mboosi mu moni wa Nasaae neende mu moni w'abaandu boosi, 20haandi koti, abalaamisi bahuluundu beefwe neende abatuki bamuyira aheengerwe omusaango kw'ohufwa mani bamubaambe hu musalabba. 21Nae hwali hubaasa huti niye ochia ohuwonia Yisiraeli. Eee, haandi ohumeeda hu bino byoosi, bulaanu chibitireo endaalo chidatu, ohutula bino biholehana. 22Haandi, abahasi baandi ohutula mu mukaanda kweefwe batusinduuse muno. Bachiire hu siriindwa echuli muno, 23bahaya ohubukaanayo omubiri kwae; mani bakobola nibaboola bati, baboneheerwe bamalaika, abababooleere bati, mulamu. 24Abasyeefwe baandi bosi bachiire hu siriindwa, babukaana nisiri sa koti lu bahasi babeere nibaboolere; nae omweene haba sibamubweneho.&#8221; 25Nae Yesu yababoolera ati, &#8220;Bae eng'we, nga muli abasiru, haandi emyooyo ky'eng'we nga chihiinda ohufukiirira ebyo byoosi bi banabbi baboola! 26Mubaasa muti sisyali nisihoyeerwa Kristo ohusaanda atyo mberi hu yemewo yengire mu luyaali lwae?&#8221; 27Mani Yesu yachaaka ohubatotolera ebiindu byoosi ebimudiiraho ebiri mu byandiiko byoolerefu, ohutulira elalira hu Musa alala neende banabbi boosi.</div><div class="p"> 28Mani nibali aambi ohwoola mu lukoongo lu bali bachiamo. Yesu yaboneha koti oli ohuchiiririra mu moni, 29bamwekweeda nibaboola bati, &#8220;Doong'a naafwe, olwohuba mbano bwiira haandi oludaalo mbano luweere.&#8221; Yesu yadoong'a nabo. 30Nae niyali hu meesa nabo, yabukula omugaati, mani yakuberesa ehabi, mani yaakumekula, mani yakubaberesa. 31Mani emoni chaabwe chaamuha, bamumanyirisa; abweene-na-bweene ao yabahamyuhaho. 32Mani nibaboolanira abeene-na-beene bati, &#8220;Emyooyo kyeefwe sikinyahaneenge mweefwe sa #24:32 mweefwe: Ebyandiiko bihuluundu bihale biindi bileha erwaanyi emboosi yino mbwe, &#8216;mweefwe.&#8217; naalomaloma naafwe hu ngira, koti lwatutotoleere ebyandiiko byoolerefu?&#8221; 33Basiingiraniramo ebiha byeene ebyo, bakobola Yerusalemu; banyoola ehumi-na-mulala nibebuusire alala neende abo ba bali nabo, 34ababoolera bati, &#8220;Bwadyeeri, Omwaami asyuuhire, haandi aboneheere Simooni!&#8221; 35Bosi bababoolera ebyaholehana hu ngira, haandi koti lu bamumanyira mu humekula omugaati.</div><div class="s">Yesu abonehera abeeki bae</div><div class="r">(Mat 28:16-20; Mrk 16:14-18; Yow 20:19-23; 1 Abat 1:6-8)</div><div class="p"> 36Nae nibali basiilomalomaanga bino, Yesu mweene yeecha yeema akatikaati waabwe. #24:36 yeema akatikaati waabwe Ebyandiiko bihuluundu biindi bihale bimeedaho biti, mani yaababoolera ati, &#8220;Omuleembe kube naang'we!&#8221; 37Nabo beesiinduha batya muno nibabaasa bati babweene esihyeeno. 38Yesu yababoolera ati, &#8220;Lwasiina mwesiinduha haandi nimukanakana mu myooyo kyeeng'we? 39Bone amahono kaange neende amakulu kaange, mumanye muti niise omweene; mundiireho mani mubone; olwohuba esihyeeno haba sisiri neende enyama neende amakuumba koti lumubona ni ndi nabyo.&#8221; 40#24:40 koti lumubona ni ndi nabyo. Ebyandiiko bihuluundu biindi bihale bimeedaho olunyiriri lw'amahumi kane olusoma luti, &#8216;Mani niyamala ohuboola bino, yabeekesa amahono kae neende amakulu kae.&#8217; 41Nae nibali nibasisiiri ohufukiirira hulw'esangaalo, neende ohuwuka-wukana, yababoolera ati, &#8220;Muliho neende esiindu syoosi esyohulya?&#8221; 42Bamuberesa omunyonyo kw'eng'eeni ndeehe, 43mani yaakubukula yaakulya nibabona.</div><div class="p"> 44Yesu yababoolera ati, &#8220;Chino nicho emboosi chindababooleraanga nindali nisisiiri naang'we, endi buli siindu syoosi syanyandiikwaho mu malako ka Musa neende mu byandiiko by'abanabbi, alala neende mu Sabbuli ebyali ebyohwoolerera abweene.&#8221; 45Yesu yekula ebibaaso byaabwe, bamanye ebyandiiko byoolerefu, 46mani yababoolera ati, &#8220;Sino nisyo esyandiikwa siti, Kristo ahoyere ohusaanda mani hu ludaalo lwohudatu, asyuuhe mu bafu, 47haandi siti, ohweyolobya neende ohuleherwa hw'ebyonoono, huhoyeerwe ohuyaalwaanga mu liita lyae mu byaalo byoosi, #24:47 mu byaalo byoosi Oba &#8216;mu byaalo&#8217; Oba bimeedaho biti, &#8216;Ohuchaakira mu Yerusalemu ning'we abaloli.&#8217; ohuchaakira mu Yerusalemu. 48Niing'we abaloli b'ebiindu bino. 49#Biho 1:4.Haandi bone, njia ohubatumira si Laata yalaka; nae mudoong'e mu siko ohwoola lu maani katula aakulu kalibehaho.&#8221;</div><div class="s">Yesu ayirwa Muukulu</div><div class="r">(Mrk 16:19-20; Biho 1:9-11)</div><div class="p"> 50 # 
 Biho 1:9-11. Yesu yabatusa erwaanyi w'esiko yabeemirira ohwoola Bbetani, yasiingisa aakulu amahono kae yababeresa ehabi. 51Nae niyali n'ababeresa ehabi, yabatulaho, mani yaakiingwa yayirwa Muukulu. #24:51 mani yaakiingwa yayirwa Muukulu Ebyandiiko bihuluundu biindi bihale bireha erwaanyi emboosi chino mbwe, &#8216;mani yaakiingwa yayirwa Muukulu.&#8217; 52Mani #24:52 mani yaakiingwa yayirwa Muukulu Ebyandiiko bihuluundu biindi bihale bimeederaho ano biti, &#8216;bamwiinamira.&#8217; baakobola Yerusalemu neende esangaalo liingi muno. 53bachiiririra ohuba mu Nyuumba ya Nasaae nibafumia Nasaae.</div>
 </div>
 </div>
</div>

©Bible Society of Kenya, 2019 ©Bible Society of Uganda, 2019

Nae hu ludaalo lutaangira mu juma, mu mabwiibwi, abahasi abo babukula ebiindu biwunya esing'aari bi bali nibatekeehe, bachia hu siriindwa. Mani babukaana ekina nilisiingiiswe nilitusirwe hu mulyaango kw'esiriindwa, nae nibeengiramo, haba sibanyoola omubiri. Nibali basyeemere ao, nibawuka esyali siholehane, bone, abasaacha babiri abefwaalire engubo chimesa-mesana beema aambi nabo; nae koti lu bali batiire, haandi beenamye obweeni bwaabwe hu loba, abasaacha abo bababoolera bati, “Lwasiina mukoonya omulamu mu bafu? Mwiichulise koti lu yababoolera, n'asisiiri mu Galilaaya, ati, Omwaana w'Omuundu ahoyere ohuteebwa mu mahono k'abahola-mbi, haandi abaambwe hu musalabba, nae hu ludaalo lwohudatu asyuuhe.” Mani beechulisa emboosi chae echo, batula hu ng'ani bachia baboolera ehumi neende mulala alala neende abadoong'ereo boosi ebiindu bino byoosi. Bulaanu abahasi bano bali, Maria Magidalena, neende Yoana neende Maria ng'ina Yakobbo alala neende abahasi baandi ba bali nabo ababoolera Abatume ebiindu bino; nae Abatume bayira emboosi chino koti olukano sa, mani bahaya ohufukiirira eby'abahasi ebyo. [Nae Petero yasiingira yeruha naachia hu siriindwa; yaguunama yalingaalamo, yabona engubo ch'elaasi nichiri choong'ene; mani yaakobola engo n'awuka sa esyali nisyeholeehe.]


Hu ludaalo lweene olwo, babiri hu beeki ba Yesu, bali bachia mu lukoongo lulaangwa luti Emausi, aambi wa ekilomiita ehumi-na-ndala ohutula Yerusalemu, bali nibalomalomaanga abeene-na-beene hu biindu byoosi ebyali nibiholehaane. Nibaba nibasiilomalomaanga haandi nibeteebanaho abeene-na-beene, Yesu mweene yaasuda aambi yakeenda nabo. Bamubona nae bahaya ohumumanyirisa. Mani Yesu yababoolera ati, “Mbaha siina yino yi muli ohukaniaayaanga abeene-na-beene nimukeenda?” Mani beema nibelalihiriire muno. Mani mulala hu abo, olaangwa ati Kiliopa, yamukobolamo ati, “Niiwe omukeni weeng'ene mu Yerusalemu otaamanyireho ebiindu byeeholeheyo mu ndaalo chino?” Nae Yesu yababoolera ati, “Biindu siina?” Nae bamuboolera bati, “Ebidiira hu Yesu wa Nasareeti, owali omunabbi w'amaani muno mu biholwa neende mu mboosi mu moni wa Nasaae neende mu moni w'abaandu boosi, haandi koti, abalaamisi bahuluundu beefwe neende abatuki bamuyira aheengerwe omusaango kw'ohufwa mani bamubaambe hu musalabba. Nae hwali hubaasa huti niye ochia ohuwonia Yisiraeli. Eee, haandi ohumeeda hu bino byoosi, bulaanu chibitireo endaalo chidatu, ohutula bino biholehana. Haandi, abahasi baandi ohutula mu mukaanda kweefwe batusinduuse muno. Bachiire hu siriindwa echuli muno, bahaya ohubukaanayo omubiri kwae; mani bakobola nibaboola bati, baboneheerwe bamalaika, abababooleere bati, mulamu. Abasyeefwe baandi bosi bachiire hu siriindwa, babukaana nisiri sa koti lu bahasi babeere nibaboolere; nae omweene haba sibamubweneho.” Nae Yesu yababoolera ati, “Bae eng'we, nga muli abasiru, haandi emyooyo ky'eng'we nga chihiinda ohufukiirira ebyo byoosi bi banabbi baboola! Mubaasa muti sisyali nisihoyeerwa Kristo ohusaanda atyo mberi hu yemewo yengire mu luyaali lwae?” Mani Yesu yachaaka ohubatotolera ebiindu byoosi ebimudiiraho ebiri mu byandiiko byoolerefu, ohutulira elalira hu Musa alala neende banabbi boosi.
Mani nibali aambi ohwoola mu lukoongo lu bali bachiamo. Yesu yaboneha koti oli ohuchiiririra mu moni, bamwekweeda nibaboola bati, “Doong'a naafwe, olwohuba mbano bwiira haandi oludaalo mbano luweere.” Yesu yadoong'a nabo. Nae niyali hu meesa nabo, yabukula omugaati, mani yakuberesa ehabi, mani yaakumekula, mani yakubaberesa. Mani emoni chaabwe chaamuha, bamumanyirisa; abweene-na-bweene ao yabahamyuhaho. Mani nibaboolanira abeene-na-beene bati, “Emyooyo kyeefwe sikinyahaneenge mweefwe sa naalomaloma naafwe hu ngira, koti lwatutotoleere ebyandiiko byoolerefu?” Basiingiraniramo ebiha byeene ebyo, bakobola Yerusalemu; banyoola ehumi-na-mulala nibebuusire alala neende abo ba bali nabo, ababoolera bati, “Bwadyeeri, Omwaami asyuuhire, haandi aboneheere Simooni!” Bosi bababoolera ebyaholehana hu ngira, haandi koti lu bamumanyira mu humekula omugaati.


Nae nibali basiilomalomaanga bino, Yesu mweene yeecha yeema akatikaati waabwe. Nabo beesiinduha batya muno nibabaasa bati babweene esihyeeno. Yesu yababoolera ati, “Lwasiina mwesiinduha haandi nimukanakana mu myooyo kyeeng'we? Bone amahono kaange neende amakulu kaange, mumanye muti niise omweene; mundiireho mani mubone; olwohuba esihyeeno haba sisiri neende enyama neende amakuumba koti lumubona ni ndi nabyo.” Nae nibali nibasisiiri ohufukiirira hulw'esangaalo, neende ohuwuka-wukana, yababoolera ati, “Muliho neende esiindu syoosi esyohulya?” Bamuberesa omunyonyo kw'eng'eeni ndeehe, mani yaakubukula yaakulya nibabona.
Yesu yababoolera ati, “Chino nicho emboosi chindababooleraanga nindali nisisiiri naang'we, endi buli siindu syoosi syanyandiikwaho mu malako ka Musa neende mu byandiiko by'abanabbi, alala neende mu Sabbuli ebyali ebyohwoolerera abweene.” Yesu yekula ebibaaso byaabwe, bamanye ebyandiiko byoolerefu, mani yababoolera ati, “Sino nisyo esyandiikwa siti, Kristo ahoyere ohusaanda mani hu ludaalo lwohudatu, asyuuhe mu bafu, haandi siti, ohweyolobya neende ohuleherwa hw'ebyonoono, huhoyeerwe ohuyaalwaanga mu liita lyae mu byaalo byoosi, ohuchaakira mu Yerusalemu. Niing'we abaloli b'ebiindu bino. Haandi bone, njia ohubatumira si Laata yalaka; nae mudoong'e mu siko ohwoola lu maani katula aakulu kalibehaho.”


Yesu yabatusa erwaanyi w'esiko yabeemirira ohwoola Bbetani, yasiingisa aakulu amahono kae yababeresa ehabi. Nae niyali n'ababeresa ehabi, yabatulaho, mani yaakiingwa yayirwa Muukulu. Mani baakobola Yerusalemu neende esangaalo liingi muno. bachiiririra ohuba mu Nyuumba ya Nasaae nibafumia Nasaae.

Klausīties Luka 24