Kachin - Jinghpaw Hanson Version (Drama - NT)

Jinghpaw Hanson Version Bible 2009

<div class="version vid2647 iso6393kac" data-vid="2647" data-iso6393="kac">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Mungga Gaw Hkum Shan Tai Wa Ai Lam</div><div class="p"> 1Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai. 2Dai Mungga gaw shawng ningpawt e Karai Kasang hte rau rai nga ai. 3Arai yawng mayawng gaw shi a marang e tai nga ai; nga manga hta shi n lawm ai tai wa ai gaw, langai mi muk n nga ai. 4Shi hta asak daju rai nga ai; dai asak gaw masha ni a nhtoi rai nga ai. 5Dai nhtoi gaw nsin hta htoi nga ai rai nna, nsin mahtang gaw dai hpe n chye hkap la wu ai.</div><div class="p"> 6Karai Kasang e shangun dat ai, Yawhan mying ai wa langai mi, du sa ai: 7dai wa gaw, dai nhtoi a lam sakse hkam ya nna, yawng mayawng shi a jaw e kamsham mu ga nga, sakse sa tai na matu, du sa ai. 8Dai wa gaw dai nhtoi n rai; dai nhtoi a lam sakse hkam ya na she, du sa ai. 9Mungkan ga de sa nga let, masha nlang hte hpe jahtoi ya ai nhtoi majing chyawm gaw, nga nga sai.</div><div class="p"> 10Shi gaw mungkan ga e nga nga ai hte, mungkan ga mung shi a marang e nan tai wa sai: rai timung mungkan ga gaw shi hpe n chye wu ai. 11Shi gaw shi a mung ga de du sa ra ai rai timung, shi a baw sang ni gaw shi hpe n hkap la ma ai. 12Shi a amying ningsang hpe kamsham ai ni ngu ai, shi e hkap la mala ni hpe, Karai Kasang a kashu kasha tai lu na ahkang shi jaw mu ai: 13dai ni gaw, asai hte shaprat ai ni n rai, hkum shan a myit hte mung n rai, masha a myit maw ai hku hte mung n rai, Karai Kasang e shaprat ai ni she rai ma ai.</div><div class="p"> 14Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.</div><div class="p"> 15Shi a lam Yawhan sakse hkam ya nna jahtau tsun wu ai gaw, &#8220;Nye a hpang e du sa ai wa gaw, nye a shawng na wa rai nga ai majaw, nye a shawng e rai nga sai, ngu nna ngai tsun ai wa gaw, ndai wa rai nga ai,&#8221; nga ai.</div><div class="p"> 16Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai. 17Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai. 18Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.</div><div class="s1">Baptisma Sara Yawhan Gaw Shi Hkristu N Re Ai Lam Tsun Ai</div><div class="p"> 19Yuda masha ni gaw Yerusalem mare na, hkinjawng hte Lewi masha ni hpe Yawhan hpang de shangun dat nna, &#8220;Nang gaw kadai rai nga n ta?&#8221; ngu nna san shangun mu yang, shi hkam ai sakse lam gaw, da ndai rai nga ai:</div><div class="p"> 20shi gaw, &#8220;Ngai Hkristu n rai nngai,&#8221; nga nna n ip n nyet ai sha, yin la wu ai.</div><div class="p"> 21Shaloi shanhte gaw, &#8220;Dai rai yang gaw, nang Elia rai nni?&#8221; ngu nna san mu yang, shi gaw, &#8220;N rai nngai,&#8221; ngu wu ai: &#8220;Dai myihtoi rai nni?&#8221; ngu nna bai san mu yang, &#8220;N rai nngai,&#8221; ngu nna bai htan wu ai.</div><div class="p"> 22Dai rai nna shanhte gaw, &#8220;Anhte hpe shangun dat ai ni e wa tsun dan na ga lu n ga, Nang gaw kadai rai nga n ta? Na a hkum hpe nang kaning ngu n ta?&#8221; ngu nna shi hpe bai san mu yang, Yawhan gaw,</div><div class="p"> 23&#8220;Ngai gaw, myihtoi Esaia htawn tsun ai hte maren, &#8216;Dai Madu a lam shading mu,&#8217; nga nna nam e jahtau ai wa a nsen rai nga nngai,&#8221; ngu mu ai.</div><div class="p"> 24Dai shangun kasa ni chyawm gaw, Hparishe ni kaw na rai ma ai. 25Bai shanhte gaw, &#8220;Nang gaw, Hkristu mung n rai, Elia mung n rai, dai myihtoi wa mung n rai n yang gaw, nang hpa rai baptisma jaw n ta?&#8221; ngu nna shi hpe san mu yang,</div><div class="p"> 26Yawhan gaw, &#8220;Ngai gaw hka hta baptisma jaw nngai; nanhte a ka-ang e, nanhte n chye ai wa langai mi tsap nga ai: 27dai wa gaw nye a hpang e du sa ai wa rai nga ai; shi a kyepdin sumri pyi ngai n raw ging nngai,&#8221; ngu nna shanhte hpe htan mu ai.</div><div class="p"> 28Ndai lam ni gaw, Yawhan baptisma jaw let nga nga ai, Yawdan hka wora hkran na Behtani kahtawng e byin ai, rai nga ai.</div><div class="s1">Yesu Gaw Karai Kasang A Sagu Kasha</div><div class="p"> 29Hpang shani e Yawhan gaw, shi hpang de Yesu sa wa ai hpe, hkap mu wu yang, &#8220;Mungkan ga a yubak gun la kau ya ai, Karai Kasang a Sagu Kasha hpe yu yu mu! 30&#8216;Ngai hta shawng nga ai wa langai mi, nye a hpang e du na ra ai; shi gaw nye a shawng e rai nga sai, ngu nna ngai tsun ai wa gaw, ndai wa rai nga ai.' 31Ngai gaw, shi kadai re ai mung n chye nngai; rai timung, shi gaw Israela masha ni a man e dan pru na matu, hka hta baptisma jaw let, ngai du sa nngai,&#8221; nga ai.</div><div class="p"> 32Dai hta kaga Yawhan gaw, &#8220;Wenyi gaw sumsing lamu de nna hkrudu zawn yu hkrat wa ai hpe, ngai mu se ai: dai wenyi mung shi a ntsa e nga nga ai. 33Ngai gaw, shi kadai re ai mung n chye nngai: rai timung, ngai hpe hka hta baptisma jaw shangun dat ai wa, ngai hpe tsun nngai gaw, Kadai wa a ntsa e, dai Wenyi yu hkrat wa nna nga nga ai hpe, nang mu ai rai yang, dai wa gaw Chyoi pra ai Wenyi hta baptisma jaw ai wa rai nga ai,&#8221; nga ai. 34Dai hte maren ngai mu se ai rai nna, &#8216;ndai wa gaw Karai Kasang a Kasha re ai, ngai sakse hkam we ai,&#8217; nga nna sakse hkam ya wu ai.</div><div class="s1">Yesu A Shawng Nnan Na Sape Ni</div><div class="p"> 35Bai hpang shani e, Yawhan hte shi a sape lahkawng rau tsap nga ma ai rai nna, 36Yesu lai sa wa nga yang, Yawhan gaw shi hpe mada yu nna, &#8220;Karai Kasang a Sagu Kasha hpe yu yu mu!&#8221; ngu mu ai.</div><div class="p"> 37Dai sape yan gaw shi tsun ai ga na nna, Yesu kaw hkan sa ma ai. 38Yesu gaw kayin yu nna, dai yan hkan sa ai hpe mu wu yang, &#8220;Nan hpa tam myit ta?&#8221; ngu nna hkap san mu ai. Shan gaw, &#8220;Rabai e, nang kanang nga n ta?&#8221; ngu nna shi hpe nhtang san mu ai: (Rabai ngu ai ga lachyum gaw, Sara nga ai, rai nga ai.)</div><div class="p"> 39Yesu gaw, &#8220;Sa marit, shaloi nan mu na marin dai,&#8221; ngu nna shan hpe tsun wu ai. Dai re ai majaw, shan hkan sa nna, shi nga ai shara kanang re ai mung mu ma jang, dai shani tup shi hte rau nga nga ma ai: dai ahkying gaw ahkying shi daram rai nga ai.</div><div class="p"> 40Yawhan tsun ai ga na nna, shi kaw hkan sa ai yan hta na langai mi gaw, Simun Petru a kanau Andre rai nga ai. 41Dai wa gaw shi a kahpu Simun hpe shawng mu nna, &#8220;An gaw Meshia hpe mu saga ai,&#8221; ngu nna shi hpe tsun dan wu ai: (Meshia ngu ai ga lachyum gaw, Hkristu nga ai, rai nga ai.) 42Shaloi shi gaw Yesu hpang de shi hpe woi wa wu ai. Yesu gaw shi hpe hkap yu nna, &#8220;Nang gaw Yawhan a kasha Simun rai nga ndai: nang Kehpa ngu ai mying lu na rin dai,&#8221; ngu wu ai: (Kehpa ngu ai ga lachyum gaw, Petru nga ai, rai nga ai.)</div><div class="s1">Hpilip Hte Nahtanela Hpe Shaga La Ai Lam</div><div class="p"> 43Hpang shani e shi gaw Galile mung de rai wa mayu nga ai. Shaloi Yesu gaw Hpilip hpe mu wu ai rai nna, shi hpe, &#8220;Ngai kaw hkan nang rit,&#8221; ngu wu ai. 44Hpilip gaw Andre yan Petru nga ai Betsaida mare na rai nga ai. 45Hpilip gaw Nahtanela hpe mu nna, &#8220;Mawshe gaw tara laika ni hta, myihtoi ni mung myihtoi laika ni hta, sha-ang nna ka da ai, Yawsep a kasha, Nazaret mare na Yesu hpe anhte mu sagaw ai,&#8221; ngu nna shi hpe tsun dan wu ai.</div><div class="p"> 46Nahtanela gaw, &#8220;Nazaret mare na arai kaja lama mi pru lu a ni?&#8221; ngu nna htan wu ai.</div><div class="p"> 47Hpilip gaw, &#8220;She, sa yu rit,&#8221; ngu wu ai. Shaloi Yesu gaw, Nahtanela shi hpang de sa wa ai hpe mu wu yang, shi hpe sha-ang nna, &#8220;Sawt ai myit n rawng ai, Israela masha majing hpe yu yu mu,&#8221; ngu wu ai.</div><div class="p"> 48Nahtanela gaw, &#8220;Nang ngai hpe kanang nna chye n ta?&#8221; ngu nna shi hpe san wu ai. Yesu gaw, &#8220;Hpilip e nang hpe garai n shaga kaw nna, dai maihpang hpun npu e nang naw nga yang, ngai nang hpe mu de ai,&#8221; ngu nna shi hpe htan wu ai.</div><div class="p"> 49Nahtanela gaw, &#8220;Rabai e, nang gaw Karai Kasang a Kasha rai nga ndai; Israela masha ni a hkawhkam nang rai nga ndai,&#8221; ngu nna shi hpe htan wu ai.</div><div class="p"> 50Shaloi Yesu gaw, &#8220;Ngai nang hpe maihpang hpun npu e mu de ai, ngu ai majaw, nang kam nni? dai hta grau kaba ai amu nang mu na rin dai.&#8221; 51Bai Yesu gaw, &#8220;Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,&#8221; ngu nna shi hpe htan tsun wu ai.</div>
 </div>
 </div>
</div>

Jinghpaw Hanson Version Bible © Bible Society of Myanmar, 2009.

Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai. Dai Mungga gaw shawng ningpawt e Karai Kasang hte rau rai nga ai. Arai yawng mayawng gaw shi a marang e tai nga ai; nga manga hta shi n lawm ai tai wa ai gaw, langai mi muk n nga ai. Shi hta asak daju rai nga ai; dai asak gaw masha ni a nhtoi rai nga ai. Dai nhtoi gaw nsin hta htoi nga ai rai nna, nsin mahtang gaw dai hpe n chye hkap la wu ai.
Karai Kasang e shangun dat ai, Yawhan mying ai wa langai mi, du sa ai: dai wa gaw, dai nhtoi a lam sakse hkam ya nna, yawng mayawng shi a jaw e kamsham mu ga nga, sakse sa tai na matu, du sa ai. Dai wa gaw dai nhtoi n rai; dai nhtoi a lam sakse hkam ya na she, du sa ai. Mungkan ga de sa nga let, masha nlang hte hpe jahtoi ya ai nhtoi majing chyawm gaw, nga nga sai.
Shi gaw mungkan ga e nga nga ai hte, mungkan ga mung shi a marang e nan tai wa sai: rai timung mungkan ga gaw shi hpe n chye wu ai. Shi gaw shi a mung ga de du sa ra ai rai timung, shi a baw sang ni gaw shi hpe n hkap la ma ai. Shi a amying ningsang hpe kamsham ai ni ngu ai, shi e hkap la mala ni hpe, Karai Kasang a kashu kasha tai lu na ahkang shi jaw mu ai: dai ni gaw, asai hte shaprat ai ni n rai, hkum shan a myit hte mung n rai, masha a myit maw ai hku hte mung n rai, Karai Kasang e shaprat ai ni she rai ma ai.
Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.
Shi a lam Yawhan sakse hkam ya nna jahtau tsun wu ai gaw, “Nye a hpang e du sa ai wa gaw, nye a shawng na wa rai nga ai majaw, nye a shawng e rai nga sai, ngu nna ngai tsun ai wa gaw, ndai wa rai nga ai,” nga ai.
Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai. Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai. Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

Yuda masha ni gaw Yerusalem mare na, hkinjawng hte Lewi masha ni hpe Yawhan hpang de shangun dat nna, “Nang gaw kadai rai nga n ta?” ngu nna san shangun mu yang, shi hkam ai sakse lam gaw, da ndai rai nga ai:
shi gaw, “Ngai Hkristu n rai nngai,” nga nna n ip n nyet ai sha, yin la wu ai.
Shaloi shanhte gaw, “Dai rai yang gaw, nang Elia rai nni?” ngu nna san mu yang, shi gaw, “N rai nngai,” ngu wu ai: “Dai myihtoi rai nni?” ngu nna bai san mu yang, “N rai nngai,” ngu nna bai htan wu ai.
Dai rai nna shanhte gaw, “Anhte hpe shangun dat ai ni e wa tsun dan na ga lu n ga, Nang gaw kadai rai nga n ta? Na a hkum hpe nang kaning ngu n ta?” ngu nna shi hpe bai san mu yang, Yawhan gaw,
“Ngai gaw, myihtoi Esaia htawn tsun ai hte maren, ‘Dai Madu a lam shading mu,’ nga nna nam e jahtau ai wa a nsen rai nga nngai,” ngu mu ai.
Dai shangun kasa ni chyawm gaw, Hparishe ni kaw na rai ma ai. Bai shanhte gaw, “Nang gaw, Hkristu mung n rai, Elia mung n rai, dai myihtoi wa mung n rai n yang gaw, nang hpa rai baptisma jaw n ta?” ngu nna shi hpe san mu yang,
Yawhan gaw, “Ngai gaw hka hta baptisma jaw nngai; nanhte a ka-ang e, nanhte n chye ai wa langai mi tsap nga ai: dai wa gaw nye a hpang e du sa ai wa rai nga ai; shi a kyepdin sumri pyi ngai n raw ging nngai,” ngu nna shanhte hpe htan mu ai.
Ndai lam ni gaw, Yawhan baptisma jaw let nga nga ai, Yawdan hka wora hkran na Behtani kahtawng e byin ai, rai nga ai.

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu! ‘Ngai hta shawng nga ai wa langai mi, nye a hpang e du na ra ai; shi gaw nye a shawng e rai nga sai, ngu nna ngai tsun ai wa gaw, ndai wa rai nga ai.' Ngai gaw, shi kadai re ai mung n chye nngai; rai timung, shi gaw Israela masha ni a man e dan pru na matu, hka hta baptisma jaw let, ngai du sa nngai,” nga ai.
Dai hta kaga Yawhan gaw, “Wenyi gaw sumsing lamu de nna hkrudu zawn yu hkrat wa ai hpe, ngai mu se ai: dai wenyi mung shi a ntsa e nga nga ai. Ngai gaw, shi kadai re ai mung n chye nngai: rai timung, ngai hpe hka hta baptisma jaw shangun dat ai wa, ngai hpe tsun nngai gaw, Kadai wa a ntsa e, dai Wenyi yu hkrat wa nna nga nga ai hpe, nang mu ai rai yang, dai wa gaw Chyoi pra ai Wenyi hta baptisma jaw ai wa rai nga ai,” nga ai. Dai hte maren ngai mu se ai rai nna, ‘ndai wa gaw Karai Kasang a Kasha re ai, ngai sakse hkam we ai,’ nga nna sakse hkam ya wu ai.

Bai hpang shani e, Yawhan hte shi a sape lahkawng rau tsap nga ma ai rai nna, Yesu lai sa wa nga yang, Yawhan gaw shi hpe mada yu nna, “Karai Kasang a Sagu Kasha hpe yu yu mu!” ngu mu ai.
Dai sape yan gaw shi tsun ai ga na nna, Yesu kaw hkan sa ma ai. Yesu gaw kayin yu nna, dai yan hkan sa ai hpe mu wu yang, “Nan hpa tam myit ta?” ngu nna hkap san mu ai. Shan gaw, “Rabai e, nang kanang nga n ta?” ngu nna shi hpe nhtang san mu ai: (Rabai ngu ai ga lachyum gaw, Sara nga ai, rai nga ai.)
Yesu gaw, “Sa marit, shaloi nan mu na marin dai,” ngu nna shan hpe tsun wu ai. Dai re ai majaw, shan hkan sa nna, shi nga ai shara kanang re ai mung mu ma jang, dai shani tup shi hte rau nga nga ma ai: dai ahkying gaw ahkying shi daram rai nga ai.
Yawhan tsun ai ga na nna, shi kaw hkan sa ai yan hta na langai mi gaw, Simun Petru a kanau Andre rai nga ai. Dai wa gaw shi a kahpu Simun hpe shawng mu nna, “An gaw Meshia hpe mu saga ai,” ngu nna shi hpe tsun dan wu ai: (Meshia ngu ai ga lachyum gaw, Hkristu nga ai, rai nga ai.) Shaloi shi gaw Yesu hpang de shi hpe woi wa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai: nang Kehpa ngu ai mying lu na rin dai,” ngu wu ai: (Kehpa ngu ai ga lachyum gaw, Petru nga ai, rai nga ai.)

Hpang shani e shi gaw Galile mung de rai wa mayu nga ai. Shaloi Yesu gaw Hpilip hpe mu wu ai rai nna, shi hpe, “Ngai kaw hkan nang rit,” ngu wu ai. Hpilip gaw Andre yan Petru nga ai Betsaida mare na rai nga ai. Hpilip gaw Nahtanela hpe mu nna, “Mawshe gaw tara laika ni hta, myihtoi ni mung myihtoi laika ni hta, sha-ang nna ka da ai, Yawsep a kasha, Nazaret mare na Yesu hpe anhte mu sagaw ai,” ngu nna shi hpe tsun dan wu ai.
Nahtanela gaw, “Nazaret mare na arai kaja lama mi pru lu a ni?” ngu nna htan wu ai.
Hpilip gaw, “She, sa yu rit,” ngu wu ai. Shaloi Yesu gaw, Nahtanela shi hpang de sa wa ai hpe mu wu yang, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.
Nahtanela gaw, “Nang ngai hpe kanang nna chye n ta?” ngu nna shi hpe san wu ai. Yesu gaw, “Hpilip e nang hpe garai n shaga kaw nna, dai maihpang hpun npu e nang naw nga yang, ngai nang hpe mu de ai,” ngu nna shi hpe htan wu ai.
Nahtanela gaw, “Rabai e, nang gaw Karai Kasang a Kasha rai nga ndai; Israela masha ni a hkawhkam nang rai nga ndai,” ngu nna shi hpe htan wu ai.
Shaloi Yesu gaw, “Ngai nang hpe maihpang hpun npu e mu de ai, ngu ai majaw, nang kam nni? dai hta grau kaba ai amu nang mu na rin dai.” Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

Klausīties YAWHAN 1