Malay, Papuan

<div class="version vid2690 iso6393pmy" data-vid="2690" data-iso6393="pmy">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s">Banjir besar skali</div><div class="sr"> 7:1-24</div><div class="p"> 1Stela itu, TUHAN bicara ke Nuh begini,</div><div class="pi2">&#8220;Nuh, masuk ke dalam kapal besar itu. Ko deng ko pu kluarga juga. Karna dari yang Sa liat di orang-orang jaman ini, hanya ko saja yang orang benar. 2Trus dari smua binatang-binatang yang tra pamali,#7:2 tra pamali &#8210; Di Perjanjian Lama, ada binatang yang &#699;tra bersi,&#700; de pu arti orang Israel dong pamali makan ato bakar kas korban sama Allah. Seblum banjir besar di jaman Nuh, Allah blum kas ijin orang makan daging. Jadi disini, &#699;pamali&#700; pu arti tra bole bakar kas korban sama Allah saja. Di Imamat 1-7 tong bisa baca aturan yang Allah kasi tentang binatang yang mana orang Israel bole makan deng binatang yang mana dong pamali. ko ambil tuju-tuju pasang, betina deng jantan. Tapi untuk binatang-binatang yang pamali, ko ambil satu-satu pasang saja, betina deng jantan. 3Untuk burung-burung juga, ko ambil tuju-tuju pasang, jantan deng betina. Bikin begitu, supaya dong pu turunan tetap hidup trus di bumi. 4Karna nanti tuju hari lagi, Sa mo kas turun hujan dari pagi sampe malam sampe pagi lagi. Hujan de tetap turun trus sampe 40 hari. Sa mo sapu rata smua yang ada hidup di bumi ini, smua yang Sa su bikin itu.&#8221;</div><div class="p"> 5Nuh de bikin smua yang TUHAN printa dia.</div><div class="p"> 6Waktu banjir besar tutup bumi itu, Nuh pu umur 600 taun. 7Nuh deng de pu istri, sama de pu anana deng dong pu istri, dong smua masuk ke dalam kapal itu untuk kas slamat diri dari banjir paling besar itu. 8Trus binatang yang tra pamali deng yang pamali, dari burung-burung sampe smua binatang yang mrayap di tana, 9dong datang satu-satu pasang ke Nuh dalam kapal itu. Dong smua, jantan deng betina, datang sperti yang Allah su suru Nuh. </div><div class="p"> 10Pas su tuju hari begini, banjir besar mulai datang tutup bumi smua. 11Itu pas di bulan dua, hari ke-17, waktu Nuh de pu umur 600 taun. Di hari itu suda, smua mata air yang ada dalam tana, smua kas hambur de pu air kluar. Baru tempat-tempat air yang ada di langit smua dapa buka. 12Trus hujan de turun tra stop-stop sampe hari ke-40.</div><div class="p"> 13Hari itu juga, Nuh deng de pu istri, sama de pu anana Sem, Yafet, deng Ham, sama dong pu istri masing-masing, dong smua masuk ke dalam kapal itu sama-sama. 14Nuh dong sama-sama deng macam-macam binatang liar sama macam-macam binatang piara, macam-macam binatang mrayap di atas tana, macam-macam burung, deng smua binatang yang ada sayap. 15Dari smua yang hidup, yang ada napas, dong datang satu-satu pasang ke Nuh di dalam kapal itu. 16Satu pasang, jantan deng betina, dari smua yang hidup tu, dong smua masuk sperti yang Allah su suru ke Nuh. Habis smua masuk, TUHAN tutup kapal itu pu pintu.</div><div class="p"> 17Dalam 40 hari tu, banjir su mulai tamba besar di bumi. De pu air naik trus sampe angkat kapal itu. Bikin sampe kapal itu naik tinggi skali di atas bumi. 18Waktu air su mulai tamba banyak baru de pu tinggi tu su dasyat skali, kapal ni de su trapung di atas air. 19Air juga tinggal tamba tinggi trus sampe smua gunung-gunung tinggi su tenggelam juga. 20Air tinggal naik trus sampe su tuju meter di atas gunung paling tinggi pu bagian paling atas. 21Smua yang bergerak di bumi, burung-burung, binatang-binatang piara, binatang liar, smua binatang yang mrayap di atas tana, sama manusia smua, mati tasapu bersi. 22Smua yang di darat, yang ada napas, smua mati. 23Begitu suda, Allah sapu bersi smua yang ada, smua yang ada di bumi, mo itu manusia ka, binatang di darat ka, binatang yang mrayap ka, burung-burung yang terbang ka, smua tasapu bersi. Cuma Nuh deng smua yang sama-sama deng de dalam kapal itu yang tetap hidup. 24Sampe su hari ke-150 juga, air de tra turun-turun.</div>
 </div>
 </div>
</div>

Stela itu, TUHAN bicara ke Nuh begini,
“Nuh, masuk ke dalam kapal besar itu. Ko deng ko pu kluarga juga. Karna dari yang Sa liat di orang-orang jaman ini, hanya ko saja yang orang benar. Trus dari smua binatang-binatang yang tra pamali, ko ambil tuju-tuju pasang, betina deng jantan. Tapi untuk binatang-binatang yang pamali, ko ambil satu-satu pasang saja, betina deng jantan. Untuk burung-burung juga, ko ambil tuju-tuju pasang, jantan deng betina. Bikin begitu, supaya dong pu turunan tetap hidup trus di bumi. Karna nanti tuju hari lagi, Sa mo kas turun hujan dari pagi sampe malam sampe pagi lagi. Hujan de tetap turun trus sampe 40 hari. Sa mo sapu rata smua yang ada hidup di bumi ini, smua yang Sa su bikin itu.”
Nuh de bikin smua yang TUHAN printa dia.
Waktu banjir besar tutup bumi itu, Nuh pu umur 600 taun. Nuh deng de pu istri, sama de pu anana deng dong pu istri, dong smua masuk ke dalam kapal itu untuk kas slamat diri dari banjir paling besar itu. Trus binatang yang tra pamali deng yang pamali, dari burung-burung sampe smua binatang yang mrayap di tana, dong datang satu-satu pasang ke Nuh dalam kapal itu. Dong smua, jantan deng betina, datang sperti yang Allah su suru Nuh.
Pas su tuju hari begini, banjir besar mulai datang tutup bumi smua. Itu pas di bulan dua, hari ke-17, waktu Nuh de pu umur 600 taun. Di hari itu suda, smua mata air yang ada dalam tana, smua kas hambur de pu air kluar. Baru tempat-tempat air yang ada di langit smua dapa buka. Trus hujan de turun tra stop-stop sampe hari ke-40.
Hari itu juga, Nuh deng de pu istri, sama de pu anana Sem, Yafet, deng Ham, sama dong pu istri masing-masing, dong smua masuk ke dalam kapal itu sama-sama. Nuh dong sama-sama deng macam-macam binatang liar sama macam-macam binatang piara, macam-macam binatang mrayap di atas tana, macam-macam burung, deng smua binatang yang ada sayap. Dari smua yang hidup, yang ada napas, dong datang satu-satu pasang ke Nuh di dalam kapal itu. Satu pasang, jantan deng betina, dari smua yang hidup tu, dong smua masuk sperti yang Allah su suru ke Nuh. Habis smua masuk, TUHAN tutup kapal itu pu pintu.
Dalam 40 hari tu, banjir su mulai tamba besar di bumi. De pu air naik trus sampe angkat kapal itu. Bikin sampe kapal itu naik tinggi skali di atas bumi. Waktu air su mulai tamba banyak baru de pu tinggi tu su dasyat skali, kapal ni de su trapung di atas air. Air juga tinggal tamba tinggi trus sampe smua gunung-gunung tinggi su tenggelam juga. Air tinggal naik trus sampe su tuju meter di atas gunung paling tinggi pu bagian paling atas. Smua yang bergerak di bumi, burung-burung, binatang-binatang piara, binatang liar, smua binatang yang mrayap di atas tana, sama manusia smua, mati tasapu bersi. Smua yang di darat, yang ada napas, smua mati. Begitu suda, Allah sapu bersi smua yang ada, smua yang ada di bumi, mo itu manusia ka, binatang di darat ka, binatang yang mrayap ka, burung-burung yang terbang ka, smua tasapu bersi. Cuma Nuh deng smua yang sama-sama deng de dalam kapal itu yang tetap hidup. Sampe su hari ke-150 juga, air de tra turun-turun.

Klausīties Kejadian 7