Text: © Sociedad Biblica de México, AC 2006 Audio: ℗ 2007 Hosanna

Tzeltal, Bachajon - 2006 Edition (NT)

<div class="version vid361 iso6393tzh" data-vid="361" data-iso6393="tzh">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">Jes&#250;s soc Nicodemo</div><div class="p"> 1Ay jtuhl fariseo, Nicodemo sbihil, principal yu'un te jud&#237;ohetique. 2Ta ahc'abal tal sc'opon te Jes&#250;s, hich la yalbe: Rab&#237;, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te se&#241;ahiletic yac apasbel teme ma ba joquimbil yu'un te Diose, xchi.</div><div class="p"> 3Hich halbot yu'un te Jes&#250;s: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.</div><div class="p"> 4La sjac' te Nicodemo: &#191;Bin ut'il ya xhu' ya xcha'ayin xan te mach'a mamalixe? &#191;Ya bal c'an hu'uc te ya xcha'wolot xan yu'un snan yu'un ya xcha'ayin xan? xchi.</div><div class="p"> 5Halbot yu'un te Jes&#250;s: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Esp&#237;ritu ma xhu' ya x'och ta banti ay te cuentahinel yu'un Dios. 6Te bin ya x'ayin ta scuenta ch'ich'-baq'uet, ha ch'ich'-baq'uet, yan te bin ya x'ayin ta scuenta te Esp&#237;ritu, ha esp&#237;ritu. 7Ma me xcham awo'tan yu'un te la jcalbat: Ya sc'an ya xcha'ayinex xan, te xchihone. 8Bayuc nax ya xbehen te ic', yac awa'iybe sc'op, pero ma xana' banti ya xtal soc banti ya xbaht. Hich ay spisil te mach'atic ayinemic ta scuenta te Esp&#237;ritu, xchi.</div><div class="p"> 9La sjac' te Nicodemo: &#191;Bin ut'il ya xhu' ta pasel ini? xchi.</div><div class="p"> 10Ha'at maestrohat yu'un Israel, xchi te Jes&#250;s, &#191;yu'un bal ma xana' bin ut'il ay ini? 11Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique. 12Teme ma xach'uhunic te bin scuenta bahlumilal la jcalbeyex, &#191;bin ut'il yac ach'uhunic a teme ha ya calbeyex te bin scuenta ch'ulchan? 13Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.#3.13 Ay yantic antiguo hunetic te ya yal xan: te ay ta ch'ulchan. 14Hich te bin ut'il te Mois&#233;s la sjihpan te chan ta jochol taquin q'uinal, ha nix hich ya yich' jihpanel te Nich'anil ay ta scuenta winic, 15scuenta yu'un spisil te mach'atic ya sch'uhunic, ma ba ya xch'ayic, ay scuxlejalic sbahtel q'uinal.</div><div class="s1">Dios la yac' tal Snich'an</div><div class="p"> 16Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un. 17Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta. 18Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose. 19Hich ay scuentahil te ya stoj smulic: ha te tal ta bahlumilal te sacal q'uinal, pero te ants-winiquetic ha bayel xan la smulanic te yihc'al q'uinal te bin ut'il te sacal q'uinal, como chopol te ya'telique. 20Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique. 21Yan te mach'a ya spas te bin smelelil, ya xtal ta sacal q'uinal scuenta yu'un hich ya xchicnaj a te ha ta scuenta Dios te ya'tele, xchi.</div><div class="s1">Yamigo te mach'a ya xnuhpun</div><div class="p"> 22Patil tal Jes&#250;s ta sq'uinal Judea soc te jnopojeletic yu'un, tey halajic soc a, soc la yac' ich'-ha' tey a. 23Te Juan ha nix hich yac yac'bel ich'-ha' ta En&#243;n, ta nopol Salim, como ay bayel ha' tey a. Te ants-winiquetic tal yac' sbahic ta a'beyel yich'ic ha', 24como ma to ba ochem ta c&#225;rcel a te Juan.</div><div class="p"> 25Te jnopojeletic yu'un Juan la sten sbahic ta c'op soc te jud&#237;ohetic sc'oblal te lecubtesele. 26Talic ta stojol te Juan, hich la yalbeyic: Rab&#237;, te mach'a la sjoquinat ta jehch Jord&#225;n, ha te la awalbe sc'oblal, ha nix hich ayix ta yaq'uel ich'-ha', soc spisilic yaquic ta bahel ta stojol, xchihic.</div><div class="p"> 27La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan. 28Ha'ex nix testigohex cu'un te hich la jcal: Ma ho'ucon te Cristohon, ho'on ticombilon tal ta nahil yu'un, te xchihone. 29Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un. 30Ya sc'an te ha ya xtohy sc'oblal, soc te ya xpehc'aj jc'oblal te ho'one.</div><div class="s1">Te Mach'a talem ta toyol</div><div class="p"> 31Te mach'a talem ta toyol, ha toyol yu'un spisil bintic ay; te mach'a li' nax ay ta bahlumilal, scuenta nax bahlumilal stuquel, soc sc'oblal nax bahlumilal te bin ya yale. Te mach'a talem ta ch'ulchan, ha toyol yu'un spisil yantic, 32soc yac yalbel te bin yiloj soc te bin ya'iyej, pero mayuc mach'a ya sch'uhumbe te testigo-c'op yu'une. 33Pero te mach'a ya sch'uhumbe te testigo-c'op yu'un, ha ya yal te melel bin ya yal te Diose, 34como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Esp&#237;ritu te Diose. 35Te Tatil c'ux ya ya'iy ta yo'tan te Nich'anil soc ya'beyej ta sc'ab spisil bintic ay. 36Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.</div>
 </div>
 </div>
</div>

Biblia Tzeltal Bachajon © Sociedad Bíblica de México, A.C., 2006.

Ay jtuhl fariseo, Nicodemo sbihil, principal yu'un te judíohetique. Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.
Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.
La sjac' te Nicodemo: ¿Bin ut'il ya xhu' ya xcha'ayin xan te mach'a mamalixe? ¿Ya bal c'an hu'uc te ya xcha'wolot xan yu'un snan yu'un ya xcha'ayin xan? xchi.
Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios. Te bin ya x'ayin ta scuenta ch'ich'-baq'uet, ha ch'ich'-baq'uet, yan te bin ya x'ayin ta scuenta te Espíritu, ha espíritu. Ma me xcham awo'tan yu'un te la jcalbat: Ya sc'an ya xcha'ayinex xan, te xchihone. Bayuc nax ya xbehen te ic', yac awa'iybe sc'op, pero ma xana' banti ya xtal soc banti ya xbaht. Hich ay spisil te mach'atic ayinemic ta scuenta te Espíritu, xchi.
La sjac' te Nicodemo: ¿Bin ut'il ya xhu' ta pasel ini? xchi.
Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini? Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique. Teme ma xach'uhunic te bin scuenta bahlumilal la jcalbeyex, ¿bin ut'il yac ach'uhunic a teme ha ya calbeyex te bin scuenta ch'ulchan? Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic. Hich te bin ut'il te Moisés la sjihpan te chan ta jochol taquin q'uinal, ha nix hich ya yich' jihpanel te Nich'anil ay ta scuenta winic, scuenta yu'un spisil te mach'atic ya sch'uhunic, ma ba ya xch'ayic, ay scuxlejalic sbahtel q'uinal.

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un. Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta. Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose. Hich ay scuentahil te ya stoj smulic: ha te tal ta bahlumilal te sacal q'uinal, pero te ants-winiquetic ha bayel xan la smulanic te yihc'al q'uinal te bin ut'il te sacal q'uinal, como chopol te ya'telique. Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique. Yan te mach'a ya spas te bin smelelil, ya xtal ta sacal q'uinal scuenta yu'un hich ya xchicnaj a te ha ta scuenta Dios te ya'tele, xchi.

Patil tal Jesús ta sq'uinal Judea soc te jnopojeletic yu'un, tey halajic soc a, soc la yac' ich'-ha' tey a. Te Juan ha nix hich yac yac'bel ich'-ha' ta Enón, ta nopol Salim, como ay bayel ha' tey a. Te ants-winiquetic tal yac' sbahic ta a'beyel yich'ic ha', como ma to ba ochem ta cárcel a te Juan.
Te jnopojeletic yu'un Juan la sten sbahic ta c'op soc te judíohetic sc'oblal te lecubtesele. Talic ta stojol te Juan, hich la yalbeyic: Rabí, te mach'a la sjoquinat ta jehch Jordán, ha te la awalbe sc'oblal, ha nix hich ayix ta yaq'uel ich'-ha', soc spisilic yaquic ta bahel ta stojol, xchihic.
La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan. Ha'ex nix testigohex cu'un te hich la jcal: Ma ho'ucon te Cristohon, ho'on ticombilon tal ta nahil yu'un, te xchihone. Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un. Ya sc'an te ha ya xtohy sc'oblal, soc te ya xpehc'aj jc'oblal te ho'one.

Te mach'a talem ta toyol, ha toyol yu'un spisil bintic ay; te mach'a li' nax ay ta bahlumilal, scuenta nax bahlumilal stuquel, soc sc'oblal nax bahlumilal te bin ya yale. Te mach'a talem ta ch'ulchan, ha toyol yu'un spisil yantic, soc yac yalbel te bin yiloj soc te bin ya'iyej, pero mayuc mach'a ya sch'uhumbe te testigo-c'op yu'une. Pero te mach'a ya sch'uhumbe te testigo-c'op yu'un, ha ya yal te melel bin ya yal te Diose, como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose. Te Tatil c'ux ya ya'iy ta yo'tan te Nich'anil soc ya'beyej ta sc'ab spisil bintic ay. Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

Klausīties San Juan 3