Buglere - 2008 Edition (NT)

<div class="version vid671 iso6393sab" data-vid="671" data-iso6393="sab">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Jesu kwian onbre oga dodade chi tan kada Betzata ngwadi</div><div class="p"> 1Jesu kirogwa oga dodadu ene nga Galileage, chui jo tangle gire kwian israelita chui ollade una Jerusal&#233;nge chku, Jesu jo una Jerusal&#233;nge chui ollade. 2Gere una Jerusal&#233;ndi tangle, gereka gdaite kada Oveja Ugakalla, ugaka ege kodi chi tan kle, kwian israelita kwirale chi tan e kada Betzata, chi tan e kagda giti u soli gbatiga kle. 3U soli e ulitage gwa kwian oga tanre kle manade, kwian me ten, kwian me &#241;a chage, kwian kwenga, kwian ene ulita kle chi onngenga manade ngwange. 4Chui sbali sbali lle boanga Chube alin nga nga&#241;a giti kle chke chi tan kle ngwadi chi gbe onngenga, chi kle onngenga kwian oga bai kaire joge chke ngeru chiske joge chke noni chi onngengadi. 5Oga ngleaske onbre oga gdaite kle, chura ngle treinta y ocho ama kledu oga. 6Jesu gwagedu amadi gbeba dba, Jesu tale u&#241;adu oga e manadu sbali sbali eni ngwale, Jesu gerudu ama ole:</div><div class="p">&#8212;&#191;Ba takalin joge chkeni noni?</div><div class="p"> 7Onbre oga jaindunga Jesu kalen:</div><div class="p">&#8212;Ima, agwa cha alin cha chudaboanga me cha gbale chiske chi kle onngenga gire, chi kle onngenga cha me kle &#241;age joge chke blike chiske, llagire kwian na kle &#241;age joge chke cha ngeru chiske, ene kwian e joge chkeni agwa cha me dale.</div><div class="p"> 8Jesu gerudu ama ole:</div><div class="p">&#8212;Chke bduge, chkede gdate, gbengwa blinga, chagede gbengwa ole.</div><div class="p"> 9Jesu gerudu ene onbre oga ole gire sugeti onbre oga jo chkeni noni trate me oga. Ama mo gbengwalla gau, du, chagedu mo gbengwalla ole.</div><div class="p">Jesu kwian e dodadu kwian israelita undege chuiage. 10Kwian israelita ulita gwagedu onbre jo chkeni nonidige chage gbengwa ole, kwian israelita gerudu onbre jo chkeni noni ole:</div><div class="p">&#8212;Nege che undege chuia, ba me &#241;age chage mo gbengwalla dbe chui aige.</div><div class="p"> 11Onbre jo chkeni noni jaindunga:</div><div class="p">&#8212;Onbre cha jingmea dodadu, ama gerudu cha ole: &#8220;Gbengwa blinga, chagede gbengwa ole.&#8221;</div><div class="p"> 12Kwian israelita geru kadu amage:</div><div class="p">&#8212;&#191;Chema gerudu ba ole: &#8220;Gbengwa blinga, chagede gbengwa ole&#8221;?</div><div class="p"> 13Kwian onbre dodadrege me u&#241;adu chema ama dodadu, ama me &#241;adu Jesu kaite kwian geru kaduge, kwian tanre kledu, Jesu jonga ama gwage kwianske. 14Bigwa Jesu tendu kwian Jesu nu dodaba ngwange u gerungwa Chube olege, Jesu gerudu ama ole:</div><div class="p">&#8212;Ba cha keruchuge, nege ba jo chkeni noni ba me oga, ba mo ta gbadale me age me no ba agedu nge kare. Ba me mo tallade ba be boi nabitaite ma tirare age naskuni e kare giti.</div><div class="p"> 15Chku u&#241;ale onbrege Jesu ama dodadu gire onbre e jo gerule kwian israelita ole:</div><div class="p">&#8212;Kwian onbre cha dodadu, ama kada Jesu.</div><div class="p"> 16Jesu kwian oga dodadu undege chuiage gdale kwian israelita ulita skochiu tanre Jesudi, e giti kwian israelita mo ta gbu age me no Jesu dollale chage Jesu nate gwaleda. 17Jesu gerudu kwian israelita ole:</div><div class="p">&#8212;Cha &#209;enua Chube kle lle no boi kwian alin chui ulitage kaire undege chuiage, cha age cha &#209;enua kle age kare.</div><div class="p"> 18Jesu gerudu ene giti gdale kwian israelita ulita mo ta gbu ma kiraske chage Jesu nate gwaleda, kwian israelita gwage Jesu me kle chada kle degaba undege chuia giti gbe gdadi, kaire Jesu kle mo gbe salengwli Chube kare Jesu kle gerule ama &#209;enuanu Chube, e kwian israelita alin Jesu kle gerule me no me no.</div><div class="p"> 19Jesu gerudu kwian israelita ulita ole:</div><div class="p">&#8212;Cha gerule ulia ulia ba ulita ole, cha Chube Kirolla me kle age gballa mo talla giti, cha kle age ulita cha &#209;enua cha ta gbe age kare, cha &#209;enua kle age ulita cha gwa giti, cha age ulita ama kle age kare. 20Cha &#209;enua no no cha ole, cha ama Kirolla, ama kle lle no boi cha gwa giti, ene cha kle lle no ene kare boi kaire kwian gwa giti. Cha &#209;enua be lle ma no ma kweri boi cha gwa giti, ene kaire cha be lle ma no boi ba ulita gwa giti cha agedu ngeruge, ba ulita be chege ta&#241;achuge tanre e giti. 21Cha &#209;enua kwian jaba gbeni gwade, ene kaire cha kwian jaba gbeni gwade kwian jaba bai kaire cha ta gbakalin gwadeni kare, kaire cha &#209;enua, cha kwian gbe toi diali chui tangle cha ole cha &#209;enua ole. 22Cha &#209;enua agali mi kwian gdaite gbe jiske age me no gdale, agwa cha &#209;enua cha gbu gerule kwian ulita giti bai jiske bai me jiske agedu giti. Cha &#209;enua cha gbu age ene, 23malen kwian ulita cha gadale dage no kwian kle cha &#209;enua gai dage no kare, cha &#209;enua cha kagu nga dba ai giti, kwian me cha gai dage no kwian me kle cha &#209;enua gai dage no kaire. 24Ulia ulia cha gerule ulita no trate geru ai cha kle gerule giti, kwian bai kaire geru ai gbe gdadi cha kle gerule kare, kwian bai kaire cha &#209;enua cha kaganga gai ulia, kwian ene ulita be toi chui tangle diali cha ole cha &#209;enua ole, kwian ene ulita mi joge ji chuge daga ngwale ngwadi sugekare chage ni cha &#209;enuage, e salengwli kwian jogebada jaba chkeni gwade kare. 25Cha gerule ulia ba ulita ole, kwian bai kaire me Chube u&#241;e kle toi sugekare Chubege, kwian ene ulita salengwli kwian jogebada kare, chui be chke, kaire chui kle nege gire kwian ene be cha kerua keruchuge, cha Chube Kirolla be kwian tke tangle cha &#209;enua giti, kwian ulita bai kaire cha kerua gai ulia ama be toi chui tangle diali cha &#209;enua ole cha ole. 26Cha &#209;enua ta gwade agali molen malen ama kwian gbanga gwade, ene kaire cha ama Kirolla ama cha gbu ta gwade mau&#241;a, cha &#241;age age cha &#209;enua age ulita kare, cha &#241;age kwian jogebada jaba gbeni gwade, kaire kwian me Chube u&#241;e kle chage jogebada kare cha &#241;age kwian ene ta blite Chube ole, ene kwian toi chui tangle diali cha ole cha &#209;enua ole. 27Kaire cha &#209;enua cha gbu gerule kwian ulita giti bai jiske bai me jiske agedu giti, cha Chube Kirolla chku nga dba ai giti kwian kare, cha ulia kwian, suge chage ulita kwian ta&#241;achuge mine, malen chui bdaglige cha be &#241;age gerule kwian ulita giti chema chema jiske. 28Ba ulita me kledale alenske cha kle gerule giti, chui be chke, chui ege gire cha be gerule jaba dbia ulita ole, kwian jogebada o&#241;a ulita be cha keruchuge gerule: &#8220;&#161;Chkede gwadeni, bai!&#8221;, 29gire ama jaba ulita be chkeni gwade. Kwian ene bai kaire cha gau ulia ama kledu toi gwade nga dba ai giti gire, chagedu no cha &#209;enua takalin kare, kwian ene ulita be toi chui tangle diali cha ole cha &#209;enua ole. Agwa kwian bai kaire me cha gau ulia me chagedu no cha &#209;enua takalin kare, kwian ene ulita be chege sugekare chage cha &#209;enuage chui bdaglige ji chuge chui tangle diali.</div><div class="p"> 30&#8217;Cha me kle age ulita mo talla giti gballa, agwa cha &#209;enua cha kagu, cha &#209;enua kle cha ta gbe age, ulita cha age ama takalin kare, cha me kle age cha takalin kare. Kaire cha &#209;enua kle cha ta gbe kwian ulita agedu giti bai jiske bai me jiske, malen cha gerule trate ulia chema chema jiske. 31Cha alin allabi gballa gerule mau giti kwian ole cha Chube Kirolla, na me kle gerule cha giti cha kle gerule kare, ene cha kle gerule ngwale, kwian mi cha gerua mau giti gai ulia. 32Agwa cha me kle gerule gballa mau giti cha Chube Kirolla, cha &#209;enua Chube gerule kaire cha giti cha ulia ama Kirolla, u&#241;ale chage ama gerule ulia cha giti, suge ulia cha kle gerule kare. 33Juan-Bautista kaire kledu gerule cha giti kwian ole gire ba ulita kwian mneite kagu tienda Juan-Bautistadi geru kade Juan-Bautistage cha giti, Juan-Bautista gerudu ulia trate kwian mneite e ole cha giti. 34Cha me kle kwian onbre gweale kerua manade gerule no cha giti ene chage suge trate cha ulia Chube Kirolla, me ene, u&#241;ale chage cha ulia Chube Kirolla, agwa ba ta kwian gweale kerua keruchugakalin gerule cha giti, malen cha kle gerule ba ole ba tachkedale Juan-Bautista gerudu mine cha giti, ba Juan-Bautista gerua cha giti gai ulia, ene ba tien gitiru ji chugege ba agedu me no gdale. 35Juan-Bautista chagedu gerule cha giti kwian ole, kwian ulita kledu nga jereske kare me geru cha giti u&#241;u, Juan-Bautista chagedu kwian eneske jichra gwadegaba kare gerule no cha giti kwian ole, ene kwian tale sugedu age Juan-Bautista gerule kare. Kwian tanre geru e keruchugu, kaire ba, ba ulitadi nga chegu suga no Juan-Bautista gerudu giti chui bedre alin allabi. 36Cha kle age cha &#209;enua cha gbu age kare lle boi ama alin, me kwian kle age kare ni ta&#241;achuge kare, ene cha kle age giti &#241;age suge kwian ulitage ulia cha &#209;enua cha kagu, e ulita gerule ma trate cha giti Juan-Bautista geruduge cha giti kwian ole. 37-38Ba me cha &#209;enua kerua keruchugaba kaire ba me gwageba amadi, agwa cha &#209;enua gerua jo degaba unsuialin gerule no trate cha giti, ba ulita cha &#209;enua gerua u&#241;e gerule cha giti, geru e me kle ba ulita tale, ba geru batenga alin allabi mo chugale alin, agwa ba me kle cha &#209;enua gerua cha giti gai ulia, kaire ba ulita me ta&#241;achuge ulia cha &#209;enua cha kagu nga dba ai giti ama gerua jo degaba unsuialin gerule kare, ba ulita alin suge me ene. 39Ba ulita kle geru jwen no trate ta gude cha &#209;enua gerua kle degaba giti, ba ulita ta&#241;achuge chada batenga alin ene ta gude lle gweale skwen bage geru kle gerule giti ene ba ulita toi diali chui tangle cha &#209;enua Chube ole. Chada e cha &#209;enua gerua, geru e gerule cha giti, 40geru e gerule cha gai ulia giti alin allabi kwian toi diali chui tangle Chube ole. Cha kle ba ulitaske, agwa ba ulita me ta mo ta gbakalin cha gai ulia ba gbagda toi diali chui tangle.</div><div class="p"> 41&#8217;Kwian gerule no cha giti kwian gerule me no cha giti cha me tallade. 42U&#241;ale chage ba ulita ta mine, ba ulita me kle mo ta dbe no Chube ole. 43Cha chiu cha &#209;enua kalla giti nga dba ai giti ba ulita alin, ba ulita me cha gai ngwange no, ba age cha ole cha kwian ngwale kare. Agwa kwian gweale mau tale mo gbe gerule agali ba ulita ole Chube giti gire ba ulita mo ta gbe no ama ole ba ama gai ngwange no. 44Ba ulita kle ta&#241;achuge ma no age no daba na gwa giti, ene daba gerule no ba giti daba ba gbe kweri mo gwage, ba ulita kle ta&#241;achuge ene, ba me kle ta&#241;achuge Chube giti age Chube takalin kare. Chube gdaitre alin ulia kle, ba age no ama takalin kare ene bdagli ama be gerule no ba agedu no ulita giti. Agwa ba ulita me kle ta&#241;achuge no, malen ba me &#241;age cha gai ulia. 45Ba me ta&#241;achugadale chadige cha be gerule cha &#209;enua ole ba ulita giti ba me cha gau ulia malen ba jiske. Cha mi gerule ene ba giti ba gbe jiske, agwa Mois&#233;s chadalla degaba be ba gbe jiske cha &#209;enuage, ba ulita kle gerule ba Mois&#233;s gerua gai ulia, ba ta&#241;achuge geru e alin giti ba &#241;age toi diali chui tangle Chube ole. 46-47Ba ulita kle gerule ene ba kle gerule ngwale mo kate alin, ba tale ba me kle mo ta gbe ulia Mois&#233;s gerua gai ulia, malen ba me &#241;age cha gerua gai ulia cha kle gerule kare. Mois&#233;s gerua gerule trate cha giti, ulia ba Mois&#233;s gerua gai ulia ene kaire ba cha gerua gai ulia, agwa ba me ta cha gerua gakalin &#8212;Jesu gerudu ene ulita kwian israelita ulita ole.</div>
 </div>
 </div>
</div>

Jesu kirogwa oga dodadu ene nga Galileage, chui jo tangle gire kwian israelita chui ollade una Jerusalénge chku, Jesu jo una Jerusalénge chui ollade. Gere una Jerusaléndi tangle, gereka gdaite kada Oveja Ugakalla, ugaka ege kodi chi tan kle, kwian israelita kwirale chi tan e kada Betzata, chi tan e kagda giti u soli gbatiga kle. U soli e ulitage gwa kwian oga tanre kle manade, kwian me ten, kwian me ña chage, kwian kwenga, kwian ene ulita kle chi onngenga manade ngwange. Chui sbali sbali lle boanga Chube alin nga ngaña giti kle chke chi tan kle ngwadi chi gbe onngenga, chi kle onngenga kwian oga bai kaire joge chke ngeru chiske joge chke noni chi onngengadi. Oga ngleaske onbre oga gdaite kle, chura ngle treinta y ocho ama kledu oga. Jesu gwagedu amadi gbeba dba, Jesu tale uñadu oga e manadu sbali sbali eni ngwale, Jesu gerudu ama ole:
—¿Ba takalin joge chkeni noni?
Onbre oga jaindunga Jesu kalen:
—Ima, agwa cha alin cha chudaboanga me cha gbale chiske chi kle onngenga gire, chi kle onngenga cha me kle ñage joge chke blike chiske, llagire kwian na kle ñage joge chke cha ngeru chiske, ene kwian e joge chkeni agwa cha me dale.
Jesu gerudu ama ole:
—Chke bduge, chkede gdate, gbengwa blinga, chagede gbengwa ole.
Jesu gerudu ene onbre oga ole gire sugeti onbre oga jo chkeni noni trate me oga. Ama mo gbengwalla gau, du, chagedu mo gbengwalla ole.
Jesu kwian e dodadu kwian israelita undege chuiage. Kwian israelita ulita gwagedu onbre jo chkeni nonidige chage gbengwa ole, kwian israelita gerudu onbre jo chkeni noni ole:
—Nege che undege chuia, ba me ñage chage mo gbengwalla dbe chui aige.
Onbre jo chkeni noni jaindunga:
—Onbre cha jingmea dodadu, ama gerudu cha ole: “Gbengwa blinga, chagede gbengwa ole.”
Kwian israelita geru kadu amage:
—¿Chema gerudu ba ole: “Gbengwa blinga, chagede gbengwa ole”?
Kwian onbre dodadrege me uñadu chema ama dodadu, ama me ñadu Jesu kaite kwian geru kaduge, kwian tanre kledu, Jesu jonga ama gwage kwianske. Bigwa Jesu tendu kwian Jesu nu dodaba ngwange u gerungwa Chube olege, Jesu gerudu ama ole:
—Ba cha keruchuge, nege ba jo chkeni noni ba me oga, ba mo ta gbadale me age me no ba agedu nge kare. Ba me mo tallade ba be boi nabitaite ma tirare age naskuni e kare giti.
Chku uñale onbrege Jesu ama dodadu gire onbre e jo gerule kwian israelita ole:
—Kwian onbre cha dodadu, ama kada Jesu.
Jesu kwian oga dodadu undege chuiage gdale kwian israelita ulita skochiu tanre Jesudi, e giti kwian israelita mo ta gbu age me no Jesu dollale chage Jesu nate gwaleda. Jesu gerudu kwian israelita ole:
—Cha Ñenua Chube kle lle no boi kwian alin chui ulitage kaire undege chuiage, cha age cha Ñenua kle age kare.
Jesu gerudu ene giti gdale kwian israelita ulita mo ta gbu ma kiraske chage Jesu nate gwaleda, kwian israelita gwage Jesu me kle chada kle degaba undege chuia giti gbe gdadi, kaire Jesu kle mo gbe salengwli Chube kare Jesu kle gerule ama Ñenuanu Chube, e kwian israelita alin Jesu kle gerule me no me no.
Jesu gerudu kwian israelita ulita ole:
—Cha gerule ulia ulia ba ulita ole, cha Chube Kirolla me kle age gballa mo talla giti, cha kle age ulita cha Ñenua cha ta gbe age kare, cha Ñenua kle age ulita cha gwa giti, cha age ulita ama kle age kare. Cha Ñenua no no cha ole, cha ama Kirolla, ama kle lle no boi cha gwa giti, ene cha kle lle no ene kare boi kaire kwian gwa giti. Cha Ñenua be lle ma no ma kweri boi cha gwa giti, ene kaire cha be lle ma no boi ba ulita gwa giti cha agedu ngeruge, ba ulita be chege tañachuge tanre e giti. Cha Ñenua kwian jaba gbeni gwade, ene kaire cha kwian jaba gbeni gwade kwian jaba bai kaire cha ta gbakalin gwadeni kare, kaire cha Ñenua, cha kwian gbe toi diali chui tangle cha ole cha Ñenua ole. Cha Ñenua agali mi kwian gdaite gbe jiske age me no gdale, agwa cha Ñenua cha gbu gerule kwian ulita giti bai jiske bai me jiske agedu giti. Cha Ñenua cha gbu age ene, malen kwian ulita cha gadale dage no kwian kle cha Ñenua gai dage no kare, cha Ñenua cha kagu nga dba ai giti, kwian me cha gai dage no kwian me kle cha Ñenua gai dage no kaire. Ulia ulia cha gerule ulita no trate geru ai cha kle gerule giti, kwian bai kaire geru ai gbe gdadi cha kle gerule kare, kwian bai kaire cha Ñenua cha kaganga gai ulia, kwian ene ulita be toi chui tangle diali cha ole cha Ñenua ole, kwian ene ulita mi joge ji chuge daga ngwale ngwadi sugekare chage ni cha Ñenuage, e salengwli kwian jogebada jaba chkeni gwade kare. Cha gerule ulia ba ulita ole, kwian bai kaire me Chube uñe kle toi sugekare Chubege, kwian ene ulita salengwli kwian jogebada kare, chui be chke, kaire chui kle nege gire kwian ene be cha kerua keruchuge, cha Chube Kirolla be kwian tke tangle cha Ñenua giti, kwian ulita bai kaire cha kerua gai ulia ama be toi chui tangle diali cha Ñenua ole cha ole. Cha Ñenua ta gwade agali molen malen ama kwian gbanga gwade, ene kaire cha ama Kirolla ama cha gbu ta gwade mauña, cha ñage age cha Ñenua age ulita kare, cha ñage kwian jogebada jaba gbeni gwade, kaire kwian me Chube uñe kle chage jogebada kare cha ñage kwian ene ta blite Chube ole, ene kwian toi chui tangle diali cha ole cha Ñenua ole. Kaire cha Ñenua cha gbu gerule kwian ulita giti bai jiske bai me jiske agedu giti, cha Chube Kirolla chku nga dba ai giti kwian kare, cha ulia kwian, suge chage ulita kwian tañachuge mine, malen chui bdaglige cha be ñage gerule kwian ulita giti chema chema jiske. Ba ulita me kledale alenske cha kle gerule giti, chui be chke, chui ege gire cha be gerule jaba dbia ulita ole, kwian jogebada oña ulita be cha keruchuge gerule: “¡Chkede gwadeni, bai!”, gire ama jaba ulita be chkeni gwade. Kwian ene bai kaire cha gau ulia ama kledu toi gwade nga dba ai giti gire, chagedu no cha Ñenua takalin kare, kwian ene ulita be toi chui tangle diali cha ole cha Ñenua ole. Agwa kwian bai kaire me cha gau ulia me chagedu no cha Ñenua takalin kare, kwian ene ulita be chege sugekare chage cha Ñenuage chui bdaglige ji chuge chui tangle diali.
’Cha me kle age ulita mo talla giti gballa, agwa cha Ñenua cha kagu, cha Ñenua kle cha ta gbe age, ulita cha age ama takalin kare, cha me kle age cha takalin kare. Kaire cha Ñenua kle cha ta gbe kwian ulita agedu giti bai jiske bai me jiske, malen cha gerule trate ulia chema chema jiske. Cha alin allabi gballa gerule mau giti kwian ole cha Chube Kirolla, na me kle gerule cha giti cha kle gerule kare, ene cha kle gerule ngwale, kwian mi cha gerua mau giti gai ulia. Agwa cha me kle gerule gballa mau giti cha Chube Kirolla, cha Ñenua Chube gerule kaire cha giti cha ulia ama Kirolla, uñale chage ama gerule ulia cha giti, suge ulia cha kle gerule kare. Juan-Bautista kaire kledu gerule cha giti kwian ole gire ba ulita kwian mneite kagu tienda Juan-Bautistadi geru kade Juan-Bautistage cha giti, Juan-Bautista gerudu ulia trate kwian mneite e ole cha giti. Cha me kle kwian onbre gweale kerua manade gerule no cha giti ene chage suge trate cha ulia Chube Kirolla, me ene, uñale chage cha ulia Chube Kirolla, agwa ba ta kwian gweale kerua keruchugakalin gerule cha giti, malen cha kle gerule ba ole ba tachkedale Juan-Bautista gerudu mine cha giti, ba Juan-Bautista gerua cha giti gai ulia, ene ba tien gitiru ji chugege ba agedu me no gdale. Juan-Bautista chagedu gerule cha giti kwian ole, kwian ulita kledu nga jereske kare me geru cha giti uñu, Juan-Bautista chagedu kwian eneske jichra gwadegaba kare gerule no cha giti kwian ole, ene kwian tale sugedu age Juan-Bautista gerule kare. Kwian tanre geru e keruchugu, kaire ba, ba ulitadi nga chegu suga no Juan-Bautista gerudu giti chui bedre alin allabi. Cha kle age cha Ñenua cha gbu age kare lle boi ama alin, me kwian kle age kare ni tañachuge kare, ene cha kle age giti ñage suge kwian ulitage ulia cha Ñenua cha kagu, e ulita gerule ma trate cha giti Juan-Bautista geruduge cha giti kwian ole. Ba me cha Ñenua kerua keruchugaba kaire ba me gwageba amadi, agwa cha Ñenua gerua jo degaba unsuialin gerule no trate cha giti, ba ulita cha Ñenua gerua uñe gerule cha giti, geru e me kle ba ulita tale, ba geru batenga alin allabi mo chugale alin, agwa ba me kle cha Ñenua gerua cha giti gai ulia, kaire ba ulita me tañachuge ulia cha Ñenua cha kagu nga dba ai giti ama gerua jo degaba unsuialin gerule kare, ba ulita alin suge me ene. Ba ulita kle geru jwen no trate ta gude cha Ñenua gerua kle degaba giti, ba ulita tañachuge chada batenga alin ene ta gude lle gweale skwen bage geru kle gerule giti ene ba ulita toi diali chui tangle cha Ñenua Chube ole. Chada e cha Ñenua gerua, geru e gerule cha giti, geru e gerule cha gai ulia giti alin allabi kwian toi diali chui tangle Chube ole. Cha kle ba ulitaske, agwa ba ulita me ta mo ta gbakalin cha gai ulia ba gbagda toi diali chui tangle.
’Kwian gerule no cha giti kwian gerule me no cha giti cha me tallade. Uñale chage ba ulita ta mine, ba ulita me kle mo ta dbe no Chube ole. Cha chiu cha Ñenua kalla giti nga dba ai giti ba ulita alin, ba ulita me cha gai ngwange no, ba age cha ole cha kwian ngwale kare. Agwa kwian gweale mau tale mo gbe gerule agali ba ulita ole Chube giti gire ba ulita mo ta gbe no ama ole ba ama gai ngwange no. Ba ulita kle tañachuge ma no age no daba na gwa giti, ene daba gerule no ba giti daba ba gbe kweri mo gwage, ba ulita kle tañachuge ene, ba me kle tañachuge Chube giti age Chube takalin kare. Chube gdaitre alin ulia kle, ba age no ama takalin kare ene bdagli ama be gerule no ba agedu no ulita giti. Agwa ba ulita me kle tañachuge no, malen ba me ñage cha gai ulia. Ba me tañachugadale chadige cha be gerule cha Ñenua ole ba ulita giti ba me cha gau ulia malen ba jiske. Cha mi gerule ene ba giti ba gbe jiske, agwa Moisés chadalla degaba be ba gbe jiske cha Ñenuage, ba ulita kle gerule ba Moisés gerua gai ulia, ba tañachuge geru e alin giti ba ñage toi diali chui tangle Chube ole. Ba ulita kle gerule ene ba kle gerule ngwale mo kate alin, ba tale ba me kle mo ta gbe ulia Moisés gerua gai ulia, malen ba me ñage cha gerua gai ulia cha kle gerule kare. Moisés gerua gerule trate cha giti, ulia ba Moisés gerua gai ulia ene kaire ba cha gerua gai ulia, agwa ba me ta cha gerua gakalin —Jesu gerudu ene ulita kwian israelita ulita ole.

Klausīties Juan 5