Populāri Bībeles panti no Jon 1

Dalīties

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

Aana aehotalana walu ola na walumalau haꞌike ue, a mei Wala e pwani iiꞌo oto, na a mei Wala ngeena oto i saana God, na a mei Wala ngeena ingeie tohungei God oto noꞌone.

A Raa-raa ngeena ko raa i laona rodohono, na rodohono e kaꞌa aꞌailaꞌa ike liutaa aana hunie ke mwaꞌasie.

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Haꞌaholalana taꞌena nga ola e si lae noꞌone mola aana. Nga taꞌa-taꞌa mei ola nge haꞌaholalana e lae, e kaꞌa lae ike aahoꞌa aana. A mei Wala ngeena oto aahuꞌine maurihe, na maurihe ngeena oto raa-raa hunie mo iinoni aana walumalau.

Oto hai dinge loꞌu mola i purine, a Jon e leesie a Jisas ko lae mai saana, oto ko si teꞌuri, “!Lio kaꞌu! A mwane ngeena, ingeie oto Kalei Sipu a God, aena aana ingeie ni ko taꞌaasie oorahaꞌaa aana walumalau.

A mei Wala ngeena e lae oto mai i laona walumalau, na haꞌaholalana walumalau e lae taane oto aana, taꞌe walumalau e kaꞌa manataꞌinie ike. Maꞌalana tohungana mwala ingeie mo Jiu, taꞌe kire kaꞌa takuhie ike.

A Jon e unue uri a tohungei Raa-raa ko lae oto mai laona walumalau, na ingeie oto kei raangie ahutana iinoni i laona walumalau.

Aana waite a God e niie mo Haꞌatolanga hunie a Mosis hunie ke heꞌi niiꞌi loꞌu hunie mwala, taꞌe a Jisas Kraes maraana ko niie mai manata-diananga na walaimolinge hunikie.