Populāri Bībeles panti no Markus Uram 5

Dalīties

Ato ebmou ba, Er Yesus biryi a ner asi, “Ni nebnyi, kanci Nisi diboka tenebmanirim ati, Niryi kansi sirya kwetebmakin. Iya kwetebmakin ati, kan kanya kilkil kubkiribok, kan ai ur birum,” ebmou.

A banmai nang kankan ara bunga ining yibarmururamwe ner tentok milirbinmou. A ner malyi ai ining yibarmururamwe talak ara kwalina amolbaryi kwaliamnyi. A ner aryi ninyi kweten nang ilinto asi, “Kwetebnurum,” eboka bobaramuryi er taruk dam kuamwe bona nirya kwetena kira ilinto ati kareboka dengloramwe. Ato kuramwe bok, er malyi ai ining kum danana kum kuramwe, erda tabakoka ining yibarmururamwe. A deyok aryi, a ner mambul weik dororamwe.

Ato kuboka talebdenmou uca, er malyi ai ining yibarmururamwe ara kum danmou. Ba, er u yiramwe dinyi sirya kwetebmou asi bikdanmou.

Binmai ura, Erci a dibmou nebnyi taruk asi talebdongoboka a nebnyi asi, “Talita kum,” ebmou. Ara, nun uram deib ara, “Ni nebnyi, bukokminci, tikokdum,” ebmou.

Er Yesus biryi a ner ab tonkwa uram tuba sisingmarei ura, Yairus bira er Musa Uram eteren ai kalingnamunyi bira dibde tikmou. Dibde tikmou asi er ai ninyi ton yanmaici, ato ebmai. A nang ara Yairus ai aryi kuboka yanmai ura, Yairus bisi ato ebmai, “Nai, kan nebnyi sirya dibmar. Ati, kanci nun nai eteresinanyi bisi, ‘Ni nebnyi kwetebnurum,’ ena takdum,” ebmai. Asi, Er Yesus biryi kekebmouci, a nang enmai uram siklibkweteboka Yairus bisi ato ebmou. “Ni kwit e, kan mambul kanya bona kum. Nira mikibnyi kunun ati, Niryi kan nebnyi asi teleb kubdeibkun. Ati, kanci Nisi dib tenebnurum,” ebmou.

Ikdongobmou ba, Er Yesus biryi anyi wekamwe isa asi, “Isa, kan anyi umbura dam aryi anaboka bindobdum,” eboka yakdonokmou. Ba, isa aryi ngolok-ngolok eboka uram weik dobmouci, Er Yesus bisi ato ebmai. “Kanda una kubkwansirim ati, yanmarim do? Yesus, Kanda Er Imtamnyi Mi, Er Iya Mikibnyi Mi kurum. Kanci nunsi obsiminyei. Kanci Er Imtamnyi si deib aryi, ‘Niryi sunsi kum obkwinsin,’ ebsurum,” ebmai. Ato eboka molobmai ba, Yesus biryi isa wekamunyi bisi, “Ni mi, kan si ara unanyi da?” eboka asibdenmou ba, anyi bira ato ebmou. “Nira isa ilinto seribu baryi kunun ati, ni si ara Legion,” ebdanmou.