Populāri Bībeles panti no Ore i mexü̃ ga Cuáü̃ ümatüxü̃ 1

Dalīties

Natürü guxema nayauxgüxe rü nüxü̃́ yaxõgüxe rü tüxü̃ nade nax Tupanaxacügü tixĩgüxü̃.

Naxü̃pa ga guxü̃ma, rü marü nayexma ga Tupana Nane. Rü Tupanamaxã nayexma rü woetama Tupana nixĩ ga nümax. Nüma rü Tupanaarü Ore nixĩ i naéga.

Rü ngẽma omü rü ẽanexü̃wa inabaxi rü ngẽma ẽanexü̃ rü taxuacüma nayaxoxẽxẽ.

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Rü Tupana rü Nanemaxã nixĩ ga naxüxü̃ ga guxü̃ma. Rü nataxuma i ta̱xacü i ngẽxmaxü̃ i tama namaxã üxü̃. Rü Nane nixĩ i namaxẽxẽẽãxü̃ i guxü̃ma i ñu̱xma maxẽxü̃. Rü ngẽma norü maxü̃ rü omü i duü̃xü̃güca̱x nangóonexẽẽxü̃ nixĩ.

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Rü nüma ga gumá Nane ga Tupanaarü Oregu ãégacü rü ñoma ga naanewa nayexma. Rü woo Nanatü ya Tupana rü namaxã nanaxü ga ñoma ga naane, natürü ñoma ga naanecüã̱x ga duü̃xü̃gü rü tama nüxü̃ nacua̱xgü nax texé yixĩxü̃. Nua noxrütama naanewa nangu, natürü norü duü̃xü̃gü ga Iraétanüxü̃ rü tama nanayauxgü.

Rü ñoma ga naanewa nangu ya Tupana Nane ya omü ixĩcü ya guxü̃ma i duü̃xü̃güca̱x nangóonexẽẽcü.

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.