Populāri Bībeles panti no Matye 6

Dalīties

Toombaanu cin'tetë Lwaangu lu Nzaambi i n'sulumunwaandi, i naandi wuluvaanë byakë byooso lunduu.

Nuyivaanjyaanu lusweenu ko mu cilumbu cin'landëkënë. Licyelikë, cilumbu cilandëkënë cin'siilë lusweenu mu naveekë. Cyosuku cilumbu ke syaandi simpasi. »

« Bwaawu yilukambilë : Nubacyaanu lusweenu ko mu cibilë ci luziingu lwiinu, kaambofo, mu ndiiwu, vo mu binë lun'wa, keti mu binë lun'vwaatë. Luziingu lusë beenë n'ciinzë ko i ndiiwu i nyitu yisë beenë n'ciinzë ko i n'vwaatu, kanuku bwaawu kwe?

Njeeyi, ningë wake n'sambilë kotë ku kwalutwaaku, zibikë livitu i sambilë Tataaku wuke foofo ku mësweeci. Tataaku, wum'monë linë livangënë ku mësweeci, wukubalilë. »

Oboobo, talaanu bunë lufwenikini kusambilë : “Tatiitu nje ke ku mëyilu, Lizinë lyaaku lye ba saantu, Lwaangu lwaaku lwiisë. N'vwiilwaaku wuvaangënë fësi dedë mweekë ku yilu

Tuvaani buyifanwabu ndiiwu yi kadë cilumbu.

Tulenvukili mësumu miitu bo tun'lenvukilaangë banë bëtuvaangaangë simbi.

Wutukosi ko mu luseengu, kasi tulanduli mu M'bi.”

Ningë licyelikë lubëlenvukilë baatu mëbi maawu, Tatiinu wuke ku mëyilu wululenvukilë yivaandi.

Talaanu sinuni si yilu : syaawu si kusë n'kunaangë ko, si kusë n'velaangë ko, si kusë kucikaangë mu sintalë ko, kasi Tatiinu ku yilu wusilikilaangë! Abu beeno lusye vyokilë bukaalu yi syaawu kwe?

« Nukucikaanu ko businë fë moongo bu n'toto, fanë singaambu i fuluusu bën'seci, kaambofo bikuusu bën'lusë sisabi mu kwiibë. Kucikaanu businë ku yilu, fanë fëkaambusu singaambu keti fuluusu bën'seci, keti bikuusu mu kuluusë sisabi i kwiibë. Licyelikë, fanë fëke businë bwaaku, faawu fëke yivaandi n'timaaku. »

« Muutu ve wum'podi kusalilë fumu wali : kaambofo naandi wun'leendë wumweekë i wun'zolë wum'mesë. Kaambofo wun'kangëmë ke wumweekë i wum'baayi wum'mesë. Beeno kupodi ve kusalilë Nzaambi i Mamon. »

Ningë citeekë ci siitu cikë bubwayi aci i mbasi-menë bacilakë ku mbaasu : oboobo naandi wusë luvwikilë ko mu mpilë mpwikulu oyo benuveekë? Bo civuufu ciinu mu naandi cidekë!

Kasi bunë kooko kwaaku ku mëbakëlë kun'vaanë cin'viipë ke ciyeembi, kookwaaku ku mëcyeetu sye fwanëkënë ko kulizaabë. Bwaawu, bufwenikini likabu be lyooli kuvangëninë ku mësweeci. Nzaambi, Tataaku, wunë wum'monë linë wun'vaangë ku mësweeci, wukubalilë. »

« Keelaanu lulëvaangë bipali mu n'sulumunu fë ntwaalë baatu, bwiinji bëlumonë. Ningë boobo beeno lusë n'tambulë ko ndobu yi Tatiinu wuke ku mëyilu.

« Bunë lun'kaangë n'sweelë, keelaanu lulë ba dedë mweekë bimpilë-mpiipi : baawu bën'futikinyaangë binyi mu kuleesi ke baatu ti bakaangë n'sweelë. Licyelikë yilukaambë : baawu bayibakilë n'futwaawu. Kasi njeeyi, bunë wun'kaangë n'sweelë, mwamunë yaafë ku n'tu i sukulë ciinyi cyaaku, mu kumaangë kuleesi ke baatu ti wakaangë n'sweelë. Kasi wo Tataaku wuke ku mësweeci, wulizabisi. I Tataaku, wum'monaangë linë wun'vaangë ku mësweeci, wukuvaanë ndobwaaku. »